“Hududgaz Farg’ona” GTF
RASMIY MUNOSABAT
Ijtimoiy tarmoqlarda Qo‘qon shahri 45-mahalla hududida gaz taqsimoti hamda quvurga o‘rnatilgan zulfin sabablarini so‘rab qilingan murojaat “Qo‘qonshahargaz” gaz ta’minoti bo‘limi tomonidan o‘rganildi.
Ma’lum qilamizki, shahar kirish qismida favqulodda holatlarda gaz ta’minotini tezkor to‘xtatish maqsadida diametri
D-159 mm
bo‘lgan zulfin (zadvijka) o‘rnatilgan. Mazkur zulfin orqali tabiiy gaz ta’minoti quyidagi tartibda taqsimlangan: zulfindan oldingi hududlarda “Aziztepa”, “Oq oltin” va “A. Zohiriy” MFY iste’molchilari, zulfindan keyingi hududlarda esa “G‘ishtli masjid”, “Uzumzor” (qisman) hamda “Achchiqko‘l” (qisman) MFY iste’molchilari tabiiy gaz bilan ta’minlanadi.
O‘rganish jarayonida aniqlanishicha, zulfindan oldingi hududda yashovchi ayrim iste’molchilar tomonidan zulfinni o‘zboshimchalik bilan qisish yoki butunlay yopib qo‘yish holatlari kuzatilmoqda. Bunday noqonuniy harakatlardan ko‘zlangan maqsad — o‘z hududlarida gaz bosimini sun’iy ravishda oshirishdir. Natijada zulfindan keyingi hududlarda gaz ta’minoti pasayishi yoki butunlay to‘xtab qolishiga sabab bo‘lmoqda.
Yuqoridagi holatlarni inobatga olib, mazkur noqonuniy harakatlarning oldini olish hamda gaz taqsimotida barqarorlikni ta’minlash maqsadida hozirda ushbu zulfin atrofini temir panjara bilan o‘rash va himoyalash ishlari olib borilmoqda.
Fuqarolardan gaz tarmoqlariga o‘zboshimchalik bilan aralashmaslikni qat’iy so‘rab qolamiz. Bunday holatlar amaldagi qonunchilikka muvofiq
ma’muriy javobgarlikka sabab bo‘lishi mumkin
.
🔂
“Hududgaz Farg‘ona” GTF Matbuot xizmati
🔴
#Qisqacha
: HASHARDA 400 TUP MEVALI KO‘CHAT EKILDI
“Umumxalq xayriya hashari” munosabati bilan “So‘xtumangaz” gaz ta’minoti bo‘limi xodimlari ishtirokida “Qayroq” massivida hashar tadbiri tashkil etildi.
Hashar davomida hududni obodonlashtirish ishlari olib borilib,
400 tup mevali daraxt ko‘chatlari ekildi
. Ushbu ezgu tashabbus atrof-muhitni yanada yashil va obod qilishga xizmat qiladi.
🔂
“Hududgaz Farg‘ona” Matbuot xizmati
🔴
#Qisqacha
: UMUMXALQ HASHARI — OBODLIK YO‘LIDA
Hashar ishlari nafaqat filial hududida, balki filial tasarrufidagi ko‘plab gaz ta’minoti bo‘limlari hamda gaz to‘ldirish shoxobchalarida ham uyushqoqlik va hamjihatlik ruhida olib borildi.
Shuningdek, mazkur hududlarda
“Yashil makon”
umummilliy loyihasi doirasida obodonlashtirish, hududlarni tozalash va tartibga keltirish ishlari keng ko‘lamda amalga oshirilmoqda.
🔂
“Hududgaz Farg‘ona” Matbuot xizmati
🌱
HASHAR — OBOD YURTGA QO‘SHILGAN HISSAMIZ
Bugun o‘tkazilgan umumxalq xayriya hashari doirasida “Hududgaz Farg‘ona” gaz ta’minoti filiali jamoasi ham faol ishtirok etdi.
Filial rahbariyati boshchiligida xodimlar hududlarni obodonlashtirish, ish joylari va atrof-muhitni tartibga keltirish ishlarida faol qatnashdilar. Filial tasarrufidagi barcha bo‘limlarda hashar ishlari uyushqoqlik va hamjihatlik ruhida olib borildi.
Yurtimiz obodligi yo‘lida bunday ezgu tashabbuslarda faol ishtirok etish barchamiz uchun sharafdir.
🔂
“Hududgaz Farg‘ona” Matbuot xizmati
Hurmatli iste’molchilar!
Magistral gaz quvurlarida bosim pasayishi kuzatilayotgani sababli Farg‘ona viloyatining ayrim hududlarida tabiiy gaz iste’molchilarining gaz ta’minotida vaqtinchalik uzilishlar kuzatilmoqda.
Ayni paytda birinchi navbatda ijtimoiy soha obyektlari va aholini tabiiy gaz bilan ta’minlash maqsadida gaz ta’minoti korxonalari tomonidan barcha zaruriy choralar ko‘rilmoqda. Magistral gaz quvurlarida bosimni rostlash va me’yoriy holatga keltirish ishlari olib borilmoqda. Bosim barqarorlashgandan so‘ng barcha tarmoqlarda qo‘shimcha rejim-sozlash ishlari amalga oshirilib, aholi xonadonlari tabiiy gaz bilan bosqichma-bosqich ta’minlanadi.
