KINO INSAYDER
Zak Snayder rasman A24 bilan ishlayotganini e'lon qildi.
Bu studiya bilan yangi bir loyiha ustida ish boshlangani yoki rejissorning "SO'NGGI FOTOGRAF" loyihasi A24 tomonidan distribyutsiya qilinishi mumkinligini anglatishi mumkin.
Nima bo'lsa ham, bu rejissor uchun quvonarli yangilik. Sababi, 10 yildan beri uning hech bir filmi dunyo bo'ylab kinoteatrlarda namoyish qilinmayotgan edi.
@Kino_Insayder
Yangi "TRANSFORMERLAR" filmi o'ziga ssenarist topdi
🎞️
• "Welcome to Derry" seriali ssenaristi Jeyson Fuks film uchun ssenariy yozmoqda.
• Bu hozir ishlab chiqilayotgan bir nechta "TRANSFORMERLAR" filmlaridan biri xalos.
@Kino_Insayder
Revan Respublika qoʻshinlarini bir nechta yirik gʻalabalarga olib chiqdi va Mandaloriyaliklarni Nomaʼlum Hududlar (Unknown Regions) tomon chekinishga majbur qildi. Oxir-oqibat u Mandalor floti bilan Malakor 5 sayyorasida soʻnggi bora toʻqnashdi.
Biroq Revan tizim tashqarisidagi razvedka guruhiga kechikdi va shu sababli hujum qoʻmondonligi Jeday Meetra Surik zimmasiga tushdi. Revan esa gʻalabani oldindan taʼminlash uchun Zabrak muhandisi Bao-Dur tomonidan yaratilgan Mass Shadow Generator deb nomlangan super qurolni tayyorlagan edi.
Revan Malakorga yetib kelgach, Mandalorni bevosita jangga majbur qildi. U avvalroq Malakorga tashrif buyurgan va sayyoraning qorongʻu kuchlariga (Dark Side energiyalariga) berilib qolgan edi. U shu qorongʻu kuchlarni chaqirib, Oliy Mandalorni butunlay magʻlub etdi.
Mandalor qoʻshinlari sarosimaga tushib tarqaldi va Meetra Surik tuzgan tuzoqqa tushib qoldi. Revan Bao-Durga "Mass Shadow Generator"ni ishga tushirishni buyurdi va shu zahotiyoq Respublika hamda Mandalor floti ulkan gravitatsion girdobga daxshat bilan tortilayotganini kuzatdi. Kemalar ezilib, minglab hayotlar bir lahzada yoʻq qilindi. Mandalorlar magʻlubiyatga uchradi.
@Kino_Insayder
Mandalor urushlari Oliy Mandalor oʻz qoʻshinlarini boshlab, Onderondagi dahshatli gʻalabani qoʻlga kiritgan paytda haqiqatdan boshlandi desa ham boʻladi. Bu ulkan zafar urushning haqiqiy boshlanish nuqtasiga aylandi. Shundan soʻng Respublika qoʻshinlari Mandalor armiyasi tomonidan ketma-ket magʻlubiyatlarga uchray boshladi... toki Revan urushga qoʻshilguniga qadar.
Mandalorlar oʻz yurishlari davomida butun boshli sivilizatsiyalarni yoʻq qilar, sayyoralarni kulga aylantirib oldinga siljishardi.
Ammo keyin Revan urush maydoniga kirib keldi.
Revan boshchiligidagi Jeday kuchlari galaktikaning turli nuqtalarida ketma-ket gʻalabalarga erisha boshladi. Bu muvaffaqiyatlar natijasida Respublika harbiy qoʻmondonligi uning qoʻliga topshirildi. Jeday ordenining urushga qoʻshilishi galaktika boʻylab odamlarning ruhiyatini koʻtardi va minglab ko‘ngillilar Respublikaga qoʻshilish uchun safarbar boʻldilar.
Yangi ko‘ngillilar oqimi hamda Jeday kuchlarining ishtiroki Respublika armiyasining soni va qudratini sezilarli darajada oshirdi.
Biroq vaqt oʻtishi bilan Revan oʻz qoʻshinlariga nisbatan tobora keskinroq qarorlar qabul qila boshladi. U Mandalorlar yurishini toʻxtatish maqsadida ayrim dunyolarni qurbon qilish evaziga Mandalor tizimlariga zarba berish strategiyasini qoʻlladi.
