Eltuz portali
EP: Avaixon Obod Group MChJ atrofidagi shubhali holat: uy egalarining mulki kim tomonidan o‘g‘irlangan?
Toshkent shahrining Durmon yo‘li ko‘chasi, Avaixon MFY, 48-uy 5-podezdida yashovchi fuqarolar jiddiy muammoni ko‘tarmoqdalar.
Ularning aytishicha, mazkur ko‘p qavatli uyga xizmat ko‘rsatishi lozim bo‘lgan suv nasoslaridan biri Avaixon Obod Group MChJ tomonidan olib ketilgan va orqaga qaytarilmagan.
Fuqarolarning so‘zlariga ko‘ra, o‘g‘irlangan nasos yangi, soz holatda bo‘lgan. Aholi orasida esa savol tug‘ilmoqda: Avaixon Obod Group MChJ mazkur nasosni olib ketib, sotib yuborganmi? Ushbu gumonlar ortidan muammo yana ham keskinlashmoqda.
Mahalla aholisi bu holat haqida mutasaddi tashkilotlarga bir necha bor murojaat qilgan.
Ammo, ta’kidlashlaricha, tegishli choralar ko‘rilmayapti, murojaatlar esa e’tiborsiz qoldirilmoqda.
Aholi buni ochiqchasiga “ko‘z yumish” deb baholamoqda.
Avaixon Obod Group MChJ shahar bo‘yicha 100 dan ortiq ko‘p qavatli uylarga boshqaruv servis xizmati ko‘rsatadi.
Fuqarolar orasida kompaniya boshqa uylar mulklaridan ham turli jihoz va texnikalarni noqonuniy ravishda olib ketgan bo‘lishi mumkin, degan xavotirlar bor.
@eltuzportali
-
muammolar yechimi!
EP: Vodiyning asosiy yo‘lida tirbandlik
"Assalomu alaykum, hurmatli Eltuz kanali tomoshabinlari. Videoda ko‘rib turgan manzil — Vodiydan Toshkentga olib chiqadigan asosiy yo‘l bo‘lib, u Namangan postiga borish yo‘nalishida joylashgan.
Mazkur hududda yuk mashinalari majburiy tarzda tarozidan o‘tadi. Haydovchilar ta’kidlashicha, tarozi punktlari yetarli emasligi sababli uzun navbatlar yuzaga kelmoqda. Natijada yo‘lda katta tirbandlik paydo bo‘lmoqda.
Shuningdek, Chodakdagi svetofor ham ishlamayapti, hududda GAI xodimlari nazorati ko‘rinmayapti. Haydovchilar mas’ullarni ushbu muammoni nazoratga olishga va tezkor choralar ko‘rishga chaqirmoqdalar.
Aytilishicha, ushbu holat 24.11.2025 kuni soat 17:00 da kuzatilgan."
@eltuzportali
-
muammolar yechimi!
EP: MAHALLA AHLI CHIQINDI MOSHINGA INTIZOR
Namangan tuman Qumqorg‘on MFY da Toza hudud grafigi buyicha haftada 3 marta chiqindi moshinasi kelishi kerak. Lekin moshina bir oyda bir marta ham kelmasligi sabab atrof chiqindiga to‘ladi.
Bu hovli-joyli mahallardagi asosiy muammo. Odamlar chiqindi moshinasi keladigan kunni uydan chiqmay poylab o‘tiradi yoki chiqindini hovlida yoqib yuboradi. Chiqindi olishga o‘z vaqtida kelmagan ishchilarga, shart-sharoit yaratmagan rahbarlarga jarima jazosini qo‘llash vaqti kelmadimi?
@eltuzportali
-
muammolar yechimi!
Assalomu alaykum, Eltuz jamoasi.
Namangan viloyati Davlatobod tumani, Tadbirkor MFY 52-dom fuqorolari nomidan murojaat qilmoqdamiz.
