Hilola Umarova
Tavallud ayyomingiz muborak boʻlsin, hurmatli Prezident!
Yurtimizda Siz boshchiligingizda amalga oshirilayotgan bugungi islohotlar ertangi ulkan muvaffaqiyatlarga poydevordir. Xalqimiz baxtiga hamisha omon boʻling!
@hilola_umarova
Umumiy oʻrta taʼlim tashkilotlarida faoliyat olib borayotgan
oliy malaka toifasiga ega
boʻlgan oʻqituvchilar Oʻzbekiston milliy pedagogika universitetining magistraturasida
masofadan
o‘qishi
mumkin.
Mutaxassisliklar quyidagicha:
• Pedagogika nazariyasi va tarixi;
• Pedagogika;
• Taʼlim va tarbiya nazariyasi va metodikasi (boshlang‘ich ta’lim);
• Oʻzbek tili va adabiyoti;
• Ijtimoiy-gumanitar fanlarni oʻqitish (huquq ta'limi);
• Ijtimoiy-gumanitar fanlarni o’qitish metodikasi (tarix);
• Aniq va tabiiy fanlarni o’qitish metodikasi (matematika);
• Ta’limda axborot texnologiyalari;
• Testologiya va bilimlarni baholash.
Abituriyentlar 2026-yil
30-iyulga
qadar (shu kuni ham)
magistr.edu.uz
platformasi yoki
my.gov.uz
portali orqali roʻyxatdan oʻtkaziladi.
Ariza topshirish uchun quyidagilar talab etiladi:
– Umumiy o‘rta ta’lim maktabida o‘qituvchi lavozimida faoliyat yuritilayotgan bo‘lishi;
– Maktabgacha va maktab ta’limi vazirligining xalqaro akkreditatsiyalangan tizimi orqali 2025-yil 1-yanvardan keyin oliy malaka toifasi berilgan bo‘lishi.
@hilola_umarova
Endilikda umumiy oʻrta taʼlim tashkilotlarining oliy malaka toifasiga ega oʻqituvchilari pedagogika sohasida
maqsadli magistraturaga
qabul qilinadi. Oʻqish Nizomiy nomidagi O‘zbekiston milliy pedagogika universitetida 2026/2027-oʻquv yilidan boshlanadi.
Ushbu yangilik e’lon qilingach juda koʻp ustozlarimiz turli savollar bilan murojaat qilishmoqda.
Bu imkoniyat aynan kimlar uchun? Oʻqish qay tartibda yoʻlga qoʻyiladi? Chet tilini bilish sertifikati ham kerakmi? Nechta yoʻnalish bor? Shu va boshqa savollarga oʻzim javob berishga qaror qildim.
Arizalar
10-iyuldan 30-iyulga
qadar
magistr.edu.uz
yoki
myedu.uz
manzillarida qabul qilinadi.
Yana biror savolingiz boʻlsa universitetimizning +998 (71) 202-44-21 raqamlariga bemalol qoʻngʻiroq qilib javob olishingiz mumkin.
Aziz ustozlar, ushbu imkoniyat sizlar uchun, barchangizga omad tilaymiz!
@hilola_umarova
Talabalar tashabbuslari universitet rahbariyati e’tiborida
💙
Bugun universitetimiz rektori Hilola Umarova universitet Yoshlar ittifoqi Boshlang‘ich tashkiloti faollari bilan muloqot qildi.
💫
Universitet yoshlari yangi o‘quv yili uchun ishlab chiqilgan rejalar, talabalarni qo‘llab-quvvatlash, bo‘lajak pedagoglarning kasbiy salohiyati, liderlik ko‘nikmalari hamda ijtimoiy faolligini oshirishga qaratilgan takliflarini taqdimot shaklida namoyish etdi.
⚡️
Muloqot davomida yoshlar tomonidan ilgari surilgan bir qator tashabbuslarni amaliyotga tatbiq etish bo‘yicha aniq vazifalar belgilab olindi.
