"El-yurt umidi" Foundation

Xalq qabulxonalari yangi ochilganida
murojaatlarning 90-95 foizi shikoyat shaklida bo‘lgan bo‘lsa, hozirga kelib, 60-65 foizga tushdi.
“Bugun
odamlarning dunyoqarashi o‘zgarib, shaxsiy masalada emas, mahallasidagi sharoitni yaxshilash yuzasidan taklif berishni afzal ko‘ryapti.
Lekin
muammosi hal bo‘lmagan odamlar rahbarlar qabulini tashkil qilib berishni Prezidentdan so‘rayapti.
Endi
bu tizim o‘zgaradi
. Hokimlar arizada ko‘tarilgan
masalani hal qilishning o‘zi bilan cheklanmaydi
. Aksincha,
muammoning kelib chiqish sababi bilan ishlashi kerak
”
,
—
dedi
davlatimiz rahbari.
Shu bois, sohada yangi tizim joriy qilinib, Xalq qabulxonalari
faqatgina ariza qabul qiluvchi organ emas, balki hududdagi muammolarni diagnostika qiladigan markaz
bo‘lishi belgilandi.
🔗
Website:
Eyuf.uz
Telegram
|
Facebook
|
Instagram
|
YouTube

#Xalqaro_stajirovka
⚡️
Oʻzbekistonlik onkojarrohlar Fransiyada xalqaro stajirovkani boshlashdi
Bir guruh oʻzbekistonlik
onkolog shifokorlar “El-yurt umidi” jamgʻarmasi
tomonidan
Fransiyaning Oʻzbekistondagi elchixonasi
bilan hamkorlikda tashkil etilgan onkojarrohlik boʻyicha xalqaro stajirovkasini boshladi.
Ochiq
tanlov natijasiga
koʻra, Oʻzbekistonning yetakchi tibbiyot muassasalarining besh nafar mutaxassisi Fransiyaning ilgʻor onkologiya markazlari va tibbiyot universitetlari ishtirokida
Strasburg
hamda
Parij
shaharlarida malaka oshirish imkoniyatiga ega boʻldi.
👉
Batafsil
🔗
Website:
Eyuf.uz
Telegram
|
Facebook
|
Instagram
|
YouTube

#Xalqaro_hamkorlik
“El-yurt umidi” jamgʻarmasi Shanxayning yetakchi universitetlari bilan akademik hamkorlikni kengaytirmoqda
Xitoyga xizmat safari doirasida “El-yurt umidi” jamgʻarmasi ijrochi direktorining birinchi oʻrinbosari
Davron Abdurashidov
Osiyoning yetakchi ilmiy-taʼlim markazlaridan biri boʻlgan
Shanghai Jiao Tong universiteti
(QS World University Rankings 2026 — 47 oʻrinda)
rahbariyati bilan muzokaralar oʻtkazdi. Uchrashuv akademik hamkorlikni rivojlantirish, taʼlim dasturlarini kengaytirish hamda oʻzbekistonlik talabalar va mutaxassislar uchun yangi imkoniyatlar yaratishga bagʻishlandi.
Universitet Toshkent davlat texnika universiteti bilan hamkorlik qilib kelayotgani taʼkidlanib, tomonlar “El-yurt umidi” jamgʻarmasi ishtirokida ushbu hamkorlikni kengaytirishga kelishib oldi. Hozirgi kunda Shanghai Jiao Tong universitetida yigirmaga yaqin oʻzbekistonlik talaba tahsil olmoqda. Universitet rahbariyati oʻzbekistonlik talabalarga qoʻshimcha akademik yordam koʻrsatishga va oliygoh talabalari orasidan stipendiatlar sonini oshirish uchun jamgʻarma bilan hamkorlikka tayyorligini bildirdi.
Muzokaralar davomida amaliyotga yoʻnaltirilgan
maqsadli stajirovkalarni
rivojlantirishga alohida eʼtibor qaratildi. Universitet oʻzbekistonlik mutaxassislar va davlat xizmatchilari uchun
sunʼiy intellekt, dron texnologiyalari, kiberxavfsizlik
va
zamonaviy agrotexnologiyalar
kabi strategik muhim yoʻnalishlarda stajirovka dasturlarini tashkil etishga tayyorligini maʼlum qildi. Stajirovkalar akademik taʼlimni universitetning tadqiqot markazlari va texnologik laboratoriyalaridagi amaliy ish bilan uygʻunlashtirishni koʻzda tutadi.
Shanghai Jiao Tong universitetining sunʼiy intellekt va kompyuter texnologiyalari markazida uchrashuv boʻlib oʻtdi. Unda raqamli texnologiyalar sohasida mutaxassislar tayyorlashga moʻljallangan, davomiyligi bir oydan olti oygacha boʻlgan maqsadli stajirovka dasturlari muhokama qilindi. Muzokaralar yakunida tomonlar ushbu dasturlarni ishga tushirish uchun tegishli hujjatlarni ishlab chiqish va imzolashga kelishib oldi.
Tashrif doirasida jamgʻarma rahbariyati
NYU Shanghai
va
Shanghai Jiao Tong universitetlarida
tahsil olayotgan
oʻzbekistonlik talabalar bilan uchrashdi
. Ochiq muloqot davomida talabalarning oʻqish, yashash, akademik moslashuv sharoitlari hamda xorijda oʻqish paytida duch kelayotgan masalalari muhokama etildi.
NYU Shanghai maʼmuriyati maʼlumotlariga koʻra, bugungi kunda kampusda 40 nafardan ortiq oʻzbekistonlik talaba tahsil olmoqda va ulardan 10 nafardan ziyodi “El-yurt umidi” jamgʻarmasi stipendiatlaridir. Universitet rahbariyati va akademik maslahatchilari bilan oʻtkazilgan muzokaralar davomida jamgʻarma stipendiatlari uchun oʻqishga qabul qilinishdagi majburiy depozit toʻlovini bekor qilish boʻyicha kelishuvga erishildi. Bu esa yoshlarning moliyaviy yukini yengillashtirishga imkon beradi.
Oʻtkazilgan uchrashuvlar Oʻzbekiston va Xitoyning yetakchi universitetlari oʻrtasidagi akademik aloqalarni kengaytirish yoʻlida muhim qadam boʻldi. Tomonlar yuqori malakali mutaxassislar tayyorlash va ilmiy-taʼlim sohasidagi hamkorlikni mustahkamlashga qaratilgan uzoq muddatli sheriklikni rivojlantirishga tayyor ekanliklarini bildirdilar.
🔗
Website:
Eyuf.uz
Telegram
|
Facebook
|
Instagram
|
YouTube