Mahallamizda bir necha oydan beri — 2024-yil dekabrdan buyon davom etayotgan jiddiy muammo mavjud. Biz sotib olgan uylar “gaz bor” deb sotilgan, ammo amalda hali-hanuz gaz ulanganicha yo‘q. Gaz tarmog‘i ulanishini kutib turibdi, ya’ni gaz umuman mavjud emas.
Gaz tashkiloti mas’ullari murojaatlarimizni cho‘zmoqda: kimdir “ruxsat kutyapmiz” deydi, boshqasi “tez orada hal bo‘ladi” deb va’da beradi. Ammo hech qanday amaliy harakat yo‘q.
Odamlar sovuqda, gazsiz yashashga majbur bo‘lmoqda. Uy sotish jarayonida “gaz bor” deb aytilgani — iste’molchini chalg‘itish hisoblanadi. Biz esa hali ham natija kutib o‘tiribmiz.
Sizlardan ushbu muammoni yoritishda yordam so‘raymiz. Balki ommaviy axborot vositalari e’tibori orqali mas’ullar nihoyat choralar ko‘rarmikan.
Quruvchilarga murojaat qilganimizda, ular “harakat qilyapmiz” deydi, ammo ayni paytda boshqa dom qurishga tayyorgarlik ko‘rishyapti. Savol: nega ular xalqni aldagan holda yana yangi uylar sotishga urinmoqda?
Biz sotib olgan uylarimizni qaytarib olish yoki to‘langan kredit va boshlang‘ich to‘lovlarimizni qaytarishda yordam beradigan biron tashkilot bormi, shuni bilish maqsadida murojaat qilyapmiz.
@eltuzportali
-
muammolar yechimi!
Assalomu alaykum, Eltuz.
Farg‘ona viloyati Furqat tumani, Yangi MFY ko‘chasidagi vaziyat 2 oydan beri o‘zgarmay kelmoqda — suv isrof bo‘lib oqib yotganiga qaramay, suv-okava tashkiloti hali-hanuz bu muammoni bartaraf qilmayapti.
Sizdan iltimos: shu masalaning qandaydir yechimi bormikan?
@eltuzportali
-
muammolar yechimi!
Namanganda yo‘l harakati xavfsizligi xizmati mas’ullari e’tiboriga:
Yangi Namangan tumani, Bunyodkor MFY, Mustaqillikning 10-yilligi ko‘chasida joylashgan Gayiston svetofori bir necha kundan beri nosoz holatda. Uchala chiroq bir vaqtda yonib ketayotgani yoki ikkita chiroq bir vaqtda ishlayotgani kuzatilmoqda.
Shu nosozlikdan foydalanib, ayrim nohalol YHX xodimlari haydovchilarni quvib kelib, “qizilda o‘tding” deb jarima solishga urinyapti.
Avvalo, nosozlikni bartaraf eting…
@eltuzportali
-
muammolar yechimi!
"Assalomu alaykum Eltuz jamoasi sizga murojaat bilan chiqyapmiz Jizzax shahar Ittifoq mahallasidan mana kunlar sovib ketganiga ham ancha bo‘ldi lekin isitish tizimlari xali ham ishlatilmadi murojaat qilsak bir biriga tashlayapti farzandlarimiz kasal xozir hammada gripp majburlikdan gazni yoqib o'tiribmiz undan gaz xidi chiqyapti sizlardan iltimos shu masalani yoritib bersangiz zora kattakonlarga yetib borsa"
@eltuzportali
-
muammolar yechimi!
EP: Elektr tarmoqlari ishlari sababli yo‘lning ochilmayapti
"Assalomu alaykum, Eltuz jamoasi.
Biz Toshkent shahri, Yangihayot tumani, Fazli MFY aholisi nomidan murojaat qilmoqdamiz.
Bir oydan oshiq vaqt bo‘ldiki, uylarimiz oldidan o‘tuvchi elektr kabellarini tortish ishlari olib borildi. Ishchilar “ikki kunda yopamiz” deb va’da berishgan edi, biroq hozirga qadar biror mas’ul shaxs kelib ishni yakunlamadi.
