فِقْهُ الطَّبِيب"ما لا يسَعُ المسلم الطبيب جهله"

نظرا لكثرة الرسائل التي تأتي إلينا من بعض الإخوة والأخوات عندهم بعض
الاضطرابات الجنسية
،
فقد تواصلنا بفضل الله تعالى مع أحد الأخصائيين المتمرسين في هذا المجال منذ أعوام،
وحالياً متوفر معه أخصائية للفتيات خصيصًا،
حصلنا على خصم خاص لأعضاء قناة "فقه الطبيب" 25% على الجلسة..
فمن أراد التقديم على الاستشارة ليتواصل معنا على بوت القناة على تليجرام
@fiqh_altabib_almuslim_bot
أو على بيدج فيس بوك
🙌🏻
🚨
مثال
الاضطرابات الجنسية
:
إباحية - مازوخية - سادية - اضطراب هوية - اضطراب المثلية ... إلخ

وقف بباب الذي سوى لكَ القدرَ
🤍

نظر الطبيب إلى الروشتة بعدما كتبها ، ثم إلى المريض.
عرف أن المريض لا يستطيع شراء الدواء.
لم يحرجه، ولم يجبره علي دواء باهظ
بحث له عن البديل المناسب والأقل تكلفة ثم أعطاه عينات مجانية من عنده
فبعض صور الإحسان لا تحتاج إلى مال.
أن تدل المريض على العلاج الذي يناسب قدرته،
مع المحافظة على مصلحته الطبية،
فهذا من الأمانة.
فالطبيب ليس تاجرًا يبيع أغلى ما عنده،
بل مؤتمن على مصلحة من استرعاه الله عليه ، مصلحته الصحية والمادية
وقد أكدت دار الإفتاء المصرية أن مصلحة المريض يجب أن تكون مقدمة، وأن الطبيب لا يجوز أن يجعل مصلحته المادية مقدمة على مصلحة مريضه.
#الطبيب_أدبه_وفقهه

حكم بيع الأسنان المخلوعة لأطباء الأسنان
فضيلة الشيخ الدكتور أبي بكر الحنبلي
#فتاوي_أطباء_الأسنان

مما لا يسع الطبيب المسلم جهله: أن حسن الخلق مع الزملاء والفريق الطبي جزء من الدين، لا مجرد بروتوكول عمل. فالرحمة تبدأ من التعامل داخل الفريق قبل أن تصل للمريض.
#الطبيب_أدبه_وفقهه

عرفَ النبيُّ ﷺ بقلبٍ يرى ما لا يراهُ المجهرُ،
أنَّ الإنسانَ كائنٌ بصريٌّ بطبعه؛
يغويهِ البريقُ، وتُشتتُهُ العوارضُ، وتسرقُ عمُرَهُ الخطوطُ الجانبيةُ التي تلمعُ في أطرافِ الطريق.
فجاءَ هذا "المربع النبويُّ"
هتافاً حانياً لميادين الذاكرة البصرية..
أن لا تضيعوا ، فديتكم !
هذا دربكم
🌱
..
نربطُ هذا بـ "سبيلينغ" رائد دراساتِ الذاكرة البصرية في ستينيات القرن الماضي .
لكنَّ الحبيبَ ﷺ سبقَ هذا التنميطَ العلميَّ بآلافِ السنين، لا كاستعراضٍ نظري، بل كاستراتيجيةٍ لضبطِ البوصلةِ .
يخبرنا أيَّ صورةٍ تستحقُّ
أن نخلدها في قلوبنا .. وإلى الأبد .
هذا المربعُ الذي خطَّهُ ﷺ
هو أصدقُ صورةٍ لأوجاعنا وآمالنا؛
كي لا تسرقنا فِتن الدُّنيا وزخرفها طويلاً ..
من حقيقةٍ وحيدة ؛
أنَّنا وأنفاسُنا .. مَبدانا ومُنتهانا ..
للَّـه وحده
❤️‍🩹
_ نِعمـة رجُّوب .