🇺🇿
Prezident iqtidorli yoshlarni qoʻllab-quvvatlash hamjamiyati rasmiy
oavlod.uz
platformasi ishga tushdi!
Bu intellektual elita va liderlar birlashayotgan markaz, yoshlarning fikri, gʻoyasi va salohiyati uchun xalqaro maydonda raqobatbardosh boʻlish poydevori.
Mazkur platformada Prezident tashabbusi bilan yaratilgan va mamlakatning eng iqtidorli yoshlarini
birlashtiradi
.
Prezident maktablari, “El-yurt umidi” jamgʻarmasi stipendiatlari, Al-Beruniy nomidagi xalqaro maktab-internat, “Yangi Oʻzbekiston” universiteti bitiruvchilari, “Prezident iqtidorli farzandlari” milliy dasturi ishtirokchilarini yagona platformaga jalb etadi.
Prezident iqtidorli yoshlarni qoʻllab-quvvatlash hamjamiyati — bu kelajak yetakchilarining uchrashuvlari, fikrlarning sintezi va yangicha fikrlash doirasi. Siz ham bu dinamik va intellektual tarmoqning bir qismiga aylanishingiz mumkin.
Jamoaga qoʻshiling, fikr almashing, oʻsish yoʻlini birga yaratamiz — chunki kelajak bugun boshlangan jamiyatlardan hosil boʻladi.
🔗
Website:
Eyuf.uz
Telegram
|
Facebook
|
Instagram
|
YouTube

#OAV_biz_haqimizda
“El-yurt umidi” jamgʻarmasi Gonkong universiteti
(QS Ranking reytingida 11-oʻrin)
bilan hamkorlik memorandumi imzoladi
🔗
Website:
Eyuf.uz
Telegram
|
Facebook
|
Instagram
|
YouTube

