Farg‘ona viloyati axborot-kutubxona markazi
Farg‘onalik bitiruvchilarga “Davlat auditi oliy maktabi” imkoniyatlari tanishtirildi
“Dolzarb 90 kun” loyihasi doirasida Ahmad al-Farg‘oniy nomidagi viloyat axborot-kutubxona markazi hamda Qo‘qon universitetida "Davlat auditi oliy maktabi" vakillari ishtirokida targ‘ibot tadbirlari tashkil etildi.
Mazkur uchrashuvlarda akademik litseylar va umumta’lim maktablarining 600 nafarga yaqin bitiruvchi o‘quvchilari qatnashdi.
Tadbirlar davomida yoshlarga 2026/2027-o‘quv yilidan boshlab Toshkent davlat iqtisodiyot universiteti huzurida tashkil etilgan “Davlat auditi oliy maktabi” faoliyati, zamonaviy ta’lim dasturlari hamda xalqaro darajada tan olingan sertifikatlarni olish kabi qator muhim masalalar yuzasidan tushuntirishlar berildi.
Ishtirokchilar o‘zlarini qiziqtirgan savollarga mutaxassislardan javoblar oldilar.
Mazkur uchrashuvlar yoshlarning kasb tanlash jarayonida to‘g‘ri qaror qabul qilishiga hamda zamonaviy va raqobatbardosh mutaxassis bo‘lib yetishishiga xizmat qilmoqda.
Fergana.gov.uz
|
Facebook|
Instagram|
Youtube|
X
#Yoshlar_kuni
#Rahbar_va_yoshlar_uchrashuvi
“Mustaqillikning 35 yilligi – Yangi O‘zbekiston yoshlari nigohida” shiori ostida o‘tkazilayotgan “Yoshlar kuni” doirasida Farg‘ona viloyati axborot-kutubxona markazida rahbar va yoshlar uchrashuvi tashkil etildi.
Mazkur uchrashuv O‘zbekiston Respublikasi Prezidenti tomonidan joriy yil 24-fevral kuni yoshlar bilan o‘tkazilgan muloqotda belgilangan ustuvor vazifalar, tashabbuslar va topshiriqlar ijrosini ta’minlash hamda O‘zbekiston Milliy kutubxonasi tomonidan ishlab chiqilgan reja-grafik asosida o‘tkazildi.
Tadbir davomida yoshlarni qiziqtirayotgan masalalar muhokama qilinib, axborot-kutubxona faoliyatiga zamonaviy axborot-kommunikatsiya texnologiyalarini keng joriy etish, soha uchun dasturiy ta’minotlar yaratish, biznes-reja tuzish ko‘nikmalarini shakllantirish, grant mablag‘larini jalb etish hamda sun’iy intellekt imkoniyatlaridan samarali foydalanish mavzularida davra suhbati tashkil etildi.
Shuningdek, yoshlarning innovatsion g‘oyalari va tashabbuslarini qo‘llab-quvvatlash, startap loyihalar tayyorlash bo‘yicha amaliy tavsiyalar berilib, trening mashg‘ulotlari o‘tkazildi. Uchrashuv ochiq muloqot ruhida kechib, yoshlar o‘z taklif va mulohazalarini bildirish imkoniyatiga ega bo‘ldilar.
Aziz yoshlar va kitobsevarlar!
Farg‘ona viloyati hokimligi, Ma’naviyat va ma’rifat markazi viloyat bo‘limi, Yoshlar ishlari viloyat boshqarmasi hamda “Yangi Farg‘ona” gazetasi hamkorligida “Kitob – beminnat do‘st” shiori ostida videoroliklar tanlovi e’lon qilinadi!
Siz ham kitobning inson hayotidagi o‘rni, uning ilhom va bilim manbai ekanini kreativ videorolik orqali namoyon eting!
Tayyor rolikni Instagram sahifangizga
#fargonakitob
xeshtegi bilan joylashtiring.
