Hilola Umarova

Universitetimizda faoliyat yuritayotgan tyutorlar bilan uchrashib, muammolarni muhokama qildik.
Hozirgi kunda universitetimizda
18 mingdan ortiq talaba
tahsil olmoqda, tyutorlarimiz esa
53 nafarni
tashkil etadi.
Uchrashuvda aytganimizdek, tyutorlar talabalar bilan doimiy muloqotda boʻlishi, tinglashi, ulardagi muammoning oldini olishi, talabaga o‘z vaqtida ko‘mak berib, to‘g‘ri yo‘naltirishi lozim.
Yangi oʻquv yili arafasi –
avgust oyida
barcha tyutorlar uchun maxsus seminar-trening tashkil etilishga kelishib oldik.
Biz katta jamoamiz. Barchangizdan faollik, hamjihatlik, tashabbuskorlik kutaman!
@hilola_umarova

#auditoriyamiz_afsonalari
Qilmagan ishim qolmagan. Rassomlik qildim, suratkashlik qildim, artistlikka urinib ko‘rdim, birontasidan ko‘nglim to‘lmadi. Dilimga yozuvchilik
ishqi tushdi.
Said Ahmad (1920 – 2007)
Nizomiy nomidagi Oʻzbekiston Milliy pedagogika universitetida ta’lim olgan, faoliyati davomida millat kamolotiga munosib hissa qo‘shgan shaxslarni sizlarga eslatib, ma’lumot berishda davom etamiz.
“Auditoriyamiz afsonalari” ruknida tayyorlagan navbatdagi videomiz qahramoni yozuvchi
Said Ahmad.
Bugun 10-iyun, adibning tavallud kuni.
O‘zbek xalqining faxr-iftixoriga aylangan adib, O‘zbekiston Qahramoni, O‘zbekiston xalq yozuvchisi Said Ahmad nosir, dramaturg, hikoya ustasi sifatida o‘zbek adabiyotiga ulkan meros qoldirgan. U umrining mashaqqatli yillarini umr yo‘ldoshi Saida Zunnunova bilan mardona yashab o‘tgan. Ular ijodi hayoti kabi oʻrni kelsa ibratli, ba’zan esa fojiali. Yumorga qorishgan hayotiy asarlari, dramatizmga boy inson manzaralari aks etgan ijodi bilan o‘zbek kitobxonini bir pog‘ona yuqoriga olib chiqqan yozuvchi universitetimizda tahsil olgani biz uchun faxrlanishga arziydigan tarixiy fakt.
Said Ahmadning sinovlarga to‘la umr yo‘lini adib tilidan aytilgan xotiralar asosida jonlantirdik. Bu kitobxon talabalarimiz, pedagoglarimiz uchun ham foydali deb oʻylayman. Koʻring va baho bering.
Video sun’iy idrok yordamida tayyorlandi. Keyingi video kim haqida boʻlishini istaysiz, izohlarda yozing. Ijodiy jamoa ular asosida kontent tayyorlashga tayyor.
@hilola_umarova

Bugun universitetimiz va Koreyaning Pedagog kadrlar malakasini oshirish institutlarini rivojlantirish Milliy kengashi o‘rtasida hamkorlik memorandumi imzoladik. Uchrashuvda Janubiy Koreya Respublikasi Pedagog kadrlar malakasini oshirish institutlarini rivojlantirish Milliy kengashi raisi va turli institutlar rektorlari ishtirok etdi.
Hamkorlarimiz bilan birgalikda pedagoglar kasbiy rivojlanishini qo‘llab-quvvatlash; mahorat darslari va malaka oshirish dasturlarini tashkil etish; zamonaviy pedagogik texnologiyalar va koreys tili ta’limi yo‘nalishlarida hamkorlikni rivojlantirish; professor-o‘qituvchilar va mutaxassislarning qisqa muddatli almashinuvi kabi loyihalarni amalga oshirishga kelishib oldik.
Bugungi kelishuvlarimiz O‘zbekistonda pedagog kadrlar tayyorlash va ularning malakasini oshirish tizimini xalqaro tajriba asosida yanada takomillashtirishga xizmat qilishiga ishonaman.
@hilola_umarova

