Doniyor Nasriddinov
Pivo festivali haqida jiddiy ogohlantiruvchi post bo'libdi!
Yuridik koma yoxud Qonunning raqsi: Poytaxtdagi festival tizimni qanday kalaka qilmoqda?
Toshkent markazida ketma-ket to‘rt marta o‘tkazilgan "Pivo festivallari" atrofidagi shov-shuvlarni hammamiz ko'rdik. Qiziq bir paradoks yuz bermoqda: davlat qonunlari ochiqchasiga tanaffusga chiqib, yirik kapital o‘zining qoidalarini yozmoqda.
Qanday qilib? Avval qonunchilikka qaraymiz:
1. "Reklama to‘g‘risida"gi qonun (38-modda):
Alkogol mahsulotlarini reklama qilish, tekin tarqatish, alkogol brendlari nomidan ommaviy tadbirlarga homiylik qilish qat'iyan taqiqlanadi.
2. Ma'muriy javobgarlik to‘g‘risidagi kodeks (187-modda):
Ish joylarida, ko‘chalarda, stadionlarda, xiyobonlarda, istirohat bog‘larida va boshqa jamoat joylarida alkogol mahsulotini iste’mol qilish taqiqlanadi.
Qoidalar aniq belgilab qo`yilgan. Lekin poytaxtning qoq markazida, davlat idoralarining bevosita ruxsati va qo`llovi bilan bu moddalar qanday qilib ketma-ket to‘rt marta aylanib o‘tildi?
1-zarba: Siyosiy zondaj (2025-yil iyun). Tashkilotchilar poytaxtda ochiq "Pivo festivali" uyushtirdi. Ommaviy degustatsiya, yutuqli o‘yinlar va brending ishladi. Siyosatchilar orasidan faqatgina "Milliy tiklanish" partiyasi raisi o‘rinbosari Firuza Muxamedjanova bunga e`tiroz bildirdi, bu loyihani "milliy an'analarga tupurish" deb atadi. U jamiyat bitta daraxt uchun oyoqqa turishini, lekin o'zligini yo'qotayotgan festivalda jim qarab turganini ochiq tanqid qildi. Boshqalar esa kar va ko`r.
2-zarba: Qadoqdagi nayrang (2025-yil avgust). Qonunni chalg‘itish uchun loyihani "Mangal Fest" deb nomlashdi. Taras Shevchenko ko‘chasida 50 ming odam yig‘ildi. Go‘sht shunchaki rekvizit bo‘lib, 20 ta pivo stendi (Carlsberg, Guinness, Qibray) ochiqchasiga daryo bo‘lib oqdi.
3-zarba: Xaosning normallashuvi (2025-yil oktyabr). Kuzda xuddi shu ssenariy uchinchi bor takrorlandi. Pivo daryosi, "ochiq raqslar", ijtimoiy tarmoqlardagi daxshatli nafrat. MJtKning 187-moddasi shahar hokimiyati ruxsatnomasi va PRi oldida taslim bo‘ldi.
4-zarba va Klimaks: Qonunning raqsi (2026-yil iyun). To‘rtinchi bor o‘tkazilgan tadbirda hudud odamga shunchalik to'ldiki, tarmoqlarda "havo ham navbatda turibdi" degan gaplar tarqaldi. Jamoat joyida alkogol ochiq sotilmoqda, qonun buzilmoqda. Xo'sh, shu tartibsizlikni nazorat qilishi, 187-modda ijrosini ta'minlashi kerak bo‘lgan huquq-tartibot xodimi nima qildi? U xavfsizlik minorasiga chiqib, musiqa ritmiga moslashib raqsga tusha boshladi.
Bu shunchaki "vayb" emas. Bu — qonun himoyachisi qonun buzilishini minorada turib, raqs bilan nishonlayotganining yorqin metaforasidir.
Agar siz loyiha nomini chiroyli o‘zgartirsangiz va yirik byudjetga ega bo‘lsangiz, qonunlar shunchaki sizga xalaqit bermaydigan fon musiqasiga aylanib qolarkan. Bugun jamoat xavfsizligi va qonun ustuvorligi stoldagi yurisprudensiya bilan emas, balki "vayb" va alkogol lobbisining xohishi bilan boshqarilmoqda.
