الناشر مصطفى المياحي💔
واحد دفع بابي وعصــــرني
واحد كسر ضلعي وصطرني
گِلهم علي خل يمشون
عالباب لاينتضـــــرون
ماراضيه عليهم ماراضيه عليهم
،،،،،،،،،
يوجعني محسن والضلع كلمايمر طاريهم
لاهله ولامية هلا عتبتنه صاحت بيهـــــم
عافيتي ووليدي وفدك سلبوهن شننطيهم
ماراضيه عليهم واضل كل فرض ادعي عليهم
يابو الحسن أَبقَه بأمرتك
البيت بيتك ونه مرتــــك
من عندي شنهي اليردون
گلهم علي خل يمشــــــون
،،،،،،،،،
ماريد الوّث ناضري بوادم تدوس النعمه
ووجوهم يابو الحسن مابيها ذرة رحـمـه
ياعذر يجبر خاظري وضلعي وزاگه ودمه
ماريد اسمع ياعلي منهم بعد اي چلمـــــه
اخر حياتي وباچر امشـي
ماريدهم حته عله نعشي
ارضه عله ذباحي شلـــون
گلهم علي خل يمشــــــون
،،،،،،،،،
گلهم زچيتي فاطمه ماتحچي چلمه وياكم
مهضومه وتگول ام حسن لاهله ولاحياكم
حَضروا عذر للمصطفى لو باچر تلگاكم
عله الباب نص عام النبي بيّه شكثر وصّاكم
للهادي اروح وكلي حســــــــره
ايدي عله ضلعي وعيني حمره
ما ارضه لا ينتضــــــــرون
گلهم علي خل يمشــــــون
،،،،،،،،،
ذوله الگبل كسر الضلع بچلمة وأن ذبحوني
واحد جِسر سَب والدي واحد صطرلّي عيوني
ماصيحاَ وگوه صحت وثينهم سمعوني
والمو زلم صاروا زلم وتعمدوا ضربوني
بالباب لذت وماحماني
حرگوه بالنار وچوانـــــي
بداعة حسينك وم عـــون
گلهم علي خل يمشــــــون
،،،،،،،،،
وادم گصصهم ياعلي مابيها ذرة عرگه
لاعدهم الجوره بخت صارت وجوب الفرگه
وين الله والحگ والدي وشكيله وبچي بحرگه
من ضلعي اجر گوه النفس ومن الوجع مختنگه
چلمه ارد اگلك ونت گلــهــــم
ماريد بس يكفوني شرهــــــم
المن بعد يعتــــــــــــذرون
گلهم علي خل يمشــــــون
،،،،،،،،،
لخادم الحسين ع
محمد الفهداوي
شگد حنينة امي شكثر متواضعة
الله يرحمها برحمته الواسعة
ــــــــــــــــــ
الله من الرحمة خالق أمي والملگه سوه
أني ارتاح من اشوفن امي لعيوني ضوه
من تلاگيني بصراحه يختلف طعم الهوه
أوليدي گواك الله منها والله لجروحي دوه
الكلمه تطلع من قلبها وخاشعة
الله يرحمها برحمته الواسعة
ــــــــــــــــــ
امي من گدما حنينه تحبها بيبان السمه
ترفع النية بدعاها قبل أديها الغانمه
هيه عالفطره القديمة و البساطة معلمه
لهل سبب سماها أبوها الزكية فاطمه
وهالاسم الله اليقدسة وراَفعة
الله يرحمها برحمته الواسعة
ــــــــــــــــــ
تنطي لگمتها وثمرها أمي شجرة تفرعت
تدعي للجيران كلها ولنفسها ما دعت
حتلوا صارت مريضه ما شفتها تراجعت
تخبز وتنطي بخبزها واهل يثرب شبعت
بخيرها توزع سبيل وقانعة
الله يرحمها برحمته الواسعة
ــــــــــــــــــ
أمي ملجأ للحيارى و للطلب ما تعتذر
شخص من تنطي نهائي مايمر يمه الفقر
خلت بكل باب رحمه وبابها خلوا جمر
وبابها الدفعوا عليها وبالضلع صار الكسر
جازوا امي بحرگ باب وفاجعة
الله يرحمها برحمته الواسعة
