OʻzDSMI | RASMIY🇺🇿
#talabalar_ijodi
Bugun O‘zbekiston davlat san’at va madaniyat instituti rektori, professor Nodirbek Sayfullayev O‘quv teatrida Ivan Bukovchanning “Luidji yuragi” pyesasi asosida sahnalashtirilgan “Fulminiya” spektakli namoyishida ishtirok etdi.
Spektakl Teatr san'ati fakulteti “Estrada aktyorligi” ta’lim yo‘nalishi 3-bosqich talabalari hamda ustoz-pedagoglar hamkorligida sahnalashtirildi.
Badiiy rahbar — professor Mahmud Rashidov. “Aktyorlik mahorati” fani o‘qituvchilari — dotsent Shavkat Rasulov hamda O‘zbekistonda xizmat ko‘rsatgan artist, dotsent Muhabbat G‘ulomova.
Mazkur sahna asari tomoshabinlarda chuqur taassurot qoldiradi. U insoniy tuyg‘ular va texnokratik dunyo o‘rtasidagi ziddiyatni ochib beruvchi chuqur falsafiy asardir. Pyesa voqealari o‘lim jazosini kutayotgan mahkum Luidji va uning hayotini saqlab qolish uchun emas, balki "mukammal" yuragini boshqa bir insonga ko‘chirib o‘tkazishni ko‘zlagan kishilar atrofida kechadi.
Muallif ushbu asar orqali inson a’zolarining tovar darajasiga tushirilishi, ma’naviyatning moddiylikdan ustunligini mahorat bilan tasvirlaydi. Luidjining yuragi shunchaki biologik motor emas, balki vijdon va sadoqat timsoli sifatida namoyon bo‘lib, tomoshabinni "Inson nima uchun yashaydi?" degan savol ustida mushohada yuritishga chorlaydi.
Spektaklda aktyorlarning nozik va ta’sirchan ijrosi, har bir obrazning puxta ishlangani, rollarning ichki kechinmalari hamda xarakterlar talqinidagi aniqlik alohida e’tiborga loyiq bo‘ldi.
Rejissyorlik yechimlari o‘zining badiiy teranligi, sahnaviy ifodaning yaxlitligi va dramaturgik aniqligi bilan ajralib turdi. Har bir mizansahna, sahnadagi harakatlar uyg‘unligi, aktyorlar ansamblining ichki ritmi spektakl g‘oyasini yanada chuqurroq ochib berdi.
Shuningdek, yorug‘lik yechimlari, sahna bezagi va umumiy sahnaviy atmosfera yuqori professional darajada ishlangani spektaklning badiiy ta’sir kuchini yanada oshirdi.
Umuman olganda, “Fulminiya” spektakli aktyorlik mahorati, rejissyorlik talqini, sahnaviy yechimlar va ijodiy jamoaning yuksak mas’uliyati bilan yuqori saviyada namoyish etildi.
#jarayon
#hamkorlik
#ochiq_eshiklar_kuni
Oʻzbekiston Respublikasi Prezidentining 2026-yil 16-apreldagi PQ–139-son
qarori bilan tasdiqlangan 9-may – Xotira va qadrlash kuniga bagʻishlangan tadbirlarga
tayyorgarlik koʻrish va ularni oʻtkazish dasturning 25-bandida belgilangan vazifalar
ijrosini taʼminlash maqsadida harbiy qismlarga tashriflarini tashkil etish, oliy harbiy ta’lim muassasalarida yaratilgan shart-sharoitlar bilan tanishtirish uchun “Ochiq eshiklar kuni” tashkil etish vazifasi belgilangan.
Ayni shu maqsadda O‘zbekiston davlat san’at va madaniyat instituti talaba-yoshlari ishtirokida O'zbekiston Respublikasi Ichki ishlar vazirligi akademiyasida “Ochiq eshiklar kuni”ni tashkil etildi.
Talaba-yoshlarni dastlab akademiya faoliyati bilan tanishdilar.
Xususan, mehmonlar dastlab akademiyaning Axborot resurs markazi faoliyati bilan tanishdilar. Bu yerda foydalanuvchilar uchun barcha sharoitlar yaratilgan bo‘lib, bir vaqtning o'zida 700 kishi zamonaviy kompyuterlardan foydalana olishi hamda umumiy 1000 kishi foydalanishi uchun imkoniyatlar yaratilgan.
Shuningdek, talabalarimiz uchun Tezkor vaziyatlar bo'lganda voqea joyida qidiruv ishlarini olib borish uchun barcha sharoitlarga moslangan avtobus haqida ham tushuntirish berildi.
Jismoniy va jangovar tayyorgarlik kompleksida sport musobaqalari bo'yicha erishilgan yutuqlar muzeyi bilan tanishtirildi hamda sportning 22 turi bo'yicha akademiya kursantlari shig'ullanishlari aytib o'tildi.
Bunda karate, og'ir atletika, suzish havzasi, futbol hamda mini futbol maydoni hamda boshqa sport klublari faoliyati tanishishdi.
