IHMA Navoiy viloyati
#qonunchilikdagi_yangiliklar
Tazyiq va zo‘ravonlikdan jabrlangan xotin-qizlar hamda ularning voyaga yetmagan farzandlarini himoya qilish tizimi yanada takomillashtirilmoqda.
O‘zbekiston Respublikasining “
Tazyiq va zo‘ravonlikdan jabrlangan shaxslarga ijtimoiy xizmatlar ko‘rsatish tizimi yanada takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida
”gi Qonuni qabul qilindi.
Ushbu Qonun bilan O‘zbekiston Respublikasi Prezidenti huzuridagi Ijtimoiy himoya milliy agentligining bu sohadagi vakolatlari aniqlashtirilib, jabrlanganlarga ko‘rsatiladigan ijtimoiy va huquqiy yordam choralari kengaytirilmoqda.
❗️
Ijtimoiy himoya milliy agentligi huzuridagi Ayollar va bolalarni reabilitatsiya qilish hududiy markazlariga joylashtirilgan xotin-qizlar – ularga va ularning voyaga yetmagan farzandlariga tegishincha nikoh tuzilganligi to‘g‘risida va tug‘ilganlik haqida takroriy guvohnomalar hamda yo‘qotilgan ID-karta va pasportlarni berganlik uchun davlat bojini to‘lashdan ozod qilinadi.
❗️
Tazyiq va zo‘ravonlikdan jabrlangan xotin-qizlarning bank kartasini tiklash uchun tijorat banklariga murojaat qilish to‘g‘risida «Inson» ijtimoiy xizmatlar markazi direktori tomonidan tasdiqlangan ishonchnomalari notarial tasdiqlangan ishonchnomalarga tenglashtiriladi.
❗️
Tazyiq va zo‘ravonlikdan jabrlanuvchi maxsus markazga
olti oygacha
muddatga joylashtirilishi mumkinligi Qonun bilan mustahkamlandi.
❗️
Tazyiq va zo‘ravonlikdan jabrlangan xotin-qizlar hamda ularning voyaga yetmagan farzandlariga davlat hisobidan malakali yuridik yordam ko‘rsatish mexanizmi joriy etilmoqda.
Davlat hisobidan yuridik yordam ko‘rsatiladigan ishlar:
alimentlarni undirish haqidagi; bolalarning ta’minoti uchun qilinadigan qo‘shimcha xarajatlarni undirish to‘g‘risidagi; uyga kiritish, turar joydan foydalanish huquqini yo‘qotgan deb topish va ko‘chirish haqidagi; otalikni belgilash yoki otalik huquqidan mahrum qilish to‘g‘risidagi; bolaning yashash joyini belgilash haqidagi;
bola bilan ko‘rishish tartibini belgilash to‘g‘risidagi; nikohdan ajratish haqidagi; mol-mulkni bo‘lish to‘g‘risidagi; mol-mulkni boshqa shaxsning qonunga xilof egaligidan talab qilish haqidagi; mol-mulkiga yetkazilgan zararning o‘rnini qoplash to‘g‘risidagi; ishga tiklash haqidagi; ish haqini undirish to‘g‘risidagi.
Bu choralar jabrlanganlarning huquqlarini tiklash, ularga manzilli ijtimoiy va huquqiy yordam ko‘rsatish hamda ishonchli himoyasini ta’minlashga xizmat qiladi.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
#qonunchilikdagi_yangiliklar
“Bolalarni ijtimoiy himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi Qonun bo‘yicha
Bugun mamlakat aholisining 28 foizi – 10,9 million nafarni bolalar tashkil etadi. Shu bois bolalar huquqlarining ishonchli kafolatlarini ta’minlash, ularni zo‘ravonlik va tazyiqdan himoya qilish davlat siyosatining ustuvor yo‘nalishlaridan biri hisoblanadi.
