قصائد منبريه مكتوبه 📚
الزهراء عليها السلام
وهي تودع حبيبها الحسين روحي فداه...
.
اودعـك والجــروح بمهـجتي تنوح
يمن دمي اعله بابي شفته مسفوح
أسمك گمت اللفظه بصوت مذبوح
واعيش بلوعتك صبح ومسيه.
ــــــــــ ❁ ❁ ❁ ــــــــ
اعيـش بلوعـتــك يـبـن الـميــامين
ولاريـدك تـشــاهـد لچـمـت البـيـن
أظم ضلعي شيضمها لطمت العين
والرفسه الطحت بيها رميه.
ــــــــــ ❁ ❁ ❁ ـــــــــ
يبني الرفسه منها گلبي مگطوع
وعـبرات الحـزن مـاخلـت دموع
أنه المتعوده اضمك بين الضلوع
أحس هسه الورم واصل لديه
ــــــــــ ❁ ❁ ❁ ـــــــــ
الـورم ذبنـي ورماني و هـدم الحـيل
مصابه شينحسب وي سحگت الخيل
أذا نـــادى الشــــمر للعتــــره يـاويل
يحرگون الخيام اعله الأبيه
ــــــــــ ❁ ❁ ❁ ـــــــــ
يحرگون الخــيم وتضـيع الايتام
والطف تمطر اعله الصابره سهام
رقيه خلاف حضنك عالثـره تنام
يشدوها بحبل ازغر سبيه
. ــــــــــ ❁ ❁ ❁ ـــــــــ
يشدوها بحـبل وتـزيد النيـــــاح
تدورك وانت راسك فوگ الرماح
يبويه تنــادي بعــدك العــمر راح
انكسر ظهري مثل ظهر الزچيه
ــــــــــ ❁ ❁ ❁ ـــــــــ
انكسر ظهري وكثر لجلك ونيني
اودعك يبني بدموعي وحنيني
سمعـــتك مـــن تگـــلي كلميني
حبيبچ آنه بس ردي عليهَ
. ــــــــــ ❁ ❁ ❁ ـــــــــ
حبــيبي انته ويفـرحة امنـياتي
غدت فدوه لدموعك كل حياتي
يغالي يبــني قـــد حانت وفاتي
ولاحت يُمه بعيوني المنيه
حسن الموالي الفاطمي
هدية لقلب الحجة ابن الحسن الصلاة على محمد وآل محمد
❤️
🙏🏻
هدية لقلب الحجة ابن الحسن
الصلاة على محمد وآل محمد
❤️
🙏🏻
#نعـي
مولاي الحسين يسأل مولاي الحسن روحي لهما الفداء
توِن كلِّ الليل أمنه اشبيها ؟! ..*
*خاف كسْر اضلوعها امأذّيها ..*
**
خاف لاچمها ضلعها المنهِشِم
او خاف جرْح امتونها رد ينلچِم
ابحال أمنه يا حسَن عندك علِم
*ليش ما تفتر من اِبْواچيها ؟! ..*
**
جاوَبه او دمعه يصب صَبِّ المِزِن
حگها كلِّ اللِّيل اُمنه مِن توِن
غير كَسْر اضلوعها او جَرْح المَتِن
*امورّمَات امْن السِّياط إيديها ..*
**
داروْا اعْليها او تشاگف بالإدين
و الأشد من هاي أخبرك يا احْسين
عين اُمنه انطِفَت من لطمة العَين
*عسه انشلَّت إيد الِمْطفَّيها ..*
**
لو غريبه اتصيح ما بين العَرب
چان فزعْوا ليها لاچن العجَب
أُمنه لمَّن صاحت ابنار او حطَب
*اعْليها فزعْوا موش فزعوْا ليها ! ..*
