Hasanov kundaligi 📘

Cheksiz energiya sohiblari
Shaxsiy brending xizmatimiz doirasida kuchli mutaxassislar va tadbirkorlar bilan tez-tez muloqotda boʻlaman. Ularni kuzatar ekanman, boshqalarda kam uchraydigan bir muhim koʻnikmani oʻrganyapman.
Tajribali rahbar yoki mutaxassisning ham boshqalar kabi shaxsiy hayoti, muammolari va ichki qiyinchiliklari boʻladi. Lekin ularning zimmasida bundan tashqari ham katta masʼuliyatlari bor: jamoa, loyihalar, mijozlar, biznes jarayonlar...
Eng qizigʻi — bunday insonlardan hamma natija, motivatsiya, yechim va yoʻnalish kutadi.
Hamma!
Oʻzim agentlik ochganimdan beri buni yanada chuqurroq his qilyapman. Men barchani ruhlantirishim, energiya berishim, jarayonlarni nazorat qilishim, daromad va sifat uchun qaygʻurishim, muammolarni eshitib, ularga yechim topishim shart. Shu bilan birga, shaxsiy oʻsishni ham unutmasligim kerak.
Yoʻlda har xil holat boʻladi: kimdir xarakter koʻrsatadi, kimdir vaʼdasida turmaydi. Kimdir sizga yelkadosh boʻlsa (shu oʻrinda jamoamga rahmat), kimdir energiyangizni soʻradi.
Shu jarayonda eng qiyini — bularni bildirmay,
har qanday tushkun holatdan rahbar oʻzini-oʻzi olib chiqishi kerak
ligida. Odatda hamma undan nimadir olishni kutadi, berishni emas. Stressga berilish yoki energiyasiz yurish esa faqat va faqat zararga ishlaydi.
Men ulardan oʻrganayotgan eng kuchli koʻnikma —
oʻz-oʻzini tinimsiz ruhlantira olish va energiyasini qayta tiklash.
Har safar yiqilganda qayta turishga, har qanday qiyinchilikda davom etishga sabab topa bilish.
Tobora anglab yetyapmanki,
haqiqiy liderlik
bu — qurbon pozitsiyasiga tushib qolmaslik, dono bo‘lish, qoʻl ostidagilarni qiynash emas balki, ulardan mashaqqatlarni aritish, qiyinchilikni ketkazish va shu jarayonda o'zi hamda qolganlarni doimo ruhlantira olish.
📌
telegram.me/hasanovblog

Bu yil o'qishni bitirganimga 5 yil bo'ldi.
Mutaxassisligim — elektr energiyasi bo'yicha muhandis. Institutdagi kursdoshlarimiz bilan juda ahilmiz, eng yaqin do'stimni ham ular orasidan orttirganman.
Buxoro davlat texnika universiteti men o'qigan paytlarda o'rtacha OTMlardan biri edi. Lekin shu dargoh ham menga kutilganidan ko'p narsa o'rgatgan.
Diplom uchun o'qimang. Lekin muhit, o'qituvchilar va ilm uchun, albatta, o'qish kerak!
Yangi o'qishni boshlaganlarga esa omad tilayman.
Savor your student days!
📌
telegram.me/hasanovblog

Haqiqiy mustaqillik
Amerikada quldorlik keng tarqalgan paytda, 1850-yillarda Garriyet Tabmen 700 dan ortiq insonni qullikdan xalos qiladi va ozodlik harakatining eng faol yetakchilaridan biriga aylanadi.
Undan
“Qullarni qutqarish yo‘lidagi eng mashaqqatli ish nima?”
deb so‘rashganda, u chuqur o‘ylanib:
“Qulni uning qul emasligiga ishontirish”
, deb javob bergan ekan.
1967-yil Boliviyada Che Gevara (Kuba ozodlik inqilobchisi) qo‘lga olingach, harbiylar uni sotib bergan mahalliy cho‘pondan so‘rashadi:
“Axir u sizlarning haq-huquqingiz va ozodligingiz uchun kurashayotgan edi! Nega uni harbiylarga tutib berdingiz?”
Cho‘pon esa xotirjam javob beradi:
“U kelganidan beri otishma ovozidan echkilarim sut bermay qo‘ydi, tinchligimiz buzildi...”
Chetdan nazar solsangiz g‘alati, hatto achinarli ko‘rinadi, shunday emasmi?
Bu misollar 100% aniq tarixiy fakt bo‘lmasa-da, bitta buyuk haqiqatni ochib beradi:
eng yomon qaramlik — jismoniy emas, ma’naviysi.
Bundan 35 yil oldin biz ham zindonda emasdik, lekin o‘z vatanimizda ma’nan qaram edik...
Bugun esa ko‘z o‘ngimizda, hatto bevosita ishtirokimizda erkin va kuchli davlat barpo etilmoqda. Bu yo‘lda halol mehnat qilayotgan, ma’naviy hurlik uchun intilayotgan har bir yurtdoshimizga Alloh madadkor bo‘lsin.
Mustaqilligimiz nafaqat chegaraviy, balki ham ma’naviy, ham abadiy bo‘lsin!
G'oyaviy janglar maydonida, yoningizda,
FRONTDAMIZ!
📌
telegram.me/hasanovblog

