Azimjon's Fikrlog
Boshqarishdan avval.
Uyquni tartibga keltirmoqchimisiz?
> Kamaytiring.
To'g'ri ovqatlanmoqchimisiz?
> Kamaytiring.
Saviyali gapirmoqchimisiz?
> Kamaytiring.
Boshqasini boshqarishdan avval,
O'zingizni boshqaring.
Birga ishlaymizmi?
t.me/azim_pulat/458
Turkiya osmonidan uchib o'tib, uydagi chiroqlar hali hamon sariq rangda tovlanishiga ko'zim tushdi.
Rastalarida ham oq LED chiroqlar o'rniga sarig'i sotilarkan. Oq chiroq zamonaviy deganlar uchun, zamonaviylik noqulaylik bilan kelmasligi kerak.
Toshkentda oq chiroqlar ko'zga tushib uyquni yaxshigina qochirib yuboradi.
Turkiyaga kelib uyquga ketishim osonlashgani sababini topdim deb o'ylayman.
Qaytishda cho'ntagimga 1-2ta solib olaman.
Qaylula.
Kunduzi mizg’ib olishni ko‘pchilik dangasalik deb o‘ylaydi. Ammo eng barakali ummat - Muhammad s.a.v. ummati uchun bu sunnat.
Qaylula vaqtni yo‘qotish emas.
Balki vaqtga baraka kiritish.
Odamlar kechqurun charchab ibodatni, amallarini qisqartiradi. Kuchi faqat skrolling uchun yetadi.
Kunduzgi qisqa uyqu - qaylula kechani, kunning 2-yarimini tiriltirish uchun.
Qaylula qilgan kamroq ishlamaydi.
U yaxshiroq ishlaydi.
Bomdoddan keyin uxlamang.
O’zingizga qaylula hadya eting.
Sokin bo’l.
Sekin yoz, ko’p o’ylaysan.
Sekin o’qi, ko’p tushunasan.
Sekin yeb, ko’p chaynaysan.
Kamroq yeb, ko’p yashaysan.
Sekin top, kam sarflaysan.
Sekin erish, qadriga yetasan.
Tezdan ko’ra to’g’ri yaxshi.
Shoshilib ko’p xato qilamiz.
Tezlik qadrlanadigan davrdamiz.
Sekinlik uchun maqtalmaysan.
Sekin bo’l, o’zing uchun.
Toshkentni tark ettim...
To’yga taklif-tashriflar tugab,
Tomoqdagi tumov to’xtadi.
Tirbantlikda tentaklik,
Tiqilinchda terlashlar tamom.
Toqat tugab turganda,
Turkiyada tinim topvoldim.
Tog’ tomonda turib,
Toza tabiatga to’yvoldim.
Tanam tetiklashdi,
Telefonim tarmoq tutyapti.
Trabzon,
To’rtinchi tun.
G’azablanma.
Payg‘ambarimiz s.a.v.:
“Qachonki birortangiz g‘azablansa, sukut qilsin”
deya uch bora takrorladilar.
"Hammani yiqitadigan pahlavon kuchli emas, balki, g'azab kelganda o'zini qo'lga oladigan kishi kuchlidir"
Imom Buxoriy va Muslim rivoyati
“Sizlarning birortangiz tik turgan holda g‘azablansa, o‘tirib olsin. Agar undan g‘azab ketsa, ketdi. Bo‘lmasa, yonboshlab olsin”
Imom Ahmad va Abu Dovud rivoyati
“Albatta, g‘azab shaytondandir. Shayton esa olovdan yaratilgan. Bas, vaqtiki birortangiz g‘azablansa, tahorat olsin”
Imom Ahmad va Abu Dovud rivoyati
manba
Energiya sarmoyasi
Turgan narsa kamayadi. To’g’ri yo’lda sarflangan resurs esa ko’payib qaytadi.
Pul uchun ishlaydigan bu qoida, energiya uchun ham ishlaydi.
Kundan-kunga kamayib ketayotgan kuchingiz ko’payishi uchun uni har kuni tugating. Oxirigacha.
Krossfit, yugurish, tosh ko’tarish, turnikka tortilish - qay biri bo’lsa ham.
Terlang.
Yog’laringiz yig’lasin.