Farg'ona viloyati soliq boshqarmasi

#qonunchilikdagi_yangiliklar
Jismoniy shaxslar uchun uch karra yer solig‘i bekor qilindi, avval hisoblangan summalar qayta hisob-kitob qilinadi
O‘zbekiston Respublikasining Qonuni bilan ayrim qonun hujjatlariga qo‘shimcha va o‘zgartirishlar kiritildi.
👉
O‘RQ-1153-son, 15.06.2026-y.
Unga asosan, Soliq kodeksining
483-moddasi
quyidagi tahrir bilan to‘ldirildi:
❗️
Yer uchastkalaridan hujjatsiz foydalanganlik uchun uch karrali soliq hisoblash tartibi jismoniy shaxslar uchun
2020-yil 1-yanvardan 2024-yil 1-iyunga
qadar bekor qilindi.
Endilikda soliq organlari tomonidan yuqoridagi muddat uchun avval hisoblangan soliqlar qayta hisob-kitob qilinadi.
Qonunda yana qanday asosiy o‘zgarishlar nazarda tutilgan?
✔️
O‘zboshimchalik bilan egallangan yer uchastkalari hamda ularda qurilgan bino va inshootlarga nisbatan huquqlarni e’tirof etish ishlarini jadallashtirish;
✔️
vakolatli tashkilotlar mas’uliyatini oshirish;
✔️
huquqni e’tirof etishga to‘sqinlik qiluvchi ayrim mexanizmlarni soddalashtirish;
✔️
fuqarolar uchun qo‘shimcha qulayliklar yaratish maqsadida soliq qarzdorligi tushunchasini aniqlashtirish;
✔️
huquqlarni e’tirof etish bilan bog‘liq bo‘lgan hujjatlarni ko‘rib chiqish muddatlarini qisqartirish;
✔️
huquqlarni e’tirof etish uchun bir martalik to‘lovni bo‘lib-bo‘lib to‘lashni amalga oshirish tartibi va shartlarini belgilash;
✔️
huquqlarni e’tirof etish ishlari bilan bog‘liq shikoyatlarni ko‘rib chiqish mexanizmlarini takomillashtirish.
Тelegram
|
Facebook
|
YouTube
|
Instagram
|
X
|
Threads

#qonunchilikdagi_yangiliklar
#AOS
✅
Aylanmadan olinadigan soliq toʻlovchilari uchun savollar
Aylanmadan olinadigan soliq toʻlovchisi qaysi holatda QQS va foyda soligʻini toʻlashga oʻtadi?
Javob:
2026-yil 1-iyundan boshlab soliq solishning umumbelgilangan tartibiga oʻtish uchun belgilangan chegaraviy miqdor bazaviy hisoblash miqdorining 12 000 barobari miqdorida qilib belgilandi. Soliq toʻlovchining jami daromadi mazkur chegaradan oshgan taqdirda u QQS va foyda soligʻini toʻlash tartibiga oʻtadi.
________
Aylanmadan olinadigan soliq toʻlovchisi import qilganda avtomatik ravishda QQS toʻlovchisiga aylanadimi?
Javob:
Yoʻq.
Oʻzbekiston Respublikasi Prezidentining 2026-yil 26-maydagi PF 100-sonli Farmoniga asosan 2026-yil 1-iyundan boshlab import qiluvchi yuridik shaxslar, YATTlar va oʻzini oʻzi band qilgan shaxslarni majburiy tartibda QQS toʻlovchisi deb eʼtirof etish tartibi bekor qilindi.
_________
Aylanmadan olinadigan soliq toʻlovchisi QQSning soddalashtirilgan 6 foizli tartibiga oʻtsa bo‘ladimi?
Javob:
Ha.
Agar asosiy faoliyati savdo, xizmat koʻrsatish yoki umumiy ovqatlanish sohasi boʻlsa aylanmadan olinadigan soliq toʻlovchi ixtiyoriy ravishda mazkur tartibni tanlashi mumkin.
👉
PF–100-son, 26.05.2026-y.
Тelegram
|
Facebook
|
YouTube
|
Instagram
|
X
|
Threads

