EKOLOG.UZ| UZ🇺🇿

#Toshkent_shahri
⚠️
Sayroqi qushlar qafas bezagi emas!
Toshkent shahridagi
"U babushki"
kafesida qafaslarda saqlanayotgan sayroqi qushlar kuzatildi.
Mavjud ma'lumotlarga ko‘ra, ular orasida
oqyonoq timaliya (beloshchekaya timeliya)
va
zarg‘aldoq
ham bor.
❗️
Oqyonoq timaliya O‘zbekiston hududida tabiiy holda uchramaydi. Agar ushbu qush mamlakatga tegishli ruxsat hujjatlarisiz olib kirilgan bo‘lsa, bu noqonuniy olib kirilganini anglatishi mumkin.
❗️
Zarg‘aldoq
bo‘yicha esa, bizdagi ma'lumotlarga ko‘ra,
O‘zbekiston Respublikasi Fanlar akademiyasi Zoologiya instituti
uzoq yillardan buyon ushbu qushni tabiatdan tutib olish uchun ruxsatnoma bermagan. Bu esa qushning kelib chiqishi qonuniyligi yuzasidan jiddiy savollarni tug‘diradi.
Shu munosabat bilan
O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi
hamda vakolatli organlardan quyidagilarni tekshirishni so‘raymiz:
✅
qushlarning kelib chiqishi qonuniymi;
✅
tegishli ruxsat hujjatlari mavjudmi;
✅
yovvoyi hayvonlarni saqlash bo‘yicha qonunchilik talablari bajarilganmi.
Yovvoyi qushlarning asl maskani — tabiat. Ular ko‘ngilochar maskanlarning bezagi emas. Agar qonunbuzarlik holatlari aniqlansa, aybdorlarga nisbatan amaldagi qonunchilik asosida choralar ko‘rilishi lozim.
📍
Umid qilamizki, mas'ul organlar ushbu holat yuzasidan tezkor va xolis tekshiruv o‘tkazadilar.
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

#ekofeyk
Janubiy Afrikadagi Fundudzi ko‘lidan suv namunasini olib chiqib bo‘lmaydi, chunki u yopiq idishlarda yo‘qolib ketadi. Ko‘l suvi ichilganidan keyin olimlar vafot etgan.
Ushbu materialda Fundudzi ko‘li haqidagi haqiqiy ma’lumotlar mahalliy afsona va tasdiqlanmagan da’volar bilan aralashtirilgan.
Nimalar tasdiqlandi?
✅
Fundudzi ko‘li haqiqatan ham mavjud.
U Janubiy Afrika Respublikasining Limpopo provinsiyasida joylashgan va venda xalqi uchun muqaddas hisoblanadi.
✅
Ko‘lning ko‘rinadigan oqib chiqish yo‘li yo‘q.
Suv sathining barqarorligi geologik tuzilish va yer osti oqimlari bilan izohlanadi.
❌
Suvning yopiq idishlardan yo‘qolib ketishi ilmiy jihatdan tasdiqlanmagan.
Zamonaviy tadqiqotlarda ko‘ldan olingan suv namunalari muvaffaqiyatli tahlil qilingan. Suvning "g‘oyib bo‘lishi" haqidagi hikoyalar ilmiy dalillarga emas, balki afsonalarga asoslanadi.
❌
Suvning tez kristallanishi yoki tarkibidagi brom tufayli namunalarning yo‘qolishi haqida ham ishonchli ilmiy dalillar mavjud emas.
❌
Ko‘l suvidan ichgan olimlarning vafot etgani haqidagi ma’lumot ham tasdiqlanmagan.
Ilmiy manbalarda bunday holatlar qayd etilmagan.
Xulosa
Fundudzi ko‘li o‘zining tabiiy va madaniy ahamiyati bilan mashhur. Biroq
suvning yopiq idishlarda yo‘qolib ketishi
,
uni tadqiq qilishning imkonsizligi
yoki
olimlarning suvni ichib halok bo‘lgani
haqidagi da’volar ilmiy dalillar bilan tasdiqlanmagan.
Hukm:
❌
feyk
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