🔂
”Hududgaz Farg‘ona” GTF Matbuot xizmati
•
Facebook
•
Instagram
•
YouTube
•
Telegram
•
🔴
#Qisqacha
: USTYURTDA YANGI QUDUQDAN YUQORI BOSIMDA GAZ OLINDI
12 mart kuni “O‘zbekneftgaz” AJga qarashli G‘arbiy Quyi Surgil konidagi 17-son baholash-ishlatish qudug‘idan sanoat miqyosida tabiiy gaz oqimi olindi.
Quduq 4750 metr chuqurlikkacha muvaffaqiyatli burg‘ilanib, 4597–4750 metr oralig‘idagi istiqbolli qatlamlardan yuqori bosimda gaz olindi.
Hozirda quduqdan olinayotgan gazni iste’molchilarga yetkazish uchun yer usti inshootlarini jihozlash, gaz quvurlarini qurish hamda gidrodinamik tadqiqot ishlari olib borilmoqda. Yaqin kunlarda ushbu quduq gaz infratuzilmasiga ulanib, umumiy tizimga qo‘shilishi rejalashtirilgan.
🔵
Manba:
“O‘zbekneftgaz” AJ.
🔂
”Hududgaz Farg‘ona” GTF Matbuot xizmati
•
Facebook
•
Instagram
•
YouTube
•
Telegram
•
Prezident Shavkat Mirziyoyev raisligida aholi murojaatlari bilan ishlash tizimini takomillashtirish, Xalq qabulxonalari faoliyatini yangi bosqichga olib chiqish va jamoatchilik fikrini chuqur tahlil qilish masalalari yuzasidan
videoselektor yigʻilishi
boʻlib oʻtdi.
—
Под председательством Президента Шавката Мирзиёева состоялось
видеоселекторное совещание
по вопросам совершенствования системы работы с обращениями, вывода деятельности Народных приемных на новый уровень и углубленного анализа общественного мнения.
#Mirziyoyev
#videoselektor
#murojaatlar
#Xalqqabulxonalari
Prezident.uz
|
Facebook
|
Instagram
|
YouTube
|
X
Gaz va elektr ta’minoti idoralarining rahbarlari
haftaning bir kunini xodimlarini o‘qitish, muomala madaniyatini o‘rgatishga
bag‘ishlaydi
.
💬
Facebook
|
👉
Telegram
|
▶️
YouTube
|
📷
Instagram
|
📱
X
|
🌐
hududgaz.uz
🔴
#Qisqacha
: SO‘XDA AHOLINI SUYULTIRILGAN GAZ BILAN TA’MINLASH ISHLARI DAVOM ETMOQDA
So‘x tumani o‘zining betakror tabiati bilan ajralib turadi. Bu maskanda yashovchi so‘xliklar mehmondo‘stligi, samimiyligi va oliyjanobligi bilan e’tibor qozongan.
Hudud aholisini suyultirilgan gaz bilan barqaror ta’minlash maqsadida So‘x gaz to‘ldirish shoxobchasi tomonidan tizimli ishlar olib borilmoqda. Mazkur shoxobcha 10 mingdan ziyod iste’molchiga xizmat ko‘rsatadi hamda bir oy davomida 170 tonnagacha suyultirilgan gaz tarqatish quvvatiga ega.
Belgilangan grafik asosida har 30–35 kun oralig‘ida aholi xonadonlariga suyultirilgan gaz ballonlari yetkazib berilmoqda. Bu esa hudud aholisi uchun xotirjamlik va iliqlikni ta’minlashga xizmat qilmoqda.
🔂
“Hududgaz Farg‘ona” GTF Matbuot xizmati
Sovuq kunlarda tabiiy gaz bosimining pasayishi — sabablari nimalarda?
Sovuq kunlarda tabiiy gazga bo‘lgan talab bir necha baravar oshadi. Uylarni isitish, oshxona jihozlari va boshqa ehtiyojlar yuklamani keskin ko‘paytiradi. Natijada tarmoqdagi bosim tabiiy ravishda pasayishi mumkin.
🔹
1. Talabning ortishi
Sovuq kunlarda iste’mol ko‘payadi. Yuklama oshgan sayin quvurlardagi bosim pasayib boradi — bu tabiiy jarayon.
🔹
2. Gazning sovuqda zichlashishi
Har qanday gaz past haroratda zichroq bo‘ladi. Bu esa oqim tezligining sekinlashuviga va ayrim hududlarda bosimning pastroq ko‘rinishiga sabab bo‘ladi.
🔹
3. Tizimning texnik imkoniyatlari
Magistral va taqsimlovchi quvurlar ma’lum quvvatga ega. Qishda yuklama oshgani sari ushbu texnik chegaralar ko‘proq sezila boshlaydi.
🔹
4. Masofaviy farqlar
Tarmoqqa yaqin hududlarda bosim barqaror bo‘lsa, uzoqroq joylarda tabiiy ravishda pastroq bo‘ladi. Qishda bu farq yanada yaqqol seziladi.
Xulosa
: Sovuq kunlarda bosimning pasayishi — fizik jarayonlar, yuklama oshishi, tizim imkoniyatlari va iste’mol madaniyatiga bog‘liq murakkab omillar yig‘indisidir.
✅
"Hududgaz Farg`ona" GTF Matbuot xizmati