✅
Xususan, Yangi o‘quv yilidan “Top-100 start-up yosh pedagoglar”, “Summer Camp” va “Yangi avlod pedagoglari” kabi loyihalarni amalga oshirish, talabalarning innovatsion g‘oyalari va startap tashabbuslarini qo‘llab-quvvatlash choralari ko‘riladi.
✨
G‘oya tug‘ilgan joyda imkoniyat paydo bo‘ladi. Imkoniyat bor joyda esa o‘zgarish boshlanadi. Bu uchrashuv ana shunday o‘zgarishlarga poydevor bo‘lib xizmat qiladi.
Biz ijtimoiy tarmoqlarda:
Veb-sayt
|
Telegram
|
Instagram
|
You Tube
|
Facebook
Taʼlim forumi doirasida pedagogika oliygohlari faoliyatini takomillashtirish, transformatsiya jarayonlari va ta'lim sifati kabi bir qator ustuvor yo'nalishlarda rektorlar muloqoti bo‘lib o‘tdi
💫
Muloqot davomida pedagogik taʼlimni yangi bosqichga olib chiqish, ilmiy salohiyatni mustahkamlash, bitiruvchilar bandligini taʼminlash hamda xalqaro hamkorlikni rivojlantirish kabi masalalar yuzasidan atroflicha fikr almashildi.
✅
Shuningdek, pedagogika oliy taʼlim muassasalari oʻrtasida o‘zaro hamkorlikni yanada kengaytirish, taʼlim, ilm-fan va innovatsion faoliyat yoʻnalishlarida qoʻshma loyihalarni amalga oshirishga qaratilgan hamkorlik memorandumlari imzolandi.
✨
Mazkur hujjatlar universitetlar oʻrtasidagi strategik sheriklikni mustahkamlash, tajriba almashish va pedagogik taʼlim sifatini yangi bosqichga olib chiqishga xizmat qiladi.
Biz ijtimoiy tarmoqlarda:
Veb-sayt
|
Telegram
|
Instagram
|
You Tube
|
Facebook
SamDPI talabasi — YuNESKO e’tiborida!
Samarqand davlat pedagogika instituti talabasi
Munis Sultonov
ning qo‘l mehnati bilan yaratilgan maxsus sovg‘asi bugun
YuNESKO
Bosh direktori
Xolid al-Ananiy
ning xizmat xonasidan o‘rin oldi.
Ushbu yutuq Prezident Administratsiyasi rahbari
Saida Mirziyoyeva
tomonidan alohida e’tirof etildi.
🎥
Batafsil videoda
Bizni kuzating
Facebook
|
Instagram
|
YouTube
|
Telegram
Pedagogik taʼlimning dolzarb masalalari boʻyicha forum oʻtkazilmoqda
💙
Namangan davlat pedagogika institutida pedagogik taʼlimning dolzarb masalalari boʻyicha taʼlim forumi bo'lib o'tmoqda.
💫
Forum pedagogik taʼlim tizimini zamonaviy talablar asosida takomillashtirish, oliy taʼlim muassasalari oʻrtasida tajriba almashish hamda istiqboldagi ustuvor vazifalarni muhokama qilishga bagʻishlandi.
✅
Yalpi yigʻilish davomida bitiruvchilar bandligini taʼminlashning samarali mexanizmlari, xalqaro taʼlim yoʻnalishlarida faoliyat yuritayotgan professor-oʻqituvchilarning malakasini oshirishning zamonaviy yondashuvlari hamda iqtidorli talabalarni qoʻllab-quvvatlash va ularning salohiyatini rivojlantirish bo‘yicha istiqboldagi rejalar yuzasidan maʼruzalar tinglandi.
✨
Shuningdek, pedagogik taʼlimni rivojlantirishning dolzarb yoʻnalishlari yuzasidan fikr almashilib, taʼlim sifatini oshirish hamda zamonaviy kadrlar tayyorlashga qaratilgan taklif va tashabbuslar ilgari surildi.