#Yoshlar_kuni
Yoshlar kuni doirasida “El-yurt umidi” jamgʻarmasi rahbariyati stipendiatlar bilan onlayn muloqot oʻtkazdi
Bugun,
Yoshlar kuni
doirasida, “El-yurt umidi” jamgʻarmasi ijrochi direktori
Gulnoza Ismailova
AQSH, Kanada, Yevropa va Osiyo mamlakatlari hamda Avstraliyaning nufuzli universitetlarida tahsil olayotgan stipendiatlar bilan bir qator onlayn uchrashuvlar oʻtkazdi. Muloqotda jamgʻarma huzuridagi Ota-onalar kengashi vakillari ham ishtirok etdi.
Onlayn uchrashuvlar xorijda taʼlim olish, akademik oʻzlashtirish va talabalarning oʻqish davomida duch kelayotgan qiyinchiliklari bilan bogʻliq masalalarni muhokama qilish uchun ochiq maydonga aylandi. Akademik intizom va oʻzlashtirish, akademik hisobotlarni oʻz vaqtida topshirish hamda xorijda yashash va oʻqish qoidalariga rioya qilish masalalariga alohida eʼtibor qaratildi.
Muloqot davomida yoshlar oʻzlarini qiziqtirgan savollarni berish va xorijda oʻqish paytida yuzaga keladigan muammolarni muhokama qilish imkoniga ega boʻldilar. Jamgʻarma rahbariyati taʼlimni muvaffaqiyatli davom ettirish uchun zarur tashkiliy yordam koʻrsatishga tayyor ekanligini taʼkidladi.
Uchrashuvlar yakunida stipendiatlar bilan bu kabi muntazam muloqot shakllari davom ettirilishi qayd etildi. Zero, ular yuzaga kelayotgan masalalarga tezkor munosabat bildirish va dunyoning yetakchi universitetlarida mamlakatimizni tanitayotgan yoshlar bilan doimiy aloqani qoʻllab-quvvatlash imkonini beradi.
🔗
Website:
Eyuf.uz
Telegram
|
Facebook
|
Instagram
|
YouTube

#Xalqaro_hamkorlik
DAAD vakillari bilan oʻzbekistonlik yoshlar uchun taʼlim imkoniyatlarini kengaytirish masalasi muhokama qilindi
“El-yurt umidi” jamgʻarmasi rahbariyati Germaniya akademik almashinuv xizmatining (DAAD) Oʻzbekiston boʻyicha mintaqaviy direktori
Gisela Zimmermann
bilan uchrashuv oʻtkazdi. Tomonlar taʼlim sohasidagi hamkorlikni rivojlantirish va Germaniyada oʻqish istagidagi oʻzbekistonlik yoshlarni qoʻllab-quvvatlash istiqbollarini muhokama qildi.
Uchrashuv davomida oʻzbekistonlik iqtidorli talabalarning Germaniyaning yetakchi oliy taʼlim muassasalarida oʻqish imkoniyatlarini kengaytirishga qaratilgan qoʻshma taʼlim dasturlarini ishlab chiqish masalalari koʻrib chiqildi.
Tomonlar joriy yilning aprel oyida Oʻzbekiston yoshlari uchun maxsus vebinar tashkil etishga kelishib oldi. Unda Germaniya oliy taʼlim tizimi, DAAD stipendiya dasturlari va talabalik vizasini rasmiylashtirish jarayoni haqida batafsil maʼlumot taqdim etiladi.
Muzokaralar yakunida, tomonlar Oʻzbekiston va Germaniya oʻrtasidagi akademik aloqalarni mustahkamlash hamda yuqori malakali mutaxassislarni tayyorlash imkoniyatlarini kengaytirishga yoʻnaltirilgan qoʻshma taʼlim tashabbuslari va oliy taʼlim sohasidagi hamkorlik dasturlarini ishlab chiqishdan manfaatdor ekanliklarini bildirdi.
🔗
Website:
Eyuf.uz
Telegram
|
Facebook
|
Instagram
|
YouTube

#OAV_biz_haqimizda
“El-yurt umidi” jamgʻarmasi xalqaro hamkorlikni kengaytirmoqda
🔗
Website:
Eyuf.uz
Telegram
|
Facebook
|
Instagram
|
YouTube

