"Taraqqiyot strategiyasi" markazi
🇺🇿
🇨🇳
Xitoyda “Oʻzbekiston – 2030” strategiyasi taqdimoti boʻlib oʻtdi
Pekin shahrida Xitoy Ijtimoiy fanlar akademiyasida
“Xitoy–Oʻzbekiston: strategik uygʻunlik va yuksak taraqqiyot”
mavzusida Oʻzbekiston–Xitoy aql markazlari forumi boʻlib oʻtdi.
Forum doirasida
“Oʻzbekiston – 2030” strategiyasining mazmun-mohiyatiga bagʻishlangan maxsus toʻplamning xitoy tilidagi nashri
taqdim etildi.
Tadbirda “Taraqqiyot strategiyasi” markazi ijrochi direktori
Eldor Tulyakov
mamlakatimizda Strategiya doirasida amalga oshirilayotgan keng koʻlamli islohotlar, ularning natijalari va ustuvor vazifalar haqida maʼruza qildi.
Forum yakunida ikki mamlakat
aql markazlari oʻrtasidagi hamkorlikni mustahkamlash, ilmiy tadqiqotlar va ekspertlar almashinuvini faollashtirish, shuningdek, savdo-iqtisodiy, investitsiya, innovatsiya, transport va “yashil” taraqqiyot yoʻnalishlarida
qoʻshma tashabbuslarni rivojlantirish boʻyicha kelishuvlarga alohida eʼtibor qaratildi.
Xitoy tilidagi nashr taqdimoti
“Oʻzbekiston – 2030”
strategiyasining mazmun-mohiyatini xalqaro ilmiy-ekspert doiralariga yetkazish hamda
Oʻzbekiston
va
Xitoy
oʻrtasidagi strategik sheriklikni yanada mustahkamlash yoʻlidagi muhim qadamlardan biri boʻldi.
Batafsil
📱
Website
📱
Facebook
📱
Instagram
📱
Youtube
Rishton va Farg‘ona shahrida Davlat dasturi ijrosi o‘rganildi
"Taraqqiyot strategiyasi" markazi ishchi guruhi tomonidan
"Mahallani rivojlantirish va jamiyatni yuksaltirish" yili Davlat dasturi
hamda
"O‘zbekiston – 2030" strategiyasi
doirasida belgilangan vazifalarning Farg‘ona viloyatidagi ijrosi tahlil qilindi. Xususan,
🔹
Tibbiyot muassasalarida
DMED axborot tizimi
amaliyoti va tibbiy xizmatlar sifati tahlil qilindi;
🔹
Mahallalarda bandlik, tadbirkorlik va ijtimoiy-iqtisodiy holat o‘rganildi;
🔹
Ta'lim muassasalarida mavjud sharoitlar tahlil qilinib, ayrim obyektlarda ta'mirlash va jihozlarni yangilash zarurligi qayd etildi;
🔹
Farg‘ona davlat texnika universitetida nogironligi bo‘lgan shaxslar uchun yaratilgan imkoniyatlar ko‘rib chiqildi.
Monitoring yakunlari bo‘yicha aniqlangan muammo va takliflar umumlashtirilib, ularni bartaraf etish yuzasidan tegishli tashkilotlarga tavsiyalar kiritiladi.
➡️
Batafsil
📱
Website
📱
Facebook
📱
Instagram
📱
Youtube
Joriy yil 21-iyul kuni Pekin shahridagi Shanxay hamkorlik tashkiloti (ShHT) Kotibiyatida O‘zbekiston Respublikasi Mustaqilligining 35 yilligi va ShHT tashkil etilganining 25 yilligiga bag‘ishlangan
“Zamonaviy O‘zbekiston taraqqiyoti”
interaktiv fotoko‘rgazmasi ochildi.
Tadbir O‘zbekistonning Xitoydagi elchixonasi hamda ShHT Kotibiyati tomonidan tashkil etildi.
Ochilish marosimida “Taraqqiyot strategiyasi” markazi ijrochi direktori Eldor Tulyakov nutq so‘zlab,
“O‘zbekiston – 2030”
strategiyasining ustuvor yo‘nalishlari
hamda mamlakatning investitsiyaviy va iqtisodiy salohiyati haqida so‘z yuritdi.