**
أبد ما تنلام لو ونَّتْ ابْليل
و التِسَگْط اِجْنين مـيْظل إِلها حيل
گال : أويلي , او گِلِت : ما ينفع الويل
*او لا تفيد العَبره من نجريها ..*
**
هذا حُكم الله او إلى اللهِ المَصير
و العَلينه كاتْبه الباري يِصير
و أظن ياخويه عُمُر اُمنه گصِير
*اتفارج او نبگه العُمر نبچيها ..*
**
یا حسین اتموت امنه و الصواب
ضلع واحد كاسرينه وره الباب
او بالطف اضلوعك فرع هذا المُصاب
*عشِر خيَّاله التدوس اعْليها .. !*
*ميرزا عادل أشكناني*
قم المقدّسة
#اللهـم_عجـل_لوليـك_الفـرج
بِفَاطِمٍ وَأبِيهَا وَبَعْلِهَا وَبَنِيهَا
ـــــــــــــــــــــــــــــــــــــــــــــــــــــــــــــــــ
ثَبِّتْ قَدَمْ صِدْقٍ إلِيْ وِ اِسْمَحْلِيْ بِالقُرُبْ
اِوْ كِـلْ مَـا يِزِلْ مِنِّيْ جِدَمْ دَلِّينِيْ عَالدَّرُبْ
عِنْدِيْ المُهِمْ حُبْ فَاطِمَه مَيْهِمْنِيْ غيرَه حُبْ
وِ اِحْجَارَه گلْبِ المَا يِحِبِّ الزَّهْرَه مُوْ گلُبْ
رَبِّيْ إلَيْكَ دُعَائِيْ وَحَاجَتِيْ تَقْضِيهَا
ـــــــــــــــــــــــــــــــــــــــــــــــــــــــــــــــــ
غيرِيْ اِبْلَهُو الدِّنْيَه اِلْتِهَه وِالدِّنْيَه مُوْ إلِيْ
تِكْفِينِيْ خِدْمَةْ فَاطِمَه الوَارِثْهَا مِنْ هَلِيْ
يَارَبِّيْ لَا تِحْرُمْنِيْ مِنْ حُبْ فَاطِمَه اِوْ عَلِيْ
اِوْ مِنْ خيرْهُمْ خَلِّيهَا عينِيْ اِوْ إيدِيْ تِمْتِلِيْ
مِنْهُمْ لَهُمْ وَحَيَاتِيْ بِحُبِّهِمْ أُنْهِيهَا
ـــــــــــــــــــــــــــــــــــــــــــــــــــــــــــــــــ
رَبِّيْ اِبْـمَجَالِسْ فَاطِمَه خَلِّينِيْ لِـلأجَـلْ
وِ ارْزُقْنِيْ عَالزَّهْرَه دَمِعْ لوْ دَمْعِيْ مَا نِزَلْ
وَ اقْرَه اِعْلَه مَنْبَرْهَا إلَى آخِـرْ نَفَسْ أظَلْ
اِوْ لوْ مِتِتْ عَالتَّابُوتْ خَلْ يِقْرُولِيْ مُسْتَهَلْ
رَجَوْتُ قَبْلَ وَفَاتِيْ بِزَفْرَةٍ أرْثِيهَا
ـــــــــــــــــــــــــــــــــــــــــــــــــــــــــــــــــ
مَدْرِيْ اِشْدِعَتْ فِضَّه اِوْ غِدَتْ لِلزَّهْرَه خَادِمَه
وَ اَتْمَنَّه لوْ وَيَّه الخَدَمْ تِقْبَلْنِيْ فَاطِمَه
نِعْمَه چِبِيرَه فَاطِمَه اِوْ نِزْلَتْ مِنِ السِّمَه
اِوْ مِنْ دُونْـهَـا لَحَّدْ يِـدَوِّرْ حُسُنْ خَاتِمَه
وَصَرْخَتِيْ بِمَمَاتِيْ لِفَاطِمٍ أُعْلِيهَا
ـــــــــــــــــــــــــــــــــــــــــــــــــــــــــــــــــ
