"El-yurt umidi" Foundation
#Diqqat_tanlov
⚡️
Oʻzbekiston Respublikasi Prezidenti huzuridagi Istiqbolli kadrlarni tayyorlash boʻyicha “El-yurt umidi” jamgʻarmasi 2026-yil 1-ochiq stipеndiya tanlovi doirasida hujjatlar qabuli davom etmoqda. “El-yurt umidi” jamgʻarmasi Boshqaruv kengashining…
#Yoshlar_kuni
Yoshlar kuni doirasida “El-yurt umidi” jamgʻarmasi ijrochi direktori Gulnoza Ismailova Termiz shahrida yoshlar bilan ochiq muloqot oʻtkazdi.
🔗
Website:
Eyuf.uz
Telegram
|
Facebook
|
Instagram|
YouTube
#EYUF_tanlov
“El-yurt umidi” jamgʻarmasi
2026-yil birinchi ochiq stipendiya tanloviga
hujjatlar qabuli davom etmoqda. 2026-yil
3-apreldan 23-aprelga
qadar tanlovning onlayn platformasida
13 500 nafardan ziyod
kishi roʻyxatdan oʻtdi. Arizachilarning geografiyasi tanlovning global qamrovini yaqqol koʻrsatib turibdi.
Hujjat topshirish vaqtida nomzodlar soni eng koʻp boʻlgan mamlakatlarning Top-5 taligiga
Oʻzbekiston, Rossiya, Buyuk Britaniya, AQSH
va
Koreya Respublikasi
kirdi. Bu tanlovda nafaqat mamlakatdagi abituriyentlar, balki ayni paytda xorijda taʼlim olayotgan yoki istiqomat qilayotgan vatandoshlarimiz ham faol ishtirok etayotganini tasdiqlaydi.
🕯
Infografikada arizalar kelib tushgan
Top-15 ta mamlakat
aks ettirilgan.
Tanlovning barcha bosqichlari
ochiqlik, teng imkoniyatlar va shaffoflik
tamoyillari asosida oʻtkaziladi. Nomzodlarga taqdim etilayotgan maʼlumotlarning toʻgʻriligini hamda hujjatlarning belgilangan talablarga muvofiqligini sinchkovlik bilan tekshirish tavsiya etiladi.
Hujjatlar maxsus
➡️
onlayn platforma
orqali 2026-yil
3-apreldan 24-aprelga
qadar
(shu kunning oʻzida ham 23:59 ga qadar)
qabul qilinadi.
Murojaatlar uchun
:
@eyufadmissionbot
🔗
Website:
Eyuf.uz
Telegram
|
Facebook
|
Instagram
|
YouTube
#Stipendiatlar_hayotidan
“El-yurt umidi” jamgʻarmasi stipendiati nufuzli opera dasturiga qabul qilindi
“El-yurt umidi” stipendiati, San-Fransisko musiqa konservatoriyasida (AQSh) taʼlim olayotgan
Mumtozbegim Ochilova
Houston Grand Opera (HGO) tomonidan 2026-yil uchun tashkil etiladigan yosh artistlar dasturining ishtirokchisiga aylandi.
Houston Grand Opera huzuridagi Yosh artistlar dasturi (Young Artist Program) opera sanʼati olamida eng raqobatbardosh dasturlardan biri hisoblanadi. Unga har yili AQSH va boshqa mamlakatlardan atigi 16 nafar iqtidorli ijrochi saralab olinadi, bu esa ishtirokchilar qatoriga qoʻshilishni muhim kasbiy yutuqqa aylantiradi.
Yosh artistlar yil davomida vokal boʻyicha yakka tartibdagi mashgʻulotlar, aktyorlik mahoratini rivojlantirish, rejissyorlar va ijodiy jamoalar bilan ishlash, shuningdek, sohaning yetakchi vakillari oʻtkazadigan mahorat darslarida ishtirok etish kabi jadal tayyorgarlikdan oʻtadilar.
Houston Grand Opera Shimoliy Amerikaning yetakchi opera tashkilotlaridan biri sifatida tan olingan va koʻpincha Nyu-Yorkdagi Metropolitan Operadan keyin ikkinchi eng muhim dargoh sifatida eʼtirof etiladi. 2025-yilda HGO nufuzli Xalqaro opera mukofotining “Eng yaxshi opera kompaniyasi” nominatsiyasi boʻyicha finalistlar qatoridan joy olgani oʻzbekistonlik yosh artist sahnaga chiqadigan ijod maskanining yuksak darajasini yana bir bor tasdiqlaydi.