ــــــــــــــــــ
من وجع كسرة ضلعها والالم ماتستجن
يكسر الخاطر وضعها بصفعه محمر الجفن
عاشت وماتت حزينه والله موتها الحزن
والعرش يبجي لبجيها أمي من تبجي وتون
أثر صفعه أمي أيد وطابعة
الله يرحمها برحمته الواسعة
ــــــــــــــــــ
طلبت نسويها سكته بليل ندفنها ونرد
وأبد مانكتب اسمها اعله الگبر ونحط ورد
الفاتحه تصبح مجالس واللطم سورة حمد
والعزاء عليها يبقى للقيامة ينعقد
وتبقى كل عين بحزنها ودامعة
الله يرحمها برحمته الواسعة
ــــــــــــــــــ
نرفع اعله الدار راية حمره ترمز للوضع
لثارها وخفيت گبرها وللظلامه وللدمع
يبقى للمهدي القصاص من التجرأ عالضلع
ياخذ الثار بظهوره من البقه بضد يتبع
ويبني مرقد للسماء السابعة
الله يرحمها برحمته الواسعة
ــــــــــــــــــ
الشاعر زين العابدين الشمري
فاطمه بحر الكرم واحنه نوارس
الله لا يحرمنه من هاي المجالس
ـــــــــــــــــــــــ
للــــمـجـالس فــــاطمه هيّه الـتلـمنه
اتجيبنه امن ابيوتنه وتكتب اسمنه
انهل دمـع لمصابــــهـه واتحس بلمنه
هالمجـالس تـجـري وي شريان دمنه
ظلمه دنيانه وشعاع الزهره عاكس
الله لا يحرمنه من هاي المجــالس
ـــــــــــــــــــــــ
عالي توفيقه الحضر هاي العزائات
وعاف دنياه وترك كل الملذّات
والمجالس عنده من الاولويات
نريد نشكر فاطمه ابكل العبارت
انافس بحبهه ونجحنه بهالتنافس
الله لا يحرمنه من هاي المجالس
ـــــــــــــــــــــــ
الما يواظب عالمجــالس والعزيـه
هذا شيـفـيـده عذر بـعد الـمنـيـــه
صحف اعماله تظل وحشه وخليه
واحنه باچر تلتقطنه امنه الزچــیه
من جهنم فاطمه للشيعه حـارس
الله لا يحرمنه من هاي المجالس
ـــــــــــــــــــــــ
البـذل ماله للـعـزه الله يـزيـــده
فاطمه من خيرها اتظل تترس ايده
لأن حبها الشرف والعز والعقيده
الما يحب هذا الدرب لا مانريده
والمجالس نـــدري بيها كالمدارس
الله لا يحرمنه من هاي المجالس
ـــــــــــــــــــــــ
مانـريـده اليطعن بهاي القضايــه
ولد فاطم احـــنه مو ولد البغايه
شرف مابعده شرف حتى النهايه
اليخدم الزهره ويعلگ الهه رایه
بالوجه تعرفنه فاطم عدنه هاجس
الله لا يحرمنه من هاي الـمجـالس
ـــــــــــــــــــــــ
الفه هنياله يخوتي الصفه نيته
وخادم الزهره يكتبون بهويته
اينال حسن العاقبه هذا يريته
وابو اليمه اليحضره ساعة منيته
بجاه من خيل العده بصدره ترافس
الله لا يحرمنه من هاي المجالس
ـــــــــــــــــــــــ
حيدر بشار الدراجي
يازهراء متفضله حيل اعلينه
يا زهراء خدامج اتسمينه
ازغار جنه او انتي ربيتينه
وعلى حب حسين كبرتينه
او على هاي الخدمه حزمتينه
نشكرج جي للعزه جبتينه
خدام احنه الج وانتي اجمل عشك
كلشي ايضل وهم بس حبكم صدك
يازهراء بس حبج اليحينه
يازهراء خدامج اتسمينه
*
***
جنه وين وصرنه وين ابجالج