إلْيِبْچِيْ بِالمَجْلِسْ يَـرَبْ تِقْبَلْهَا دَمْعِتَه
وِ العِنْدَه حَاجَه أسْألَكْ تِگضِيهَا حَاجِتَه
وِ البِيْ مَرَضْ مُسْتَعْصِيْ يَارَبْ شَافِيْ عِلِّتَه
وِ اليِخْدِمِ اِبْيومِ الحَشُرْ تِحْسِبْهَا خِدْمِتَه
لِفَاطِمٍ عَبَرَاتِيْ يَاخَالِقِيْ أُجْرِيهَا
ـــــــــــــــــــــــــــــــــــــــــــــــــــــــــــــــــ
يَارَبِّيْ بَاچِرْ مِنْ أمُوتِ اِوْ يِنْتِهِيْ العُمُرْ
تِحْضَرْ إلِيْ الـزَّهْـرَاءْ أوَّلْ ليلَه بِـالگبُرْ
تِوْگفْلِيْ بَـاچِـرْ فَاطِمَه وِ اِذْنُوبِيْ تِنْغُفُرْ
اِوْ هِيَّه التِّعَبُّرْنِيْ الصِّرَاطِ اِبْسَاعَةِ الحَشُرْ
وَمُهْجَتِيْ بِيَدَيْهَا يَوْمَ الظَّمَا تَسْقِيهَا
ـــــــــــــــــــــــــــــــــــــــــــــــــــــــــــــــــ
يَارَبْ وِ اِذَا طَالَتْ حَيَاتِيْ اِوْ يِخْلَصِ البُعِدْ
وَ اَتْوَفَّقِ الخِدْمَةْ إمَامِيْ المَهْدِيْ مِنْ يِرِدْ
اِمْحَضِّرِ السّيفِ النُّصْرِتَه اِوْ مِنْ هِسَّه مِسْتِعِدْ
نِطْلُبِ اِبْـثَـار اُمِّ الحَسَنْ وِ اِبْـيَا عَلِيْ نِهِدْ
ألْقَى إمَامَ زَمَانِيْ رُوحِيْ لَهُ أفْدِيهَا
ـــــــــــــــــــــــــــــــــــــــــــــــــــــــــــــــــ
٢٥ / ١٠ / ٢٠٢٦ الأحد
كرَّار حيدر الخفاجي
قنواتنا
https://t.me/h_ameer1
https://t.me/h_ameer2
https://t.me/h_ameer3
https://t.me/h_ameer4
يالماخذه الزهره الزجية حيلك
ليليله تعجيل الفرج ندعيلك
يا املنه الغالي .. يابو صالح
.....
يغايب نرتجيك
دعاء الندبه نقرالك بالدموع
اوكل جمعه عليك
نسولف ما نسولف غير موضوع
نحس ابكلشي بيك
نعلم حالتك عالزهره مفجوع
اخذنه ابين اديك
فداك انحرونه وافداك الاظلوع
وين انت ساكن سيدي نجيلك
ليلية تعجيل الفرج ندعيلك
يا املنه الغالي
.....
يبو صالح تعال
عليك ابكل دمع من عينه يسيل
عليك البل حبال
كيدوهه ومشت وي رمح الطويل
اشتاكينه الوصال
واحدنه اعله جيتك ساهر الليل
نسال هالسؤال
يايوم اللقاء يحصل مشه الحيل
يالمهدي ملينه البعد نشكيلك
ليليله تعجيل الفرج ندعيلك
........
الك ثار اليصيح
يا يوم الفرج يا صاحب الثار
تتوجه وتطيح
من تذكر الزهره وحركت الدار
نظر عينك جريح
على الظلع الكسير الصابه بسمار
سعفه تهزهه ريح
حالك هيجي صاير تحجي الاقدار
اظلم نهارك مثل ظلمت ليلك
ليليله تعجيل الفرج ندعيلك
.......