#Xalqaro_hamkorlik
“El-yurt umidi” jamgʻarmasi Vengriya Milliy davlat xizmati universiteti bilan hamkorlikni rivojlantirmoqda
“El-yurt umidi” jamgʻarmasi ijrochi direktori
Gulnoza Ismailova
Vengriyaning Lyudovika nomidagi Milliy davlat xizmati universiteti xalqaro aloqalar boʻyicha direktori
Liliana Smiech
bilan uchrashdi.
Tomonlar akademik hamkorlikni rivojlantirish va davlat boshqaruvi tizimi uchun kadrlar tayyorlash istiqbollarini muhokama qildi.
Uchrashuv davomida G. Ismailova “El-yurt umidi” jamgʻarmasi faoliyati, davlat rahbari tomonidan belgilab berilgan ustuvor yoʻnalishlar hamda jamgʻarmaning xalqaro taʼlim sohasidagi hamkorlikni kengaytirish, jumladan, oʻzbek tilini global akademik maydonda ilgari surishga qaratilgan loyihalari bilan tanishtirdi.
Shu bilan birga, ikki mamlakat oʻrtasidagi akademik aloqalarni mustahkamlashga xizmat qiladigan taʼlim dasturlarini amalga oshirish uchun malakali oʻqituvchi va mutaxassislarni jalb etish masalasi ham koʻrib chiqildi.
Muzokaralar yakunida tomonlar davlat boshqaruvi, suv resurslari, kiberxavfsizlik va mudofaa sohalarida maqsadli stajirovkalar dasturini ishlab chiqish, shuningdek, Lyudovik nomidagi Davlat xizmati universitetida oʻzbek tilini oʻqitish dasturini yoʻlga qoʻyish kabi masalalarni oʻz ichiga oladigan hamkorlik shartnomasini tuzish va imzolashga kelishib oldi.
🔗
Website:
Eyuf.uz
Telegram
|
Facebook
|
Instagram
|
YouTube

#Xalqaro_hamkorlik
“El-yurt umidi” jamgʻarmasi Gonkong politexnika universiteti bilan hamkorlikni rivojlantirmoqda
Gonkongga xizmat safari doirasida “El-yurt umidi” jamgʻarmasi ijrochi direktorining birinchi oʻrinbosari
Davron Abdurashidov
boshchiligidagi delegatsiya
Gonkong politexnika universiteti
rahbariyati bilan uchrashuv oʻtkazdi.
Tomonlar akademik hamkorlikni kengaytirish va yuqori texnologiyali yoʻnalishlarda kadrlar tayyorlash masalalarini muhokama qildi.
Taʼkidlanganidek, “El-yurt umidi” jamgʻarmasi bugungi kunda nafaqat yetakchi xorijiy universitetlardagi taʼlim dasturlarini, balki davlat xizmatchilari va mutaxassislar uchun maqsadli stajirovkalar tizimini ham faol rivojlantirib kelmoqda. Bunda asosiy eʼtibor texnologik taraqqiyotni belgilab beruvchi yoʻnalishlar —
sunʼiy intellekt, kiberxavfsizlik, robototexnika
va
dron texnologiyalariga
qaratilmoqda.
Oʻz navbatida, Gonkong politexnika universiteti rahbariyati oliygohning imkoniyatlari bilan tanishtirib, universitet kuchli akademik maktablar
(kompyuter va matematika fanlari, muhandislik va mashinasozlik, mehmonxona va turizm boshqaruvi, qurilish va atrof-muhit fakultetlari)
va tadqiqot markazlariga ega ekanligini taʼkidladi.
Tomonlar akademik tayyorgarlikni amaliy mashgʻulotlar bilan uygʻunlashtiradigan texnologik yoʻnalishlar boʻyicha
maqsadli stajirovkalarni
tashkil etish boʻyicha kelishuvga erishdi.
Bundan tashqari, universitet “El-yurt umidi” jamgʻarmasi orqali yuboriladigan talabalarga
50 foizidan 100 foizigacha
grant koʻmagini taqdim etishga tayyorligini bildirdi.
Muzokaralar davomida
qoʻshma taʼlim dasturlarini
yoʻlga qoʻyish istiqbollari ham muhokama qilindi. Xususan, jamgʻarma “ToshTech” texnika universiteti va bir qator boshqa Oʻzbekiston OTMlari bilan hamkorlikda bunday tashabbuslarni qoʻllab-quvvatlashga tayyorligini bildirdi.
Uchrashuv yakunida tomonlar oʻzbekistonlik mutaxassislarni oʻqitish va kasbiy tayyorlash uchun yangi imkoniyatlar yaratadigan
anglashuv memorandumini
imzoladi. Hujjatning imzolanishi “El-yurt umidi” jamgʻarmasining xalqaro hamkorlikni kengaytirish yoʻlidagi navbatdagi qadam boʻlib, Oʻzbekistonning texnologik rivojlanishiga hissa qoʻsha oladigan yuqori malakali mutaxassislarni tayyorlash uchun yangi imkoniyatlar ochadi.
🔗
Website:
Eyuf.uz
Telegram
|
Facebook
|
Instagram
|
YouTube