Biz ijtimoiy tarmoqlarda:
Veb-sayt
|
Telegram
|
Instagram
|
You Tube
|
Facebook
Bugun UNESCO, Islom taraqqiyot banki kabi xalqaro hamkorlarimiz bilan bo‘lajak o‘qituvchilarni kompetensiyaviy yondashuv asosida tayyorlash masalalarida muloqot qildik.
Mamlakatimizda ta’lim sohasini tubdan isloh qilish, uning sifati va samaradorligini oshirish, zamonaviy bilim va ko‘nikmalarga ega pedagog kadrlarni tayyorlashga alohida e’tibor qaratilmoqda.
Islom taraqqiyot banki va Ta’lim bo‘yicha global hamkorlik tashkilotining moliyaviy ko‘magida amalga oshirilayotgan SmartED loyihasining maqsadi – zamonaviy talablar va xalqaro standartlarga javob beradigan o‘qituvchilarning kasbiy salohiyatini har tomonlama rivojlantirishdir. Loyiha doirasida UNESCO bilan hamkorlikda qator ustuvor yo‘nalishlar bo‘yicha muhim amaliy ishlar olib borilmoqda.
Ishonchim komilki, bugungi muloqotdagi takliflar O‘zbekiston ta’lim sohasida barqaror, zamonaviy va inklyuziv pedagogik kadrlar tayyorlash tizimini shakllantirilishiga xizmat qiladi.
Fursatdan foydalanib, bizni qo‘llab-quvvatlab kelayotgan xorijiy hamkorlarimizga minnatdorlik bildiraman.
@hilola_umarova
Magistraturada oʻqish istagida boʻlgan oʻqituvchilarimiz uchun muhim yangilik!
Endilikda umumiy oʻrta taʼlim tashkilotlarining oliy malaka toifasiga ega oʻqituvchilari pedagogika sohasida magistraturaga maqsadli qabul qilinadi.
Ahamiyatlisi, oʻqish jarayonlari ishdan ajralmagan holda, masofaviy taʼlim shaklida amalga oshiriladi. Pedagoglar maqsadli magistraturani tugatgandan keyin uch yil davomida umumiy oʻrta taʼlim tashkilotida ishlab berish majburiyatini oladi.
2026-2027-oʻquv yilidan boshlab Nizomiy nomidagi Oʻzbekiston milliy pedagogika universitetida oliy toifali oʻqituvchilarni maqsadli magistraturada oʻqitish tizimi yoʻlga qoʻyiladi.
Maqsadli magistratura uchun qabul tartibi, jarayonlari haqida batafsil maʼlumot olish uchun Vazirlar Mahkamasining tegishli
qarori bilan tanishib
chiqing.
Qoʻshimcha savollaringiz boʻlsa Nizomiy nomidagi Oʻzbekiston milliy pedagogika universitetining +998 (71) 202-44-21 raqamlariga qoʻngʻiroq qilib javob olishingiz mumkin.
@hilola_umarova
Ayni kunlarda universitetimizga Buyuk Britaniyaning dunyo reytingida 8-o'rinda turuvchi (QS) University College London (UCL) universiteti hamda xalqaro ta’lim tashkilotlari rahbarlari tashrif buyurgan.
Bugun mehmonlarimiz hamrohligida
Yangi Toshkent
shahrida qurilayotgan
Nizomiy nomidagi Oʻzbekiston milliy pedagogika universiteti
binosining qurilish jarayonlari bilan yaqindan tanishdik.
Qirq gektarlik maydonda
20 ming talabaga
moʻljallab qurilayotgan oʻquv binolari, yotoqxona, kutubxona, sport va madaniyat inshootlarimiz mehmonlarimizda katta qiziqish uygʻotdi. Qisqa taqdimotdan soʻng kelgusidagi hamkorlik rejalarini koʻrib chiqdik.
Binolarni oʻz vaqtida va sifatli qurib bitkazilishi, talabalar uchun munosib sharoitlar yaratish, transport, turar joy masalalarini ham muhokama qildik.
@hilola_umarova