يسيد الاتقياء
امك فاطمه محمّرة العين
لحد هسه البكاء
ابيت احزانهه مسموع للحين
تصيح ارض وسماء
يا محي الشريعه ومحي هالدين
تناشد كربلاء
عن ثار الزجية وثار الحسين
يالتبجي جدك من دمه نبجيلك
ليليه تعجيل الفرج ندعيلك
.........
يمذبوح الونين
منك نعتذر حتمن لجمناك
الك الله المُعين
ابكسر ظلع الزجية ما جبرناك
على مر السنين
تنوح الوحدك مولانه عفناك
تنادي ياحسين
وابداخلك غصه الفاطمه اهناك
تعتني روحك للبقيع اتشيلك
يليله تعجيل الفرج ندعيلك
......
كلمات
موسى الخادم
قنواتنا
https://t.me/h_ameer1
https://t.me/h_ameer2
https://t.me/h_ameer3
https://t.me/h_ameer4
ولا يبرد نوحه .. وكلفات اجروحه
جناااااز بروحه .. علي مشه
ــــــــــــــــــــــــــــــــــــــ
سر الله الأعظم .. شيعها ملثم
ماااخذ روحه لكَبر
نزلها ابهيده .. تتراجف ايده
وطمهاااااا اسنين العمر
ومن راد يوكف ماكدر ماشالته اجدامه
اتمدد ابصف الكبر حل طرف العمامه
وجهه اصفر ويبجي علي وتبدت احلامه
وشيرجع لبيت بعد وشيلكًه كدامه
لو رد لبيته .. ياهي امتانيته
مكسور الخاطر .. علي مشه
ــــــــــــــــــــــــــــــــــــــ
وامتدد وياها .. فاطم حاجها
راح وياج الهوه
تخنكَني الوادم .. واتغرب فاطم
يموت ابعيني الضوه
دنك يحااااجي بالكبر والدمعه ماخذته
شيسوي اليحس ابغرب والروحه عايفته
فوك القبر فاطم صرخ وكض بيده خاصرته
المثل حيدر ياخلك مو هينه سالفته
ليشيع الزهره .. جن يحفر كَبره
يموت بلا فاطم .. علي مشه
ــــــــــــــــــــــــــــــــــــــ
وبدمعت عينه .. يسولف بونينه
فاطم فاطم حجه
واشكد حاجاها .. وتحجي أتمناها
ومارد صوت وبجه
ياا نور عيني فاطمة يم روحي حاجيني
وياج انه اقلع خيبر وبس محني عفتيني
وبكل حروبي الي مضت بسمج تِحرسيني
ماشيل سيف الا صحت يا زهره عينيني
من كض ضلوعه .. هد نهر دموعه
تذكر فاطمته .. علي مشه
ــــــــــــــــــــــــــــــــــــــ
روحت فاطمته .. كلش كاسرته
تارس وجهه التعب
ينكَل خطواته .. ونزلن دمعاته
وحيدر عاف العرب
سد باب بيته وانعزل وي البير سالفته
مكسور ضهره وخاطره بس ينعى فاطمته
موووو ولده بس اتيتمو بروحتها يتِمته
اليوزع ابكيفه الهوه هاااالدنيا خانكَته
يوصل يم بابه .. ويحاجي عتابه
من نعصرت يمك ... علي مشه
ــــــــــــــــــــــــــــــــــــــ
لليل يتاني .. من الشوك يعاني
ايسير يم الكبر
يقره بقرئانه .. ويلم أحزانه
يكلها احتاج اشكثر
الليل هذاااا الي يمر والناس نايمته
يم القبر حيدر كعد ورجعيلي سالفته
من المغرب اجدامه لعد ام روحه ماخته
و يقرالها آياااات ابدمع والفركَه كاتلته
مشيب وجه الله ... ذابل حيل الله
متغير كلش .. علي مشه
الحمد لله
خالد عبد السادة البديري
قنواتنا
https://t.me/h_ameer1
https://t.me/h_ameer2
https://t.me/h_ameer3
