ابـوذيات ( اهل الشعر )
الوكت بالميرشه كلبي يرشبيه
وفزعت الاخو ايشوفه يرشبيه
فتح جرحي وملح شفته يرشبيه
وكلت عن الفشل داواه اليه
لـ عرفان ابو حسن
اكوم بريت بعدك وانتجي بريت
وكلتلك خفلي جدمك وانته جبريت
كاره تبوح يمك وانته جبريت
داوي وبعدك تحط نار بيــــــه
لـ شهاب احمد المنبوهي
الويع بيه كـواحد يار عينه
بصبعه وكوه هجرك يارعينه
لاتحسبني خلك يار عينه
لوييه الله وتحصل اجر بيه
لـ محمد المشرفاوي
تليت مصايبي وأنهت بتالي
وماظل من ثگل نوحي بتالي
ردت وگفتي أبّيت الله بتالي
العمر مو واگفة تحلفون بيّه
لـ احمد دوخي
جفيت ومن جفيت الحال بيراك
غده وحافر افراكك روك بيراك
اشد من بير يوسف صار بيراك
ولا مالك يصح ويبيع بيــــــــــــه
لـ عقيل حياوي
يربعي اتخذو هذا اليل لاجان
جمل ومصابي لا بالانس لاجان
السهام الجايه من الوجه لاجان
السهام الجايه من الگفه عليه
لـ عماد الهلالي
اخوتي الانظمام الئ قناتي على حب الحُسين عليه السلام
https://t.me/fa96_96
#أبوذيـات
مولاتي العقيلة .. روحي فداها
نهر من ماي زمزم .. حافره لهم
وچم حفره ابدليلي.. حافر الهم
ابضلع حسين چلب .. حافر الهم
تعته الخيل وانه الطم بديه
طويل الدرب ماتكصر .. يدربي
الوجع بس الله وحسيني .. يدربي
الشال الراس كل ساعه .. يدربي
عله سكينه ويهيج الوجع بيه
لـ علي سعيد
#اللهم_عجل_لوليك_الفرج
اخوتي الانظمام الئ قناتي على حب الحُسين عليه السلام
https://t.me/fa96_96
خوتي تعليقاتكم بــ موروث
👇