Hasanov kundaligi 📘

Ichingizda urush ketmasin!
Sevara opa degan bir mijozimiz borlar. Finway nomli buxgalteriya xizmatlari ko‘rsatadigan va dars beradigan korxona egasi.
Sevara opa O‘zbekiston Professional futbol ligasi bosh buxgalteri, 5 farzand onasi (eng kichik egizak farzandlari 1,5 yosh), O‘zbekiston Milliy universiteti o‘qituvchisi, Balance IQ trening markazi rahbari. Finway konsalting o‘zida 150 tacha firma buxgalteriyasini yuritishadi.
Bulardan tashqari yana kurslarda, treninglarda o‘qishdan charchamaydilar. Tadbirkor, pul ilmi va kaaaatta energiya sohibasilar.
Biznesda, loyihalarida muammolari yetmagandek, kimdir yordam so‘rab kelsa, umuman yo‘q deyishni bilmaydilar.
U kishi bilan yaqindan tanishgan hammada savol tug‘iladi:
Qanday qilib? Shuncha energiya qayerdan? Qanday charchamaysiz?
Yaqinda suhbatimizda shuni javobini aytdilar. Inson qanday qilib muammolar ichida bo‘lsa ham, juda ko‘p ishga ko‘milgan bo‘lsa ham charchamasligi mumkin?
Aslida javobi oddiy ekan:
o‘zingizga to‘g‘ri bo‘ling!
Odam qilayotgan ishlaridan o‘zi rozi bo‘lsa, vijdoni oldida toza bo‘lsa, o‘zini ayblamasa, muammolar charchatmaydi!
Insonni tashqi muammolar emas, odatda ichidagi urush charchatarkan. O‘zidan yoki qilayotgan ishidan yokida bo‘layotgan ishlardan noroziligi, hal qila olmayotganligi...
Siz shu fikrga nima deysiz?
📌
telegram.me/hasanovblog

"Front"ga qadoq dizayneri kerak!
Sizning vazifalaringiz:
- Qadoq dizayni va chop etiladigan grafik materiallarni noldan ishlab chiqish;
- Fayllarni qat'iy texnik talablar asosida bosmaga tayyorlash;
- Tipografika va mahsulot dizayni (product design) ustida ishlash;
- Bosmaxonalar va ishlab chiqarish bilan bevosita muloqot qilish (bosmachilar bilan "bir tilda" gaplashish).
Nomzodga qo'yiladigan talablar:
- Portfolio: Kuchli va real amalga oshirilgan loyihalar;
- Dasturlar: Adobe Illustrator, Photoshop va CorelDRAW dasturlarida professional darajada ishlash;
- Texnik bilim: Poligrafiya va chop etishdan oldingi tayyorgarlik jarayonlarini yaxshi bilish;
- Tillarni bilish: kamida qo'shimcha bilim va kurslar o'qish darajasida rus yoki ingliz tilini bilish;
- Mas'uliyat: Ishlarni belgilangan muddatlarda bitirib bera olish;
Grafik dizayn sohasida kamida 3-5 yillik tajriba (qadoq yo'nalishida tajriba ustunlik beradi).
Biz taklif qilayotgan sharoitlar:
Gibrid ish grafigi: Haftada 4 kun ofisda, 1 kun esa onlayn (masofadan) ishlash imkoniyati;
Ish vaqti: 10:00 dan 18:00 gacha;
O'sish va rivojlanish: Professional kurslar va treninglar uchun to'lovlar agentlik tomonidan qoplanadi;
Dasturiy ta'minot: Ish uchun zarur bo'lgan barcha pullik servis va programmalar to'lovi;
Maosh:
Tajribangiz va portfoliongiz asosida suhbat davomida individual belgilanadi.
📩
Bog'lanish uchun:
@Hasanov_Farrux
📍
Manzil:
Toshkent shahri, Shota Rustavelli ko'chasi, 151
📌
telegram.me/hasanovblog