Mazkur Qonun bilan bolaning huquq va manfaatlarini birinchi o‘ringa qo‘yish, bolalarni zo‘ravonlikdan himoya qilish, ota-ona qaramog‘idan mahrum bo‘lgan bolalarni aniqlash va ularga o‘z vaqtida ijtimoiy xizmat ko‘rsatish mexanizmlarini kuchaytirishni nazarda tutuvchi o‘zgartirish va qo‘shimchalar kiritildi. Jumladan:
😲
Bolalarga oid jinoyat ishlarini
sayyor sudlarda ko‘rish taqiqlanmoqda
.
😲
Ta’lim tashkilotida tarbiya va ta’lim berish jarayonida bolaga nisbatan jismoniy zo‘ravonlik sodir etish, uni kamsitish yoki xo‘rlash kabi harakatlarda ifodalangan tarzda tahqirlash uchun
440 ming
so‘mdan
2,06 mln
gacha
ma’muriy jarima jazosi
belgilanmoqda.
😲
Notariuslarga bolani
farzandlikka berish
(
olish
), bolani
vasiylik
(
homiylik
)ka
berishga
oid arizada
imzoning haqiqiyligini shahodatlash
bo‘yicha murojaat qilinganda, ma’lumotlarni
“Inson” markazlariga taqdim etish majburiyati yuklatilmoqda
.
😲
Aliment to‘layotgan ota-onadan uning moddiy ahvolini inobatga olgan holda,
aliment to‘lashdan ozod qilish amaliyoti bekor qilinmoqda.
Davlat yoki nodavlat muassasalarining to‘liq ta’minotida
bo‘lgan voyaga yetmagan bolaga aliment to‘lashi shart bo‘lgan otani yoki onani
aliment to‘lashdan ozod qilishga yo‘l qo‘yilmasligi belgilandi
.
Shuningdek, ota-ona qaramog‘idan mahrum bo‘lgan
bola foydasiga ota-onadan yoki ularning biridan
undirilishi belgilangan
aliment miqdorini kamaytirish bo‘yicha ishlarda
“Inson” markazlari jalb etiladi.
😲
Bolalarga nisbatan jismoniy va (yoki) ruhiy zo‘ravonlik sodir etganlik uchun javobgarlikka tortilgan shaxsning
1-yil davomida
maktabgacha, umumiy o‘rta, o‘rta maxsus, professional
ta’lim tashkilotlari hamda
bolalar uchun qo‘shimcha ta’lim tashkilotlarida
pedagogik faoliyat bilan shug‘ullanishi taqiqlanmoqda.
😲
Vasiy yoki homiyning
bola nomidan meros va hadyani qabul qilishdan voz kechish huquqi
bekor
qilinmoqda.
yetim va ota-ona qaramog‘idan mahrum bo‘lgan bolalar masalasida davlat boji to‘lanishidan ozod etilmoqda:
a) Ijtimoiy himoya milliy agentligi hamda uning hududiy bo‘linmalari – ota-ona yoki ota-onalik huquqidan mahrum qilingan shaxslardan bolaning sog‘lig‘ini tiklash va reabilitatsiya qilish uchun qilingan qo‘shimcha xarajatlarni bola foydasiga undirish haqida kiritilgan arizalar bo‘yicha;
b) yetim yoki ota-ona qaramog‘idan mahrum bo‘lgan bolani vasiysi (homiysi), tutingan ota-onasi yashaydigan joyga doimiy ro‘yxatga qo‘yganda.
😲
vasiy (homiy) yashash joyini o‘zgartirmoqchi, jumladan, boshqa mamlakatga ko‘chib ketmoqchi bo‘lsa hamda uning vasiyligi (homiyligi)dagi bola
10 yoshga to‘lgan
bo‘lsa,
ushbu bolaning roziligi
talab etilishi belgilanmoqda
.
Umuman, mazkur Qonun bola manfaatini ustuvor qo‘yish, uni zo‘ravonlikdan himoya qilish va huquqiy kafolatlarni kuchaytirishga qaratilgan. Eng muhimi, bolalar uchun yanada xavfsiz va himoyalangan muhit yaratiladi.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
Korrupsiya profilaktikasida maqsadlarni to‘g‘ri belgilash
🖋
Korrupsiyaning oldini olishda umumiy vazifalarni
aniq maqsadlar, o‘lchanadigan natijalar va belgilangan muddatlarga ega profilaktik chora-tadbirlarga
aylantirish muhim.