Ushbu tashrif talaba-yoshlar uchun ulkan tassurotlarga boy bo’ldi. Bu kabi tadbirlar davom etadi.
Bundan tashqari, ilmiy yangiliklarni ta’lim jarayoniga integratsiya qilish, ijodiy ishlarni ilmiy ishga tenglashtirish kabi muhim jihatlar, ilmiy rahbar tanlash jarayoni, ilmiy rahbarlarga qo’yilayotgan talablar, shuningdek, ilmiy loyihalarni tijoratlashtirish, plagiat materiallarga qarshi kurashish va ilmiy unvon sohiblarining monitoring qilish, sun’iy intellektni tadqiqot sohasidagi o’rni va ahamiyati, shu bilan birga, uning bugungi imkoniyatlarini suiiste’mol qilish holatlarini oldini olish, markaziy gazetalarda e’lon qilingan sohaga oid ahamiyatli maqolalarni ham ilmiy maqolaga tenglashtirish zarurati va boshqa ko’plab dolzarb ilmiy masalalar yuzasidan yo‘llangan savollarga atroflicha javob berildi.
Uchrashuvda doktorantlar va tadqiqotchilar ilmiy izlanishlarini samarali amalga oshirish uchun zarur bo‘lgan yo‘l-yo‘riqlar va tavsiyalarga ega bo‘ldi.
OAK raisi tomonidan berilgan ma’lumotlar ularga duch keladigan muammolarni hal qilishda va izlanishlarni yanada samarali olib borishda yordam beradi. Bu esa, o‘z navbatida, fan va ta’lim tizimining rivojlanishiga, ilmiy salohiyatning yuksalishiga xizmat qiladi.
#jarayon
#ilmiy_izlanishlarni_takomillashtirish_yoʻlida
#muloqot
Bugun Yoshlar kuni doirasida O‘zbekiston davlat san’at va madaniyat institutida Oliy taʼlim, fan va innovatsiyalar vazirligi huzuridagi Oliy attestatsiya komissiyasi raisi Ahmadbek Yusupov mehmon bo’ldi hamda doktorantlar va tadqiqotchilar hamda yetakchi professor-o’qituvchilar bilan muloqoti o’tkazdi.
Ochiq muloqot shaklida o‘tkazilgan ushbu uchrashuv avvalida institut rektori, professor Nodirbek Sayfullayev o‘z nutqida mamlakatimizda fan, madaniyat va ta’lim sohalari davlat siyosatining ustuvor yo‘nalishlaridan biriga aylanganini alohida ta’kidladi. U bugungi kunda ushbu yo‘nalishlarda amalga oshirilayotgan izchil islohotlar natijasida oliy ta’lim muassasalarining moddiy-texnik bazasi mustahkamlanib borayotgani, zamonaviy ta’lim yondashuvlari keng joriy etilayotgani hamda ilmiy va ijodiy faoliyat uchun zarur shart-sharoitlar yaratilayotganiga e’tibor qaratdi.
Shuningdek, mazkur jarayonlar nafaqat ta’lim sifati oshishiga, balki talaba-yoshlarning ilm-fan va san’atga bo‘lgan qiziqishi ortishiga, ularning ijodiy salohiyati ro‘yobga chiqishiga xizmat qilayotganini qayd etdi.
Ma’lumki, 2024-yil iyun oyida ham OAK raisi institutda bo‘lib, uchrashuv tashkil etilgan hamda ushbu uchrashuvda kelgusi rejalar belgilab olingan edi.
Ushbu davrdan keyin o’tgan vaqt davomida institutda ilmiy soha rivoji boyicha bir qancha ishlar amalga oshirildi. Xususan, institut huzuridagi ilmiy daraja beruvchi PhD.11/2025.27.12.San.02.01 raqamli ilmiy kengashda 2024 yilning noyabr oyidan – 2026 yilning shu kuniga qadar 22 ta dissertatsiya himoyasi amalga oshirildi (Bu kо‘rsatkich 2021-2024 yillarda 16 tani tashkil etgan edi). Joriy yilning may oyida yana 6 ta dissertatsiya ishi himoyasi belgilangan. Yil yakuniga qadar 20 ga yaqin dissertatsiya ishi himoyasi rejalashtirilgan.
Shuningdek, 2024 yil may oyidan 2026 yil may oyigacha jami 20 nafar pedagog professor, 42 nafari esa dotsent ilmiy unvoniga sazovor bо‘ldi. Buning natijasida esa institut ilmiy salohiyati ham mos ravishda 47,8 foizdan qariyb 60 foizga yetdi.
Ushbu yutuqlarni e’tirof etar ekan, rektor bunday natijaga OAK va institut о‘rtasidagi samarali muloqotning yо‘lga qо‘yilganligi, о‘zaro ishonch va hamkorlik muhitining mustahkamlangani, ilmiy-tadqiqot faoliyatiga tizimli yondashuv joriy etilgani hamda pedagog kadrlarning ilmiy salohiyatini oshirishga qaratilgan aniq chora-tadbirlar amalga oshirilgani sabab bо‘lganini alohida ta’kidlab о‘tdi.