Ko‘p hollarda aslida yordam kutmaysiz. Tushunayotganlarini his qilishingizni o‘zi yetarli bo‘ladi!
📌
telegram.me/hasanovblog

Muhabbatning dini yo‘qdir,
Va ko‘ngilning irqi yo‘q!
Haqqa ishqi bo‘lmaganning
Bilki ishqqa haqqi yo‘q!
©️
📌
telegram.me/hasanovblog

OVERTON TUYNUGI
Odatiy axloq meʼyorlarini buzish, jamiyat uchun mutlaq yangi tushunchalarni olib kirishda qo‘llaniladigan instrument.
Maqola tayyorlanganiga ko‘p vaqt bo‘lgan bo‘lsada (2021), dolzarbligi hali beri yo‘qolmaydi.
O‘qish tavsiya etiladi:
uzun maqola o‘qiy oladigan, jamiyat va kelajagiga befarq bo‘lmagan, fikrlay va tafakkur qila oladigan insonlarga.
O‘qish tavsiya etilmaydi:
uzun maqola o‘qishni yoqtirmaydi, siyosatga umuman qiziqmaydi, jamiyat va kelajak bilan umuman ishi yo‘q insonlarga.
Marhamat:
https://telegra.ph/OVERTON-TUYNUGI-02-18

Marketing juda kuchli qurol! U orqali jamiyat rivojlantiriladi yoki o‘ldiriladi.
Ko‘pchilik marketing faqatgina biznesda qo‘llaniladi deb o‘ylashadi. Ya'ni mahsulotlar, brendlarni insonlarga singdirishda. Ammo aslida marketing instrumentlaridan biznesdan ko‘ra ko‘proq foydalaniladigan soha mavjud. Bu siyosatdir!
Odob va axloq qanday buziladi? Jamiyatni va kishilar ongini kim boshqarib-o‘ynatyapti? Nimaga yaqin-yaqinlargacha ayb sanaladigan va qoralanadigan ishlar bugun ayb bo‘lmay qoldi? Ularni inkor etgan kishi nega bugun qoloq, buzg‘unchi va hatto jinoyatchi sanalyapti? Qanday qilib LGBT, ularning iflos ishlari qonun va nizomlar bilan himoyalanadigan bo‘lib qoldi?
Bu ishlarning texnologiyasi juda oddiy. Bu haqida eshitgan bormi?
Bu to‘g‘risida yozishdan oldin sizdan so‘ramoqchiman:
Shu narsa o‘zi sizga qiziqmi? Yoki tadbirkorlar uchun foydali marketing keyslar to‘g‘risida yozganim ma'qulmi?
📌
telegram.me/hasanovblog

PyHET infobiznes "qiroli" Andrey Parabellum hikoyasi:
AQSHda infobiznes bo‘yicha eng zo‘r treninglarda doimiy qatnashardim. Treninglarga 50 ming dollardan ortiqroq pul sarflab yuborgan edim. Bir trening ortidan keyingisiga qiziqaverardim.
Bir kuni navbatdagi treningda tanaffus paytida qora tanli to‘ladan kelgan Amerikalik ayol (u ham trening qatnashchisi) bir masalada maslahat so‘radi. So‘ragan savoli shunchalik oddiy, elementar narsa ediki, "nahotki shuniyam bilmasa", deb hayron bo‘ldim. Tushuntirib berdim. Ayol xursand bo‘lib, minnatdorchilik bildirdi. Va biroz tortinib, "shunaqa oddiy narsalarni tushunmay qolganimga daromadimni oyiga 50 mingdan hech oshirolmayapman shekilli", deb qo‘ydi.
Meni tok urgandek bo‘ldi. Anqayib qoldim.
"Oyiga 50 ming dollar daromad topayapsizmi?", deb so‘radim. "Ha", dedi. "Nechta treningda qatnashgansiz, qaysi kuchli trenerlardan dars olgansiz?", so‘radim hayratimni yashirolmay.
Ayol bittagina o‘rtamiyona treningda qatnashgan ekan, xolos. Tomim ketib qolay dedi. "Qanday qilib bunday darajaga erishdingiz axir, sirini o‘rgating", ma'nosida so‘radim.
Ayol hayron va soddalik bilan bir gap aytdi, bir umr esimda qoldi.
"Shunchaki trener aytgan vazifalarni qandoq aytgandek bo‘lsa, shundoq qilib, bajardim, chunki ko‘rib turibsiz, uncha aqlli emasman, o‘zboshimchalik bilan xato qilib qo‘yishdan qo‘rqaman".
Mening miyam ostin-ustun bo‘lib ketdi.
"Yillab treninglarda laqillab yuribman-u, gigabaytlab videomaterial va prezentatsiyalarni "kolleksiya" qilibman-u, birortasini trener ko‘rsatganidek amalda qo‘llab, natijagacha, monetizatsiyagacha olib borish xayolimga ham kelmabdi. Bir soddagina uy bekasi elementar yo‘riqnomalarga yaxshi tushunmasdan amal qilib 50 ming topib yuribdi, men shu kallam bilan shimildiriq ham topmabman".
Bu fikrdan keyin treninglarga bormay qo‘ydim. Allaqachon bilimlar ortig‘i bilan yetarli ekanligini, shunchaki harakat qilish payti kelganligini tushundim.
©
Bobur Niyozov
📌
telegram.me/hasanovblog