🔗
Website:
Eyuf.uz
Telegram
|
Facebook
|
Instagram
|
YouTube
#Stipendiatlar_hayotidan
“El-yurt umidi” jamgʻarmasi stipendiati biznes uchun generativ sunʼiy intellektni baholashga doir tadqiqotni taqdim etdi
“El-yurt umidi” jamgʻarmasi stipendiati, Janubiy Kaliforniya universiteti magistranti
Firdavs Fozilov
Massachusets texnologiya institutida boʻlib oʻtgan “
BIG.AI
@MIT 2026” xalqaro anjumanida ishtirok etdi.
Anjuman doirasida u generativ sunʼiy intellekt tizimlarini baholashning yangi modelini ishlab chiqishga bagʻishlangan “A Preference-Based Evaluation Framework for Generative AI in Business Decision Support”
(Biznes qarorlarini qabul qilishni qo‘llab-quvvatlashda generativ sun’iy intellektni afzalliklarga asoslangan baholash tizimi)
nomli tadqiqotini taqdim qildi.
Ushbu loyiha texnik koʻrsatkichlarni tahlil qilish bilan bir qatorda foydalanuvchilarning afzalliklari hamda sunʼiy intellektni korporativ muhitga tatbiq etishning iqtisodiy samaradorligiga yoʻnaltirilgan keng qamrovli va shaffof (audit qilinadigan) baholash tizimini yaratishga qaratilgan.
Taqdim etilgan yondashuv anʼanaviy benchmarklar (mezonlar) doirasidan tashqariga chiqib, sunʼiy intellekt yechimlarining biznes va boshqaruv qarorlari uchun real qiymatini hisobga olgan holda, ularni tanlashning yanada amaliy modelini taklif etadi.
🔗
Website:
Eyuf.uz
Telegram
|
Facebook
|
Instagram
|
YouTube
Oʻzbekiston Respublikasi Prezidenti Shavkat Mirziyoyevning Mintaqaviy ekologik sammitdagi nutqi — Выступление Президента Республики Узбекистан Шавката Мирзиёева на Региональном экологическом саммите — Address by the President of the Republic of Uzbekistan…
Oʻzbekiston Respublikasi Prezidenti Shavkat Mirziyoyevning Mintaqaviy ekologik sammitdagi
nutqi
—
Выступление
Президента Республики Узбекистан Шавката Мирзиёева на Региональном экологическом саммите
—
Address
by the President of the Republic of Uzbekistan Shavkat Mirziyoyev at the Regional Ecological Summit
🔗
Website:
Eyuf.uz
Telegram
|
Facebook
|
Instagram
|
YouTube
#Stipendiatlar_hayotindan
“El-yurt umidi” jamgʻarmasi stipendiati Bryusselda Yevropa parlamenti taʼlim dasturida ishtirok etdi
“El-yurt umidi” jamgʻarmasi stipendiati, Glazgo universiteti magistranti
Fazliddin Djamalov
14–17-aprel kunlari Bryusselda Yevropa parlamenti tomonidan tashkil etilgan grant taʼlim dasturida qatnashdi. Dastur Yevropa Ittifoqining asosiy institutlari faoliyati bilan yaqindan tanishishga qaratilgan edi.
Dastur doirasida Fazliddin Djamalov Yevropa Ittifoqi, Yevropa Kengashi, Yevropa tashqi aloqalar xizmati kabi yetakchi tuzilmalarga tashrif buyurib, ularning faoliyatini oʻrgandi hamda Fridrix Ebert jamgʻarmasi koʻmagida uyushtirilgan uchrashuv va maʼruzalarda ishtirok etdi.
Maʼruzalar davomida xalqaro hamkorlik masalalariga alohida eʼtibor qaratildi. Ekspertlar Markaziy Osiyo, xususan, Oʻzbekiston va Yevropa Ittifoqi oʻrtasidagi oʻzaro hamkorlik barqaror ijobiy dinamikani namoyon etayotganini taʼkidladilar. Mamlakatimiz rahbari tomonidan olib borilayotgan pragmatik tashqi siyosat ikki tomonlama tashabbuslarni kengaytirish va yangi qoʻshma loyihalarni ishga tushirishga xizmat qilayotgani qayd etildi.
Bunday dasturlardagi ishtirok “El-yurt umidi” jamgʻarmasi stipendiatlariga ilgʻor xalqaro tajribalardan foydalanish imkoniyatini beradi va global siyosiy jarayonlar haqidagi tushunchalarini shakllantiradi. Bu tajriba milliy manfaatlar va xalqaro hamkorlik tutashgan nuqtada samarali faoliyat yurita oladigan yangi avlod mutaxassislarini tayyorlashning muhim unsuriga aylanadi.