بقول لمريض سكر بياخد انسولين عندك جهاز سكر عشان تسجل قياساتك ؟
بسرعة رد ايوه معايا جهاز سكر طبعا نت عارف يادكتور انا اشتريتله ليه ؟
بصتله كده و قلتله عشان تتابع سكرك َوجرعات الانسولين = قالي لا ابدا ، عشان خفت لان اخويا كان اكبر مني عنده سكر فلاح جي من الغيط عرقان وبيرتعش وعينه مزغللة وماكانش عنده جهاز سكر افتكر نفسه سكره عالي فحقن جرعة انسولين دخل غيبوبة هبوط شديدة واتوفي بعدها عشان كدا اشتريت جهاز سكر ولما بحس باي اعراض تعب بقيس واعرف سكري عالي ولا واطي.
انا في نفس اللحظة افتكرت حالة جاتلنا الاستقبال وكنت يومها مع زمايلي الرعاية قاعدين سوا في اوضتنا في الاطفال في النوبتشية بلغوهم ان في حالة arrest يعني عندها توقف عضلة القلب معاهم في الاستقبال فنزلت معاهم يمكن اساعد بحاجة.
نزلنا لقينا طبيب الاستقبال بيشتغل عليها انعاش قلب وهو بيقولنا ان الحالة وصلت متوفية اصلا بس هو اشتغل وبلغنا عشان مراعاة لنفسية زوجها اللي كان واصل معاها ومنهار كل دا طبعا بمصطلحات طبية المهم بعد ماكملنا شغل لعدة دقايق اعلنا الوفاة. الزوج اتحول ونزل سب في الاطباء بلا استثناء. فبعدين زميل ليا اتدخل كدا وقاله هو قبل ماتيجوا ايه اللي حصل ؟
رد بعصبية قال لقتها بتعرق وترتعش وبتقول ضربات قلبها سريعة ومصدعة وعينها مزغللة اه والله بالظبط كدا قال دا بعدين كدا كلنا بصينا له ومتوقعين اللي هيقوله فسألناه قيستلها السكر ؟
قال لا انا ماعنديش جهاز بس قولت اكيد يعني سكرها عالي. = فعملت ايه بقي كمل ؟
جبت قلم الانسولين بتاعها وحقنتها عشرين وحدة. لحد هنا وكلنا اتصعقنا وقلنا للممرضه اللي معانا كلمي السويتش وهاتي الامن في محضر هنا.
الواضح انه مش عامل كدا متعمد والا ماكانش حكي بس مافيش نوايا انت بتعمل محضر وجهات التحقيق بتشوف هو للاسف المريضة كانت في نوبة هبوط سكر وهو حقنها انسولين دخلها غيبوبة.، للاسف القصتين حصلوا و نتعلم منهم حاجتين:
اي مريض سكر بياخد انسولين او حتي لو مابياخدش واكثر عرضة لارتفاعات وانخفاضات سكر لازم يبقي عنده جهاز قياس سكر بالمنزل. لازم تعرف المريض اعراض هيوط السكر وارتفاعه وخصوصا الهبوط وهي: ( عرق غزير بارد- رعشة بالاطراف- زغللة بالعين ضربات قلب سريعة- رفرفة بالصدر- بهتان بالشفايف صداع متزايد - شعور بالجوع- تغيير حاد مفاجئ في المزاج - قلة تركيز وضعف ادراك حسي )
احيانا التوعية لا تقل اهمية عن العلاج.
#من_أحوال_الأطباء

علي لسان أحد الأطباء:
في أثناء المناوبة لاحظت مريض صبر على ألم طويل دون شكوى، فسألته: كيف تتحمل؟ فقال: "علّمني الله الصبر، وأنتم علّمتموني الأمل"
فامتلأ قلبي يقينا وإيمانا !
#من_أحوال_الأطباء

