Нұрлыбек Кеңес

Кейбір уағызшылар Алланы сүю, мағрифат және руханият жайлы көп сөйлейді. Алайда олардың кейбірі діннің негізгі білімдерін толық меңгермеген бола тұра адамдарды «махаббат жолына» шақырады.
Осындай сөздерді естіген қарапайым адамдар кейде Алланың ұлылығы, рақымы мен көркемдігі жайлы айтылғандарды өз қиялдарындағы бір бейнемен байланыстырып алады. Сөйтіп, сол қиялдағы нәрсеге ынтық болып, оны Аллаға деген махаббат деп ойлайды.
Алайда Алла Тағала ешбір жаратылысқа ұқсамайды және қиялға сыймайды. Сондықтан мұсылман адам Алланы Құран мен Сүннетте баяндалған сипаттарымен танып, Оны жаратылыстарға ұқсатудан сақ болуы керек.
«Алла Тағала қиялға сыймайды, әрі ешнәрсе Оған ұқсамайды».
📚
صيد الخاطر
✍️
Әбул-Фараж ибн әл-Жәузи

Айша анамыздан (رضي الله عنها) жеткен хадисте былай делінеді:
«Алла Елшісі ﷺ тазаланғанда, шашын тарағанда және аяқ киім кигенде барлық істерінде оң жақтан бастауды ұнататын еді».
📚
«Әл-Мәуәһибу әл-Ләдүния» – «Шәмәил Мұхаммадия»

Алланың қалауымен әрі жәрдемімен Имам Нәхләуидің «әл-Хазру уәл-Ибаха» атты құнды еңбегін белгілі жерге дейін қайталап, аяқтап бітірдік.
Бұл кітап бізге халал мен харам мәселелерінде дұрыс ұстаным қалыптастырып, көптеген пайдалы мағлұматтар сыйлады. Алла Тағала осы еңбектен алған білімімізді амалға асыруды нәсіп етсін. Әмин.
Ендігі кезекте Имам Тирмизидің үмбет арасында кең таралған әрі ерекше қадірлі еңбектерінің бірі — «Шәмәил Мұхаммадия» кітабын қайталауды бастамақпыз.
Бұл кітапта Алла Елшісі ﷺ-нің көркем мінезі, асыл сипаттары, күнделікті өмірі мен өнегелі жолы баяндалады. Расында, Пайғамбарымызды ﷺ тану — Оны ﷺ жақсы көрудің, ал жақсы көру — Оның ﷺ сүннетін ұстанудың бастауы.
Алла қаласа, осы екі құнды еңбек бойынша пайдалы жазбалар мен қысқаша үзінділер жарияланып тұрады.
Пайдалы деп білсеңіздер, қолдап, бөлісіп, дұғаларыңызды аямай жүріңіздер. Алла Тағала баршамызды ілім үйреніп, үйренгенімен амал ететін құлдарынан етсін.
🤲🏻

📍
Аяқ киім кию әдебі:
Аяқ киім кигісі келген адам оң аяқтан бастап кисін, ал шешкен кезде сол аяқтан бастап шешсін. Аяқ киімді отырып кигені абзал.
Сондай-ақ аяқ киімнің бір сыңарын ғана киіп жүруге болмайды. Өйткені Алла Елшісі ﷺ мұндай жүруден тыйған. Бұл адамға ауырлық келтіреді әрі ақыл-парасат иелерінің ісіне сай келмейді.
Аяқ киімді киер алдында оны қағып алған дұрыс. Себебі ішінде зиян келтіретін жәндік немесе басқа нәрсе болуы мүмкін.
Мешітке барған кезде аяқ киімін шешсе, екеуін де жанына қойып қойғаны жақсы. Бұл олардың жоғалып кетуінен немесе ұрлануынан сақтайды.
Кейде жалаңаяқ жүру де құпталады. Өйткені бұл қарапайымдылық пен кішіпейілдіктің белгісі.
📚
«әл-Хазр уәл-Ибәха»
✍️
Имам Нәхләуи رحمه الله تعالى

Ғажайыпқа толы күлкі аппақ тістерге емес, аппақ жүректерге мұқтаж.
Өйткені ең ғажайып күлкі – тістері әлі шықпаған болса да, жүректері тап-таза, пәк болған сәбилердің күлкісінде.
Олардың күлкісінде рия жоқ, арамдық жоқ, тек мөлдірлік пен шынайылық бар.
©️
Әдһәм Шәрқауи

