DAVOLASH ISHI FAKULTETI

SHOSHILINCH!
O‘zbekiston Respublikasi
So‘g‘liqni saqlash vazirligi
huzuridagi tizim tashkilotlariga
Vazirlikka Investitsiyalar, sanoat va savdo vazirligidan kelgan xatda,
Koreya xalqaro hamkorlik agentligi (KOICA) bosh qarorgohi tomonidan Koreya
universitetlari bilan hamkorlikda uzoq yillik
magistrlik hamda Phd o‘quv
dasturlari tashkil etilayotganligi ma’lum qilingan.
Shu munosabat bilan, joriy yilning 6-iyul kuniga qadar mazkur o‘quv
dasturlarida ishtirok etish istagida bo‘lgan salohiyatli va xorij tomonidan
belgilangan barcha talablarga mos nomzodlarni tavsiya qilishingiz hamda ular
tomonidan tegishli hujjatlar o‘rnatilgan tartibda to‘ldirilishini ta’minlab,
Vazirlikka kiritishingiz so‘raladi.
O‘quv dasturlari haqidagi batafsil ma’lumotlar ilova qilinmoqda.

30 iyun “Yoshlar kuni” munosabati bilan “Yangi O‘zbekistonni yoshlar quradi” shiori ostida Payshanba Yoshlar kuni doirasida Davolash fakultetida talabalar o‘rtasida kitobxonlik madaniyatini rivojlantirish va mutolaaga bo‘lgan qiziqishni oshirish maqsadida “Kitob almashish aksiyasi” tashkil etildi.
Aksiya davomida talabalar o‘zlari o‘qigan foydali kitoblarni tengdoshlari bilan almashib, asarlar yuzasidan fikr-mulohazalar bildirdilar. Mazkur tashabbus yoshlarning bilim doirasini kengaytirish, ilmiy va badiiy adabiyotlarga qiziqishini kuchaytirish hamda o‘zaro ma’naviy muloqot muhitini shakllantirishga zamin yaratadi.
Ushbu aksiya bo‘lajak shifokorlarning kitobga mehrini oshirish, mustaqil fikrlashini rivojlantirish va doimiy ilmiy izlanishga undashda muhim ahamiyat kasb etdi.

Tibbiy kitobxonlik va mutolaa kuni munosabati bilan Davolash ishi fakulteti talabalari ishtirokida “Milliy qadriyatlar hamda tibbiy kitobxonlik va ilmiy mutolaa” mavzusida ma’naviy-ma’rifiy tadbir o‘tkazildi.
Tadbirning asosiy maqsadi talabalarda tibbiy adabiyotlarga qiziqishni oshirish, ilmiy mutolaa madaniyatini shakllantirish hamda milliy qadriyatlar asosida kasbiy va ma’naviy tarbiyani mustahkamlashdan iborat bo‘ldi.
Tadbir davomida bo‘lajak shifokorlar uchun kitobxonlik, ilmiy manbalar bilan ishlash, klinik fikrlash va kasbiy mas’uliyatning ahamiyati haqida fikr yuritildi.
Shuningdek, Milliy qadriyatlar, xususan, insonparvarlik, mehr-oqibat, halollik va bemorga mas’uliyat bilan yondashish shifokorlik kasbining muhim mezonlari sifatida e’tirof etildi.
Mazkur tadbir talabalarning ilmiy dunyoqarashini kengaytirish, mutolaa madaniyatini rivojlantirish va kasbiy-ma’naviy tayyorgarligini oshirishga zamin yaratadi
P.S. Davolash ishi fakulteti.

Hurmatli Davolash ishi fakulteti talabalari, Aziz ota-onalar, qadrli hamkasblar!
Sizlarni 2026-yil 25-iyun kuni soat 18:00 da bo‘lib o‘tadigan 2026-yil Bitiruvchilarining tantanali bitiruv tadbiriga taklif etamiz.
📌
Tadbir manzili: Farg‘ona Eko shahar Amfiteatri.
📍
Lokatsiya
https://maps.app.goo.gl/5aRewrn1h6Fr5JV16

Farg‘ona jamoat salomatligi tibbiyot institutining 2026-yil 13-apreldagi 221-I-05-sonli buyrug‘i ijrosini ta’minlash maqsadida Davolash ishi fakultetida iyun oyi davomida “Kurs qo‘mitasi” faoliyati doirasida tizimli ishlar olib borildi.
Tadbirlar sog‘lom ijtimoiy-ma’naviy muhitni mustahkamlash, talabalarning ta’lim jarayonidagi ishtiroki, davomati, akademik qarzdorligi, kontrakt to‘lovlari va mavjud muammolarini o‘rganishga qaratild

“Men – Yangi O‘zbekiston bunyodkoriman” shiori ostida Davolash ishi talabalari o‘rtasida videoroliklar tanlovi e’lon qilinadi! Nominatsiyalar:
😄
1.“Kelajak shifokori — xalq xizmatida”
Shior:
“Mening bilimim — xalq salomatligi uchun!”
😄
2.“Sog‘lom jamiyat — Yangi O‘zbekiston poydevori”
Shior:
“Sog‘lom yoshlar — kuchli kelajak!”
😄
3.“Innovatsion talaba — zamonaviy tibbiyot sari”
Shior:
“Zamonaviy bilim — zamonaviy tibbiyot kafolati!”
Tanlovda talabalar amaliyot jarayoni, bemorlar bilan muloqot, sog‘lom turmush tarzi targ‘iboti hamda zamonaviy tibbiyot texnologiyalari aks etgan qisqa videoroliklar bilan ishtirok etishlari mumkin.
Ijodkor, tashabbuskor va faol talabalarni tanlovda ishtirok etishga chorlaymiz!
Videoroliklarni
❗️
Men – Yangi O‘zbekiston bunyodkoriman
guruhiga yuboring
.
O‘z tashabbuskorligi va ideal  videorolik kontentlari bilan g‘olib bo‘lgan talabalarga Yangi o‘quv yili boshida, talabalar davrasida Fakultetning esdalik sovg‘alari hamda  Euroformatdagi maxsus sertifikatlari bilan mukofotlanadilar.