#QQS
#umumiy_ovqatlanish
✅
QQSning soddalashtirilgan tartibi bo‘yicha eng dolzarb savollar
1️⃣
Umumiy ovqatlanish korxonasi QQSning 6%li soddalashtirilgan tartibiga oʻtsa, toʻlangan QQSning 40 foizini qaytarish huquqi saqlanib qoladimi?
Yoʻq.
PF-100ning 6-band "g" kichik bandi "i" xatboshisida belgilanganki, QQSni hisoblashning
soddalashtirilgan tartibiga oʻtgan soliq toʻlovchilarga mazkur imtiyozlar, preferensiyalar
va
toʻlangan QQSning bir qismini qaytarish tartibi tatbiq etilmaydi.
________________
2️⃣
2026-yil 1-iyuldan soddalashtirilgan QQSga oʻtgan savdo, umumiy ovqatlanish yoki xizmat koʻrsatish korxonasi 2026-yil II choragi uchun foyda soligʻi hisobotini topshiradimi?
Iyun oyi uchun QQS va II chorak uchun foyda soligʻini hisoblash Soliq kodeksining amaldagi tartibiga muvofiq oshiriladi.
_________________
3️⃣
Soddalashtirilgan QQSga oʻtilganda mavjud salbiy farq summasi hisobdan chiqariladimi?
Soliq toʻlovchi qoʻshilgan qiymat soligʻini hisoblash va toʻlashning soddalashtirilgan tartibiga oʻtgan taqdirda, qoʻshilgan qiymat soligʻi boʻyicha mavjud salbiy farq summasi hisobdan chiqariladi.
👉
PF–100-son, 26.05.2026-y.
Тelegram
|
Facebook
|
YouTube
|
Instagram
|
X
|
Threads

#qayta_aloqa
✅
Murojaatingiz Rais nazoratida
Soliq qoʻmitasi Raisi tashabbusi bilan
“Soliq organlari bilan qayta aloqa”
axborot tizimi
ishga tushirilgan.
Soliq sohasiga oid fikringiz, taklifingiz yoki murojaatingiz boʻlsa, uni yuborish yanada qulay bo‘ldi.
Har bir murojaat masʼul tuzilma tomonidan tahlil qilinadi, natijalari umumlashtiriladi va rahbariyatga axborot kiritib boriladi.
Ikki usulda murojaat yoʻllash mumkin:
–
Soliq qoʻmitasining rasmiy sayti
“Davlat xizmatlari”
menyusidan
"Soliq organlari bilan qayta aloqa axborot tizimi"
orqali;
–
Soliq
mobil ilovasining
“Xabar yuborish”
tugmasi orqali yanada tezkor ravishda.
Bu tizim soliq toʻlovchilar bilan ochiq va samarali muloqotni kuchaytirish, amaliyotdagi takliflarni inobatga olish hamda soliq maʼmuriyatchiligini yanada takomillashtirishga xizmat qiladi.
Har bir murojaat eʼtiborda. Har bir taklif – tizim rivoji uchun muhim.