Universitetimiz global innovatsion klaster a’zosi boʻldi
Nizomiy nomidagi O‘zbekiston Milliy pedagogika universiteti Markaziy Osiyoda
8Foundry Alliance
xalqaro klasteriga a’zo bo‘lgan
birinchi oliygoh
ga aylandi.
8Foundry Alliance Yevropa Ittifoqi, Osiyo va boshqa mamlakatlardagi universitetlar, ilmiy-tadqiqot muassasalari, davlat tashkilotlari hamda biznes vakillarini birlashtiruvchi xalqaro innovatsion klaster hisoblanadi.
Mazkur klasterga a’zo bo‘lish bizga xalqaro grantlar va qo‘shma loyihalarda ishtirok etish, Yevropa universitetlari va kompaniyalari bilan hamkorlikni rivojlantirish imkoniyatlarini yaratadi.
Bundan tashqari uchrashuvda ta’lim, ilm-fan, innovatsiyalar, texnologiyalar transferi va qo‘shma xalqaro loyihalarni amalga oshirish masalalarini muhokama qildik.
@hilola_umarova

Universitet kengashining navbatdagi yig‘ilishi bo‘lib o‘tdi
👍
Yig‘ilish avvalida ilmiy daraja olgan professor-o‘qituvchilar hamda turli yutuqlarga erishgan talabalarning muvaffaqiyatlari e’tirof etildi.
💫
Shuningdek, turli tashkilot va muassasalar bilan hamkorlik aloqalarini rivojlantirish, ta’lim sifatini oshirish, ilmiy-tadqiqot ishlari samaradorligini takomillashtirish hamda xalqaro va respublika miqyosidagi ilmiy-amaliy anjumanlarni tashkil etish va moliyalashtirish tartibini joriy etish masalalari muhokama qilindi.
✨
Yig‘ilish yakunida kun tartibidagi masalalar yuzasidan tegishli qarorlar qabul qilindi.
Biz ijtimoiy tarmoqlarda:
Veb-sayt
|
Telegram
|
Instagram
|
You Tube
|
Facebook

Ta’lim sifatini ta’minlash tizimi takomillashtiriladi
✅
Universitetimizda Buyuk Britaniyaning AQA Global Assessment Services xalqaro tashkiloti rahbariyati bilan uchrashuv bo‘lib o‘tdi.
✅
Uchrashuvda hamkorlikda bir qator rejalarni amalga oshirish muhokama qilindi.
✨
Xususan, universitetimizda
O'rta Osiyo uchun xalqaro baholash markazi
tashkil etish muhokama qilinib, bu borada yaqindan hamkorlik qilishga kelishildi.
🌐
Shuningdek, muloqot davomida ta’lim sifatini baholash xodimlari uchun treninglar tashkil etish hamda zamonaviy hamda raqamlashtirilgan baholash tizimini joriy etish masalalari muhokama qilindi.
💫
AQA bilan hamkorlik oliygohimizda ta’lim sifatini yuqori darajaga olib chiqishga xizmat qiladi.
Biz ijtimoiy tarmoqlarda:
Veb-sayt
|
Telegram
|
Instagram
|
You Tube
|
Facebook

Bugun
1-iyun – Xalqaro bolalarni himoya qilish kuni!”
Bayram bilan barcha bolajonlarimiz, ertamiz egalarini tabriklayman.
Talabalarimiz, boʻlajak pedagoglar, sizlar kelajakda ota-ona boʻlasiz, faoliyatingiz bogʻcha va maktab bilan bogʻliq. Ham oila, ham kasbda bolalar ta’lim-tarbiyasiga mas’ulsiz. Shunday ekan unutmang: bolalarni, avvalo, eshiting, qoʻllab-quvvatlang, ularga ishoning. Hadeb boshqalar bilan taqqoslaganingizda bola ruhan sinishi mumkin.
Umid qilaman, ushbu kichik rolik sizlarni biroz boʻlsa-da xulosa chiqarishga undaydi.
Farzandlarimizga mehr, e’tibor beraylik, ilm berib, kelajagi uchun qaygʻuraylik.
Hilola Umarova,
Maktabgacha va maktab ta’limi vaziri
o‘rinbosari – Nizomiy nomidagi O‘zbekiston milliy pedagogika universiteti rektori
@hilola_umarova