اشما نقدم ما نجازي افضالج
الفضل منج حتى من نقرالج
صرنه ليل انهار بس ننعالج
ننعه ابكل وكت لمصابج نون
ما ردنه الفرح عاشرنه الحزن
يازهراء وبدفترج سجلينه
يازهراء خدامج اتسمينه
*
***
والخدم متمد اديهه ال غيرج
انتي خير او عايشين ابخيرج
كل عزاء ينقام من تدبيرج
الدنيه كلهه احتارت ابتفسيرج
مثلج ما يصير ولا صاير ابد
ابكل شده نطيح نلكاج السند
يازهراء افي خيمتج خلينه
يازهراء خدامج اتسمينه
*
****
جنه ما نسوه انتي سويتينه
وبطريق الخدمه وفقتينه
املوك بين الناس خليتينه
ابجاهج من الخدمه لا تحرمينه
هنياله الحضه والله ابنضرتج
ضايع كل بشر لو ما خدمتج
يازهراء انتي الي وفقتينه
يازهراء خدامج اتسمينه
**
****
كلشي عفنه او امنيتنه هايه
يمتى نوصل مرقدج مشايه
يجي كل خادم او شايل رايه
وبضريح ننصب احنه اقرايه
بجوكات العزه ندخل للصحن
ونقره اعلى الحسين ومصاب الضعن
يازهراء بزيارتج رزقينه
يازهراء خدامج اتسمينه
مرتضى محمد الموسوي
مجالس الليالي الفاطمية
قصيدة آخر مسيه.......
وزن البند + تجليبة
أنه الزهراءالزچيه
وهاي آخـر مسيه
قصة حزني مكتوبه على بابي
وآخر امنياتي شوفة إحبابي
هاي آخر مسيه
.
. . ــــــــــ ❁ ❁ ❁ ـــــــــ
.
احس بچـــفوني حرگه
بعيــنــي اللطــمه زرگـه
النفس بالشهگه مذبوح
وبعد هـالفـرگه فرگه
.
بعد ماظل الي بس هالمــســيه هاي
منها وما تظـل كـل لحظه من دنياي
احس جرح الضلع سم وسره بحشاي
وتشب نار الچبــد كلما اضـوگ الماي
.
گلـبي لســه مصدوع
بعصرة باب الجذوع
دمعات الهظم مچويه بصوابي
وآخر امنياتي شوفة احبابي
هاي آخر مسيه
.
. ــــــــــ ❁ ❁ ❁ ـــــــــ
.
جن ريشه بوســط ريح
اشوفه يگوم ويطـــيح
محني وظهره مكسور
ويلفـظ بالتــــسـابيح
.
بعــد راحــن يحــيدر اجمـــل ايامي
تهد حيلي من اشوفك محني جدامي
يبــو المحــسن فـــــــداك 18عـــامي
وفداك اجــروحي وي آهاتي وآلامي
.
سرت بيهَ المنيه
ومورمـــات اديه
اتحمل وعيشن لوعة امصابي
وآخر امنياتي شوفة احبابي
هاي آخر مسيه
. . ــــــــــ ❁ ❁ ❁ ـــــــــ
.
احـس بطعنت ارمـاح
لو يُمه الحـسن صاح
انه المتعوده اشم بي
لچن مني الهوه راح
.
يكـض جفـي ابهيـده ويهـــمل المدمع
ويـنعى اللـوعت اصـوابي وانه أسـمع
عمت عيني على ابني الجبده يتگطع
وعليهَ نبل العــده مــن النعـش يطلع
.
لبني الگلبه ملهــــوف
أوصل شلون الچفوف
آخر ليله هاي وامشي لترابي
وآخر امنياتي شوفة احبابي
هاي آخر مسيه
.
. ــــــــــ ❁ ❁ ❁ ـــــــــ
.
النبض عن گلبي يرتد
والم بعضامي يـشتد
وصل ريحانة الروح
احســيني وتـــنـهد
مســح خـــده بخدي وقــبله بعــبره
وبچـفي النحــيل اتلمــســت صدره
ضلع واحد شـــــب بمهجتي جمره
يويلي وضلعه حافر عالثره يحفره
.
جرح واحد واداويه
تسع ميه والف بيه
لان ماضمه يعني تاكد غيابي
وآخر امنياتي شوفة احبابي
هاي آخر مسيه
.
