Hasanov kundaligi 📘
"Portfolioingizni ko‘rib chiqdim... Lekin
bu yerda shaxsan o‘zingiz nima ish qilgansiz?"
Yaxshi savol va bu tabiiy. Chunki mening ishimni alohida qismlarda — logo, matn yoki videolarda ko‘rinmaydi. Men dizayner, kopirayter yoki fotograf emasman. Shu sababdan
ijrochi mutaxassisni o‘zi bilan ishlay qolaylik
, deyishadi baʼzida.
Brendingda ikki qism bor:
1. Strategiya: "Biz kimmiz va qayerga ketyapmiz?"
2. Operatsion qism: Buni dizayn va matnlarda, umuman jarayonda amalda ko‘rsatish.
Mening vazifam — birinchisi.
Soddaroq aytsam, ishim rejissyorlikka o‘xshaydi. Siz rejissyorni kadr ichidan topa olmaysiz. U aktyor ham, operator ham emas. Lekin yaxlit film muvaffaqiyati — uning yelkasida.
Portfolio — bu tayyor film. Dizayn va vizuallar — aktyorlar qismi. Men esa kadr ortida turib, brendning butun g‘oyaviy arxitekturasini quraman.
Strategiyasiz brending — rejissyorsiz kino bilan bir xil.
Rejissyorlar ichida Tarantino, Kameron, Nolan kabi brend strategiyasida kuchli bo‘lish nasib qilsin!
📌
telegram.me/hasanovblog
Yana bitta brending agentligi ;)
Ochig'i o'zimizni qanday tanishtirish haqida ko'p o'yladik. O'zgacharoq, kreativroq...
Lekin vaqt, bozor, mijoz buni kutib turmaydi. Shunga boshlayveramiz.
Front — bu jang maydoni!
Brendlar o‘rtasidagi, marketing g‘oyalari orasidagi kurashlar maydoni.
Barcha bu maydonda mijozni o‘ziniki qilish uchun, o‘z g‘oyasini sotish uchun jang qiladi.
Brending janglari ichida, siz bilan, FRONTDAMIZ!
Instagram
|
Telegram
Amaliyot hammasini boshqatdan kashf qiladi!
Fizikada oddiy formula bor:
S=v×t
(Masofa=tezlik×vaqt).
Ya'ni nazariy jihatdan 60 km/soat tezlikda yursangiz, 60 km masofani 1 soatda bosib o‘tasiz.
Lekin amaliyotda svetoforlar, tirbandliklar va yo'lda kutilmagan ta’mirlash ishlari ketayotgan bo'lishi mumkin.
Ajoyib iqtibos bor:
"Nazariyada nazariya va amaliyot o‘rtasida hech qanday farq yo‘q. Amaliyotda esa bor."
Biz odatda bir narsani nazariy o'qib, tushundim deb o'ylaymiz. Lekin aslida qanchalik to'g'ri tushunganimizni faqatgina amaliyotda sinab ko'rib, bilishimiz mumkin.
SMM yoki brending bo'yicha dars berganimda bolalar darsda mavzuni tushundik derdi, lekin amaliyot qismi kelganda darsni boshqatdan yana o'tib berishimga to'g'ri kelardi ;)
Umuman olganda barcha sohada shunday.
Amaliyot nazariyada tushunganlaringizni boshqatdan kashf qiladi!
📌
telegram.me/hasanovblog
LOOOK restyling qildimi?
Logo o‘zgaribdi. Nimanidir o‘tkazib yubordik shekilli?
📌
telegram.me/hasanovblog
Finalning haqiqiy g‘olibi — Adidas!
📌
telegram.me/hasanovblog
Yaqin insonmisiz yoki emotsional "chelak"?
Buni qanday bilsa bo'ladi? Ayniqsa, qizlarda ko'p uchraydi bu. ("Chelak" nima ekanini esa, hozir tushunib olasiz)
Hamma ham yaqin inson bo'lganingiz uchun sizga dardini aytmaydi. Ba'zan inson shunchaki ichida yig'ilib qolgan negativ emotsialarini chiqarib olishni xohlaydi.