Gʻoliblar qimmatbaho sovg‘alar bilan taqdirlanadi:
1-o‘rin — 10 million so‘m,
2-o‘rin — 5 million so‘m,
3-o‘rin — 3 million so‘m.
Tanlovda barcha ishtirok etishi mumkin.
Ijodiy ishlar 1-iyul kuni soat 23:59 gacha qabul qilinadi.
Eng muhimi — original g‘oya, qiziqarli syujet va kitobxonlikni targ‘ib qiluvchi mazmun!
Shoshiling! Kitobga mehringizni namoyon eting va g‘oliblar safidan joy oling!
Fergana.gov.uz
|
Facebook|
Instagram|
Youtube|
X
Ahmad Farg‘oniy nomidagi Farg‘ona viloyati axborot-kutubxona markazi tomonidan "Bilimdon" yozgi bolalar oromgohida kitobxonlik bayrami tashkil etildi.
Farg‘ona tumanining Log‘on qishlog‘ida joylashgan
"Bilimdon" yozgi bolalar oromgohida
yosh avlodning kitobga bo‘lgan qiziqishini oshirish, mutolaa madaniyatini rivojlantirish maqsadida
"Kitob — bilim va ma’rifat manbai"
shiori ostida ma’naviy-ma’rifiy tadbir o‘tkazildi.
Tadbir davomida bolalar o‘rtasida qiziqarli viktorina va savol-javoblar tashkil etilib, ularning bilim va tafakkuri sinovdan o‘tkazildi. Shuningdek, turli janrdagi adabiyotlardan iborat kitob ko‘rgazmasi namoyish etilib, ishtirokchilar yangi kitoblar bilan yaqindan tanishish imkoniyatiga ega bo‘ldilar.
Faol va zukko qatnashchilar o‘z bilimlari hamda topqirliklari bilan ajralib turib, esdalik sovg‘alari bilan taqdirlandilar.
Tadbirning muhim natijalaridan biri sifatida oromgoh ma’muriyati bilan
ko‘chma kutubxona tashkil etish bo‘yicha hamkorlik shartnomasi
imzolandi. Bu esa bolalarning yozgi ta’til davrida ham kitob mutolaasi bilan muntazam shug‘ullanishlariga xizmat qiladi.
Yoshlar qalbida kitobga mehr uyg‘otish, ularning bo‘sh vaqtini mazmunli tashkil etish hamda ma’naviy kamolotini yuksaltirishga qaratilgan bunday tadbirlar kelajak avlod tarbiyasida muhim ahamiyat kasb etadi.
#jarayon
Ayni damda kutubxonamizda “TayanchLab Books” kitobxonlar klubining navbatdagi uchrashuvi bo‘lib o‘tmoqda.
Uchrashuv davomida kitobxonlar Rauf Jilasunning ma’naviy-axloqiy mazmunga boy “Halol luqma” asarini mutolaa qilib, uning mazmun-mohiyati yuzasidan fikr almashmoqdalar.
Asarda inson hayoti davomida amal qilishi lozim bo‘lgan ezgu fazilatlar, halollik, vijdon, pok mehnat va hayot sinovlari qarshisida sobit turish kabi muhim masalalar yoritilgan.
Kitob tahlili jarayonida ishtirokchilar asardan olgan taassurotlari bilan o‘rtoqlashib, undagi hayotiy saboqlar va tarbiyaviy xulosalar haqida munozara olib bormoqdalar.
#jarayon
Ayni damda O‘zbekiston Milliy kutubxonasida yozuvchi Yodgorxo‘ja Shodmonovning "Ikki qutb orasida" kitobi taqdimoti onlayn va oflayn formatda bo‘lib o‘tmoqda.
Mazkur ma’naviy-ma’rifiy tadbirda Farg‘ona viloyati axborot-kutubxona markazi xodimlari ham onlayn tarzda faol ishtirok etib, asar mazmuni, uning tarbiyaviy ahamiyati hamda kitobxonlikni rivojlantirishdagi o‘rni yuzasidan bildirilayotgan fikr-mulohazalar bilan yaqindan tanishmoqdalar.