جات لي مريضة عمرها حوالي ٣٥ سنة بتشتكي من إمساك مزمن بقالها سنين.
نعم !؟ بتقول إيه يا دكتور ؟ إمساك إيه ؟ إنت مالك بالإمساك ؟ مش إنت دكتور قلب ؟ إيه اللي جاب الإمساك للقلب ؟ مش ده تخصص جهاز هضمي برضو ؟!
صح معاك حق جداً .. بس اسمع مني للآخر.
المريضة بجانب الإمساك الشديد جداً اللي منغص عليها حياتها و كان سبب في إنها تعاني من البواسير و السقوط الشرجي ؛ بتشتكي كمان من هبوط متكرر و عدم اتزان و خفقان و انخفاض مفاجيء في الضغط.
الأعراض دي بتفكركم بإيه ؟
براڤو .. العصب الحائر
طيب دوخة و عدم اتزان و عارفين إن فرط نشاط العصب الحائر السبب فيها … لكن إيه علاقة العصب الحائر بالإمساك؟
بص يا سيدي .. العصب الحائر بيغذي الجهاز الهضمي من أول البلعوم فوق لحد التلت الأخير من القولون المستعرض.
و لذلك له دور مهم جدا و حيوي في عمليات البلع و الهضم و إفراز العصارات الهضمية و الامتصاص و الإخراج.
و بالتالي أي خلل فى العصب الحائر بيؤدي إلى حدوث خلل في عملية الهضم و الإخراج.
من ضمن الوظايف المهمة للعصب الحائر في الجهاز الهضمي هي زيادة الحركة الدودية للأمعاء.
لما يكون في فرط نشاط في العصب الحائر ؛ حركة الأمعاء بتزيد جداً بما فيها القولون و ده بيؤدي إلى دخول الحمام بكثرة أو إسهال متكرر.
إنما لما يكون في خمول في نشاط العصب الحائر حركة الأمعاء بتضعف جداً و ده بيؤدي إلى حدوث إمساك مزمن.
طلبت للمريضة اختبار المنضدة المائلة و بالفعل أكد و جود فرط نشاط في العصب الحائر لدرجة إنها أغمى عليها أثناء الفحص.
نيجي بقى على المفارقة العجيبة في الحالة ..
اختبار المنضدة المائلة أكد وجود فرط نشاط في العصب الحائر تسبب في حدوث انخفاض مفاجيء و عنيف في الضغط ، و أنا كنت لسة بقول إن المريضة عندها إمساك مزمن مش عارفة له سبب بقالها سنين و أنا استنتجت إن خمول العصب الحائر قد يكون هو السبب ، الكلام مش ماشي مع بعضه ليه ؟!
يعني المريضة عندها فرط نشاط و للا فرط خمول في العصب الحائر ؟
الإجابة : المريضة عندها الاتنين.
فرط نشاط في أجزاء العصب الحائر المتحكمة في الضغط و ده بيخلي الضغط ينخفض فجأة و بقوة و فرط خمول في أجزاء العصب الحائر المتحكمة في حركة القولون و ده بيخلي المريضة عندها إمساك مزمن و مزعج لا يستجيب لأي علاج دوائي متعارف عليه في علاج الإمساك.
يعني المريضة عندها مشكلتين عكس بعض في العصب الحائر .. نشاط في جزء و خمول في جزء.
من الاسئلة المهمة جداً و المحورية اللي سألتها المريضة .. هل البراز بينزل ناشف و صلب زي الإمساك المعروف و للا بينزل لين بس بتبذلي مجهود عشان تخرجيه ؟
و كانت الإجابة .. البراز مش صلب بل بالعكس لين و مع ذلك بتلاقي صعوبة جداً في تفريغ القولون .. و ده معناه إن الإمساك ناتج عن خمول حركة الأمعاء و ليس صلابة الفضلات.
نيجي بقى على السؤال اللي أكيد كلكم منتظرين إجابته .. المريضة دي هتتعالج إزاي و هي عندها مشكلتين عكس بعض ؟
كتبت لها مثبطات بيتا و الأدوية القابضة للأوعية الدموية عشان أمنع انخفاض الضغط و كتبت لها أحد الأدوية التي تنظم إفراز مادة الاسيتيل كولين من الجهاز العصبي و العصب الحائر و اللي عادة بيكون فيها نقص شديد في المرضى اللي عندهم إمساك شديد نتيجة خمول العصب الحائر.
طلبت من المريضة أشوفها بعد أسبوعين عشان نقيم نتيجة الخطة العلاجية اللي حطيتها لها.
مش عايز أقولكم الأسبوعين دول مروا عليا إزاي لاني كنت في قمة التشوق و الشغف إني أعرف نتيجة العلاج و خصوصاً إن بروتوكول العلاج اجتهادي ويعتمد فقط على تفسيري الشخصي لمشكلة المريضة.
جات لي المريضة بعد أسبوعين و مفيش إمساك .. بعد سنين من المعاناة الطويلة في الحمام اتحلت مشكلة المريضة و بقت تعمل حمام بشكل طبيعي زي الناس العاديين.
اللهم لك الحمد
اللهم لك الحمد
اللهم لك الحمد
كنت في قمة الفرح و السعادة من انتهاء معاناة المريضة.
دكتور محمد هيكل

«علّمتني مريضة مسنة، حين قالت: "يا بني، لا تنظر إلى شاشة الجهاز فقط، انظر إلي أنا"، فأدركت أن الإصغاء علاج لا يقل أهمية عن الدواء»
#من_أحوال_الأطباء