#Murojaat
#Namangan
"
Ekolog.uz
" botiga Namangan viloyatidan quyidagi murojaat kelib tushdi.
Namanganda ayanchli ahvoldagi eshak aniqlandi. Ma'lum bo‘lishicha, jonivorning egasi bo‘la turib, uni uzoq vaqt davomida och qoldirgan va shafqatsiz munosabatda bo‘lgan. Natijada eshak nihoyatda ozib ketgan, tanasida ko‘plab jarohatlar paydo bo‘lgan.
Quvonarlisi,
"Ekolog" jamoat birlashmasi volontyori, "Dobroye serdtse" ("Mehribon yurak") boshpanasiz jonivorlar boshpanasi rahbari Alisa Tixomirova
jonivorni o‘z qaramog‘iga olishga rozi bo‘ldi. Biroq volontyorlar eshakni olib ketish uchun borganda, egasi uni
faqat 300 ming so‘m evaziga berishga rozilik bildirgan.
Aslida esa, jonivorni shu ahvolga olib kelgan shaxs qonun oldida javob berishi kerak.
Shu munosabat bilan
Oliy Majlis Qonunchilik palatasi deputatlaridan hayvonlarga nisbatan shafqatsiz munosabatning oldini olishga qaratilgan qonun loyihasini imkon qadar tezroq ko‘rib chiqish va qabul qilishni so‘raymiz.
Hozirda eshak Namangandan Toshkentga olib kelinmoqda. Faqat transport xarajatining o‘zi
1 million 500 ming so‘mni
tashkil etadi.
Bugungi kunda
"Dobroye serdtse"
boshpanasida:
150 ta it;
shafqatsiz munosabatdan qutqarilgan 15 ta eshak parvarish qilinmoqda.
Ularning barchasi ozuqa, dori-darmon va doimiy parvarishga muhtoj. Namangandan olib kelinayotgan eshak ham jiddiy davolanishi kerak.
Ayni paytda boshpana juda og‘ir moliyaviy vaziyatni boshdan kechirmoqda. Ozuqa, dori-darmon va har qanday moliyaviy yordamga ehtiyoj katta.
Har qanday, hatto kichik miqdordagi yordam ham bir jonivorning hayotini saqlab qolishga xizmat qilishi mumkin.
Agar yordam bera olmasangiz, iltimos, ushbu postni ulashing. Ba'zan aynan bitta ulashuv o‘nlab jonivorlarning hayotini saqlab qoladigan insonlarni topishga yordam beradi.
Boshpana rekvizitlari:
💳
Mastercard (USD):
5319519615293440
💳
Mastercard (UZS):
5319519615173063
💳
Uzcard: 5614682614054668
💳
Humo:
8600570424575131
❤️
Mehr-shafqat har birimizdan boshlanadi. Begona dardga befarq bo‘lmang. Birgalikda bu jonivorlarga yashash uchun yana bir imkon berishimiz mumkin.
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

🎉
Bugun "Ekolog" jamoat birlashmasining faol a'zosi, loyihalar koordinatori va treneri Nodira Alimovaning tavallud ayyomi!
🌹
Hurmatli
Nodira Alimova
!
Sizni tavallud ayyomingiz bilan chin qalbimizdan muborakbod etamiz!
Siz nafaqat jamoamizning faol a'zosi, balki bilim va tajribasini boshqalar bilan sidqidildan ulashadigan malakali trener, tashabbuskor va fidoyi insonsiz. Mehribonligingiz, mas'uliyatingiz, samimiyligingiz hamda har qanday vaziyatda insonlarga yordam qo‘lini cho‘zishga tayyorligingiz bilan barchamizning hurmatimizni qozongansiz.
Sizga mustahkam sog‘liq, uzoq va mazmunli umr, oilaviy baxt-saodat, xonadoningizga tinchlik va fayzu baraka tilaymiz. Ikki o‘g‘lingizning kamolini, ertaga esa nevaralaringizning quvonchini ko‘rib, doimo baxtiyor hayot kechirishingizni tilab qolamiz.
Barcha ezgu orzu va maqsadlaringiz ro‘yobga chiqsin, amalga oshirayotgan xayrli ishlaringizga omad va muvaffaqiyat doimo hamroh bo‘lsin!
🌸
Tavallud ayyomingiz muborak bo‘lsin, aziz Nodira!
"Ekolog" jamoat birlashmasi jamoasi
💚
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