Natijada barcha yo‘llar qazilib, chuqurlar ochiq holda yotibdi. Bu esa bolalarimizning maktab va bog‘chaga qatnashini juda qiyinlashtirmoqda.
Tuman hokimligiga murojaat qildik, ammo hech qanday natija bo‘lmadi. Shuning uchun sizlardan iltimos qilamiz — mazkur masalani tegishli mutasaddi tashkilotlarga yetkazishda amaliy yordam berishingizni so‘raymiz."
@eltuzportali
-
muammolar yechimi!
EP: Assalomu alaykum, hurmatli “Eltuz”!
Biz Farg‘ona viloyati Dangara tumani Tumor mahallasi fuqarolaridan murojaat qilyapmiz. Ko‘rib turganingizdek, odamlar kanal bo‘yiga chiqindilarni olib chiqib tashlamoqda. Bu haqda ijtimoiy tarmoqlarda ham murojaat qildik, lekin hech qanday natija bo‘lmadi. Mahalla raisi ham, ekologiya idorasi ham bu bilan jiddiy shug‘ullanmadi.
Mahallada chiqindi tashiydigan mashina yo‘lga qo‘yilgan, ular o‘z vaqtida kelmoqda. Buning uchun “Toza dud” rahbari va sobiq rais Doniyorjondan juda minnatdormiz. Lekin ayrim odamlar to‘lovdan qochib, chiqindilarni shu joylarga tashlashda davom etmoqda.
Shu joylarga kamera o‘rnatish kerak, chunki rais odamlarga qattiq talab qo‘ymayapti. Ekologiya idorasi jarima chorasini ko‘rsin — shunda hech kim chiqindisini tashlamaydi. Tozalik bo‘lsa, o‘zimiz uchun yaxshi-ku. Iltimos, murojaatimizni yoritib beringlar."
@eltuzportali
-
muammolar yechimi!
EP: Ichimlik suvi — milliy boyligimizni asrash burchimiz
Hazorasp pedagogika kolleji oldida bir necha kundan beri toza ichimlik suvi behuda oqib, isrof bo‘layotgani ko‘pchilikni tashvishga solmoqda. Toza ichimlik suvi — bu tabiatning bebaho ne’mati, inson hayoti uchun zarur bo‘lgan eng muhim resurslardan biridir. Uni asrash va tejab ishlatish har bir fuqaroning burchidir.
Bugungi kunda Hazorasp tumanining qariyb 30 foiz aholisi toza ichimlik suviga to‘liq ega emas. Shunday paytda, shaharchaning markazida — E. Gayazov ko‘chasida — bir necha kundan buyon tunda ham, kunduzi ham toza suvning erga behuda oqib ketayotgani achinarli hol, hattoki, bu holatni vijdonsizlik deb atash mumkin.
Ayniqsa, kech kuz kunlarida ekinlarga yoki daraxtlarga sug‘orish zarurati bo‘lmagan bir paytda, suvning shunchaki yo‘qotilishi nafaqat iqtisodiy, balki ma’naviy zarar ham yetkazadi. Zero, suv — bu hayot manbai, uni qadrlash esa har birimizning mas’uliyatimizdir.
Ushbu muammo bo‘yicha tegishli tashkilotlar va mutasaddilar tez fursatda chora ko‘rib, suvning behuda oqishiga barham berishlari, mavjud tarmoqlarni ta’mirlash va nazoratni kuchaytirishlari zarur.
Xulosa qilib aytganda, ichimlik suvi — bu xalqning umumiy boyligi. Uni isrof qilish — kelajak avlodlarimizning suv manbalariga nisbatan befarqlikdir. Shunday ekan, har bir fuqaro bu borada hushyor bo‘lishi, jamiyatimizda ekologik va fuqarolik mas’uliyatini oshirishga hissa qo‘shishi kerak.
@eltuzportali
-
muammolar yechimi!