قصائد منبريه مكتوبه 📚
يا صاحب الامرِ ..يا زائرَ الزهرا
إلى متى تبقى . تزورها سرا
…………
يا مولاي يا مهدي العذر منك
مو قصدي الاساءة واقسم بحسنك
سئلتك منهضم عمرك كضه بحزنك
الف عام وبعض ودموعك بجفنك
.
فدمعُكَ يجري . للضلعِ والكسرِ
تَبكي لها دهرا . يا زائر الزهرا
………………….
تستاذن گبل لا للگبر توصل
ومن ماي البعينك وجنتك تبتل
استاذانك يذكرك جرحك الاول
باب امك الزهره المّنْ نذل يرُكل
.
يستأذنُ أحمد . والجاحِدُ الأسود
يركُلُها جَهرا . يا زائر الزهرا
……………………..
توصل للگبر ويضيك بيك البر
ولصوب النجف تندار تتحسر
تقرا النية ويطيح الدمع احمر
ازورج بالنيابة يمه عن حيدر
.
بجفنِكَ المُحمَّر . كأنَّكَ حيدر
لمَّا بكىٰ جمرا . يا زائر الزهرا
…………………
تقرا زيارة الزهراء بهادي الصوت
بسكوت الونين ويكتل البسكوت
تموت وثارك اليحييك من تموت
وتتاني يوم صلب الجبت والطاغوت
.
والليلِ إن عسعس ..بكفِكَ الأقدس ..
ما أجملَ الثأرا . يا زائر الزهرا
………………
سلام الله على العالمةالمنصورة
المرتحله بهضم وضلوع مكسورة
سلام الله على الغَمضت مقهورة
المرتحله غريبه بعين مسطورة
.
بحسرةٍ تَرثي . مغصوبةَ الإرثِ
مَجهولةً قَدرا. يا زائر الزهرا
عبدالله الفريجي
شهيدا يوم امس
مئات الأرواح تزهق يوميا
وكأن شيء لم يكن
شيعة أمير المؤمنين
💔
منك الحيل ياعلي بن موسى الرضا
انجان جار الزمن والروح مو هيه
وانجان طاح الجمر وانكلبت النية
وانجان من اللطم ضميتهه ايديه
وبغيركم التهي ويوشل البية
حطي اعله جفي حبل واخذي مساعيه
وجريني جر لدرب نوح الحسينية
لو قرر الزمان .. ياخذني من اصحون حبكم
مولاتي اريد امان .. يخليني مابدل دربكم
بلياكم اضل ناشف .. واضل من متاهه لمتاهه
اذا اغلط اكول اسف .. وتردوهه روحي لسماهه
يارحيمة .. يأم الحسن
٠٠٠٠٠٠٠٠٠٠٠٠٠٠٠٠٠٠٠٠
جبتوني الكم بشر ماينعرف لونه
وانتم رضيتو دمع تنطون لعيونه
وخليتو خير السمه يصب فوك ماعونه
ولو راح عنكم وكت انتم ترجعونه
وقررتو ويه الخدم اسمه تسجلونه
معقولة تالي العمر للدنية تنطونه
لا هايه ماتصير .. لا والله ماتنطون بينه
وبزلتي مااحير .. اركض واجلب بالسفينه
شفت حبكم هوى الرحمة ..
ويصب كلشي بي خير عليه
يمولاتي البجي ذمة
اربطيلي دمعي وادية
يارحيمة .. يأم الحسن
٠٠٠٠٠٠٠٠٠٠٠٠٠٠٠٠٠٠
مولاتي يافاطمة هذا الزمن طبعه
يكتل الحب بالكلب وامن البجي يمنعه
بس انه بيه جرح بس الحزن شرعه
ماخاف من كلشي ابد والنوح ماكطعه
عندي جفن مايجف واكضي العمر انعه
بقارورة ام الحسن مضمومه الي دمعة
يافاطمة العيون .. غير البجي شلايگ عليهه
ع الضامي والضعون .. متنشف الدنية بجيهه
اضل ابجي على الضامي ..
وعلى الركضة والنار على التل
واضل امزج صفو ايامي
بدموع الي شالتهه هزّل
يارحيمة .. يأم الحسن
٠٠٠٠٠٠٠٠٠٠٠٠٠٠٠٠٠٠٠٠٠
مولاتي هذا الكلب ماتخلص احلامه
يتمنه يلگة العطش واضح على ايامه
ولحسين يبجي جمر جي حركو اخيامة
ويبجي لضعن منكسر مجروح بيتامه
جم اثر ضل ع الترب من مشية اجدامة
وجم دمعة ذب الضعن من كربله لشامة
مولاتي ضعنه راح .. مجتف على انياك الهزيله
وشرفعت الرماح .. وشسوت بكلب العقيله
ضعن حاير مشه بصحرة ..
