OʻzDSMI | RASMIY🇺🇿

#JahonChempionati
#BizBirgamiz
🇺🇿
Olg‘a, O‘zbekiston!
O‘zDSMI jamoasi Milliy terma jamoamiz bilan birga!
O‘zbekiston davlat san’at va madaniyat instituti jamoasi futbol bo‘yicha Jahon chempionati yo‘llanmasini qo‘lga kiritgan O‘zbekiston milliy terma jamoasini samimiy muborakbod etadi.
Bu yutuq – xalqimizning 34 yillik orzusi, millionlab yurtdoshlarimiz kutgan tarixiy natijadir. Milliy terma jamoamizning matonati, fidoyiligi va g‘alabaga bo‘lgan ishonchi tufayli O‘zbekiston ilk bor futbol bo‘yicha Jahon chempionati ishtirokchisiga aylandi.
Ishonamizki, futbolchilarimiz dunyoning eng nufuzli musobaqasida ham yurtimiz sharafini munosib himoya qilib, O‘zbekiston bayrog‘ini yanada yuksaklarga ko‘taradilar.
Biz siz bilan faxrlanamiz! Biz sizga ishonamiz!
🇺🇿
Olg‘a, O‘zbekiston!
⚽️
Biz birgamiz!
Bizni kuzating
Facebook
|
Instagram
|
YouTube
|
Telegram

#JahonChempionati
#BizBirgamiz
🇺🇿
Olg‘a, O‘zbekiston!
O‘zDSMI jamoasi Milliy terma jamoamiz bilan birga!
O‘zbekiston davlat san’at va madaniyat instituti jamoasi futbol bo‘yicha Jahon chempionati yo‘llanmasini qo‘lga kiritgan O‘zbekiston milliy terma jamoasini samimiy muborakbod etadi.
Bu yutuq – xalqimizning 34 yillik orzusi, millionlab yurtdoshlarimiz kutgan tarixiy natijadir. Milliy terma jamoamizning matonati, fidoyiligi va g‘alabaga bo‘lgan ishonchi tufayli O‘zbekiston ilk bor futbol bo‘yicha Jahon chempionati ishtirokchisiga aylandi.
Ishonamizki, futbolchilarimiz dunyoning eng nufuzli musobaqasida ham yurtimiz sharafini munosib himoya qilib, O‘zbekiston bayrog‘ini yanada yuksaklarga ko‘taradilar.
Biz siz bilan faxrlanamiz! Biz sizga ishonamiz!
🇺🇿
Olg‘a, O‘zbekiston!
⚽
Biz birgamiz!
P/s Videorolik sun'iy intellekt yordamida tayyorlangan.

#ilmiy_seminar
O‘zbekiston davlat san’at va madaniyat instituti huzurida san’atshunoslik fanlari bo‘yicha falsafa doktori (PhD) ilmiy darajasini beruvchi Ilmiy Kengash qoshidagi Ilmiy seminarida ikki nafar tadqiqotchining san’atshunoslik fanlari bo‘yicha falsafa doktori (PhD) ilmiy darajasini olish uchun yozilgan dissertatsiyalarining muhokamasi bo‘lib o‘tdi.
Unda dastlab Valiyev Soxibjon Zokirjon о‘g‘lining 17.00.01 – Teatr san’ati ixtisosiligi bo‘yicha tayyorlangan “Farg‘ona vodiysi qiziqchilari ijodida an’ana va zamonaviy tendensiyalar (1991–2024-yy.)” mavzusidagi san’atshunoslik fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi muhokama qilindi.
Ushbu dissertatsiya san’atshunoslik fanlari nomzodi, dotsent Abdurahmonov Ibrohim Raimovich ilmiy rahbarligida yozildi.
Tadqiqot natijalarining amaliy ahamiyati dissertatsiyada o‘z yechimini topgan masalalar bo‘yicha olingan ma’lumot va xulosalardan ijodkorlarning yangi plastik izlanishlari, obraz yaratishda yangi ifodaviy vositalar, badiiy talqinlar, o‘quv qo‘llanma, darsliklar yaratishda, mavzu yuzasidan istiqboldagi badiiy ko‘rgazmalar, teleko‘rsatuvlar, radioeshittirishlar, ma’ruzalar tayyorlashda, mavzuga oid istiqboldagi ilmiy-tadqiqot ishlarda samaradorligini oshirishda, mazkur merosimizni saqlash, rivojlantirishga qaratilgan davlat dasturlari va yo‘l xaritalarini ishlab chiqish va takomillashtirishda qo‘shimcha manba bo‘lib xizmat qilishi bilan belgilanadi.
❗️
Dissertasiya ishi Ilmiy kengash muhokamasiga tavsiya etildi.
Shundan so‘ng ikkinchi tadqiqodchi Ibragimova Umida Navruzovnaning 17.00.01 – Teatr san’ati ixtisosiligi bo‘yicha tayyorlangan “O‘zbek musiqali dramalarida sahna nutqining spetsifik xususiyatlari (1990–2018-yy.)” mavzusidagi san’atshunoslik fanlari bo‘yicha falsafa doktori (PhD) ilmiy darajasini olish uchun yozilgan dissertatsiyasi muhokama qilindi.
Ushbu dissertatsiya san’atshunoslik fanlari nomzodi, professor Xoliqulova Gо‘zal Erkinovna ilmiy rahbarligida yozilgan.
Tadqiqot natijalarining amaliy ahamiyati respublika teatrlarida sahnalashtirilgan epik, tarixiy, zamonaviy mavzudagi spektakllarda qahramonning o‘ziga xos nutqiy xarakterini topishda dissertatsiya amaliy qo‘llanma vazifasini bajaradi. Spektakllardagi nutq o‘zbek tilining fonetik imkoniyatlarini, muammo va muloqot madaniyatini rivojlantiradi. Milliy sahna asarlaridagi musiqiy nutqning xalqaro miqyosdagi obro‘sini oshirishga xizmat qiladi.
❗️
Dissertasiya ishi Ilmiy kengash muhokamasiga tavsiya etildi.