. ــــــــــ ❁ ❁ ❁ ـــــــــ
.
زغيــره بنـــيتي ياناس
اعز عندي من الانفاس
زينب مهجة الروح
ويهظموها ارجاس
.
زغـيــره ووصــفلها لـوعــة الدمـعه
وعلـمـــها شــــلون بكـــــربله تنــعى
الحوافر يُمه اخـوج بكــربله تبضعه
وابو فاضل سـهم من عينه ميطلعه
.
لبدر هاشـم سلامي
يدري بضلعي دامي
اودع عنده ثار لسحگت اعتابي
وآخر امنيـاتي شـــوفة احبابي
هاي آخر مسيه
.
. ــــــــــ ❁ ❁ ❁ ـــــــــ
.
الفجر مـن كل كتر طر
بصبح چن لونه أحمر
بقيـــت بآخـر انفاس
وأحس گلبـــي تفطر
.
يفـضه انتبــهي بالقــــرآن اريـد اقره
اريده يشفي جرحي ويطفي الجمره
على صوتي انصتي وركــزي عالنبره
واذا اســكت گــولي مـاتت الزهــره
.
شضلن عندي كلمات
بيـــــهن اقــــرا آيات
اريد اختم حياتي ويه محرابي
وآخر امنيـــاتي شوفة احبابي
هاي آخر مسيه
.
حسن الموالي الفاطمي
2026/9/26
بغداد
يَا أَيُّهَا الْمِسْمَار
اُقْصُصْ لَنَا الْأَخْبَار
وَاحْكِ الْرَزايَا الْمُؤْلِمَة
فَالْيَوْمَ يَوْمُ الْمَحْكَمَة
والثأرُ حَان
ــــــــــــــــــــــــــــــــ
من بعد الظلم والجور ابو صالح بزغ نوره
لچنها ابريِّـته الانفاس لُـمَّـه الزهره مجموره
للصار ابهجوم الدار ينصب محكمه ابدوره
والبسمار يستدعيه شاهد يشرح الصوره
قُمْ وَاشْرَحِ الْأَنْبَاء
عَنْ قَاتِلِ الزَّهْرَاء
تَبَّتْ يَدَاهُ الْآثِمَة
فَالْيَوْمَ يَوْمُ الْمَحْكَمَة
ــــــــــــــــــــــــــــــــ
بسمار البتول ابصوت يحچي وفاطمه الموضوع
يَسائل علجره اعليها حضُّر للمصيبه ادموع
حين الهجمو الأرجاس چنت متخفي بين اجذوع
ومن دفعو عليها الباب لُـمَّـك كسّروها اضلوع
ذَنْبِي بِدَفْعِ الْبَاب
لَمْ أَمْنَعِ الْأَعْرَاب
أَرْجُو لِحَالِي الْمَرْحَمَة
فَالْيَوْمَ يَوْمُ الْمَحْكَمَة
ــــــــــــــــــــــــــــــــ
الباب المستعر بالنار أحر من جمره سواني
ومن دفعو على امك حيل دم مُهجتها طفاني
ابگلبها اتشم لون دخان إعرف هذا دخاني
ومن گلب امك اتعديت لگليب الجنين آني
لَوْ كَانَ لِي سُلْطَان
لَفَتَكْتُ بِالشَّيْطَان
أَفَهَلْ تَرَى لِي مَكْرُمَة
فَالْيَوْمَ يَوْمُ الْمَحْكَمَة
ـــــــــــــــــــــــــــــــــ
يبو صالح واذا تسأل علصار ابهذاك اليوم
واحد سطر خد اُمَّك ونزَّل من جفنها ادموم
واحد زرگه من السوط خلاها ابمتنها ارسوم
واحد بيها ظل يرفس وبقت ما بيها حيل اتگوم
سَلْ قُرْطَهَا الْمَنْثُور
عَنْ خَدِّهَا الْمَسْطُور
سَلْ ضِلْعَهَا عَنْ هَاشِمِه
فَالْيَوْمَ يَوْمُ الْمَحْكَمَة
ـــــــــــــــــــــــــــــــ
كل هذا الجره اعليها وما حشمت داحي الباب
عينيني يفضه اتصيح بالبسمار صدري انعاب
ومحسن صگط من عندي يفضه ومرمي بالاعتاب
محسن والضلوع اتهون ولا ينهتك خيط احجاب
قَدْ قَدَّمَتْ ضِلْعَيْن