Birovning HAQQI!
Intellektual mulk agentligi mualliflari bilan shartnoma tuzilmay, noqonuniy chop etilayotgan
TOP 5 kitob
ni eʼlon qildi.
Bu ro‘yxat rasmiy maʼlumotlar asosida shakllantirilgan. Lekin norasmiy tarzda sotilayotgan kitoblar soni anchayin ko‘proq.
Kompyuterda "crack" dasturlardan foydalanish, kiyim-kechak tovarlarda mashhur logolardan foydalanish, muallif ruxsatisiz kitoblarni chop qilish...
Usullari ko‘p, lekin hammasi bir:
birovning haqqini yeyish!
Qonunchilik bilan taqiqlanganidan tashqari, odam ozgina qilayotgan ishida halol, haromni farqlab olishi kerak.
Biz esa isteʼmolchi sifatida bunaqa noqonuniy mahsulotlar sotib olishdan qochishimiz kerak!
📌
telegram.me/hasanovblog

Olishdan oldin, bering!
Tengdoshlar yoki ukalarimizmi shoshayotganini ko‘raman. Tezroq, osonroq pul topish maqsad.
Ilk loyihada tekinga ishlaganman. Mebel ishlab chiqaruvchi korxona edi. O‘zi ularga nima foyda olib kelganimni ham bilmayman. Lekin ular sabab biznes olamiga kirib olganman.
Yuqoridagi rasmlarda ham volontyorlik paytlarim. Ustozim Islomjon aka Alisher Isaevni darslariga olib borgandilar. Darsda ertalabdan kechgacha, nima buyursalar qilardik.
O‘sha paytlarda ish ko‘p, vaqt deyarli yo‘q, aksiga olib ko‘p pul ham topmasdim. Lekin bugungi loyihalarim, tanishlarim, bilimimda ularni o‘rni katta bo‘lgan.
Hozir mana sekin o‘zimni agentligimni boshladim. Hozir ham yangi xizmatni yo‘lga qo‘yishda tekin yoki juda arzon loyihalar olganmiz.
Nima demoqchiman, musulmon odam faqat olishni emas, berishni ham bilishi kerak. Tijoratda asosiysi manfaat berishni niyat qilib boshlash!
Qolgani sekin vaqt bilan, baraka bilan keladi InshaAlloh!
📌
telegram.me/hasanovblog

KAAATTA O'ZGARISH! 2018-2021-yillar hayotim butunlay o'zgargan paytlar hisoblanadi men uchun. O'shanda o'zgarishni o'qishim kerak degan 100 ta kitob ro'yxatidan boshlaganman. 2020-yilda o'qigan kitoblarim masalan. Biznes bo'yicha bir nechta kouchinglar…