ابـوذيات ( اهل الشعر )
اظن بالجوله اهيمن وانحر ابناي
وزمانــــي مايهمني وان حاربني
اكسرلك ظلع مني وانحر ابني
عبث بس لايشح وصلك عليه
لـ وسام الاسدي
سهمك صابني وللحين بعداه
بدليلي وكمت اجرن اه بعداه
غيرك مايســــوي هيج بعداه
ولايعمل عملتك هــــــاي بيه
لـ ابراهيم طلب
همت وبكلبي فاض الشوك برحي
ولكيتك بالجزيره رطــــب برحي
بجفاك اصبحت حفنه شعير برحي
ومجاعه افريقا ايفرون بيــــــــــــه
لـ رافد الربيعي
وحك حسين والحــــره ربابه
طفل كلبي وجثير الهــــم ربابه
افراكك كاولــــي وبيده ربابه
توسط بالشماتــــه وناح بيه
لـ ابو علي الركابي
يرف كلبي امــــا تعلم شريفه
جفاك وبيش اشل جرحي شريفه
مريض النــــاس يتعنه شريفه
وانه الدارك هلي مطفحين بيه
لـ ابو علي الركابي
السلاح شلون يتسلم لما ان
گظت وگصصكم بعازة لما ان
الأمان بهالوطن بعده لما ان
اسلم سلاحي وابقه بطرگ ادية
لـ عماد الهلالي
گصيت وگلبي ضل داوي يمر بيه
ابسبب، طيفك فلا مرة يمر بيه
گيض، وبالحلك حنظل يمر بيه
جرعته، وما جرعت الكِطِع بيه
سيد سامر الموسوي
الخذك مني وسلب راحي شفاداك؟
وهل أصبح دوا سقمك؟ شفا داك؟
ضوت من اعرضت ايدك؟ شفيداك؟
حلقة لو رصاصة موت اليه؟
سيد سامر الموسوي
اغم كلبي وسفيه الرآي چي لان
الك، يالبلظهر چيلات چالن
بيرك و القحط والذيب چلن
عليه، او لا يعكوب الي ونشاد بيه
سيد سامر الموسوي
ون ثكلت وحيد بيوم ماراك
اون، يالجزه مر الموت ماراك
عجينة وعد عجوز و راك ماراك
وخَبز من الفجر ابلشت بيه
سيد سامر الموسوي