Toshkent viloyati, Evalak
aholi punktida haydovchi avtomobilini muntazam ravishda
yashil hududga
, daraxt tagiga qo‘yib kelmoqda. Buning oqibatida daraxtning shoxlari sinib, yashil hududga zarar yetkazilgan.
📍
Joylashuv:
https://maps.google.com/maps?q=40.945180,69.527262&ll=40.945180,69.527262&z=16
Yashil hudud — avtoturargoh emas. Har bir daraxt havoni tozalaydi, yozning issiq kunlarida haroratni pasaytiradi va yashash muhitini yanada qulay qiladi. Daraxtlarga zarar yetkazish nafaqat tabiatga, balki fuqarolarning sog‘lom va qulay atrof-muhitda yashash huquqiga ham putur yetkazadi.
Qonunchilik nima deydi?
🔹
O‘zbekiston Respublikasi Konstitutsiyasining 55-moddasi
ga ko‘ra, yer, yer osti boyliklari, suv, o‘simlik va hayvonot dunyosi milliy boylik hisoblanadi hamda davlat muhofazasidadir.
🔹
"Tabiatni muhofaza qilish to‘g‘risida"gi Qonun
fuqarolar va yuridik shaxslardan tabiiy obyektlarga ehtiyotkorona munosabatda bo‘lishni hamda ularga zarar yetkazmaslikni talab qiladi.
🔹
"O‘simlik dunyosini muhofaza qilish va undan foydalanish to‘g‘risida"gi Qonun
daraxt va butalarni shikastlashni taqiqlaydi hamda o‘simlik dunyosiga yetkazilgan zararning qoplanishini nazarda tutadi.
🔹
O‘zbekiston Respublikasi Ma’muriy javobgarlik to‘g‘risidagi kodeksining 79-moddasi
o‘simlik dunyosi obyektlari va yashil hududlarni noqonuniy shikastlash yoki yo‘q qilish uchun ma’muriy javobgarlikni belgilaydi.
Toshkent viloyati Ekologiya boshqarmasi, obodonlashtirish xizmati hamda vakolatli organlardan ushbu holat yuzasidan tekshiruv o‘tkazish, avtomobil egasining harakatlariga huquqiy baho berish va qonunchilikka muvofiq tegishli choralarni ko‘rishni so‘raymiz.
Har bir daraxtni asrash — barchamizning burchimiz.
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

#Qashqadaryo_viloyati
, Shahrisabz tumani, O‘rtaqo‘rg‘on MFY hududida istiqomat qiluvchi fuqarolar tomonidan
asfalt zavodi faoliyati yuzasidan murojaat kelib tushdi.
Murojaatga ko‘ra, korxona hududida noma’lum manbadan kuchli tutun va yonish holati kuzatilayotgani, ayniqsa tungi vaqtlarda havo ifloslanishi hamda chang-to‘zon aholi tinchligini buzayotgani aytilmoqda.
Fuqarolar quyidagi savollarga aniqlik kiritilishini so‘ramoqda:
Nima yonmoqda?
Yong‘in yoki tutun manbai nima?
Mazkur hudud kimga tegishli?
Korxona ekologik me'yorlarga rioya qilayaptimi?
Shuningdek, murojaatda Qashqadaryo viloyati Ekologiya boshqarmasi mas'ul xodimi Xurshid Qarshiyev tomonidan "hammasi joyida" degan xulosa berilgani, biroq aholi bu xulosaga shubha bildirayotgani qayd etilgan.
Vakolatli organlardan mazkur holat yuzasidan
ochiq, xolis va batafsil tekshiruv
o‘tkazib, jamoatchilikka rasmiy izoh berishlarini so‘raymiz.
Agar ekologik me'yorlar buzilgan bo‘lsa, qonunchilikka muvofiq tegishli choralar ko‘rilishi lozim.
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