Asta-sekin Revan Mandalorlarning oʻz usullaridan foydalanishga kirishdi. U dushmanga qarshi ularning oʻz taktikalari bilan kurashar, urushni imkon qadar tezroq yakunlashga harakat qilardi.
Bu usullar samara bergan boʻlsada, buning badali juda ogʻir edi. Urush tobora koʻproq hayotlarni talab qila boshladi.
@Kino_Insayder
Oliy Mandaloriyalik zabt etilgan dunyolarda tobora kengayib borayotgan qoʻshinlarini taʼminlash uchun katta miqdorda resurslar jamlay boshladi. Tashqi Halqadagi har bir yangi gʻalaba ularga yangi ishchi kuchi va safarbar qilingan jangchilar olib kelar, shu tariqa Mandalor armiyasi tobora kuchayib borardi. Har bir navbatdagi hujum esa yanada koʻproq qochqinlarni oʻz uylarini tark etishga majbur qilardi. Ular Mandalor qoʻshinlari dahshatidan qutulish umidida Taris kabi sayyoralarga oqib borishardi.
Shu paytda Senat deyarli hech narsa qilmay tomoshabin boʻlib turardi. Qariyb oʻn yil davomida Senatorlar Mandaloriyaliklarning Taris yaqinidagi muhim resurslarga ega sayyoralarga asta-sekin yaqinlashib borayotganini kuzatib turishdi.
Nihoyat, Senat aralashishga qaror qildi. Respublika Taris va unga qoʻshni bir necha tizimlarni oʻz safiga qoʻshilishga taklif etdi. Bu esa Respublika kuchlariga mojaroga bevosita aralashish imkonini berdi. Ammo MandalorIyaliklar aynan shuni kutayotgan edi.
Senat ularning tuzogʻiga tushib qolgandi. Respublikaning eng mohir generallari ham faqat koʻz oldidagi vaziyatni koʻrar, ammo Mandalor qanday ulkan reja tuzayotganini anglay olishmasdi.
Dastlabki janglar Mandalor uchun Respublikaning qatʼiyatini sinovdan oʻtkazish vositasi edi. Shu bilan birga Respublika minglab askarlarini yoʻqotayotgan, uning flotlari esa haddan tashqari katta hududlarga yoyilib ketgani sababli Mandalorlar yurishini toʻxtata olmay qolayotgandi.
Urush Oliy Mandalor va Kassus Fett galaktikaning muhim savdo yoʻllarini toʻsib qoʻya boshlaganida yanada keskinlashdi. Bunga javoban Respublika oʻzining butun harbiy qudratini ishga soldi va shu tariqa Mandalorlar orzu qilgan keng koʻlamli urush boshlandi.
Bu orada Jeday Ordeni oʻz qasrlarida urushga qoʻshilish yoki qoʻshilmaslik masalasida bahslashardi.
Revan nomi bilan tanilgan bir Jeday ritsari Respublikaga yordam berish uchun boshqa Jedaylarni oʻz atrofiga toʻplay boshladi. Jeday Kengashi esa ehtiyotkorlikka chaqirib, galaktikada bundan ham dahshatliroq xavf paydo boʻlayotganidan ogohlantirardi.
Biroq Revan va keyinchalik Malak nomi bilan mashhur boʻladigan uning doʻsti bu ogohlantirishlarni eʼtiborsiz qoldirdilar. Ular Respublika xalqiga yordam berish maqsadida koʻplab Jedaylarni oʻz saflariga jalb qildilar.
@Kino_Insayder
Oliy Mandaloriyalik rahbarligi ostida Mandalorlar oʻz kuchlarini tiklab, Jeday ordeniga qarshi navbatdagi urushga tayyorgarlik koʻra boshladilar. Mandalor umumiy dushmanlariga zarba berish maqsadida Sith Imperiyasi bilan qayta ittifoq tuzdi, umuman olganda mandaloriyaliklar sith Imperiyasining qoʻgʻirchogʻiga aylandi - ularning vazifasi Jedaylarni zaiflashtirish yoki yoʻq qilish edi, shunda Sith Imperiyasi galaktikaga qaytgach, hokimiyatni osonlik bilan egallab olishi mumkin boʻlardi.