كَيْ لَا تَرَاهَا الْعَيْن
ثَأْراً لِتِلْكَ الْعَالِمَه
فَالْيَوْمَ يَوْمُ الْمَحْكَمَه
ــــــــــــــــــــــــــــــــــ
يمهدي ام الحسن صارت خيال وچنها سعفه ابريح
وساعه من بعد ساعه عليها ينغشي واتطيح
ترفع بالدعاء بس أيد گوّه اتمِّم التسبيح
ماتت ناقمه اعليهم تعتيم الگبر تلميح
مَا الْحُكْمُ يَا سُلْطَان
هَلْ يُصْلَبُ الْجِبْتَان
بِئْساً لِأَهْلِ الْمَشْأَمَة
فَالْيَوْمَ يَوْمُ الْمَحْكَمَةِ
ــــــــــــــــــــــــــــــــ
سيد علي عبدالزهره الناجي
نعي مولاتي زينب (عليها السلام)
شو ماتمرون شني ابعيد شو الدرب شو ماتمرون
مربيات العيون لهسه اعللرچه مربيات العيون
يمه موش تبطون تراني امعلعله موش تبطون
يمه ولاتگطعون أذا ضاگ الهوه لالا تگطعون
تدرون موخوش تره لشام وهله تدرون موخوش
امچلب بالرموش فصهن ياهلي مچلب بالرموش
ماضلت اهروش تره ابهاذ الگلب ماضلت هروش
وديت الطروش بس مابينو وديت الطروش
لصوابي الحار شوفتكم دوه لصوابي الحار
يضلوعي الگصار يحسين وهله يضلوعي الگصار
ماعندي تذكار منكم بس نعي ماعندي تذكار
من شبت النار نعاوي الكم بقن من شبت النار
شصار ومبطيين علختكم ياهلي شصار ومبطين
عباس وحسين يسباح الگلب عباس وحسين
عليه بعيدين چان أنه الأجي عليه بعيدين
والحال مو زين موش الاولي والحال مو زين
موش كواك حالي ابلا أخو موش كواك
وديلي وياك اتراب امن الگبر وديلي وياك
موش أنه النساك يريعان الگلب موش أنه النساك
اجويعده انعاك اشما طال الوكت اجويعده انعاك
رسول رياض
ابوذيات
علي وحشه وخليه اليوم … داره
خلت من الحبيب الأله … داره
الدهر من صوب راحه التعب … داره
وكبر عمره گبل يوم المنيه
…
المرض يا سامع الزهره … نحلهه
وعلي حيله خلص گد ما … نحلهه
واشد كل مسأله وما ظن … نحلهه
علي اتنخه ابعلي الدفن الزجيه
……
يظل شاهد على الظالم … عصرها
بين الباب والحايط … عصرها
وجفن العين وشل من … عصرها
وبيت الحزن شاهد عالقضيه
…
وراچ النوح ما بطلنه … يمنه
وغير الحزن محد حضر … يمنه
وعلي عگبج ابيسرا صفگ … يمنه
كل ما صار وكت المغربيه
……
بعد موت امنه ذيج ام روح … مرنه
الفرح خطار ما فد يوم … مرنه
وكل الصار بينه وهاذ .. مرنه
بسب ذاك الكسر ظلع الزجيه
……
كلمات
موسى الخادم
ويلاه يفاطم يمه
ـــــــــــــــــــــــــ
يمولاتي الچ عهدي يظل طول العمُر
مآتم حزنچ احييها مثل ليل القدُر
يريته ابضلعي يايمه ألم ذاك الكسُر
عَلَي ترضين بس رايد فلا رايد أجُر
خادم نَضُرتچ همَّه
ويلاه يفاطم يمه
ـــــــــــــــــــــــــــ
لون زلمه يطگ حرمه يحسبوها جُبن
يفاطم وانتي بمتونچ اثر واعله الجفن
غضب الله ورسول الله على الگلچ وأن
يفاطم والحرگ بابچ وجوباً ينلعن
ملعون كفر بالنعمه
ويلاه يفاطم يمه
ـــــــــــــــــــــــــــ
جلالة قدرچ لساني يبينها گُصَر