🔥
Yevropa olov ichida: Fransiya va Ispaniyada 250 mingdan ortiq kishi evakuatsiya qilindi
Fransiya va Ispaniyada yuz berayotgan yirik o‘rmon yong‘inlari oqibatida
250 mingdan ortiq odam
o‘z uylarini tark etishga majbur bo‘ldi. Yong‘inlarni o‘chirishga harbiylar, maxsus aviatsiya va qutqaruv xizmatlari jalb etilgan.
🇫🇷
Fransiyada
janubi-g‘arbiy hududlarda avj olgan yong‘inlar Bordo shahri tomon tarqalmoqda. Mamlakatda qariyb
197 ming kishi evakuatsiya qilindi
. Mutaxassislarning ta'kidlashicha, yong‘in "konvektiv yong‘in" bosqichiga o‘tgan bo‘lib, u o‘z shamol oqimlarini hosil qiladi va olovning yo‘nalishini kutilmaganda o‘zgartirishi mumkin.
🇪🇸
Ispaniyada
esa yong‘inlar
130 ming gektardan ortiq o‘rmon maydonini
kulga aylantirdi. Bu so‘nggi o‘n yillikdagi o‘rtacha yillik ko‘rsatkichdan ham yuqori. Madrid yaqinidagi hududlardan
70 ming kishi evakuatsiya qilindi
.
🤝
Tabiiy ofatga qarshi kurashda Yevropa davlatlari ham birdamlik ko‘rsatmoqda. Italiya, Gretsiya, Xorvatiya, Portugaliya, Chexiya, Slovakiya va Niderlandiya yong‘inlarni o‘chirish uchun samolyotlar, vertolyotlar va maxsus texnikalarni yubormoqda.
🐾
Qutqaruvchilar va ko‘ngillilar nafaqat odamlarni, balki yong‘in hududida qolib ketgan
yovvoyi va uy hayvonlarini
ham qutqarish uchun jonbozlik ko‘rsatmoqda.
🌍
Ushbu fojia iqlim o‘zgarishi oqibatida ekstremal ob-havo hodisalari tobora kuchayib borayotganini yana bir bor eslatmoqda. O‘rmonlarni muhofaza qilish, issiqxona gazlari chiqindilarini kamaytirish va tabiiy ofatlarga tayyorgarlikni kuchaytirish bugungi kunning eng muhim vazifalaridan biridir.
#Fransiya
#Ispaniya
#Yongin
#O
‘rmonYong‘inlari
#IqlimOzgarishi
#Ekologiya
#ClimateChange
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

O‘zbekistonda "yashil" energiya ishlab chiqarish
23 foizga oshdi
2026-yilning yanvar–iyul oylarida O‘zbekistonda qayta tiklanuvchi energiya manbalaridan
7 milliard kVt·soat
elektr energiyasi ishlab chiqarildi. Bu o‘tgan yilning shu davriga nisbatan
23 foizga ko‘p
.
Rasmiy ma'lumotlarga ko‘ra, mamlakatda umumiy o‘rnatilgan quvvati
5 602 MVt
bo‘lgan
21 ta "yashil" energiya ishlab chiqarish obyekti
faoliyat yuritmoqda. Ular tarkibiga umumiy quvvati
3 930 MVt
bo‘lgan
15 ta quyosh elektr stansiyasi
hamda quvvati
1 672 MVt
bo‘lgan
6 ta shamol elektr stansiyasi
kiradi.
So‘nggi yillarda "yashil" elektr energiyasi ishlab chiqarish hajmi izchil oshib bormoqda. Jumladan, 2022-yilda bu ko‘rsatkich
434 million kVt·soat
, 2023-yilda
576,9 million kVt·soat
, 2024-yilda
4,9 milliard kVt·soat
, 2025-yilda esa
10,5 milliard kVt·soat
ni tashkil etgan.
Umuman olganda, 2022-yildan 2026-yil iyul oyigacha O‘zbekistonda qayta tiklanuvchi energiya manbalaridan
23,4 milliard kVt·soatdan ortiq
elektr energiyasi ishlab chiqarilgan.
Ta'kidlanishicha, buning natijasida taxminan
6,24 milliard kub metr tabiiy gaz tejalgan
va atmosferaga
13,46 million tonnaga yaqin zararli moddalarning chiqarilishi oldi olingan
.
Mutaxassislarning ta'kidlashicha, bunday natijalarga qayta tiklanuvchi energetikani rivojlantirishga qaratilgan loyihalarni amalga oshirish, investitsiyalarni jalb etish hamda zamonaviy texnologiyalarni joriy etish orqali erishilmoqda.
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

