Jafar Bdran جعفر بدران

كيف ممكن ينسرق حسابك بدون كلمة سر؟
الموضوع مو خيال، وعم يصير يومياً مع ناس كتير
أغلب عمليات الاختراق اليوم ما عم تصير بسبب ضعف تقني، بل بسبب شي اسمه “الهندسة الاجتماعية”
ببساطة، المخترق ما بيحاول يكسر النظام… هو بيحاول يكسب ثقتك أنت
ممكن يوصلك رابط بيشبه الموقع الرسمي بشكل كامل، وبتفوت عليه وتسجّل دخولك بدون أي شك هون أنت بنفسك عطيت بياناتك، بدون ما يكون في “اختراق” بالمعنى التقليدي
أو ممكن حدا يتواصل معك بطريقة مقنعة جداً، ويدّعي إنو من الدعم الفني، ويطلب منك كود التحقق… بهالحالة هو ما سرق كلمة السر، بس استخدمك لتفوتو على حسابك بإيدك
الهندسة الاجتماعية بتعتمد على الخداع النفسي، الاستعجال، الخوف، أو الفضول… وهاد الشي بيخلي الضحية يتصرف بسرعة بدون ما يفكر
لهيك، الأمان اليوم مو موضوع تقني بس… هو وعي وسلوك
أي رسالة فيها استعجال أو طلب معلومات حساسة لازم توقف عندها
وأي عملية تسجيل دخول لازم تكون من مصدر موثوق، مو من رابط وصلك
الحقيقة الصادمة والمؤسفه انه أقوى نظام حماية بالعالم ما بيحميك إذا تم خداعك، وحتى تم تسجيل حالات اختراق لشركات حرفيا عاملة بمجال الحماية
اذا صار معك هيك شي وحابب تتحقق أو تستفسر عن الموضوع أو سؤال فيكم تتواصلو على اي منصة انا موجود فيها
#جعفر_بدران

#إعلان_ممول
🚨
منصة
🛒
BINANCE
🛒
بتقدم لكم بالتعاون مع فريق THE MASTER
✅
🩶
حملة لربح
💵
4️⃣
مكافأة ترحيب بعد التسجيل والتوثيق
• التسجيل مجاني 100%
✔️
• الخطوات سهلة وواضحة
✔️
• المكافأة رح توصلك بأسرع وقت ممكن
✔️
ومو بس هيك
🔥
كمان رح يكون فيه مجموعة من الفعاليات والمسابقات  يلي بتقدر من خلالها تكسب وتزيد راس  مالك
🔥
شو ناطر؟
🙂
📌
باقي  التفاصيل  والخطوات بتلاقوها على القناة
⬇️
:
https://t.me/BNB_W0RK

في ناس بتفكر إنو “المعلومات القديمة ما عاد إلها قيمة” بس الحقيقة العكس تمامًا.
أي صورة قديمة، رقم موبايل، إيميل، أو حتى حساب نسيته ممكن يكون مدخل لحدا ليبني عنك صورة كاملة.
المشكلة مو بالمعلومة لحالها… المشكلة بتجميعها.
معلومة من هون، وتفصيل صغير من هون… وفجأة بصير في شخص بيعرف: وين كنت، شو كنت تستخدم، ومع مين كنت تتواصل.
والموضوع ما بيوقف هون
ممكن تنستخدم هالمعلومات ليحاول يخترق حساباتك، أو ينتحل شخصيتك، أو حتى يقنعك بشي لأنو “بيعرف عنك”.
الأخطر إنك أنت تكون ناسي هالتفاصيل… بس غيرك لا.
الإنترنت ما بينسى
وأي شي شاركته بيوم، ممكن يرجع لك بوقت ما بتتوقعه.
إذا بدك تحمي حالك، لا تترك معلوماتك القديمة بدون مراجعة
لأنو اللي مرّ… ممكن يرجع بطريقة أخطر.
#جعفر_بدران