يَحُجه اعله الحُجج صرتي بَمُر رب البشر
مداد اشعاري عن فضلچ اذا صار البحر
يجف يم الحسن وانه بعدني اول سطر
ياقمه فوگ القمه
ويلاه يفاطم يمه
ـــــــــــــــــــــــــــــــ
كتاب الباري واياته تخصّچ نازله
يكوثر واية القُربه تبين المنزله
يمشكاة الله يانوره يَـ باء البسمله
الچ في هل اتى الرفعه عبايه امفصله
ناڪر مقامچ أعمه
ويلاه يفاطم يمه
ــــــــــــــــــــــ
يتفاحه ابصلب طه يحورية اصل
رضاچ ورحمة الباري طريق ومتصل
خَدَمتچ مو لجل غايه الچ رايد وصل
واريد ابهلخدامه ابقه وابد ما انفصل
حبلچ ردت اعتصمه
ويلاه يفاطم يمه
ــــــــــــــــــــــــــ
يَسر ومحد يفهمه وابد ما ينوصُف
محيط انتي ونه ومثلي يغرگنا الجرُف
أنه المذنب ، انه العاصي مُقصر واعترُف
لچن من شعري يكفيني قبولچ بس حرُف
تكفيني هاي الخدمه
ويلاه يفاطم يمه
ـــــــــــــــــــــــــ
سيد علي عبدالزهره الناجي
ياوردة الله التـنعــشك مو تــنسحك
خضرتي يالزهره بزمن مابي عـشك
أه يازهــــــراء -- أه يازهــــــــراء
-------------------------------------------------------------
1= يالعــشكج الله نـــزله وكــاتــب عليه ضد الذنب
ومن كثر ما حبج نقـي حتى السمه بي تنعجب
ماعــوزه شي كامل حشاه أمن النقـص
وصانه بي رب الســمه وعليه حرص
مو فرصه وحـده فاطــمه حبج فرص
نعبر سراط الله بمحبــــــتج لو مكص
--------------------------------------
هـب الخريف بشجرتج يافاطمه وماضل ورك
والنار أجت بابج ركض عــــرفت أبابج ينشبك
2= مـنج أخذ لون الكطن وأبيض صبح يم الحسن
خرب بياضج هالزمن ثوب أسود ملبس الجفن
لو مـــــاضواج الدنيه كلــــها بلا ضوه
لو ما هــــواج الناس ماتــــشتم هــوه
يادوه شلــون العــــصرتج ماكو دوه
من طحتي مـــــاضل شي يفاطم ماخوه
--------------------------------------
مات الضوه كلبه وكف شككهن أثـــيابه وزهك
من شاهد المحسن وكع دنك خجل طوله عرك
3= مو فقط ضلعج فاطمه دين الله عالــــباب ندفع
وبوكعت المحسن تره ميت نــــبي بصفه وكع
أدم سمع بالمشكله وحــــيل أنصدم
عرش الله ياعـــرش الوفه هم أنهشم
شكل السمه تحـــول علـيكم شكله دم
وبطيحتج ماشي يفــــاطم مـــا سلم
----------------------------------
كلب النبي يافاطـــمه بالمكبره أعليك أحترك
عشك العمر شابع بجي ودين الله شفتينه زرك
*********
****
4= أهتزت السبعه فاطمه من أسمعت جلمة وأن
كل الكواكب غمضت يالزهره مافتحت جفن
معقوله بيتك ياعلــــي أدوسه زلم
ماصدكت حتى الشمـــس كالت حلم
عمرك تطــــــشر ياعلي منه شتلم
منا وهيج تـــعيش وحـــــداني تهم
------------------------------------
سولف البيرك ياعلي أسرارك وضلعــك يطك
راحت يحيدر فاطمه بالدنيه ما عندك عشك
***
الخادم عبد الجليل المالكي
***
*