©️ gulomov design

Interyer dizaynerlar uchun marketing - kitobi ekan.
Sohaviy adabiyotlarni torayib borishini kuzatish qoyil qoldiruvchi holat.
Umumiy hamma uchun marketing kitoblari bor edi. Endi esa aynan biror sohalarga moslashtirilgan marketing kitoblar chiqishi - qoyil.

O'zimizga ma'qul dizayner topa olmayapsiz. Nomzodlarni ko'rib chiqmoqdamiz.
Agentlikda ishlaydigan yaqin dizayner uka bilan suhbatdan.
Istalgan ishxona ko'rinishida misol bilan tushuntirib o'taman. Ma'lum bir ishxonaga mos tushuvchi dizayner (yoki istalgan soha vakili) topishning konversiyasi endilikda mashtabroq o'lchamda bo'lib boraveradi.
Avvallari ishxonalar o'zlariga mos bo'lgan nomzodlarni bir necha X tezlikda va kam vaqtda topar edilar. Bunga albatta kadrlar bozori kichik ekanligi va e'lonlardagi talablar avval ancha ixcham bo'lganligini asosiy omil deb bilsak bo'ladi.
Hozirda esa kadrlar bozorini o'zi ham yetarlicha o'sgan va ish talablari ham yetarlicha rivojlandi. Avval faqatgina dizayner bo'lganingiz uchun vakansiyalarga to'g'ri kelgan bo'lsangiz, endi dizaynerlikdan tashqari - ish beruvchi budjetlariga mos bo'lishingiz, ularni korporativ talablariga mos bo'lishingiz, qadriyatlarga mos bo'lishingiz, ba'zi holatlarda esa dunyoqarashlaringiz ham mos bo'lishi hal qiluvchi omilga aylanib bo'lmoqda. Shu sababli ham to'g'ri dizayner topish (boshqa soha vakillariga ham tegishli) ko'proq vaqt talab qiluvchi jarayonga aylangan.

Sohalarimizda chuqurlashish davri va bosqichida faoliyat olib bormoqdamiz.
Chuqurlashmasangiz - mijozlar siz va ai o’rtasida tanlov qilish bosqichlarida bo’lib qolasiz.
Chuqurlashsangiz - sohangizdagi yashirin xazina imkoniyatlarni ko’ra boshlaysiz.
Yuqoridagi 2 misol dizayner misolida edi.

competition → differentiation → branding

Zamonaviy muammolar, zamonaviy yechim talab qiladi. Sizning dizaynlaringizga mijozning GPT'lari feedback bersa, unga qarshi siz o'zingizni GPT'ni ishga soling.

Ushbu kitob nomini “Как продавать, если ты дизайнер” deb o’qish ham mumkin.
Yaxshi kitob ekan, saqlab qo’ydik. Kitobni Asaxiy’da uchratishingiz mumkin.

EVOS
Men ushbu brendni nafaqat dizayner va dizayn tarafdan, balki uzoq muddatlik mijoz tajribamdan kelib chiqqan holda - bizning mahalliy fast-food loyihalar sifatida eng haqiqiy brend darajasiga yetib kelgan loyiha sifatida tan olaman.
Dizayn tarafdan:
Xabaringiz bo'lsa kerak. Ma'no agentligi loyihaning vizual qismini umumiy yaxshi darajaga olib kelishgan va bundan EVOS ham yaxshi foydalanib kelmoqda. Faqat filiallari tashqi peshtahtasida nomlari yoniga "Lavashmi" deb yozishlari o'xshamagan deb o'ylayman. Sababi men ushbu gapni Toshkent tone of voice'da o'qiyman. Shu sababli menga talaffuzda g'alati tuyiladi.
Filiallar soni tarafdan:
Hozirgi vaqtga kelib 82 ta filial. Albatta bu borada Oqtepa Lavash 90+ filiallari bilan dominant. Lekin ushbu o'lchovda ularni ikkilari ham mahalliy gigant darajaga yetib kelganlar.
Mijoz tajribam:
Necha yillar davomida EVOS'dan biror narsa buyurtma qilsam (restoran ichida yoki yetkazib berish bo'yicha) menda salbiy natija deyarli bo'lmagan. Bir tarafdan o'zim ham kapriz yoki nozik xarakterli mijoz emasman. Ulardan minimal va default kutuvim bor va buni ular yaxshi eplab kelishgan. To'g'ri - tarmoqlarning izoh qismlarida ko'plab salbiy fikrlar bo'lishi mumkin. Lekin men LOOOK'da faoliyatim vaqtida kuzatib chiqqan tajribam bo'yicha - bunday salbiy izohlar deyarli barchada mavjud ekanligi hamda ta'mlar mavzusi juda ham subyektiv mavzu ekanligini tushunish bo'lgan. Xuddi bizni sohamizga o'xshash, menga bu dizayn yoqdi yoki yoqmadi. Menga bu mahsulot yoqdi yoki yoqmadi deganlaridek. Yuqoridagi fikrimni qaytarib o'tishim kerak - menda minimal adekvat kutuvlar bor va buni ular yaxshi eplab kelishgan. Albatta bu mening mijoz tajribamdagi background xulosa.
Qolgan barcha raqobatchilar bilan solishtirib, bir necha taraflama kuzatuvim asosida ushbu loyiha - brend bo'la olish darajasiga yetib kelish uchun barcha instrumentlardan o'z vaqtida va yetarli darajada foydalanib kelgan degan xulosada to'xtadim.
Umumiy o'z yo'nalishlarida - TOP OF MIND
Siz ham bizning mahalliy loyihalar ichida qaysi faoliyatlarni brend bo'lish darajasiga yaqinlashib qolishgan deb hisoblaysiz va buni qanday fikrlar bilan aytib bera olasiz?