Muloqot davomida Ahmadbek Yusupov uzluksiz ta’lim tizimining oliy ta’limdan keyingi bosqichida dissertatsiya himoyalarini qanday shakllantirish kerakligi haqida so‘z yuritdi. Shuningdek, bu jarayonda duch kelinadigan to‘siqlar va muammolar, OAK nizomi bo‘yicha tadqiqotchilarga taqdim etilayotgan yengilliklar va imkoniyatlar, sohada joriy etilayotgan eng so ‘nggi yangiliklar haqida ham batafsil ma’lumot berdi.
Doktorantlar va tadqiqotchilar ilmiy tadqiqotlar va innovatsiyalarni rivojlantirishda muhim rol oynaydi. Ular tomonidan olib borilayotgan izlanishlar hamda erishilayotgan natijalar jamiyatni yangi bilimlar bilan boyitadi, fan va texnologiya taraqqiyotini tezlashtiradi.
Yig‘ilishda ilmiy va ilmiy-pedagog kadrlar tayyorlashda san’at va madaniyat sohasida ilmiy daraja berish tartibi hamda tadqiqotchilarning xorijiy mamlakatlarda amaliyot o‘tashi masalalari ham muhokama qilindi.
#KENGASH
Bugun O‘zbekiston davlat san’at va madaniyat instituti Kengashining navbatdagi yig‘ilishi bo‘lib o‘tdi.
Kengash avvalida, an’anaga binoan, institut rektori, professor Nodirbek Sayfullayev “Madaniyat va san’at menejmenti” kafedrasidan Shohbek Ergashev, “Milliy qо‘shiqchilik” kafedrasidan Qahramon To‘rayevlarga dotsent ilmiy unvoni guvohnomasi, “О‘zbek va jahon filologiyasi” kafedrasidan Dilbar Shomurodova hamda “Folklor va etnografiya” kafedrasidan Bekzod Davronovlarga pedagogika fanlari bо‘yicha falsafa doktori ilmiy darajasi guvohnomasini topshirib, kelgusi ilmiy-ijodiy hamda pedagogik faoliyatlariga ulkan zafarlar tiladi.
Shuningdek, “Vokal” kafedrasi dotsenti, О‘zbekiston Respublikasida xizmat kо‘rsatgan artist Raximov Erkin Islamovichni 70 yoshi bilan muborakbod etdi hamda esdalik sovg'asi taqdim qildi.
So’ngra Kengash kun tartibidagi masalalarga o’tildi.
Takidlash o‘rinliki, 2025/2026-o‘quv yilidan har bir kafedraning faoliyatini tahlil qilib kelinmoqda.
Bugun ham kafedra miqyosida 2025/2026-o‘quv yilida rivojlantirishning maqsadli ko‘rsatkichlariga asosan (o‘quv, ilmiy, ma’naviy-ma’rifiy ishlar yuzasidan) amalga oshirilgan ishlar yuzasidan “Kino, televideniye va radio rejissyorligi” kafedrasi mudiri Doston Hojimatov hamda “Vokal” kafedrasi mudiri Saodat Muzaffarovalarning hisobotlari tinglandi. Ularning faoliyati yuzasidan tanqidiy va tahliliy fikrlar bildirildi hamda kelgusi rejalari belgilab olindi.
Shuningdek, Kengashda magistratura mutaxassisliklarida ta’lim olayotgan bitiruvchi magistrantlarning magistrlik dissertatsiyalari dastlabki himoyasi, talabalarni Respublikada o‘tkaziladigan fan olimpiadalari, tanlovlar, ko‘rik-tanlovlar va ko‘rgazmalarga jalb qilish, ilmiy unvon olish uchun Oliy attestatsiya komissiyasiga professor-o‘qituvchilarning hujjatlarini yuborish, professor-o‘qituvchilar tomonidan yozilgan adabiyotlarni Oliy ta’lim, fan va innovatsiyalar vazirligi huzuridagi Muvofiqlashtiruvchi Kengashda ko‘rib chiqish uchun yuborish va monografiyalarni chop qilishga tavsiya etish, Kino, televideniye va radio san’ati fakultetining bitiruv malakaviy ishi mavzulari o‘zgargan 4-kurs kunduzgi, 5-kurs sirtqi ta’lim shakli talabalarining mavzularini qayta tasdiqlash, institut professor-o‘qituvchilari tomonidan tayyorlangan loyihalarni Innovatsion rivojlantirish agentligiga yuborish, ijro intizomi kabi institut hayotiga aloqador bir qator masalalar muhokama qilindi
❗️
Ushbu masalalar yuzasidan mutasaddilarning axborotlari tinglandi hamda barcha mas’ullarga tegishli topshiriqlar berildi.