Ko‘rgazmada
O‘zbekistonning tarixi, madaniyati, zamonaviy yutuqlar
i va ShHT doirasidagi
hamkorligini aks ettiruvchi 60 ga yaqin fotolavha
namoyish etildi.
➡️
Batafsil
📱
Website
📱
Facebook
📱
Instagram
📱
Youtube
Islohotlar natijasi joylarda baholanmoqda
“Taraqqiyot strategiyasi” markazi ishchi guruhi Fargʻona viloyatida
“Mahallani rivojlantirish va jamiyatni yuksaltirish”
yili Davlat dasturi hamda
“Oʻzbekiston – 2030”
strategiyasi doirasida amalga oshirilayotgan islohotlarning amaliy natijalarini oʻrganmoqda.
Xususan, Quva tumanida taʼlim, sogʻliqni saqlash, transport, bandlik va mahallalar faoliyati tahlil qilindi.
Oʻrganishlar davomida erishilgan natijalar bilan bir qatorda, yechimini kutayotgan masalalar ham aniqlandi. Jumladan,
ayrim maktabgacha taʼlim muassasalarida toza ichimlik suvi taʼminoti toʻliq yoʻlga qoʻyilmagani qayd etildi. Shuningdek, ayrim mahallalarda mahalla yettiligi faoliyatini samarali tashkil etish hamda hudud muammolarini tizimli hal etish borasidagi kamchiliklar aniqlanib
, ularni bartaraf etish yuzasidan amaliy tavsiyalar berildi.
Bu kabi oʻrganishlar Fargʻona viloyatining boshqa hududlarida ham bosqichma-bosqich oʻtkazildi.
➡️
Batafsil
📱
Website
📱
Facebook
📱
Instagram
📱
Youtube
HUDSON INSTITUTE VAKILI BILAN UCHRASHUV O‘TKAZILDI
“Taraqqiyot strategiyasi” markazida
AQSHning Hudson Institute tahliliy markazi
katta ilmiy xodimi Ken Moriyasu
bilan uchrashuv bo‘lib o‘tdi.
Uchrashuvda “Taraqqiyot strategiyasi” markazi ijrochi direktori Eldor Tulyakov mehmonni
“O‘zbekiston – 2030” strategiyasining ustuvor yo‘nalishlari, uni amalga oshirish jarayoni
hamda
mamlakatimizda olib borilayotgan islohotlarning asosiy natijalari
bilan tanishtirdi.
Shuningdek, tomonlar
O‘zbekiston–AQSH munosabatlarini rivojlantirish istiqbollari
,
Markaziy Osiyoda mintaqaviy hamkorlikni mustahkamlash, Afg‘onistondagi vaziyat
hamda
bugungi geosiyosiy jarayonlarga oid dolzarb masalalarni
muhokama qildilar.
Muloqot davomida O‘zbekistonda amalga oshirilayotgan islohotlar, mintaqaviy barqarorlikni ta’minlash hamda ekspertlar o‘rtasidagi muloqot va hamkorlikni rivojlantirish istiqbollari yuzasidan o‘zaro fikr almashildi.
📱
Website
📱
Facebook
📱
Instagram
📱
Youtube
FARG‘ONADA TIBBIY TA’LIMNI RIVOJLANTIRISH BO‘YICHA YARATILGAN IMKONIYATLAR O‘RGANILD
I
“O‘zbekiston — 2030” strategiyasi
da belgilangan inson kapitalini rivojlantirish, oliy ta’lim sifatini oshirish hamda sog‘liqni saqlash tizimini malakali kadrlar bilan ta’minlash vazifalari doirasida Farg‘ona viloyatida amalga oshirilayotgan ishlar o‘rganildi.
Shu maqsadda “Taraqqiyot strategiyasi” markazi ijrochi direktori Eldor Tulyakov Farg‘ona shahridagi
Central Asian Medical University (CAMU)
faoliyati bilan tanishdi.