https://t.me/h_ameer4
اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب
شابح لونه ... هدله امتونه ... الله بعونه
حيل امعذب
ماجن حيدر هذا الواكف . باقي اخياله
مره ايكوم ويوكع مره . اكبال اعياله
شهكة ريته ... وكل عافيته ... اتفارك بيته ...شيضل حاله
باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها . همّت بيهم
دكلهم يمه ... ما متألمه ... وهي ابظلمه
امن تحاجيهم
خافن تفجع كلب العيله . جرعت كل مر
وبسكته اتوصيه بحيدر . كالتله اصبر
حيدر يسمع ... منهه ويدمع ... كلبه اتكطع
لمن يحفر
يا عافيتي .... امسح دموع اعيونك
يا عافيتي .... من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه
اوياج اخذيني ... لتعوفيني ... دمعت عيني
اعليج اجريهه
ماعندي افراح ابهل دنية . انتي افراحي
يايمه ابموتج تدريني . تزيد اجراحي
رحمي ابحالي ... يا اَمالي .... كعدي اكبالي
سمعي انياحي
يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه
.......
اكثر صوره اتألم جانت . عل شافاهه
حسين امدد طول اويمه . وما عافاهه
يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه
اسماء اني ... حسين اذاني ... زاد احزاني
عطشت كاعه
يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله
ادكله امنه ... امن اتفاركنه .... يكثر همنه
ياهو يشيله
بوية ازغيره انه ومحتاجه . الحضن الزهره
مابية اتيتم من زغري . واجري العبره
من بعد امي ... يكثر همي ... ويصير اسمي
ايتيمه ابكسره
محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم
قنواتنا
https://t.me/h_ameer1
https://t.me/h_ameer2
https://t.me/h_ameer3
https://t.me/h_ameer4
ماهمني الصاير بضلوعي
عاليبقون اتصب ادموعي
من اينامون . . . ماتبقى اعيون
عاليبقون تصب ادموعي
•••••|••••|•••••|•••••|•••••
رغـــم آلام الكســـــرُ ونتّه
من اينامون ابجي ابسكته
خاف ايفز حسـين وأخـته
اكتم بالصوت
صــرت اتمنى احضـــنهم كلهم
واحــد واحــد يمي اشـــتمهم
بس اضلوعي اشلون احضنهم
لازمهن موت
شوگي زاد . . ولدي راد . . والقـلق بــيه انتشـر
وين اروح . . ابلايه روح . .هذا كــسران الظهر
امكسرات . . امتعبات . . ضلوعي والگلب انفطر
محتاره اشبگمن ياروحي
والتگتل تلجمني اجروحي
للتشگي امتون . . . ماتبقى اعيون
عاليبقون اتصب ادموعي
••••••••••••••••••••••
كمت ارتاح من ابقه لوحدي
عن لا اتسائل من ولدي
عن السطره الترست خدي
ومخربه العين
احتار ابخدّي ، لو ضــلعي
كمت السطره اخفيها بدمعي
حرت اشـلون بهاي وادعي
كدام حسين
ام تحير . . . وشتصير . . . ومنها راحـــلها ولد
كبـلي راح . . وستراح . . .الذكره ظلت بس مهد
كمت احير . . من ادير . .شوفي والگلب انمرد
ياموت اكربلي شمتاني
مو كسري ، النوح الاذاني
من يسألون . . . ماتبقى عيون
