©️ gulomov design

Kontent istemol qilish
Hozirda ushbu so'zga (kontent) salbiy assosatsiyalar tamg'alanib borilishi faol ketmoqda. Raqamli dieta - mavzulari haqida suhbatlashuvlar ham rivojlanmoqda.
Men qanday yo'l tutdim va bularni hozirgacha normal qo'llab kelmoqdaman:
1.
Tarmoqlarni o'chirib yuborganim yo'q.
O'sha "zararli" instagram ham, youtube ham telefonimda bor. Ularni hatto uzoq papkalar ichiga berkitib ham yuborganim yo'q.
Mendagi yechim:
Impulslar ustida ishlamoqdaman. Qo'l sababsiz - smartfonga ketib qolish holatlarini boshqarish. Bu nazorat asosida - telefonim stol ustida tursa ham - unga sababsiz teginmaslik darajasiga yetib kela oldim. Telefonni shkaflar ichiga berkitib yuborish metodlari ham menga kerak bo'lmadi.
2. Kontent - hozir ham istemol qilaman.
Misol uchun kuni kecha youtubeda IMAN loyihasi bo'yicha katta 3 kishilik video chiqarishdi. Buni ko'rish kerak. Shuncha foydali ma'lumotlar axir.
Bundan tashqari boshqa sanoqli va menga kerakli kontent mualliflari bor. Ularni ham ko'rishim kerak. Qayta-qayta ko'rishim kerak.
Mendagi yechim:
Hozirda menga eng kerakli foydalar va bilimlarni beruvchi kontentlarni istemol qilaman va bu kerak. Kontent istemol qilishni - kitob o'qish odatlariga aylantirdim. Albatta kitob o'qishga ta'sir qilmagan holatda.

Dizaynlarni obyektiv va subyektiv baholash haqida. Hozirgacha faoliyatim davomida sohamizga quyidagicha qarayman. 2 ta bir-biriga aksi bo'lgan sohaviy haqiqatlarim mavjud.
1. Dizayn men uchun vizual kodlardan iborat.
Barcha vazifa va buyurtmalarning vizual tarafdan tashkil topishi kerak bo'lgan tarkibiy kodlari mavjud. Buning ichiga - fundamental dizayn qoidalardan boshlab, loyiha xarakteri, mijozlar kim ekanligi, narx segmentlari, pozitsiyalari va boshqa shular singari ma'lumotlar kirib ketadi. Bularni qanchalik yaxshi bilsangiz va tushunsangiz, ushbu ma'lumotlar asosida qanday dizayn kodlar kerak va foydalanish to'g'ri bo'lishini tushunishingiz mumkin.
2. Subyektiv fikrlar bor va ular ahamiyatga ega.
Qoida shunday bo'lgan va bo'lib qoladi. 3 ta yo'l bor. Obyektiv tarafdan tushuntirgan holda, ijobiy ta'sir ko'rsata olishga harakat. Kompromisga kelish yoki to'liq moslashish (ko'p holatlarda bu qarorni o'zi ham normal va to'g'ri qaror bo'ladi)

Jahongir G'ulomov:
- Dizaynlarni subyektiv didlardan tashqari holatda, obyektiv (mezonlar asosida) baholash haqida fikringiz qanday?
Ahror Alikhanov:
@alikhanovdesign
- Dizaynni ma'lum bir darajada obyektiv va subyektiv baholash mumkin.
Obyektiv holatlarda. Umum qabul qilingan qoidalar asosida. Ya'ni kompozitsiya to'g'ri tuzilganmi? Dizayn o'z vazifasini bajaryaptimi? Ma'lumotni to'g'ri podacha qila olyaptimi? Agar dizayn sistema asosida ishlanayotgan bo'lsa, unga amal qilinmoqdami? Vizual balans mavjudmi? Brend xarakteri va auditoriyaga mosmi?
Subyektiv holatlarda asosan insonning dididan kelib chiqib baholanadi. Kimgadur yoqqan rang, boshqa odamga yoqmasligi mumkin. Va bu normal holat. Yoki bo'lmasam, kimdur minimalizmni ustun ko'rsa, boshqa birovga maksimalizm yoqishi.
Bizni holatda agar mijoz subyektiv baholasa, dizaynerning vazifasi uni obyektiv tushuntirish. Bu shrift tanlangani va nega bu rang mos kelmasligini aniq tushuntirib bera olish kerak.
Suhbatdan insayt:
Tajribali dizayner nima qilganini emas, nega shunday qilganini tushuntira olish
ko
'
nikmasini rivojlantirib borishi kerak.