Do‘stlar, yordamingizga juda muhtojmiz!
🙏
🐾
Hozir panohimizdagi jonivorlar uchun ko‘plab xarajatlar mavjud. Eng avvalo, quyidagi shoshilinch to‘lovlarni amalga oshirishimiz kerak.
To‘lanishi lozim:
🐾
Veterinariya klinikasi
—
1 000 000 so‘m
(hozirda 8 ta it davolanmoqda).
🐾
Qarovchi mehnat haqi
—
500 000 so‘m
(iyul oyi oxirigacha bo‘lgan 10 kun uchun, olib chiqilgan itlarga g‘amxo‘rlik qilayotgani uchun).
🐾
Yer maydoni ijarasi bo‘yicha qolgan qarzdorlik
—
167 000 so‘m
.
📌
Jami yig‘ilishi kerak bo‘lgan mablag‘ — 1 667 000 so‘m.
Hozirgi vaqtda kartada
683 000 so‘m
mavjud. Demak, yana
984 000 so‘m
yig‘ishimiz kerak.
🙏
Iltimos, befarq bo‘lmang. Har qanday, hatto kichik yordam ham itlarning davolanishini davom ettirish, ularga g‘amxo‘rlik qilish va vaqtinchalik xavfsiz boshpanasini saqlab qolishimizga yordam beradi.
❤️
Imkoningizdan kelib chiqib xayriya qiling. Keling, mehr va saxovat bilan bu sinovdan birgalikda o‘taylik.
💳
Karta:
8600 0610 7615 1249
Qabul qiluvchi:
Ismatullayeva Marg‘uba
📞
Telefon:
+998 90 355 03 45
📋
Hisobotlar:
https://t.me/NazarbekOtlov
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.

#Qashqadaryo_viloyati
⚠️
Qashqadaryoda itga nisbatan yana bir vahshiylik...
Nahotki, itlarni transport vositasiga bog‘lab sudrash Qashqadaryoda odatiy holatga aylanayotgan bo‘lsa?
Ijtimoiy tarmoqlarda uch g‘ildirakli yuk mototsikli —
"Muravey"
ortiga bog‘langan itning shafqatsizlarcha sudrab ketilayotgani aks etgan video tarqaldi. Dastlabki ma'lumotlarga ko‘ra, ushbu holat Qashqadaryo viloyatida sodir bo‘lgan.
Hayvonlarga nisbatan bunday munosabatni hech qanday sabab bilan oqlab bo‘lmaydi. Shafqatsizlik faqat hayvonga emas, balki jamiyatning insonparvarlik qadriyatlariga ham zarba beradi.
🛑
Vakolatli organlarni ushbu holat yuzasidan zudlik bilan xolis tekshiruv o‘tkazishga, aybdorlarni amaldagi qonunchilik asosida javobgarlikka tortishga chaqiramiz.
Hayvonlarga rahm-shafqat – insoniylik belgisi. Zo‘ravonlikka befarq bo‘lmang!
☘️
Ekologiyaga oid so‘nggi yangiliklarni
@ekologuz
sahifamizda kuzatib boring. Taklif va fikrlaringizni
@eklguz_bot
orqali yuboring!
Instagram
|
Facebook
|
Twitter
|
Sayt
|
Youtube
.