#jarayon
#speaking_club
Ayni damda kutubxonamizda yoshlarning ingliz tilida erkin muloqot qilish ko‘nikmalarini rivojlantirishga qaratilgan "Speaking club"ning navbatdagi mashg‘uloti qizg‘in va interaktiv tarzda bo‘lib o‘tmoqda.
Mashg‘ulot davomida ishtirokchilar kichik guruhlarda turli mavzular yuzasidan fikr almashib, ingliz tilida suhbatlashish, tinglash va nutq madaniyatini rivojlantirish bo‘yicha amaliy mashqlarni bajarmoqdalar. Faol muhokamalar, jamoaviy ishlanmalar va qiziqarli topshiriqlar yoshlarning til o‘rganishga bo‘lgan qiziqishini yanada oshirmoqda.
Kutubxonamiz nafaqat kitob mutolaasi, balki bilim va muloqot maydoni sifatida ham yoshlar uchun keng imkoniyatlar yaratishda davom etmoqda.
#kitob_oʻqish_soati
Farg‘ona viloyati axborot-kutubxona markazida Erkin Vohidov nomidagi kitobxonlik klubining navbatdagi mashg‘uloti bo‘lib o‘tdi.
Uchrashuv davomida Theodore Rooseveltning
“Liderlik qonunlari”
asari mutolaa qilinib, unda ilgari surilgan yetakchilik fazilatlari, mas’uliyat, qat’iyat va insoniy qadriyatlar haqida batafsil suhbatlashildi.
Mashg‘ulotda kutubxona mutaxassisi M.Tadjibayeva asarning mazmun-mohiyatini tahlil qilib, ishtirokchilar bilan fikr almashdi. Tadbir ishtirokchilarda mutolaa madaniyatini yuksaltirish, liderlik ko‘nikmalarini rivojlantirish hamda kitobga bo‘lgan qiziqishni oshirishga xizmat qildi.
Yoshlar zaliga yangi adabiyotlar keldi!
Mutolaa olamidagi yangi sarguzashtlarni biz bilan boshlang! Yangi kelgan kitoblar sizni kutmoqda.
O‘qing, izlaning, kashf eting!
Muvaffaqiyatlar kutubxonadan boshlanadi
!
“Prezident asarlari bilimdoni” tanlovining universitet bosqichi bo‘lib o‘tdi
Farg‘ona davlat universiteti hamda Farg‘ona viloyati axborot-kutubxona markazi hamkorligida talaba-yoshlar o‘rtasida “Prezident asarlari bilimdoni” tanlovining universitet bosqichi yuqori saviyada tashkil etildi.
Tanlov davomida iqtidorli talabalar nizom asosida belgilangan uchta shart bo‘yicha o‘z bilim va salohiyatlarini namoyon etdilar. Ishtirokchilar Prezident asarlarining mazmun-mohiyati, ularda ilgari surilgan g‘oyalar hamda bugungi islohotlar jarayonidagi ahamiyati yuzasidan o‘z fikr-mulohazalarini bildirdilar.
Hakamlar hay’ati tomonidan tanlov ishtirokchilarining nutq madaniyati, mavzuni yoritish mahorati, tahliliy fikrlashi va ijodiy yondashuvlari xolisona baholab borildi.
Tanlov yakunlariga ko‘ra, g‘oliblar Farg‘ona davlat universiteti rektorining I, II va III darajali diplomlari hamda esdalik sovg‘alari bilan taqdirlanadilar.
Yoshlarni kitobxonlikka, ilm-ma’rifatga va yuksak ma’naviyatga chorlaydigan bunday tanlovlar ularning intellektual salohiyatini oshirish, mustaqil fikrlash ko‘nikmalarini rivojlantirish hamda Vatan ravnaqiga daxldorlik hissini yanada mustahkamlashga xizmat qiladi.