Mandalor hali jedaylarga qarshi toʻlaqonli urush olib borish uchun yetarli kuchga ega emasligini tushundi. Shu sababli uning birinchi qadami Tashqi Halqa (Outer Rim) boʻylab tarqalib ketgan Mandalor klanlarini birlashtirish boʻldi. U bu klanlarni oʻz qoʻli ostiga toʻplab, Respublikaning Tashqi Halqadagi koloniyalariga bir qator bosqinlar uyushtirdi.
Uning qoʻshinlari, shuningdek, Hutt Space (Huttlar koinoti) hududida ham yurishlar olib borib, Huttlar nazoratidagi bir nechta dunyolarni zabt etdilar.
Respublika senatorlari esa yangi urush boshlash masalasida ehtiyotkor edilar. Ular avvalgi urushlarning ogʻriqli oqibatlarini hali unutmagan edi. Shu sababli ular Mandalorlarga egallab olgan tizimlarida oʻz bilganlarini qilishlariga vaqtincha yoʻl qoʻyishga qaror qildilar. Biroq Mandalorlar Galaktik Respublikaning oʻziga hujum qilsa, qarshilik koʻrsatishga tayyor edilar.
@Kino_Insayder
"Ular biz kelayotganimizni hatto tasavvur ham qilishmagan edi!" — Canderous Ordo, Mandalor armiyasining Mandalor urushlarini boshlab bergan ilk yirik hujumi haqida.
Mandalor urushlari — bu koʻpincha notoʻgʻri tushuniladigan urushdir. Odatda urushning oʻzi emas, balki Jeday ordenining Mandalorlarga bergan javobi notoʻgʻri talqin qilinadi. Mandalor urushlarining boshlanishiga uzoq vaqt tayyorgarlik koʻrilgan edi (maʼlumot uchun, oʻsha vaqtda Mandaloriya eng kuchli qoʻshinlardan biriga aylangan edi, ularning har biri qatʼiyatli jangchi ekanini hisobga olsak, katta muammo tugʻdirishgani aniq) Sithlar bilan jang davomida, yaʼni Egzar Kun va Ulic Kel-Droma ishtirok etgan urushdan soʻng, Mandaloriyaliklarni hafsalasi pir boʻldi. Ular Sithlar bilan ittifoq tuzib, Jedaylarga qarshi kurashar ekan, nihoyat oʻzlari orzu qilgan "Ulugʻ Soʻnggi Jang"ni koʻrishga umid qilishgan edi.
Ammo MandalorIyaliklar Onderon sayyorasidagi hal qiluvchi jangda tor-mor etildi va koʻp oʻtmay ularning Sith ittifoqchilari ham magʻlubiyatga uchradi. Bu ogʻir magʻlubiyat Mandaloriyaliklar uchun tiklanish davrini boshlab berdi — ular kuchlarini qayta toʻplash va saflarini mustahkamlash bilan shugʻullandilar.
Shunga qaramay, ular oʻzlarining shon-shuhratga eltuvchi urush imkoniyati hali qoʻldan ketmaganiga ishonishardi. Ular kelajakda oʻzlarini buyuk va ulugʻvor urush kutayotganiga ishonishgan.
Va ular haq edi....
@Kino_Insayder
#Star_Wars
Yulduzlar Jangi kino olamidagi eng noodatiylikka ega boʻlgan, va albatta qiziq janglardan biri Mandaloriya urushi boʻlsa kerak. Bu Yulduzlar Jangi kino olami sithlar mavzusidan biroz uzoqlashib yollanma jangchilar guruhini asosiy yovuzlar sifatida olib kelgan hikoya.
Bizga "MANDALORIYALIK" serialida ularni qanchalik mohir ekanliklarini koʻrsatishdi, ammo bu yoʻllanma jangchilar oʻzlarini prime larida nimalar qila olishgan?.....
Ushbu postda shu urush haqida qisqacha maʼlumot beriladi, komment va reaksiyalar bilan qoʻllab quvvatlaysiz degan umiddaman.
@Kino_Insayder
"
O'YINCHOQLAR TARIXI" franshizasi oxirgi 30 yil ichida Disney kompaniyasiga 16 milliard dollardan ortiq daromad keltirgan.
@Kino_Insayder