#markirovka
Raqamli markirovka tizimida yangi oʻzgarishlar joriy etilmoqda
2026-yil 1-iyuldan boshlab
majburiy raqamli markirovka joriy etilgan tovarlarni elektron hisobvaraq-fakturalar va onlayn nazorat-kassa texnikasi orqali realizatsiya qilishda qoʻshimcha talablar joriy etiladi.
👉
VMQ-23-son, 23.01.2026-y.
💻
Elektron hisobvaraq-fakturalarda quyidagi maʼlumotlar avtomatik tarzda tekshiriladi:
- tovar yetkazib beruvchida tegishli
litsenziya, ruxsatnoma yoki xabardor qilish hujjati
mavjudligi;
- subyektning “Asl belgisi” MATda
roʻyxatdan oʻtganligi
;
- raqamli markirovka
kodlarining toʻgʻri aks ettirilganligi
;
- tovarni xarid qiluvchi chakana savdo subyektining raqamli markirovka kodlarini
oʻquvchi maxsus qurilmalar bilan jihozlanganligi.
❗️
Tadbirkorlarga 2D-skanerlar xarid qilishda soliq imtiyozlari
taqdim etiladi
.
🧾
Onlayn nazorat-kassa texnikasi cheklarida esa:
- raqamli markirovka kodi
“Asl belgisi” MATda mavjudligi;
- mahsulotning
MXIK kodi raqamli markirovka kodiga muvofiqligi
avtomatik tarzda tekshiriladi.
Mazkur oʻzgarishlar tovarlar harakatining shaffofligini taʼminlash, noqonuniy aylanmaning oldini olish, raqamli markirovka maʼlumotlarining ishonchliligini oshirish hamda tadbirkorlik subyektlari uchun hisobga olish va nazorat jarayonlarini soddalashtirishga xizmat qiladi.
❗️
Eslatib oʻtamiz
, raqamli markirovka masalalari boʻyicha tezkor amaliy koʻmak olish uchun soliq toʻlovchining shaxsiy kabinetidagi
“Raqamli markirovka bilan ishlash”
xizmati orqali Raqamli markirovka qoidalariga rioya etilishini nazorat qilish boʻyicha hududlararo soliq inspeksiyasiga
toʻgʻridan-toʻgʻri savol bilan
murojaat qilish mumkin
.
Kelib tushgan savollar qisqa muddatlarda koʻrib chiqiladi hamda soliq toʻlovchilarga tegishli tushuntirish va amaliy yordam koʻrsatiladi.
Тelegram
|
Facebook
|
YouTube
|
Instagram
|
X
|
Threads

#soliq_taqvimi
🗓
Eslatma
❗️
2026-yil 15-iyun
may oyi uchun:
- hisoblangan va amalda toʻlangan daromadlar summalari
hamda jismoniy shaxslardan olinadigan daromad soligʻining
ushlab qolingan summalari toʻgʻrisidagi maʼlumotlarni
taqdim etish, shuningdek ijtimoiy soliq hisob-kitobini taqdim etish va toʻlashning;
👉
Soliq kodeksining
389-moddasi
1-qismi,
407- moddasi
4- va 5-qismlari
- aylanmadan olinadigan soliq hisobotini taqdim etish va
soliqni toʻlashning;
👉
Soliq kodeksining
470-moddasi
3- va 4-qismlari
- soliq agentlari tomonidan yakka tartibdagi tadbirkorlar
va oʻzini oʻzi band qilgan shaxslarning daromadlari boʻyicha hisobotlarni taqdim etish va aylanmadan olinadigan soliqni toʻlashning oxirgi kuni.
👉
Soliq kodeksi
470-moddasi
3-5-qismlari
Telegram
I
Facebook
I
Instagram
I
Youtube

"Soliq" mobil ilovasida keshbek olishda "Shubhali xaridorlar reestri"ga kirganlar mazkur ro'yxatdan qachon chiqariladi?
Telegram
I
Facebook
I
Instagram
I
Youtube

Tadbirkorlarga yangi imkoniyat va imtiyozlar yetkazilmoqda
Prezidentimizning
PF-100-sonli
farmoni mazmun-mohiyatini batafsil tushuntirish maqsadida
Farg‘ona viloyati soliq boshqarmasi
mas’ul xodimlari ishtirokida
Oltiariq, Rishton va Yozyovon tumanlar
ida faoliyat ko‘rsatuvchi tadbirkorlar uchun seminar tashkil etildi.
Tadbirlarda soha mutaxassislari tomonidan farmonda belgilangan yangi imkoniyatlar, soliq imtiyozlar va yengilliklar haqida atroflicha ma’lumot berildi.
Jumladan,
joriy yilning 1-iyunidan 2030-yilning 1-yanvariga qadar
asosiy faoliyat turi umumiy ovqatlanish, savdo yoki xizmat ko‘rsatish sohasi bilan bog‘liq bo‘lgan tadbirkorlik subyektlariga
QQS hisoblash va to‘lashning soddalashtirilgan tartibi
ni tanlash huquqi berilgani ta’kidlandi.
Mazkur tartibga ko‘ra, QQS stavkasi tovarlar va xizmatlarni realizatsiya qilish bo‘yicha barcha aylanmalarga nisbatan
6 foiz
etib belgilangani qayd etildi.
Telegram
I
Facebook
I
Instagram
I
Youtube