Monitoring davomida universitet faoliyatining Strategiyada belgilangan ustuvor yo‘nalishlarga muvofiqligi, xususan,
sifatli tibbiy ta’limni rivojlantirish, ilm-fan va amaliyot integratsiyasini kuchaytirish
hamda
raqobatbardosh tibbiyot kadrlarini tayyorlash
borasidagi yondashuvlar ko‘rib chiqildi.
Bugungi kunda CAMU bakalavriat, magistratura, klinik ordinatura va doktorantura bosqichlarida ta’lim berib, o‘quv jarayonini zamonaviy laboratoriyalar, klinik bazalar va amaliyot markazlari bilan uyg‘un holda tashkil etmoqda.
➡️
Batafsil
📱
Website
📱
Facebook
📱
Instagram
📱
Youtube
FARGʻONADA “OʻZBEKISTON — 2030” STRATEGIYASI DOIRASIDA SANOAT LOYIHALARI OʻRGANILDI
“Taraqqiyot strategiyasi” markazi tomonidan Fargʻona viloyatida
“Oʻzbekiston — 2030” strategiyasi
da belgilangan sanoatni rivojlantirish, xorijiy investitsiyalarni jalb etish, eksportni kengaytirish va yangi ish oʻrinlari yaratish boʻyicha vazifalar ijrosi monitoring qilindi.
📊
Strategiyada 2030-yilgacha toʻqimachilikda ip-kalavani qayta ishlash darajasini
100 foizga
, yengil sanoat eksportida yuqori qoʻshilgan qiymatli mahsulotlar ulushini
65 foizga
yetkazish hamda sanoatda
1,8 million
yuqori daromadli ish oʻrni yaratish vazifalari belgilangan.
Shu nuqtayi nazardan, Markaz ijrochi direktori
Eldor Tulyakov
Margʻilon shahridagi
“Navroʻz” yoshlar sanoat va tadbirkorlik zonasi
va Qoʻshtepa tumanida joylashgan
“Innovative Apparel” MCHJ
faoliyati bilan tanishdi.
🔹
“Navroʻz” yoshlar sanoat va tadbirkorlik zonasida esa
61,9 mlrd soʻmlik 21 ta loyiha
amalga oshirilgan. Natijada
456 ta
ish oʻrni yaratilib, joriy yilning birinchi yarmida
23 mlrd soʻmlik
mahsulot ishlab chiqarildi hamda
586,7 ming AQSH dollari
miqdorida eksport amalga oshirildi.
🔹
“Innovative Apparel” MCHJda
15 mln AQSH dollarlik
loyiha doirasida yiliga
15 mln dona
trikotaj mahsuloti ishlab chiqarish,
2 mingta
ish oʻrni yaratish va mahsulotlarni eksportga yoʻnaltirish rejalashtirilgan.
Monitoring davomida hududda investitsiya loyihalari samaradorligini yanada oshirish, eksport hajmini kengaytirish hamda “Oʻzbekiston — 2030” strategiyasida belgilangan maqsadlarga erishish yuzasidan tegishli takliflar ishlab chiqilishi belgilandi.
➡️
Batafsil
📱
Website
📱
Facebook
📱
Instagram
📱
Youtube
XITOY ILMIY DOIRALARI BILAN HAMKORLIK ISTIQBOLLARI MUHOKAMA QILINDI
“Taraqqiyot strategiyasi” markazida
Xitoy Ijtimoiy fanlar akademiyasining Rossiya, Sharqiy Yevropa va Markaziy Osiyo tadqiqotlari instituti
delegatsiyasi bilan uchrashuv bo‘lib o‘tdi.
Institut direktori Sun Zhuangzhi boshchiligidagi Xitoy delegatsiyasini “Taraqqiyot strategiyasi” markazi ijrochi direktori Eldor Tulyakov Markaz faoliyati,
mamlakatda amalga oshirilayotgan islohotlar
hamda
yangilangan “O‘zbekiston – 2030” strategiyasining mazmun-mohiyati, ustuvor yo‘nalishlari
va
uni amalga oshirish mexanizmlari
haqida xabardor qildi.