وسكن بالخرايب ليالي
اجه بگدره وفگد گدرة
على النوك فكد كلشي غالي
يارحيمة يأم الحسن
٠٠٠٠٠٠٠٠٠٠٠٠٠٠٠٠٠٠٠٠
يازهراء يافاطمة يامليكة الوجود دخيل
حيدر شايع
#اللهم_عجل_لوليك_الفرج
انه بخــــير مادام النفــــس بيــه
واخدم منــــبرك بالدمــعه والنيه
لاتســـتغني عـن اللايذ ابســــدك
ترا بليـــــاك للمجهــــــــول تاليه
لايذ ابفـــــــيك كهف للمــثلي عــــزائك
لاتبـــــــــــدلني بغيري يالزايد عطــائك
سيدي ادخيلك ابتليــــــــني ببتـــلائك
عفوك ارحـــمني والتمس روحـي
مالي بس حزنك مؤنس اجروحي
يلهج الســــــاني بيك مــــــادامه
مالي بالـــــوادم كل سبب يوحي
دخيل احســانك يا ابا عبـــد الله
عيني الماتصبــلك ذمــه مشكوله
وروحي الماتخدمك تبقى مذلوله
ماتكبر ابواحـــــد انته ابو الاكـبر
نكبر بيك لو خدمــتنه مقبـــــوله
بعازة عيــــونك ياعزيز امــــك نضرتك
فايض احسانك وما اجازي شما شكرتك
كلهه تحـــتاجك كلهه مرجعها العتـــبتك
جاهك ايــعلي المحد ابحـــاله
اتكبر الخــادم وانته تــــــبراله
لو شفت كلهه مني تتـــــــبره
يكفي منبركم عايش ابجــــاله
دخيل احســانك يا ابا عبـــد الله
الناس اتـــدور اعله الـشان بالگوه
والخادم بســـيط وشـــانه ياعلوه
هاي الدنــــيا كلما تعـــرض وتكبر
خيط ابجربة العــــباس ماتســوه
واليهم بيـــــــهه يحفر ابايده ضـــياعه
سفره دنيـــــتنه وكلمن ايحضر مـتاعه
حسين بس هوه وغيره ماعـدنه شفاعه
اعظــــم وادهى من بعـــد موتي
يوم يتــــــخلى عني تابــــــوتي
مالي من مهرب غير ابو الاكــبر
بيمن اســتنجد ويستمع صوتي
دخيل احســانك يا ابا عبـــد الله
يابحر العطـــف وانگايش ابجــرفك
والتنترس ايـــده من فضــل لطفك
عميان الخـــــذتهم عــــــنك الدنيا
ومادگ باب غيـــرك كلمن ايعرفك
العارف بحقـك مفترض عالطاعه يربه
واليقر جرحك مايقدس غــيره گـــلبه
والطـرق كثره كون ينـــدل ويـن دربه
الدمعه دلتــــني وعلمتني اهـــوى
الراجي يم بابك وانت ابو الرجوه
لو نشــف دمعي امشي لعتــــابك
غافل وجــــايك رايد الصـــــحوه
دخيل احســانك يا ابا عبـــد الله
خادم القصيده
شاكر الصيمري
يا شاعر هجه الضلمه
اذا يصفن صدك يندم
الضلام الداير اكَببكم ولا ينذم
اكَصّر خطوتي واتحفه من الباب
واسجد واسد عيني ومدري شتحلم
انه ماجاي اورج الناس! اريد افهم؟
امنحط ايدي اعله صدري وارجع امنالباب
ياهو يصيح بذني جاي تتقدم
ياهو ايكلي لا تسجد اذا فاتك سجود الدم؟
اثاري اعيونكم تربي اعله كل مهتم
اثاري الماتصيحونه يصيحة الهم
مولاتي اليكسرونه يصير احجايه بين الناس
والماعنده عروّة بابچ اشيلّزم
يا معصومه فيّضي العين
بس الينكسر يمج يرد يلتم
شهاي الخوه البصحنچ
يا چف اليسلم اعليچ اكول اعله الرضا سلم
چنچ وحده من الطف
هاي الخوه ما موجوده بس ابقم والمخيم
هاي الخوه خوّه دمّ
الله من يحّن الدم
حسن طالب
ياصاحب الزمان
معصومه مهجت كلب ابوها
معصومه انس الروح اخوها
معصومه
هيه الكريمه بت الكرام
لحضرتها كلبي هواي محتام
معصومه
معصومه..هيه ملاذي ومسكني
بحضرتها حبها مسني
هيه اماني ومأمني
معصومه..نورا جلي احمدي
هيه اتكالي ومددي
فيها غدا قلبي ندي
بجفها عطائي وهيه العظيمه
فاطم اسمها وفاطم رحيمه
ورحمتها تشمل كل اليجيها
اخت الرضا حتما. كريمه
معصومه رزق الخدمه يمها
باب العطايه الزهره امها
معصومه
يمها اليجي شيطلب تكرمه
وبجف عطفها اهيه تضمه
معصومه
معصومه... بدمعتها انجه واحتمي
باب العزاء الفاطمي
في بُعدها يغلي دمي
معصومه... يمها اضيع بدمعتي
وترزقني عبره بغربتي
وتجبر دليلي وكسرتي
مديت اديه وماخيبتني
رزقتني كلشي وهم دللتني
اخت الانيس الماردله زائر
سترت خطائي ومافشلتني
معصومه منها الخير كله
اجداوتي ابعتبتها تحله
معصومه
اتعنه يمها ودمعه اطلب
وترزقني فوك الدمعه هم حب
معصومه
معصومه.. ترزقني حب الكربله
تبجيني على سلبو هله
وادفعه عني كل بله
معصومه..مأوى الحياره والعطف
تضمني بعطفها واللطف
تغمرني بالحب وانصرف
ترزقه اليجيها عين البصيره
وترزقه دمعه متروسه غيره
رحمتها شملت كل العوالم
سلطان اخوها وهيه الاميره
معصومه حضن الأم صحنها
اتضمه الطريد اهيه بوطنها
معصومه
بحضرتها يحله شوف العيون
شحجي ابفضلها ابقه مديون
معصومه
معصومه..بغربته تأمن غربتي
بجفها عطائي ورحمتي
ترزقني دمع امصيبتي
معصومه.. سولف عليها الكاظم
خير البديها دايم
لا ماترجع خادم
عش الحياره وكهف المدامع
كلب اليجيها يرد منها خاشع
باب الدموع وباب العنايه
وأنه العطفها دلالي طامع
محمد تقي الزاملي
قنواتنا
https://t.me/h_ameer1
https://t.me/h_ameer2
https://t.me/h_ameer3
https://t.me/h_ameer4