إذا مفكر إنك لما تحذف التطبيق أو تسجل خروجك من حساب خلص ارتحت وطلعت منه… فكر مرة تانية.
أنت ممكن تحذفه من عندك، بس هو ما حذفك من عنده. حسابك بيضل موجود، وبياناتك لسا محفوظة، وكل شي عملته عليه ما بيروح.
وإذا كنت من الناس اللي بس بتسجّل خروج وبتفكر هيك انتهى الموضوع، فهون المشكلة أكبر… لأنك فعليًا تركت حسابك وراك مفتوح، بدون ما تنتبه.
اليوم في كتير ناس عم تعاني على وسائل التواصل الاجتماعي من هالشي، بدهم يرجعوا يحذفوا حسابات قديمة وما عم يقدروا يوصلولها، أو عم يكتشفوا إنو حساباتهم لسا موجودة وممكن تنستغل ومنهم فعليا تم استغلاله بعد خسارة الرقم المرتبط فيهم قديما، وأحيانًا بتنسرق أو حدا بينتحل شخصيتهم عليها.
الموضوع مو بس تطبيق انحذف… الموضوع حساب ممكن يضل سنين موجود باسمك، ويصير نقطة ضعف إلك بدون ما تحس.
إذا بدك تطلع فعلاً، لا تسجّل خروج وبس… احذف حسابك بشكل نهائي من الإعدادات قبل ما تتركه.
وإذا عندك حساب قديم وما عم تقدر توصله، أو عندك مشكلة بحذف حساب، أو حتى حاسس إنو في شي مو آمن بهاتفك… فيك تتواصل معي وأنا بساعدك أن شاء الله
#جعفر_بدران

وداعاً ماسنجر
يوم 16 ابريل سنودع معا تطبيق ماسنجر وستتم المحادثات على فيسبوك بعده من خلال منصة فيسبوك نفسها مثل انستغرام
للتنويه التأثير فقط على مستخدمي ماسنجر على سطح المكتب حاليا ولم يتأثر المستخدمين على اندرويد وIOS
#جعفر_بدران

إذا وصلك هاد النوع من الرسائل… احذفه فوراً
اغلب الناس اليوم بيصلها رسائل بتقول:
"تم تسجيل دخول لحسابك من جهاز جديد، إذا مو أنت اضغط على الرابط لتأمين حسابك فوراً"
أو ليك شفت صورتك هون مع رابط
أو فيه الك ورثه من شخص بدولة تانيه
أو قد تفقد حسابك اذا ما ضغط على الرابط
أول شي ممكن تحس بخوف وتستعجل… وهون بالضبط الفخ
لأنو الرابط بيكون مزيف، وأول ما تفوت عليه ممكن تنسرق معلوماتك أو كلمة السر بدون ما تنتبه
المشكلة إنو الرسالة بتكون مكتوبة بطريقة مقنعة كتير، وفيها استعجال متعمد حتى ما تفكر وتكبس بسرعة
الحل بسيط… لا تكبس على أي رابط بيجيك بهالشكل، وحتى لو خفت على حسابك ادخل من التطبيق الرسمي أو الموقع المعروف وتأكد بنفسك
أي شركة حقيقية ما رح تطلب منك تدخل معلوماتك من رابط عشوائي
انتبه ووعّي غيرك… لأنو كتير ناس عم تنخدع بهالحركة يومياً
#جعفر_بدران

شو بتشرب؟
أي شي… المهم يبيّن إني عايش حياة حلوة قدام الناس.
صرنا نركّز على كيف نبان قدام الناس أكتر من كيف نحس فعلًا. نفس المشهد، نفس القناع، بس أشكال مختلفة… الكل عم يحاول يثبت إنه “مبسوط” حتى لو من جوّا تعبان. وكأنو القيمة صارت بالعرض وقدي ممكن الشخص يكذب عحاله ويتخبى ورا أصابعه، مو بالحقيقة وهاد يمكن أوضح دليل على قديش اختلطت المفاهيم عند الكل، بدون استثناء ، الا من رحم ربي.
#جعفر_بدران

اخيرا، رسمياً خلصنا من معاناة الفويسات الطويله مع آخر تحديث لتطبيق مسنجر
هلق إذا حدا بعتلك فويس 5 دقايق ليقلك “وينك”
بتقراه بثانيتين وبتحس حالك ربحت بالحياة هدية وخاصة إذا شخص ما بتحبه وما بتحب تسمع صوته
لا سماعات، لا تضييع وقت، ولا “سمعت الفويس؟"
صرنا نعيش بسلام أخيراً
حدثوا التطبيق واستمتعوا بالتحديث الجديد، واكتبولي بالتعليقات مين اكتر شخص بيبعتلك فويس طويل
#جعفر_بدران

برنامج الربح من المحتوى على انستغرام سيبدأ بالعمل قريبا على الحسابات المؤهله

انتبهوا على صوركم
بهالفترة صار في كتير حالات شباب وبنات عم يتعرضوا لابتزاز وتهديد بمحتوى مفبرك وحساس باستخدام الذكاء الصناعي.
أخطر الصور هي القريبة والواضحة للملامح، وخاصة إذا كانت ملتقطة بالبيت أو بأماكن خاصة. هالأدوات صار فيها دقة عالية لدرجة صعبة التفريق بينها وبين الحقيقة.
كل ما كانت الصورة أبعد وملامحها أقل وضوح، كل ما صار صعب استخدامها للتلاعب.
#انتبهوا
#جعفر_بدران