Farg‘onada neft mahsulotlari litsenziyasiz sotilishi natijasida 1 mlrd so‘m miqdoridagi QQS va aksiz soliqlari to‘lanmay qolgani aniqlandi
Farg‘ona viloyati soliq boshqarmasi tomonidan yashirin iqtisodiyotga qarshi kurashish, jumladan, soliq to‘lashdan bo‘yin tovlash maqsadida qonunchilikda belgilangan tartibda litsenziya olmasdan faoliyat yuritayotgan subyektlarni aniqlash yuzasidan tahliliy ishlar olib borilmoqda.
O‘tkazilgan tahlillar natijasida 2024–2025 yillar davomida
28 ta korxona
neft mahsulotlarini sotish uchun tegishli litsenziyaga ega bo‘lmagan holda
birja
savdolarida ishtirok etgani hamda mahsulotlarni
to‘g‘ridan-to‘g‘ri shartnoma
lar asosida sotgani aniqlandi.
Misol uchun, O‘zbekiston tumanida ro‘yxatdan o‘tgan "S.P." MChJ tomonidan
1,1 mlrd so‘mlik 182 tonna suyultirilgan gaz
(propan) mahsulotlari to‘g‘ridan-to‘g‘ri shartnoma asosida "B.I." MChJga sotilgani ma’lum bo‘ldi.
Ta’kidlash joizki, mazkur 28 ta subyekt tomonidan neft mahsulotlarining litsenziyasiz sotilishi natijasida davlat budjetiga to‘lanishi lozim bo‘lgan qariyb
1 mlrd so‘m miqdoridagi QQS va aksiz soliqlari hisoblanmagan va to‘lanmagan
.
O‘tkazilgan tahlillar yakunlari bo‘yicha ma’lumotlar qonuniy chora ko‘rish uchun huquqni muhofaza qiluvchi organlarga taqdim etildi.
#yashirin_iqtisodiyot
Telegram
I
Facebook
I
Instagram
I
Youtube

#yashirin_iqtisodiyot
KESHBEK ORTIDAGI YASHIRIN SXEMA OSHKOR BO‘LMOQDA
Soliq qoʻmitasi tomonidan budjet mablagʻlarining noqonuniy oʻzlashtirilishining oldini olish maqsadida olib borilgan tahlillar davomida jiddiy qonunbuzilish alomatlari aniqlandi.
Maʼlum boʻlishicha, ayrim Telegram va boshqa ijtimoiy tarmoqlarda mavjud boʻlgan kanallar orqali haqiqatda amalga oshirilmagan savdo va xizmatlar uchun elektron cheklar tarqatilgan.
❗️
Bu hujjatlardan foydalangan shaxslar QQSning bir qismini qaytarib olish mexanizmi orqali davlat mablagʻlarini qoʻlga kiritishga uringan.
Soliq qoʻmitasi
Komplayens va korrupsiyaga qarshi nazorat boshqarmasi
hamda
Bosh prokuratura huzuridagi Departament
tomonidan oʻtkazilgan qoʻshma tahlillar shundan dalolat bermoqdaki, baʼzi xoʻjalik yurituvchi subyektlar mazkur jarayonda ishtirok etib, noqonuniy toʻlovlarning yuzaga kelishida vositachi boʻlgan.
Hozirda ushbu holatlarga aloqador boʻlishi mumkin boʻlgan shaxslar roʻyxati shakllantirilmoqda va barcha maʼlumotlar chuqur oʻrganilmoqda.
Tekshiruv ishlari yakuniga yetgunga qadar shubha uygʻotayotgan operatsiyalar boʻyicha mablagʻlarni qaytarish vaqtincha cheklandi.
Bu holat ortida kimlar turibdi? Qancha mablagʻni noqonuniy olishga urinish boʻlgan? Va qonunbuzarlarga qanday choralar koʻriladi?
Yaqin kunlarda bu savollarga aniqlik kiritilishi kutilmoqda.
Тelegram
|
Facebook
|
YouTube
|
Instagram
|
X
|
Threads