Farg‘ona jamoat salomatligi tibbiyot instituti Davolash ishi fakulteti mas’ullari tomonidan Farg‘ona shahar Guliston MFY mas’ullari bilan hamkorlikda Quvasoy ko‘chasida joylashgan “Jannatmozor” qabristonida hashar tadbiri tashkil etildi.
Mazkur xayrli tashabbus davomida Yoshlar ongini milliy qadriyat ruhida tarbiyalash, ularda Vatanga bolgan muhabbatni uygotish, Mahalla va Oliy talim hamkorligi, hududni obodonlashtirish, atrof-muhitni tozalash hamda tartibga keltirish ishlari amalga oshirildi. Fakultet mas’ullari va mahalla faollari birgalikda jamoaviy hamjihatlik namunasini ko‘rsatib, ezgu ishlarda faol ishtirok etdilar.
Hashar jarayonida qabriston hududi begona o‘tlardan tozalanib, obodonlashtirish ishlari olib borildi. Tadbir yakunida mahalla nuroniylari tomonidan yoshlarning bunday savobli ishlardagi faolligi alohida e’tirof etilib, ularga samimiy duolar bildirildi.
Bu kabi ezgu amallar jamiyatda mehr-oqibat, birdamlik va insoniy qadriyatlarni mustahkamlashga xizmat qilishi bilan ahamiyatlidir.

Davolash ishi fakulteti tomonidan, Talaba-yoshlarning ma’naviy dunyoqarashini boyitish, ularni vatanparvarlik ruhida tarbiyalash, ijtimoiy faolligini oshirish hamda sog‘lom turmush tarzini keng targ‘ib etish maqsadida talabalar turar joyida ma’naviy-ma’rifiy uchrashuv tashkil etildi.
Yoshlar bilan yaqindan muloqot o‘tkazilib, Yozgi ta’tilda ularning bo‘sh vaqtini mazmunli tashkil etish, axborot xurujlari va turli salbiy ta’sirlardan himoyalanish, internet va ijtimoiy tarmoqlardan oqilona foydalanish, tartib-intizom hamda odob-axloq qoidalariga rioya qilish masalalari muhokama qilindi.
Shuningdek, talabalarga yotoqxona ichki tartib-qoidalariga amal qilish, o‘zaro hurmat va hamjihatlik muhitini mustahkamlash, bilim olishga mas’uliyat bilan yondashish hamda jamiyatda faol va tashabbuskor yoshlar safida bo‘lish yuzasidan tavsiyalar berildi.
Mazkur uchrashuv talaba-yoshlarning ma’naviy-ma’rifiy saviyasini oshirish, ularni sog‘lom fikrlashga undash va ijobiy hayotiy qarashlarini shakllantirishga xizmat qiladi.

Talaba-yoshlar o‘rtasida sog‘lom turmush tarzini keng targ‘ib etish, ularni sportga jalb qilish, jismoniy faolligini oshirish hamda vatanparvarlik ruhida tarbiyalash maqsadida
“Sportchi — yurt himoyachisi!” shiori ostida sport oyligi tashkil etildi.
Sport oyligida Davolash ishi fakulteti talabalari faol ishtirok etdilar.
Tadbir davomida talabalar turli sport musobaqalari va jamoaviy bellashuvlarda o‘z mahoratlarini namoyon etib, sog‘lom raqobat, birdamlik va jamoaviylik ruhini ko‘rsatdilar.
Ushbu sport oyligi talabalar orasida sportga bo‘lgan qiziqishni oshirish, sog‘lom turmush tarzini shakllantirish hamda yoshlarni jismonan baquvvat va ma’nan yetuk etib tarbiyalashga zamin yaratadi.

“Eko faol yoshlar” loyihasi doirasida yakuniy taqdirlash tadbiri o‘tkazildi.
Institut talaba-yoshlari o‘rtasida ekologik madaniyatni shakllantirish, atrof-muhitni asrashga mas’uliyatli munosabatni kuchaytirish hamda yashil tashabbuslarni qo‘llab-quvvatlash maqsadida “Eko faol yoshlar” loyihasi doirasida yakuniy taqdirlash tadbiri tashkil etildi.
Tadbirda,Davolash ishi fakultetining Eko guruh a’zolari hamda loyiha davomida faol ishtirok etgan eko faol talabalar taqdirlandilar.
Loyiha davomida talabalar ko‘chat ekish, hududlarni obodonlashtirish, ekologik targ‘ibot ishlarini olib borish, atrof-muhitni muhofaza qilish hamda yoshlar orasida ekologik madaniyatni keng targ‘ib etishda faol ishtirok etdilar.
Yakuniy tadbir Institut “Ijtimoiy fanlar kafedrasi” hamkorligida olib borilib faol va tashabbuskor talabalar munosib e’tirof etilib, ularga institutning tashakkurnoma hamda esdalik sovg‘alari topshirildi.