🔗
Website
:
Eyuf.uz
Telegram
|
Facebook
|
Instagram
|
YouTube
#ElYurtUmidiSuccessStory
“El-yurt umidi” jamgʻarmasi stipendiatining shogirdlari xalqaro olimpiadada medallarni qoʻlga kiritdi
Urganch davlat universiteti talabalari Turkmanistonning Ashxobod shahrida oʻtkazilgan VI Xalqaro ochiq fan olimpiadasida (OMOUS-2026) yuqori darajadagi tayyorgarligini namoyish etdilar. Jamoa “El-yurt umidi” jamgʻarmasi stipendiati
Islombek Ismailov
ishtirokida musobaqaga tayyorlanib,
2 ta oltin
,
3 ta kumush
va
2 ta bronza
medalni qoʻlga kiritdi.
Bu muvaffaqiyat jamoaviy bahslarda ham mustahkamlandi: universitetning birinchi terma jamoasi kumush medalga, ikkinchisi esa bronza medalga sazovor boʻldi.
🔗
Website
:
Eyuf.uz
Telegram
|
Facebook
|
Instagram|
YouTube
#Muhim
📣
Nomzodlar diqqatiga: “El-yurt umidi” jamgʻarmasi 2026-yil birinchi ochiq stipendiya tanlovi doirasida hujjatlar qabuli 24-aprelda yakunlanadi!
“El-yurt umidi” jamgʻarmasi 2026-yil birinchi ochiq stipendiya tanlovi uchun hujjatlar qabuli
24-aprel kuni soat 23:59 da
toʻxtatiladi
.
Joriy yilning
3-aprelidan 22-apreliga
qadar platformadagi koʻrishlar soni
27 ming
foydalanuvchidan oshdi va platformada
13 mingga yaqin
kishi roʻyxatdan oʻtdi. Bu esa tanlovga qiziqish va raqobat yuqori ekanligini tasdiqlaydi.
Hujjat topshirish platformasi imkon qadar sodda va tushunarli qilib ishlab chiqilgan:
✔️
har bir boʻlimda
talab etiladigan hujjatlar va maʼlumotlar tavsifi
keltirilgan;
✔️
har bir bosqichda
maʼlumotlarni tahrirlash imkoni berilgan hamda sinchkovlik bilan qayta tekshirish zarurligi
haqida eslatmalar mavjud;
✔️
yakuniy yuborishdan oldin tizim
xatolarni tuzatishni va yuklangan maʼlumotlarning toʻgʻriligini tasdiqlashni
taklif qiladi.
Tanlov jarayonlari va platformaga hujjatlarni yuklash boʻyicha
4 ta ovozli chat va vebinarlar
oʻtkazildi.
⚠️
Shunga qaramay, nomzodlardan quyidagi kabi bir
xil xatolar
bilan murojaatlar kelib tushishda davom etmoqda:
— majburiy hujjatlar yuklanmagan;
— notoʻgʻri yoki eskirgan fayllar biriktirilgan;
— maʼlumotlar puxta tekshirilmasdan kiritilgan.
‼️
Muhim: ochiq stipendiya tanlovi belgilangan talablarga qatʼiy muvofiq oʻtkaziladi.
Ariza topshirishdan oldin Oʻzbekiston Respublikasi Prezidentining 2025-yil 5-maydagi PF-77-sonli Farmoni bilan tasdiqlangan
👉
Tanlov toʻgʻrisidagi nizom
bilan tanishib chiqish kerak. Belgilangan talablarga javob bermaydigan nomzodlarning keyingi bosqichga oʻtishiga yoʻl qoʻyilmaydi.
Alohida taʼkidlaymiz:
❌
jarayonga taʼsir oʻtkazish maqsadida
Jamgʻarma rahbariyatiga, komissiya aʼzolariga yoki xodimlariga bosim oʻtkazishga
yoʻl qoʻyilmaydi,
“qoʻngʻiroqlar” oʻtmaydi
;
✔️
saralash faqat
amaldagi qonunchilik
doirasida,
shaffof va barcha uchun teng shartlar asosida
oʻtkaziladi.
Nomzodlarga qulaylik yaratish maqsadida Tanlov shartlari haqida savollarga javob beradigan maxsus
👉
Telegram bot
ishga tushirilgan. Shu bilan birga, bot topshirilgan arizalarga oʻzgartirish yoki tuzatish kiritish uchun emas, balki maʼlumot berish uchun moʻljallangan.
Barcha nomzodlarni
hujjat topshirishga masʼuliyat bilan yondashishga
, har bir tafsilotni sinchkovlik bilan tekshirishga va arizani belgilangan muddatgacha yakunlashga chaqiramiz.
🔗
Website
:
Eyuf.uz
Telegram
|
Facebook
|
Instagram
|
YouTube