❗️
Bunday yondashuv korrupsiya xavflarini oldindan aniqlash, ularni keltirib chiqaruvchi omillarni bartaraf etish, ichki nazoratni kuchaytirish va ko‘rilayotgan choralar samaradorligini baholash imkonini beradi.
✅
Maqsadlarni belgilashda, avvalo,
aniqlik, o‘lchanadigan natija, amalga oshiriluvchanlik, dolzarblik va aniq muddat
ga e’tibor qaratish lozim. Ya’ni, “korrupsiyaning oldini olish” kabi umumiy vazifa o‘rniga, muayyan xavfni aniqlash va bartaraf etishga qaratilgan aniq vazifa belgilanadi.
😮
Masalan, davlat xaridlarida manfaatlar to‘qnashuvi va korrupsiya xavflarini aniqlash, ularni kamaytirish bo‘yicha tegishli choralarni joriy etish.
Bunga amaliy misol:
“Tashkilotda korrupsiya xavflarini kamaytirish” degan umumiy maqsad o‘rniga,
“Keyingi 3 oy davomida korrupsiya xavfi yuqori bo‘lgan jarayonlarning 100 foizini qayta baholash, har bir yuqori xavf bo‘yicha kamida bitta profilaktik chora belgilash va ularning ijrosini har oy monitoring qilish”
kabi aniq maqsad qo‘yiladi.
↗️
Shu bois korrupsiya xavflarini muntazam qayta baholash, ko‘rilgan profilaktik choralar natijadorligini tekshirish va zarur hollarda ularni takomillashtirib borish
bir martalik emas, balki doimiy jarayon
bo‘lishi kerak.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
#Xizmat_safari
#Navoiy
Navoiy viloyatiga xizmat safari davomida hududlarning rivojlanish salohiyati, yangi loyihalar va aholi farovonligini oshirish borasidagi ishlar bilan yaqindan tanishdik.
Konimex tumanida «Kengsoy» kanali qurilishi hamda «Konimex–Chordara» chorvachilik majmuasidagi ishlarni ko‘rdik. Bu loyihalar suv ta’minotini yaxshilash, qishloq xo‘jaligini rivojlantirish, bandlik va aholi daromadlarini oshirish uchun muhim imkoniyatlar yaratadi.
Xatirchida «Chinobod» mahallasidagi xonadonda oilaning sharoiti va mavjud muammolarini o‘rgandik. Aniqlangan masalalar bo‘yicha mas’ullarga vazifalar belgilandi. «Yoshlik» futbol o‘yingohi faoliyati bilan ham tanishdik.
Karmana tumanida «Sardoba» va «Malik» mahallalaridagi yangi loyihalar, jumladan, chorvachilik yo‘nalishidagi tashabbuslarni ko‘rdik.
Safar davomida yana bir bor amin bo‘ldikki, hududning rivoji — bu, avvalo, odamlar uchun yangi imkoniyatlar yaratish demakdir. Ish o‘rinlari, tadbirkorlik, infratuzilma va ijtimoiy sharoitlar birgalikda rivojlangandagina aholi farovonligida real natija ko‘rinadi.
Hududlarda amalga oshirilayotgan har bir loyiha ortida aniq maqsad — odamlar uchun yangi imkoniyatlar yaratish, daromadlarini oshirish va turmush sharoitlarini yaxshilash turishi kerak. Navoiy viloyatida bu boradagi ishlarni izchil davom ettirish uchun yetarli salohiyat va imkoniyatlar mavjud.
Telegram
|
Facebook
|
Instagram
Bolani cheklash emas, qo‘llab-quvvatlash kerak!