Asosiy ishlardan tashqari kunlik 2 mashg'ulot
20 daqiqadan iborat, kunda 2-3-4 marotaba kerakli mavzudagi kitobni o'qish va sohaviy sketching, belgilarni stilizatsiyalash bo'yicha ko'plab uslublarni tekshirib ko'rmoqdaman.
Ushbu mashg'ulotlarga sarflanuvchi vaqtlarni tarmoqlarga kirishni minimallashtirgan holda yetqazmoqdaman. 2 ta tarmoqni saqlab qoldim. Telegram & instagram. Qolganlari esa muhim emas hamda vaqt resurslarni sarflash kerak emas xulosalar bilan tark etildi.

SPICH chips
mahsulotlari ishlab chiqaruvchi korxonaga shtat holatida -strong junior yoki start middle dizayner kerak bo'lmoqda.
Ofisga birinchi dizayner olishlari. Shu sababli - strong junior yoki middle'dan boshlashmoqda.
Hamda ushbu loyihada sizga o'zim ham masofadan kuratorlik qilib, qo'llab-quvvatlab turaman. Tajriba va kariyera uchun - quvvatli joy.
Vazifalar - eng baza yo'nalishlar asosida. Etiketka, print va smdlar bo'yicha, qadoq yo'nalishlar ham bo'lib turishi mumkin.
Boshlang'ich maosh orientiri: 6-8 000 000 uzs
Kechgacha bir nechta dizayner tanlab beraman. Izohlarga portfolio va sizga qayta aloqaga chiqish uchun accountingizni username ulashib qo'ying.

Senior daraja dizaynerda EQ tajriba yaxshi yoki iloji bo'lsa yuqori bo'lishi kerak. Ayniqsa brend dizaynerda. Texnik vazifalarga - qanday dizayn tayyorlash to'g'ri bo'lishini bilish,
va u tayyorlangan ish, buyurtma egasiga (egalariga) qanchalik to'g'ri kelishini tahmin qila olish muhim
ko'nikma.
Aynan ushbu 2 o'lchovlarda noto'g'ri yo'nalish va yo'l tanlanganligi sababli qanchadan-qancha ishlar (zo'r chiqqan bo'lsa ham) tasdiqdan o'ta olmaydi.
Ushbu muammo quyidagi ketma-ketlikda sodir bo'ladi:
Ish sohaviy o'lchovda zo'r chiqadi → buyurtma egasi bu darajadagi yoki yo'nalishdagi ishni qabul qila olish darajasida bo'lmaydi → fail.
Balki bu tajriba sizga begona emasdir. Eslab ko'ring, biror loyihaga dizayn tayyorlab berdingiz, u ish yaxshi ma'romidagi ish edi, lekin ma'qul bo'lmagan, loyihani esa boshqa dizayner yoki agentlik yopib bergan. Lekin tasdiqdan o'tgan ish - sizning ishdan ko'ra ancha soddaroq va oddiyroq bo'lgan.
Manashu holat 2-o'lchov haqida ma'lumot beradi. Buyurtma egasi qabul qila olish = darajalari haqida.
Bu ko'nikmani rivojlantirish sohamizda eng keraklilaridan deb bemalol aytish mumkin. Shu sababli ham Senior - ushbu tajribaga yetib kelishni boshlagan bo'lishi kerak.