Urganch davlat pedagogika instituti faoliyati o‘rganildi
👍
Maktabgacha va maktab ta’limi vaziri o‘rinbosari – Nizomiy nomidagi O‘zbekiston milliy pedagogika universiteti rektori Hilola Umarova Xorazm viloyatiga tashrifi davomida Urganch davlat pedagogika instituti faoliyati bilan yaqindan tanishdi.
💫
Tashrif davomida institutda ta’lim sifati, talabalar uchun yaratilgan sharoitlar, ilmiy va ma’naviy-ma’rifiy faoliyat yo‘nalishlari ko‘zdan kechirildi. Shuningdek, pedagog kadrlar tayyorlash jarayonini yanada takomillashtirish hamda ta’lim muassasasining rivojlanish istiqbollari yuzasidan fikr almashildi.
✨
Bundan tashqari, institut hududida barpo etilayotgan yangi o‘quv binosining qurilish jarayoni ham o‘rganildi. Zamonaviy talablar asosida bunyod etilayotgan mazkur majmua talabalarning sifatli ta’lim olishi va pedagoglar faoliyati uchun yanada qulay sharoitlar yaratishga xizmat qilishi ta’kidlandi.
Biz ijtimoiy tarmoqlarda:
Veb-sayt
|
Telegram
|
Instagram
|
You Tube
|
Facebook

🇺🇿
🤝
🇰🇿
Qozogʻistondagi Tashenov nomidagi universitetdan maxsus reportaj ham tayyorladik. Unda
Nizomiy nomidagi Oʻzbekiston milliy pedagogika universiteti bilan hamkorlikda
tashkil etilgan qoʻshma ta’lim dasturi asosida
Oʻzbek tili va adabiyoti yoʻnalishida
tahsil olayotgan talabalar, universitet muhiti, darslar, kelgusi rejalar haqida hikoya qilinadi.
Tashenov nomidagi universitet rektori Qanat Baybolovning hamkorlikni kengaytirish taklifi bilan chiqayotganidan xursandmiz.
Biz hamkorlikka tayyormiz, oʻzbek va qozoq xalqlari doʻstligi, birdamligi kengayishi, ta’lim dasturlari soni va sifati oshishidan mamnun boʻlamiz.
@hilola_umarova

🇺🇿
🤝
🇰🇿
Qozogʻistondagi Tashenov nomidagi universitetda
Nizomiy nomidagi Oʻzbekiston milliy pedagogika universiteti bilan hamkorlikda
tashkil etilgan qoʻshma ta’lim dasturi asosida
Oʻzbek tili va adabiyoti yoʻnalishi
faoliyat yuritmoqda. Qozog‘istonda o‘zbek tilini o‘rganishga qaratilgan ilk qo‘shma ta’lim dasturlaridan biri boʻlgan ushbu dastur orqali qoʻshnilarimizda oʻzbek tili va adabiyotini chuqur oʻrgangan kadrlar tayyorlanadi.
Hozirda ushbu yoʻnalishda
qozogʻistonlik 11 talaba
tahsil olmoqda. Biz ular ishtirokida video tayyorladik. Oʻzbek tilimizning nufuzi, mavqeyi nafaqat mintaqamiz, butun dunyo boʻylab oshaversin! Qoʻshnilarimiz bilan har tomonlama hamkorlik aloqalarimiz, dasturlarimiz ta’limda ham kengayib boraversin.
@hilola_umarova