Savol ochiq qolmoqda: Qonun hammaga barobarmi, yoki byudjeti kattalarga "barobarroq"mi?
Muallif:
Bekzod Kasimov
Bir kunning o'zida yirik xususiy maktab jamoasiga qo'shiling
!
Xabaringiz bor, Tibbiyotga ixtisoslashgan COLBA Maktabi Toshkent va Samarqandda o'zining navbatdagi filiallarini ochmoqda
Kengayayotgan, qadriyatli va o'suvchan jamoamizga professional
kimyo, biologiya, matematika va ingliz tili
ustozlarini taklif qilamiz.
Nomzodlar ish yarmarkasida qatnashib, ishga qabul jarayonining barcha bosqichlaridan o'tib, jamoamizga qo'shilish imkoniga ega bo'lishadi. Yarmarkada ishtirok etish uchun ro'yxatdan o'ting.
🔗
Ro'yxatdan o'tish
🗓
Yarmarka o'tkaziladigan sana:
— 20-iyun, Toshkent
— 27-iyun, Samarqand
📞
55-557-20-20 |
@colbamaktabi
Samarqand filialimizda navbatdagi taqdimot tadbiri!
🎉
COLBA Maktabimizning Samarqand filialida bo'ladigan tadbirda siz:
✅
Maktabimizning ta’lim tizimi va imkoniyatlari bilan yaqindan tanishasiz;
✅
Farzandingizning qobiliyati va bilim darajasini bepul aniqlaysiz;
✅
Qiziqarli laboratoriya mashg‘ulotlarini ko‘rasiz;
✅
Sizni qiziqtirgan barcha savollarga javob olasiz.
🎤
Taqdimot COLBA Maktabi asoschisi
Doniyor Nasriddinov
ishtirokida bo’lib o’tadi.
🗓
14-iyun, 10:00 va 14:30
📍
COLBA Maktabining
Samarqand filiali
Maktabimiz bilan yaqindan tanishishni xohlasangiz, o'rningizni band qiling.
👇
🔗
Band qilish
📞
55-557-20-20 |
😀
@colbamaktabi
Har bir uchrashuv — yangi bir tajriba, yangi bir dunyo.
Kuni kecha maktabimizga huquqshunos, aktyor va ko‘plab loyihalar muallifi, barchamizga tanish bo‘lgan inson
Otabek Mahkamov
tashrif buyurdilar.
Uchrashuvimiz davomida bugungi kun yoshlari, ta’lim tizimidagi yangi tendensiyalar va oldimizda turgan rejalar haqida juda ham samimiy, dildan va har ikki tomon uchun manfaatli suhbat qurdik.
Shuningdek, Otabek Mahkamovdan o‘zlarining mualliflik kitoblarini sovg‘a sifatida qabul qilib oldik — buning uchun alohida tashakkur.
Insonlar bilan fikr almashish, tajribalar bilan bo‘lishish har doim yangi marralar sari yo‘l ochadi. Kecha bo‘lib o‘tgan suhbatimiz ham kelgusidagi chiroyli g‘oyalar va xayrli ishlar uchun mustahkam poydevor bo‘ladi deb ishonaman.
Tashrif uchun rahmat!
@Doniyor_Nasriddinov
7 yoshgacha boʻlgan bolani urish — jinoyat!
Farzandimizga qoʻl koʻtarar ekanmiz, uning nafaqat jismiga, balki kelajagiga bolta uramiz.
📌
Bilib qoʻygan yaxshi:
- Bolaning yuz va bosh qismiga urilganda miyadagi millionlab hujayralar nobud boʻladi.
- Bu kelajakda bolaning aqliy zaif boʻlib qolishiga olib kelishi mumkin.
Murgʻak bolaning shoʻxligini kaltak bilan "tartibga solish" — tarbiya emas, ojizlikdir!