Әлеуметтік желіге кірсең, кеше ғана орамалымен насихат айтып жүрген, ұят пен ибаның үлгісі болған кейбір қыздардың орамалын шешіп жатқанын көресің. Сондай сәтте жүрекке бір мұң ұялайды…
Өйткені біз орамалды жай ғана киім деп көрмейміз. Ол — Алланың әміріне мойынсұнудың белгісі. Ол — пенде мен Раббысының арасындағы сыр. Ол — жүректегі иманның сыртқы көрінісі.
Бірақ біз адамдардың жүрегінде не болып жатқанын білмейміз. Қанша көз жасы төгілді, қанша сынақтан өтті, қанша ішкі күрес болды — оны бір Алла ғана біледі. Сондықтан оларды жазғыруға да, үстінен үкім шығаруға да асықпайық.
Бәлкім, бүгін орамалын шешкен қарындасымыздың жүрегі қазірдің өзінде оны сағынып жүрген шығар. Бәлкім, әр айнаға қараған сайын бұрынғы күндерін есіне алатын шығар. Бәлкім, түннің бір уақытында: «Уа, Раббым! Мені қайтадан Өзіңе қайтаршы…» деп көз жасын төгіп жүрген шығар.
Біз адамдардың бүгінгі қалпын ғана көреміз. Ал Алла олардың жүрегіндегі сағынышты, өкінішті және қайта оралуға деген үмітті де көреді.
Сондықтан қарындастарымыз үшін дұға етейік. «Уа, Алла! Оларды тура жолға қайта сал, жүректерін иманмен нұрландыр, орамалдарын бұрынғысынан да абыройлы етіп қайта кигіз» деп тілейік.
Өйткені хидаяттың есігі жабылған жоқ. Тәубенің есігі де жабылған жоқ. Бүгін алыстаған жан ертең Аллаға бәрімізден жақын болуы мүмкін.
Қаншама адам күнәнің түбінен көтеріліп, тура жолға түсті. Қаншама жан адасып барып, кейін Раббысын бұрынғыдан да қатты сүйді. Сондықтан ешкімнен үміт үзбейміз.
Уа, қарындасым! Егер бұл сөздер саған жетсе, білгін: Аллаға қайтаратын жол әлі де ашық. Сенің орамалың сені күтіп тұр. Сенің сәждең сені күтіп тұр. Ең бастысы — сені Раббыңның мейірімі күтіп тұр. Қайтып кел. Өйткені Аллаға қарай жасалған бір қадамға, Алла Тағала пендесіне мейірімімен одан да жақын болады.
Алла Тағала барлық мұсылман қыздарға истиқамат нәсіп етіп, жүректерін дінінде бекем етсін. Әмин.

🛑
Маңызды мәселе :
Жәй уақытта болсын немесе құтпа кезінде болсын, Құран аятын оқитын кезде:
قال الله تعالى
Қоо-ла Аллаа-ху та‘аала
(Алла Тағала айтты)
деп айтып, сосын бірден
أعوذ بالله من الشيطان الرجيم
А‘узу биллаахи мин аш-шайтан ир-раджим
(Қуылған шайтаннан Аллаға сиынамын)
деп айту дұрыс емес, өйткені бұлай айтқанда:
«Алла Тағала айтты: қуылған шайтаннан Аллаға сиынамын» деген сөз шығып кетеді, бұл мүлде дұрыс емес.
❌
✅
Дұрысы:
1️⃣
Алдымен
أعوذ بالله من الشيط الرجيم
А‘узу биллаахи мин аш-шайтан ир-раджим
2️⃣
Сосын Құран аятын бастау
📚
Хашия ибн Абидин (بتصرف)

Ибн Муфлих (рахимаһулла) былай дейді:
«Адамдардың сөзі сені қайғыртпасын. Егер олар сен туралы өтірік айтқан болса, еш амал жасамай-ақ сауапқа кенелдің деп біл. Өйткені олардың сауабы саған өтеді.
Ал егер олар сен туралы шындық айтқан болса, онда сол сөздеріңе байланысты күнәң мен қателіктеріңнің жазасы осы дүниеде берілді деп үміт ет.
Қай жағдайда да сен ұтылмайсың. Сондықтан адамдардың сөзіне байланып қалмай, еркін өмір сүр».
— Ибн Муфлих
«Әл-Әдәб әш-Шаръия»
📚

«Шайтан бір ғана сәжде жасамағаны үшін Алланың мейірімінен қуылды.
Ойланып қарасақ, Шайтан Адамға сәжде жасаудан бас тартты. Ал бүгін намаздан сырт айналып жүрген мұсылмандар ше?
Олар Адамға емес, Аллаға сәжде етуден бас тартып жүр.
Соған қарамастан, аса Мейірімді Алла олардың тәубе етіп, Өзiне қайтуын күтуде…
©️
Әдһәм Шәрқауи»

📌
Намаз оқып тұрған кезде, мысалы, балаңыз бұтына жіберіп қойып, үстінде нәжіс болған күйде келіп әт-Тахиятта отырған сәтіңізде үстіңізге отырса, мына үкімге назар аударылады:
Егер бала өздігінен жүре алатын болса, намазыңыз бұзылмайды. Өйткені нәжісті өзі көтеріп жүрген болып есептеледі.
Ал егер бала өздігінен жүре алмайтын, яғни еңбектеп жүретін болса, намазыңыз бұзылады. Себебі бұл жағдайда нәжісті сіз көтеріп тұрған болып саналасыз.
📚
«Марақи әл-Фәлах» (بتصرف)