Ijtimoiy himoya milliy agentligining Komplayens xizmati tomonidan Agentlik tizimidagi ayrim ta’lim tashkilotlarida o‘tkazilgan o‘rganishlar davomida 1-sinfda tahsil olayotgan ayrim bolalarni yangi ta’lim muhitiga moslashtirish hamda dars jarayonidagi ishtirokini ta’minlash maqsadida bugungi zamonaviy pedagogik yondashuvlarga mos kelmaydigan usullardan,
jumladan, bolaning sinfda harakatini cheklashdan
foydalanilgan holatlar aniqlandi.
Bunday cheklovchi usullar ayrim davlatlarda maxsus ta’lim va parvarish amaliyotlarida tarixan uchragan bo`lsa-da, bugungi kunda bunday usullar zamonaviy pedagogik yondashuvlar, bolaning huquqlari, sha’ni va qadr-qimmatini hurmat qilish hamda insonparvarlik tamoyillariga mos kelmaydi.
Mazkur holatlardan kelib chiqib, Agentlik tomonidan tizimdagi barcha ta’lim tashkilotlariga
eskirgan, zamonaviy pedagogik talablarga mos kelmaydigan va bolaga nisbatan asossiz jismoniy yoki boshqa cheklovlarni nazarda tutuvchi usullardan foydalanishga yo‘l qo‘ymaslik
, har bir bolaga uning individual ehtiyojlari va xususiyatlarini inobatga olgan holda mehr, hurmat va professional yondashuv asosida munosabatda bo‘lish yuzasidan tegishli ko‘rsatmalar berildi.
Shuningdek, 1–2-sinf o‘quvchilarining yangi ta’lim muhitiga moslashuvini qo‘llab-quvvatlash hamda dars jarayonida ularga individual yordam ko‘rsatish maqsadida yangi o‘quv yilidan boshlab
maxsus assistent-pedagog lavozimi joriy etilmoqda
.
Hurmatli ota-onalar!
Agar farzandingiz ta’lim jarayonida yuqoridagi kabi nomaqbul holatlarga duch kelsa:
— birinchi navbatda maktab ma’muriyatiga bu haqda xabar berishingiz;
— pedagog yoki maxsus assistent-pedagog bilan holatni muhokama qilishingiz;
— muammo o‘z vaqtida bartaraf etilmasa, Ijtimoiy himoya milliy agentligining
1246 ishonch telefoniga
murojaat qilishingizni so‘raymiz.
Har bir bolaning sha’ni, qadr-qimmati va xavfsizligini ta’minlash — ta’lim jarayonining ajralmas tamoyilidir.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
24 yoshida 18 yilga ozodlikdan mahrum etilgan inson...
👁
18 yil — shunchaki raqam emas. Bu bir inson umrining katta qismi.Shu yillar davomida u ota-onasi va yaqinlaridan ayrildi.
👨🦯
Eng ogʻiri — ularni oxirgi manzilga kuzatish ham nasib etmadi. Bu armon uning qalbida qoldi. Yillar oʻtib, oʻzi ham nogiron boʻlib qoldi. Ozodlikka chiqqanidan soʻng esa hayotni deyarli boshidan boshlashga toʻgʻri keldi.
📌
Bugun esa u Yunusobod tumanidagi Hududiy ijtimoiy xizmatlar markazida koʻrsatilayotgan ijtimoiy va reabilitasiya xizmatlaridan foydalanmoqda. Mutaxassislar koʻmagi bilan sogʻligʻida ijobiy oʻzgarishlar kuzatilyapti, eng muhimi — u asta-sekin hayotga qaytmoqda.
✅
Davlatimiz rahbari tashabbusi bilan yaratilayotgan yangi ijtimoiy himoya tizimining eng katta natijasi ham shu — insonni muammosi bilan yolgʻiz qoldirmaslik, unga yana yashash, tiklanish va jamiyatga qaytish uchun imkoniyat berish.
💚
Bu shunchaki bir keys emas. Bu — e'tibor, gʻamxoʻrlik va toʻgʻri yoʻlga qoʻyilgan ijtimoiy xizmatlar inson hayotini qanday oʻzgartirishi mumkinligining haqiqiy misoli.
Murojaatlar — e’tibor va yechim markazida
🧠
2026-yilning 6 oyi davomida Agentlik va tizim tashkilotlariga jismoniy va yuridik shaxslardan
95,6 mingta murojaat
kelib tushdi.