#jarayon
#ijodiy_uchrashuv
#kitob_taqdimoti
Kuni
kecha O‘zbekiston davlat san’at va madaniyat instituti Kutubxona-axborot faoliyati fakulteti hamda "Kutubxona-axborot faoliyati" kafedrasi tashabbusi bilan taniqli adib, yozuvchi, yuridik fanlari doktori, professor, O‘zbekiston shaxmat federatsiyasi raisi o‘rinbosari, Xalqaro shaxmat akademiyasi direktori Komil Oydinovich Sindarovning navbatdagi ijod mahsuli – “Qaytar qismat” nomli 17-kitobi taqdimotiga bag‘ishlangan adabiy-ma’rifiy tadbir tashkil etildi.
Tadbirda fakultet professor-o‘qituvchilari, talaba-yoshlar hamda adabiyot ixlosmandlari ishtirok etdilar. Uchrashuv davomida muallifning hayoti va ijodiy faoliyati, ilm-fan, ta’lim hamda sport sohalaridagi samarali mehnati haqida batafsil ma’lumot berildi.
Komil Oydinovich Sindarov nafaqat ilm-fan va sport sohasida, balki badiiy ijod maydonida ham o‘zining serqirra faoliyati bilan keng kitobxonlar mehrini qozongan ijodkorlardan biridir. Uning asarlarida inson taqdiri, hayot sinovlari, ezgulik va adolat, vatanparvarlik, insoniylik va ma’naviy qadriyatlar chuqur badiiy talqin etilgan. Shu bois yozuvchining asarlari turli yoshdagi kitobxonlar tomonidan katta qiziqish bilan mutolaa qilinib kelinmoqda.
Tadbir davomida “Qaytar qismat” asarining mazmun-mohiyati, unda ko‘tarilgan dolzarb hayotiy masalalar, qahramonlar taqdiri va asarning tarbiyaviy ahamiyati haqida so‘z yuritildi. Muallif kitobning yaratilish tarixi, asarni yozishga turtki bo‘lgan omillar hamda ijod jarayonidagi taassurotlari bilan o‘rtoqlashdi.
Uchrashuvning savol-javob qismi ayniqsa qiziqarli va mazmunli kechdi. Talabalar va professor-o‘qituvchilar muallifga asar mazmuni, ijodiy faoliyati, kitobxonlik madaniyati hamda yoshlarning ma’naviy kamolotida badiiy adabiyotning o‘rni haqida turli savollar bilan murojaat qildilar. Komil Oydinovich barcha savollarga batafsil va samimiy javob berib, yoshlarga kitob mutolaasi, ilm olish va o‘z ustida muntazam ishlash bo‘yicha qimmatli tavsiyalar berdi.
Tadbir yakunida ishtirokchilar muallifga o‘z minnatdorliklarini bildirib, yangi ijodiy muvaffaqiyatlar tiladilar. Mazkur adabiy uchrashuv talaba-yoshlarning kitobxonlik madaniyatini yuksaltirish, badiiy adabiyotga bo‘lgan qiziqishini oshirish hamda ma’naviy-ma’rifiy dunyoqarashini boyitishda muhim ahamiyat kasb etdi.