Xoh g'iybat xoh boshqacharoq ko'rinishda bo'lsin, sizga dardini to'kib-soladi. Siz unga shunchaki o'z emotsialarini to'kkani "chelak" bo'lib berasiz.
Yaqin inson va "chelak" farqi shundaki, keyin sizning ahvolingizga qiziqdimi yoki yo'q?
"Chelak"dan hol-ahvol so'ralmaydi, shunchaki undan negativdan qutulish uchun foydalaniladi!
📌
telegram.me/hasanovblog
Manu quyosh nima devotti?)
Xo'sh, bu issiq darajasini qanday ifodalasak bo'ladi?
Metaforalar, memlarni izohlarda qoldiring, kimniki zo'rroq chiqarkan )
📌
telegram.me/hasanovblog
Baʼzi odamlar dard, baʼzilar tajriba, baʼzi insonlar esa hayotingga baxt olib keladi.
Ularning nima berishi —
o‘z feʼlidan
, ayni senga berishi esa —
qilgan amallaring natijasidan
.
📌
telegram.me/hasanovblog
Brend mutaxassislari uchun savol:
"Brend — bu logo emas" deb hamma gapira oladi ;) Real keysda sinab ko'ring.
Holat:
"Gullasin" (o'ylab topilgan) — Toshkentdagi oyoq kiyim ulgurji distributori. O'zida ishlab chiqarish yo'q, Xitoy va mahalliy fabrikalardan olib, tarmoqli do'konlarga sotadi. 100+ SKU, marja modelga qarab 5%-30%, lekin sof foyda atigi ~3%.
Muammo:
Tarmoq do'konlaridagi ishchi ta'minotchilar o'zlari mahalliy fabrikalarni topib, "Gullasin"ni chetlab o'tmoqda — ularning ishi aynan shu, arzonroq manba topish. Ustiga — xuddi shu modellar bozor/ko'chada ham arzonroq topiladi. Chunki ishlab chiqaruvchilar modellarni faqat "Gullasin"mas, istalgan odamga sotadi.
O'ylab ko'rilgan, lekin ishlamaydigan yo'llar:
- Tarmoq do'konga uzoqroq to'lov muddati taklif qilish → marja bunga chidamaydi;
- Trend/model topib eksklyuziv shartnoma tuzish → rahbariyat rad etadi: "har xil model bilan ovora bo'lishni xohlamaymiz";
- "Brend qurish" taklifi → mijoz rad etadi:
"Bizga logo emas, tezroq savdo kerak"
.
Savol:
Marja kichik, mijoz brendni xohlamaydi (uni faqat brendbuk deb o'ylagani uchun), model bilan o'ynash ham yo'q — shunday holatda
brend strateg tafakkuri bilan bu biznesga qanday yordam bera olasiz?
P.S:
Agentligingiz guruhida birga muhokama qilsangiz ham bo'ladi.
📌
telegram.me/hasanovblog
Manmanlik va hasad o‘rtasida bo‘ling.
Manmanlik bu o‘zini boshqalardan ustun deb bilish bo‘lsa, hasad esa aksi, o‘zini boshqadan past sanab, undagi ustunlikka rozi bo‘lmaslik.
Qachonki bir odamdagi kamchilikni ko‘rsangiz, o‘zingizni undan ustun ko‘ra boshlaysiz.
Qachonki boshqa insondagi ustunlikni ko‘rib, o‘zingizdagi boriga rozi bo‘lmasangiz, hasad qila boshlaysiz.
O‘rtasida, muvozanatda bo‘ling!
Odamlardan doim yaxshilik izlab, kamchiliklariga ahamiyat bermay, ularning yutuqlarini qabul qiling. O‘zingizdagi boriga esa doimo shukr qilib yashang.
O‘rtada ancha baxtli bo‘lasiz...
📌
telegram.me/hasanovblog