📱
Mavzuning davomi va toʻliq suhbatni YouTube kanalimizda tomosha
qiling
:
https://linktw.in/pVmhsD
@Doniyor_Nasriddinov
Ushbu suhbat olimlarni tarbiya qiladigan ota-onalar ko'payishiga xizmat qilsin!
Ustoz
Saidabror Umarxon
bilan
farzand tarbiyasi
mavzusi doirasida ota-onalar uchun manfaatli bo'ladigan suhbat tashkil qildik.
Ushbu suhbatni barcha ota-onalar uchun tavsiya qilamiz.
Suhbat davomida siz:
- Buyuk shaxslar shaxsiyati
- Farzanddagi buyuklik alomatlari
- Farzandni urib tarbiyalash haqida
- Ota-ona xulqining farzandga ta'siri kabi mavzulardagi savollaringizga to'liq javob olasiz.
Farzandini olim qilmoqchilar ko'rsin:
https://youtu.be/P_TJZrqve50
@Doniyor_Nasriddinov
Ko'ring, toki solih farzand tarbiya qiladigan solih ota-onalardan bo'laylik!
Xalqimiz uchun eng muhim suhbatlardan biri tashkil qildik, unda
Hasanxon Yahyo Abdulmajid
va
Doniyor Nasriddinov
bilan solih ota-ona bo'lish nozik jihatlari haqida suhbat bo'lib o'tdi.
Suhbat davomida siz:
• Solih ota-ona bo'lish uchun avval nima qilish kerak?
• Ota-ona axloqi bolalarga qanday ta'sir qiladi?
• Aka-uka o'rtasidagi tortishuv qanday bartaraf qilinishi kerak?
• Farzand ota-onadan yaxshiroq bo'lishi mumkinmi?
• Bolalarni jazolash aslida to'g'rimi?
• Farzand tarbiyasiga ko'proq kim mas'ul kabi savollarga javob olasiz.
Bo'lajak solih ota-onalar, bu suhbatni albatta ko'ring:
https://youtu.be/UxLg986aOeA
@alohidamavzu
Kecha miyani avtopilotdan chiqarish uchun "stop-kran" (OneSec) haqida gaplashgandik.
Bugun ikkinchi bosqich:
"Uyqu — diqqatning jismoniy poydevoridir."
Aslida, faqat ilovalarni cheklash kamlik qiladi. Uyquni tuzatmasdan turib diqqatni jamlashning, hayotga baraka kiritishning iloji yoʻq. Chunki charchagan miya baribir eng oson rohatlanish yoʻlini (ijtimoiy tarmoqlarni) qidiradi.
Amaliy mashq:
1.
Raqamli komendant soati:
Uyquga ketishdan kamida 1 soat oldin telefonni butunlay yigʻishtiring. Uni yotoqxonada emas, boshqa xonada quvvatlagichga qoʻying.
2.
Bir xil vaqt:
Uyqu vaqti oʻzgarsa, miyaning ichki soati buziladi. Har kuni imkon qadar
22:00 – 04:00
oraligʻida uxlash kerak. Bu uyquning maksimal darajada sifatli boʻlishini taʼminlaydi.
3.
Ertalabki oltin soat:
Uygʻongach, dastlabki 30 daqiqada telefonga tegmang. Kunni birovlarning hayotini (lenta) tomosha qilishdan boshlasangiz, miya kun boʻyi chalgʻishga moyil boʻlib qoladi.
Toʻgʻri uyqu va ertalabki intizom — diqqat mushagini baquvvat qiladigan asosiy poydevor.
Ertaga uchinchi — fokusni 15 daqiqadan oshirish va chuqur ishlash mashqi haqida yozaman.
@Doniyor_Nasriddinov
Siz dangasa emassiz Tekinga video koʻryapmiz deb oʻylaymiz. Aslida esa hayotimizning eng qimmat boʻlagi — vaqtimiz va diqqatimiz bilan toʻlayapmiz. Insonlarning diqqati oʻrtacha 8-12 soniyaga tushib qolibdi. Bu hatto akvariumdagi oʻyinqaroq baliqning diqqatidan…