Hozirda sizni sohaviy qanday bosqich/daraja/natija eng asosiy qiziqtiradi?

Ishda bajaradigan ishlarim asosan shablon, hamma narsa tayyor qilib qo'yilgan, shulardan foydalanib davom etib ketaman. Shu sababli ishlar menga zerikarli tuyiladi.
Yechimlar:
1. Shablonlar abadiy bo'lmaydi. Ulardan ham foydalanish va yangilash davrlari bo'ladi. Sizni vazifangiz buni seza olish va yangilay olish.
2. Biznesni ichida yangi va e'tibor berilmayotgan vizual nuqtalar bo'lishi ehtimoli doim baland bo'ladi. Bularni ham kuzatish va aniqlash eng muhim va dizayner uchun qiymatli ko'nikma.

Jahongir G'ulomov:
- Nima deb o'ylaysiz, dizayn bizning bozorda rostan ham biz o'ylaganimizchalik ahamiyatga va qiymatga egami yoki aksi holat?
Quvonchbek Matchanov:
- Biznesni strategiyasiga qarab muhimliligini o'lchash mumkin. Deylik kichik biznes bor, unga biznes egasini ko'zi bilan qarasak, hozircha chiqimlar kerak emas degan idea kelishi mumkin, lekin ayni kichik bizneslar uchun dizayn orqali, kam chiqimli virusli reklamalar bilan e'tibor tortsa bo'ladi.
Jahongir G'ulomov:
- Lekin baribir bozorimizdagi umumiy holatga foizda nazar solsak dizayn katta yoki muhim ahamiyatga ega emasligini ko'pchilikda ko'rishimiz mumkin. Aynan kichik biznes qanday holatlarda dizayn ahamiyatli degan pozitsiyaga kelishi mumkin?
Quvonchbek Matchanov:
- Manimcha yoki marketingni yaxshi tushunadigan biznes egasi yoki marketingdan chiqqan va biznesga kirayotganlarda kuzatilishi mumkin.
Jahongir G'ulomov:
- Umumiy ma'noda men ham bu fikrga qo'shilaman. Faqatgina nafaqat marketing, umumiy biznes ta'limi bo'yicha bilim va tajribalari oshib borish holatida dizaynning ham ahamiyati sezilishi mumkin.

Agar men sohaga endi kirishni boshlaganimda
- chipta sifatida faoliyatimni eng qulay va bizda talab keng yo’nalishdan boshlar edim.
Bu SMM & Ai kombinatsiya qilingan dizayn modeli.
1. Ushbu yo’nalishda kuchli bo’lgan kamida 3 ta dizaynerni topar edim.
1.1 Ulardan ko'chirish uchun (o’rganish ma’nosida)
1.2 Ulardan feedbacklar olish uchun.
1.3 Mini portfolio to'plam tayyorlab olish uchun.
1.4 Ularni tajriba va bilimlaridan qiymatli tavsiyalar olish imkoniyatim paydo bo’lishi uchun.
1.5 Keyinroq tanishlik munosabatimiz orqali ular ulgura olmayotgan turli loyihalari bo'yicha hamkorlik qilish yoki undan ham yaxshirog’i ularni yonlarida birga ishlash uchun taklif olish uchun. Zo’r shogird ko’pchilikka kerak bo’ladi.
2. Marketing agentlik yoki marketing bo'limi bor bo'lgan kompaniyalarga stajirovka sifatida ishga qabul qilishlarini so'rab individual xatlar yozib chiqar edim.

Dizaynerlikda 4+ yildan beri faoliyatda bo'lsangiz, men sizni tabriklayman. Bu yaxshi bosib o'tilgan yo'l edi. Bilasizmi ushbu bosqichdagi asosiy xavf qanday?
Sohada sokin tempda faoliyat olib borish. Harakatsizlik yoki sekin harakatlanish - ko'zga ko'rinmas, kuzatish qiyin bo'lgan sohaviy xavflardandir.
gulomovnote

https://t.me/matchanov_blog/727
Quvonchbek Matchanov sohamizda chuqurlashgan faoliyat olib boruvchi sanoqli ustoz dizaynerlardanlar.
Ular boshlang'ich darsliklar bosqichidan ancha yuqorilab ketganlar va tez orada taqdim qilishlari mumkin bo'lgan sohaviy ta'lim kurslari juda ham qiymatli va defitsit material bo'ladi.
Bizda sohamizga chuqurlashgan oliygohlar bo'lmasa ham, men Quvonchbekni ushbu model uchun muqobil yechim deb ko'raman.
Xabardor bo'lib turish uchun - bloglariga obuna bo'lib qo'ying.