Ularning
66 foizi ijobiy hal etildi
, yana
19 foiz murojaat bo‘yicha huquqiy maslahat va tushuntirishlar berildi.
Aholi murojaatlarida ko‘tarilayotgan masalalarni tezkor o‘rganish va hal etish maqsadida
ishchi guruhlar, sayyor qabullar va yangi mexanizmlar
joriy etildi.
Shuningdek, ijtimoiy xizmatlar bo‘yicha aholiga tezkor va aniq ma’lumot berish uchun
yagona skriptlar
ishlab chiqildi.
Natijada koll-markazga murojaat qilgan
593 ming fuqaroning 80 foizi
birinchi qo‘ng‘iroqning o‘zida zarur maslahat va tushuntirishlarni oldi.
Murojaatlarda ko‘tarilayotgan masalalar tahlil qilinib,
Ijtimoiy reyestr tizimida ham qator yengillik va o‘zgarishlar
joriy etildi.
🎬
Batafsil — videorolikda.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
Rasmiy munosabat
Ijtimoiy tarmoqlarda fuqarolarni Ijtimoiy reyestrdan chiqarish bilan bog‘liq holatlar yuzasidan turli fikrlar bildirilmoqda.
Hududlarda kambag‘allikni qisqartirish, oilalar daromadini oshirish va ularni barqaror daromad manbaiga ega qilish bo‘yicha tizimli ishlar olib borilmoqda.
Shu bilan birga,
oilani Ijtimoiy reyestrdan chiqarishning o‘zi kambag‘allik qisqarganini anglatmaydi.
Ijtimoiy reyestrning asosiy maqsadi — ehtiyojmand aholini aniqlash, ularni ijtimoiy himoya bilan qamrab olish va zarur yordam hamda xizmatlarni ko‘rsatishdir.
Ehtiyojmand oilalar qancha ko‘p aniqlanib, zarur yordam va xizmatlar bilan qamrab olinsa, ularning ijtimoiy-iqtisodiy holatini yaxshilash imkoniyati shuncha ortadi. Bu esa kambag‘allik darajasini aniqlash bo‘yicha keyingi o‘lchovlarda ijobiy natijalar qayd etilishiga xizmat qilishi mumkin.
Shu sababli reyestrdan chiqarish belgilangan reja yoki ko‘rsatkichni bajarish maqsadida emas, balki oilaning ijtimoiy-iqtisodiy holati amalda yaxshilangani va belgilangan mezonlarga javob bergani asosida amalga oshirilishi lozim.
Ma’lum bir hududdagi kambag‘allik darajasi esa
Jahon banki metodologiyasi asosida belgilangan standartlar bo‘yicha o‘tkaziladigan so‘rovlar natijalari
asosida aniqlanadi.
Shuningdek, Ijtimoiy himoya milliy agentligi huzuridagi Ijtimoiy himoya inspeksiyasi tomonidan reyestrdan chiqarilgan oilalar bo‘yicha nazorat ishlari olib borilib, qarorlarning belgilangan mezon va tartiblarga muvofiqligi o‘rganilmoqda.
Agentlikning pozitsiyasi: asosiy maqsad fuqaroni reyestrdan chiqarish emas, balki oilani haqiqatan ham kambag‘allikdan chiqarish va ehtiyojmand fuqarolarning ijtimoiy himoyaga bo‘lgan huquqlarini ta’minlashdir.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
#Ijtimoiy_dayjest
🇺🇿
Ijtimoiy Dayjest
O‘tgan hafta davomida mamlakatimiz ijtimoiy himoya sohasida muhim tashabbuslar, samarali loyihalar va xalq farovonligiga xizmat qiluvchi qator tadbirlar amalga oshirildi. Quyida ushbu yo‘nalishdagi eng muhim yangiliklar bilan tanishing.