عاليبقون اتصب ادموعي
••••••••••••••••••••••
انسى اجروحي وكلشي الصاير
خوفي ابولدي التكسر خاطر
هســه ابصفهم ، ماهي باجر
انشال ابعيد
ابـنص الليــل اتــزيـد آلامي
اذكر ضلعي وضلع الضامي
وتعرض خيل وتسحك دامي
والاه اتزيد
ابلايه راس . . ها يناس . . . ابني باجـــر يــــنذبــح
يعطـــشوه . . يتعــبوه . . وتــالي ينـــشال ابرمـح
كمت اكول . . للخيول . . احسيني مــو مــالت جــرح
تعرضلي امصايب بالـذكره
والحيل امخـــلص بالزهره
من ايحنون . . . ماتبقى اعيون
عاليبقون اتصب ادموعي
••••••••••••••••••••••
ابجي ودمعاتي اشكد تلهب
لو رحت اشحالج يا زينب
كلبج حكه اشـكد يتعذب
ويضيع الحيل
كلما اكض اصفاحي اتذكر
جبد اوليدي وكطع المنحر
بهاي الحاله اعليمن اسهر
ويخلص الليل
كلشــي مال . . دمعي سال . . ليلي يخــلص كله هم
بعينـــي اشوف . .كلشي خوف . .منـيـن ابــاوع كلها دم
بوجهي اطيح . . لليصيح . . خطوه مـــاحــرّك جـــــدَم
ملجومه اصفاحي ومخنوگه
شيحرك اجدامي المحروگه
بيه يحرگون . . . ماتبقه اعيون
عاليبقون اتصب ادموعي
••••••••••••••••••••••
كوه اعليها اتغمض اعيوني
رغم اثار الفــوك امتوني
عود الزهره ومارحموني
جووني ابنار
بكسر اضلوعي القبله استقبل
ومن آلامي اعــيوني التهمل
ياهي المثل الزهره التحمل
كل هذا الصار
من انوح . . . بالجروح . . كوه اغـــمض وستچن
بــيــتـي غار . . هسه صار . .مغـيم اعـليه الـــحـزن
حــالي حـال . . اعله العيال . .جنهم ابغربه وســـجن
جن جامه عيالي ومكسوره
كسران الخاطر هالــــصوره
من يكسرون . . . ماتبقه اعيون
عاليبقون اتصب ادموعي
ليث كريم جحالي
قنواتنا
https://t.me/h_ameer1
https://t.me/h_ameer2
https://t.me/h_ameer3
https://t.me/h_ameer4
علي راحت فاطمة
اضلوع منها تكسرت علي راحت فاطمة
بصوت ناصي حشمت علي راحت فاطمة
الشمعه هاليله نطفت علي راحت فاطمة
اضلوع عدها مهشمه علي راحت فاطمة
@@@@@@@@@@@@@
الورده ماتت بلعصر علي راحت فاطمة
ودفعوا الباب الكفر علي راحت فاطمة
ومن كلبها الدم يخر علي راحت فاطمة
علي ياحامي الحمه علي راحت فاطمه
@@@@@@@@@@@@@@@@
علي هل يوم الحزن علي راحت فاطمة
شال كلب اللي يحن علي راحت فاطمة
الشيعه خليها تون علي راحت فاطمة
وكلبي أمنه تثلمه علي راحت فاطمة
@@@@@@@@@@@@@@
بويه وينك يلفحل علي راحت فاطمة
رافگ الزهره الاجل علي راحت فاطمة
المحسن ابصفها نكتل علي راحت فاطمة
تبچي عالزهره السمه علي راحت فاطمه
@@@@@@@@@@@@@@@@@
الدار حرگوها بحقد علي راحت فاطمة
كلبي أصبح ينمرد علي راحت فاطمة
اشلون ادفنها بلحد علي راحت فاطمة
علي راد اتكلمه علي راحت فاطمة
@@@@@@@@@@@@@@@@@
وداد البخاتري
قنواتنا
https://t.me/h_ameer1
https://t.me/h_ameer2
https://t.me/h_ameer3
https://t.me/h_ameer4