Shuningdek, muloqot davomida 2019-yil 20-iyunda ikki tahliliy markaz o‘rtasida imzolangan o’zaro anglashuv memorandumi doirasida amalga oshirilgan ishlar muhokama qilinib, hamkorlikni yanada kengaytirish, qo‘shma ilmiy-tadqiqot loyihalarini yo‘lga qo‘yish hamda ekspertlar almashinuvini rivojlantirish masalalari yuzasidan fikr almashildi.
➡️
Batafsil
📱
Website
📱
Facebook
📱
Instagram
📱
Youtube
FARG‘ONADA “O‘ZBEKISTON — 2030” STRATEGIYASI DOIRASIDA TURIZM SALOHIYATI O‘RGANILDI
Farg‘ona viloyati
da o‘tkazilayotgan monitoring tadbirlari doirasida hududda
“O‘zbekiston — 2030” strategiyasi
da belgilangan turizmni rivojlantirishga oid ustuvor vazifalar ijrosi o‘rganildi.
Xususan, Strategiyada
2030-yilga qadar
turizmning yalpi ichki mahsulotdagi ulushini
7 foizga
, turizm xizmatlari eksportini
6 milliard dollarga
, xorijiy sayyohlar sonini yiliga
20 million nafarga
, ichki turizm safarlarini esa
25 milliontaga
yetkazish kabi muhim maqsadlar belgilangan.
Shu nuqtayi nazardan, “Taraqqiyot strategiyasi” markazi ijrochi direktori Eldor Tulyakov
Marg‘ilon shahridagi “Burhoniddin Marg‘inoniy” ilmiy-ma’rifiy va turizm majmuasi
faoliyati bilan yaqindan tanishdi. Majmuada ziyorat turizmini rivojlantirish, sayyohlar uchun yaratilgan sharoitlar, xizmatlar sifati, milliy hunarmandchilikni qo‘llab-quvvatlash hamda madaniy meros obyektlaridan samarali foydalanish bo‘yicha amalga oshirilayotgan ishlar o‘rganildi.
35 gektar maydonda barpo etilgan ushbu majmua nafaqat buyuk alloma Burhoniddin Marg‘inoniyning boy ilmiy merosini keng targ‘ib etishga, balki Farg‘ona vodiysining ziyorat turizmi salohiyatini oshirishga ham xizmat qilmoqda.
➡️
Batafsil
📱
Website
📱
Facebook
📱
Instagram
📱
Youtube
O‘ZBEKISTON VA XITOY QO'SHMA TADQIQOT MARKAZI OCHILADI
Shanxay xalqaro tadqiqotlar universiteti (SISU) delegatsiyasining
"Taraqqiyot strategiyasi" markaziga
tashrifi davomida yangilangan
"Oʻzbekiston – 2030" strategiyasining
mazmun-mohiyati va ustuvor yoʻnalishlari taqdim etildi.
Xitoy tomoni strategiyada belgilangan maqsad va vazifalarning aniqligi hamda tizimli yondashuvini yuqori baholab,
"Taraqqiyot strategiyasi" markazining
mamlakat ichida va xalqaro maydonda Strategiya mazmun-mohiyatini keng targʻib etish hamda uning ijrosini monitoring qilishdagi faoliyatini eʼtirof etdi. Shuningdek, ushbu yoʻnalishlarda Markaz bilan yaqin hamkorlikni rivojlantirishga tayyorligini bildirdi.
Uchrashuv yakunida Oʻzbekiston–Xitoy qoʻshma tadqiqot markazini tashkil etish boʻyicha kelishuvga erishilib, hamkorlik memorandumi imzolandi. Hujjat
qoʻshma ilmiy tadqiqotlarni amalga oshirish, ekspertlar almashinuvini yoʻlga qoʻyish, xalqaro konferensiya
va
seminarlar tashkil etish hamda qisqa muddatli tadqiqot dasturlarini yoʻlga qoʻyish
orqali ikki mamlakatning tahlil markazlari oʻrtasidagi hamkorlikni mustahkamlashga xizmat qiladi.
➡️
Batafsil
📱
Website
📱
Facebook
📱
Instagram
📱
Youtube