Inson qachon ulg’ayadi?
Ota-onasi olamdan o’tishi, moliyaviy qiyinchiliklar, judolik yoki shu kabi og’riqlar insonni ulg’aytiradi deyishadi.
Balkim, ammo men hayotimizda sodir bo’layotgan muammolar emas aksincha, ulardan chiqargan xulosalarimiz bizni ma’naviy ulg’aytiradi, hayotga boshqacharoq qarashga o’rgatadi deb o’ylayman.
Muammoning o’zi haqida ko’p o’ylash esa sizni ulg’aytirishdan ko’ra kasal qilish ehtimoli katta.
To’g’ri xulosa qilishni o’rganganda…
Shunda inson ulg’ayishni boshlaydi. 30-40 ga kirgan 17-18 yoshli odamlarni ko’rganmisiz, ya’ni yoshi 30-40 dan oshgan bo’lsada, yosh bola singari fikrlaydi. Ular o’sha 18 yoshida ilm olishdan to’xtagan, xulosa qilish qobiliyati shakllanmay qolgan.
Jismoniy ulg’ayish o’zidan-o’zi bo’ladi. Biz esa ma’naviy yetuklikka intilishimiz kerak.
-
Inson qachon ulg’ayadi?
-
To’g’ri xulosa qilishni o’rganganda
!
📌
telegram.me/hasanovblog

Ba'zida hayot seni turgan joyingdan boshqa joylarga olib ketadi va:
"MANA SHU JOYDAN DAVOM ET!",
deydi.
📌
telegram.me/hasanovblog

Gohida senga bir neʼmat keladi. Chunki, xuddi oʻshanday neʼmatni boshqa kishiga tilaganding, ilinganding.
Shayx Shaʼroviy rahimahulloh
📌
telegram.me/hasanovblog

Qalbimga quloq tutaymi?!
Aqlimiz ojiz kelgan, qaror qilishda qiynalgan vaziyatlarimizda ko‘pchiligimiz shu savolni beramiz:
"Xo‘sh, qalbim nima deyapti?"
Lekin bir savol haqida o‘ylab ko‘rganmisiz:
Biz aslida qalbimizni eshita olamizmi?
Gap shundaki, qilingan xatolar, gunohlar asta-sekin qalbni qoraytiradi, kuchini yo‘qotadi va bora-bora u "o‘la" boshlaydi. Natijada qalbning ovozi o‘chadi.
Keyin esa o‘sha deyarli o‘lib bo‘lgan qalb o‘rniga
nafsimiz
pichirlay boshlaydi. Biz esa uning xohishlarini adashib
"qalbimning ovozi"
deb o‘ylaymiz.
Vaholanki, shayton bu vaziyatni poylab turgan, nafsimizga tinmay shivirlab, bizni o'z yo'rig'iga yuritishga intilayotgan bo'ladi.
Oqibatda esa
"qalbimni aytganini qilyapman"
deb nafsimiz hiylasi ortidan adashib ketaveramiz.
Unutmang:
qalbingizning haqiqiy ovozini eshita olish uchun, avval uni poklashingiz kerak!
📌
telegram.me/hasanovblog

Jarayondagi loyihamizdan:
Mijoz marketing bo‘limi bilan hamkorlikda
5000
dan ortiq insondan, qariyb
2500 anketa
va u so‘rovnoma asosida mijozlar
7 ta segment
ga ajratilib, ular uchun mos marketing hamda kommunikatsiya rejasi ishlab chiqildi.
✅
Ishlar tasdiqdan o‘tdi. Endi esa realizatsiya bosqichi boshlanyapti. Ishlarni hayotga tadbiqi va natijalari bilan qaytamiz yana nasib qilsa.
✅
Brending haqida
@frontdan_gapiramiz

Har qanday vaziyat – bu munosabat. Vaziyat yoqmasa, munosabatni oʻzgartiring.
​
©
Ann Landers
​
📌
telegram.me/hasanovblog

"Portfolioingizni ko‘rib chiqdim... Lekin
bu yerda shaxsan o‘zingiz nima ish qilgansiz?"
Yaxshi savol va bu tabiiy. Chunki mening ishimni alohida qismlarda — logo, matn yoki videolarda ko‘rinmaydi.​ Men dizayner, kopirayter yoki fotograf emasman.​ Shu sababdan
ijrochi mutaxassisni o‘zi bilan ishlay qolaylik
, deyishadi baʼzida.
Brendingda ikki qism bor:​
1. Strategiya: "Biz kimmiz va qayerga ketyapmiz?"​
2. Operatsion qism: Buni dizayn va matnlarda, umuman jarayonda amalda ko‘rsatish.​
Mening vazifam — birinchisi.​
Soddaroq aytsam, ishim rejissyorlikka o‘xshaydi. Siz rejissyorni kadr ichidan topa olmaysiz. U aktyor ham, operator ham emas. Lekin yaxlit film muvaffaqiyati — uning yelkasida.​
Portfolio — bu tayyor film. Dizayn va vizuallar — aktyorlar qismi. Men esa kadr ortida turib, brendning butun g‘oyaviy arxitekturasini quraman.​
Strategiyasiz brending — rejissyorsiz kino bilan bir xil.
Rejissyorlar ichida Tarantino, Kameron, Nolan kabi brend strategiyasida kuchli bo‘lish nasib qilsin!
📌
telegram.me/hasanovblog