🏆
XALQARO E’TIROF – YANGI YUTUQ!
Nufuzli EduRank–2026 xalqaro reytingi natijalariga ko‘ra, O‘zbekiston davlat san’at va madaniyat instituti mamlakatimizdagi eng yaxshi oliy ta’lim muassasalari orasida 30-o‘rinni, Toshkent shahri oliy ta’lim muassasalari reytingida esa 17-o‘rinni egalladi.
Mazkur natija institut jamoasining ilmiy-pedagogik salohiyati, ta’lim sifati, xalqaro hamkorlik aloqalari hamda madaniyat va san’at sohasida raqobatbardosh kadrlar tayyorlash borasida olib borayotgan tizimli islohotlarining e’tirofi hisoblanadi.
Bugungi yutuq professor-o‘qituvchilar, talabalar, bitiruvchilar va institutning ko‘p ming sonli jamoasi mehnatining munosib samarasidir. Bu natija kelgusida ta’lim sifatini yanada oshirish, ilmiy tadqiqotlar ko‘lamini kengaytirish hamda xalqaro reytinglardagi o‘rnimizni mustahkamlash yo‘lidagi sa’y-harakatlarimiz uchun muhim rag‘bat bo‘lib xizmat qiladi.

🎓
YUKSAK E’TIROF – O‘zDSMI WEBOMETRICS REYTINGIDA!
O‘zbekiston davlat san’at va madaniyat instituti dunyoning eng nufuzli xalqaro reyting tizimlaridan biri bo‘lgan Webometrics (Ranking Web of Universities) reytingining yangi natijalariga ko‘ra, O‘zbekiston oliy ta’lim muassasalari orasida 52-o‘rinni egalladi.
Mazkur natija institutning raqamli makondagi faolligi, ilmiy-tadqiqot ishlari samaradorligi, xalqaro axborot maydonidagi ochiqligi hamda ta’lim sifatini yuksaltirish borasida olib borayotgan izchil islohotlarining amaliy natijasidir.
Ushbu yutuq bilan institutimiz professor-o‘qituvchilari, ilmiy xodimlari, talaba-yoshlari va butun jamoasini samimiy muborakbod etamiz.
Kelgusida ham O‘zDSMI mamlakatimiz va xalqaro ta’lim maydonida o‘z nufuzini yanada mustahkamlashiga ishonamiz.

#himoya
#PhD
2026-yil 10-iyun kuni Oʻzbekiston davlat san’at va madaniyat instituti huzuridagi ilmiy daraja beruvchi PhD.11/2025.27.12.San.02.01 raqamli Ilmiy kengash kengash asosidagi bir martalik ilmiy kengashda ikkita dissertatsiya himoyasi tashkil etildi.
Dastlab 13.00.02 – Ta’lim va tarbiya nazariyasi va metodikasi (musiqa ta’limi) ixtisosligi mustaqil izlanuvchisi Mansurova Nigoraxon Rustamjonovnaning “Aksiologik yondashuv asosida talabalarda milliy musiqiy merosni asrashga doir bilimlarni rivojlantirish metodikasini takomillashtirish” mavzusida pedagogika fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya himoyasi bo‘lib o‘tdi.
Mazkur tadqiqotning maqsadi aksiologik yondashuv asosida talabalarda milliy musiqiy merosni asrashga doir bilimlarini rivojlantirish metodikasini takomillashtirishga doir taklif va tavsiyalar ishlab chiqishdan iborat.
Mazkur dissertatsiya ishi pedagogika fanlari doktori, professor D.T.Samatov ilmiy rahbarligida bajarilgan.
Dissertatsiya muvaffaqiyatli himoya qilindi.
Shuningdek, 13.00.02 – Ta’lim va tarbiya nazariyasi va metodikasi (musiqa ta’limi) ixtisosligi mustaqil izlanuvchisi Sabirova Shaxnoza Shavkatovnaning “San’at va madaniyat sohasi mutaxassislarini tayyorlashda innovatsion yondashuvlardan ratsional foydalanish” mavzusida pedagogika fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiya himoyasi bo‘lib o‘tdi.
Mazkur tadqiqotning maqsadi san’at va madaniyat sohasi mutaxassislarini tayyorlashda innovatsion yondashuvlardan ratsional foydalanish metodikasini takomillashtirishdan iborat.
Mazkur dissertatsiya ishi pedagogika fanlari nomzodi, dotsent A.F.Kosheleva ilmiy rahbarligida bajarilgan.
Dissertatsiya muvaffaqiyatli himoya qilindi.

🎓
QABUL–2026: O‘ZDSMI
Abituriyentlar diqqatiga!!!
2026/2027 o‘quv yili uchun qabul jarayonlari boshlandi.
📌
Arizalarni
my.uzbmb.uz
platformasi orqali topshirishingiz mumkin.
🌐
Qabul masalalari bo'yicha yangiliklar bilan O‘zDSMI rasmiy sayti hamda ijtimoiy tarmoqlardagi sahifalari orqali tanishib borishingiz mumkin.
☎️
Qabul masalalari bo‘yicha Call Center:
📞
+998 71 230 28 40
📞
+998 71 230 28 42
📞
+998 71 230 28 48
📍
Manzil: Toshkent shahri, Yalang‘och dahasi, 127-a uy.
✨
Kelajagingizni san’at va madaniyat bilan bog‘lashni istasangiz, O‘zbekiston davlat san’at va madaniyat institutini tanlang!
Telegram
| Facebook
| Instagram
|
Rasmiy sayt