⸻
🇺🇿
Sociallıq Dayjest
Ótken hápte dawamında mámleketimiz sociallıq qorǵaw tarawında áhmiyetli baslamalar, nátiyjeli joybarlar hám xalıqtıń abadanlıǵına xızmet etetuǵın bir qatar ilajlar ámelge asırıldı. Tómende usı baǵdardaǵı eń áhmiyetli jańalıqlar menen tanısıń.
🇬🇧
Social Digest
Over the past week, a number of impactful initiatives, meaningful projects, and people-centered events have taken place in the field of social protection in our country. Below is a summary of the key highlights from this week.
📝
telegram
💻
instagram
📝
facebook
🐧
xcom
🎞
youtube
🎖
ihma.uz
Ijtimoiy ish sohasida yangi malaka va professional rivojlanish tizimi joriy etiladi
O‘zbekistonda ijtimoiy himoya sohasida yuqori malakali mutaxassislar korpusini shakllantirish orqali aholining ehtiyojmand qatlamlari bilan ixtisoslashgan va samarali ishlashni taʼminlovchi shaffof tizimni joriy etishga qaratilgan muhim qaror imzolandi.
Yangi tartibga ko‘ra, ijtimoiy xodimlar uchun
toifalash va malaka sertifikatsiyasi tizimi
joriy etiladi. Ijtimoiy xodimlar toifasiz, III, II va I toifalarga ajratiladi.
✅
Malaka sertifikati nazorat sinovi natijalaridan kelib chiqib quyidagi tartibda beriladi:
✅
bir yillik maxsus ish stajiga ega talabgorga —
III toifa
;
✅
ikki yillik maxsus ish stajiga ega talabgorga —
II toifa
;
✅
uch yillik maxsus ish stajiga ega talabgorga —
I toifa
malaka sertifikati.
Malaka sertifikati
5 yil muddatga
beriladi.
✅
Shuningdek:
✅
malaka sertifikati amal qilish muddati tugagandan so‘ng olti oy ichida qayta sertifikat olmagan ijtimoiy xodimning lavozimi saqlangan holda
bir pog‘ona quyi toifaga tushiriladi
;
✅
“Inson” ijtimoiy xizmatlar markazlarida ijtimoiy himoyaga muhtoj bolalar hamda tazyiq va zo‘ravonlikdan jabrlangan xotin-qizlar bilan ishlash bo‘yicha
ixtisoslashgan ijtimoiy xodim lavozimlari
joriy etiladi;
✅
mazkur ixtisoslashgan lavozimlarda, shuningdek, «Inson» markazlari bo‘lim mudiri (bosh ijtimoiy xodim) va supervayzer lavozimlarida
II va undan yuqori toifaga ega
ijtimoiy xodimlar faoliyat yuritadi;
✅
davlat organlari va tashkilotlarida ijtimoiy xodim lavozimining shtat meʼyori
bir shtat birligidan kam bo‘lmagan miqdorda
kiritiladi;
✅
ijtimoiy xodimlar yiliga bir marotaba
Davlat budjeti mablag‘lari hisobidan tibbiy ko‘rikdan
o‘tkaziladi;
✅
Agentlik tizimiga kirmaydigan davlat organlari va tashkilotlarida faoliyat yurituvchi ijtimoiy xodimlarning oylik ish haqi
mehnatga haq to‘lashning eng kam miqdorining 4,2 baravaridan kam bo‘lmasligi
belgilanadi.
Bundan tashqari, ijtimoiy xodimlarning malakasini baholash va oshirish jarayonlari
xalqaro standartlar va ilg‘or xorijiy tajriba
asosida takomillashtiriladi. 2026-yil yakuniga qadar xalqaro sertifikatlash tizimini joriy etish bo‘yicha takliflar ishlab chiqiladi.
Yangi tartib bosqichma-bosqich joriy etiladi.
2026-yil 1-oktyabrdan
Xorazm va Toshkent viloyatlarida boshlanib,
2027-yil 1-apreldan
boshlab respublikaning barcha hududlaridagi “Inson” markazlari va Agentlik tizimidagi muassasalarni qamrab oladi.
📝
telegram
💻
instagram
📝
facebook
🐧
xcom
🎞
youtube
🎖
ihma.uz