Luna Khusan

Live stream finished (41 minutes)

Live stream started

20 daqiqalarda voice chat o'tkazishga nima deysizlar?
Mavzularni hozirdanoq commentga yozsangiz bo'ladi.
P.s voice chat fikrlar almashish uchun

Ancha oldin shaxs tipi bo‘yicha qiziqarli test yechib ko‘rgandim.
P.s. Men “Z” avlod vakiliman, “Arxitektor” (INTJ) tipidagi shaxsman.
Tabiatan introvertman.
Test natijalariga ko‘ra, quyidagi ko‘rsatkichlar menga xos:
INTJ uchun odatiy foiz ko‘rsatkichlar:
•
Introvertlik (I)
– 75%
•
Ekstravertlik (E)
– 25%
•
Intuitsiya (N)
– 70%
•
Haqiqatga yo‘nalish / Sensorika (S)
– 30%
•
Rejalash / Tashkiliy (J)
– 65%
•
Moslashuvchanlik / Ochiqlik (P)
– 35%
•
Mantiq va qaror qabul qilish (T)
– 60%
•
Hissiyotga asoslanganlik (F)
– 40%
•
O‘ziga bo‘lgan ishonch
– 80%
O‘zimizni yaxshiroq tushunish va imkoniyatlarimiz haqida tasavvurga ega bo‘lish foydali.
Test sizga qiziqmi?

2 oycha avval
Marifat
menga bir loyiha haqida gapirib bergandi. Bu loyiha nogironligi bo‘lgan insonlarga bag‘ishlangan bo‘lib, uning maqsadi, ular ham jamiyatda o‘z o‘rni va missiyasiga ega ekanini ko‘rsatish, ular ham hammamiz kabi orzu qilishi, izlanishi va yutuqlarga erishishi mumkinligini eslatishdir.
Ko‘pincha ularga faqat ehson qilishni o‘ylaymiz, ammo aslida ularga kerak bo‘lgani oddiy inson sifatida e’tibor va normal munosabat. Chunki ular ham mehnat qilishga, ijod qilishga va hayotda faol bo‘lishga qodir.
Bu loyiha bizning jamiyatimiz uchun juda muhim, chunki insonning qadrini nogironligi yoki sog‘lomligi belgilamaydi. Haqiqiy qadriyat uning qalbida, orzusida va imkoniyatida. Biz ularni qo‘llab-quvvatlasak, aslida o‘zimizni ham yuksaltiramiz.
Shaxsan iltimos qilaman: ushbu loyihani qo‘llab-quvvatlaylik. Chunki bir insonning hayotini o‘zgartirish butun jamiyatni yaxshilash demakdir.
Loyiha sahifasiga obuna bo‘ling

Bugun bir til o‘quv markazining videosiga ko‘zim tushdi. Videoda raqobatchilarga nisbatan jiddiy hurmatsizlik va asossiz fikrlar bildirildi. Men soha odami sifatida bunday yondashuvni to‘g‘ri deb hisoblamayman.
Raqobat bu rivojlanish va sifatni oshirish uchun imkoniyat, ammo agressiv reklama, ayniqsa boshqalarni kamsitish orqali qilingan reklama, brendning o‘z pozitsiyasiga salbiy ta’sir ko‘rsatadi. Chunki kuchli brend hech qachon raqiblarni kamsitish orqali emas, balki o‘z xizmatining sifatini ko‘rsatish orqali qadrlanadi.
Asossiz tanqidlar nafaqat raqiblar, balki mijozlar nazarida ham ishonchsizlik uyg‘otadi. Oxir-oqibat, bunday reklama strategiyasi brend obro‘sini yemiradi. Shu bois, menimcha, eng to‘g‘ri yondashuv o‘z ustunliklarini hurmat bilan ko‘rsatish, natijalar va ishonch orqali auditoriyaga ta’sir o‘tkazishdir.

Bugun yurishga chiqqan edim. Miyamda anchadan beri aylanib yurgan, hal bo‘lmayotgan bir nechta savollar bor edi. Yo‘lda loyihadagi rahbarimni uchratib qoldim. Salomlashdik-da, o‘tib ketdim, chunki ular boshqalar bilan suhbatlashayotgan edi. Yo‘lning bir qismida telefonim jiringladi, u kishi edi. Loyiha haqida gaplashdik, fikr almashdik. Suhbat orasida aytdilar: “Oxirgi qo‘ygan postingizda xatolik bor.” Avvaliga qabul qilmadim. Keyin ular aniq dalillar bilan tushuntirdilar va xatoni tan oldim. Shundan so‘ng yana qiziqarli mavzular haqida suhbatlashdik.
O‘ylab qarasam, Alloh menga odatda 10 yilda tushunishim mumkin bo‘lgan bir haqiqatni atigi 20-30 daqiqada, o‘sha inson orqali tushuntirdi. Bu o‘zim uchun juda katta saboq bo‘ldi. Ehtimol, men bu tushunchalarni bir oy davomida ichimda qayta-qayta tahlil qilarman.
Xullas, hech bir uchrashuv, hech bir holat bejiz emas. Muammolar bizga og‘irlik qilish uchun emas, balki tajriba va o‘sish berish uchun keladi.

Bugun maktabimizning sotuv bo‘limiga kelgandim, bir necha ota-onalar bilan suhbatlashdim. Oralarida Andijondan kelgan bir oila bor edi ular o‘g‘illarini Ivy League universitetlariga kirishini xohlashar ekan. Qiziq tomoni, bu orzu bolaning o‘zi emas, asosan otasiniki edi. Savollarimning 90 foiziga ham ota javob berdi, bola esa deyarli og‘iz ochmadi. Uning ko‘zida bir oz qo‘rquv, o‘ziga ishonmaslik sezildi
Natijalari yaxshi, iqtidori bor, ammo qat’iyat va ishonch juda past. Men shu yerda shuni yana bir bor his qildim, eng katta imkoniyat ham ishonch va qat’iyat bo‘lmasa, yarmigacha yetmay qoladi. Farzandga bilim berishdan ham oldin, unga o‘ziga ishonishni, o‘z ovoziga ega bo‘lishni, o‘z yo‘lini tanlashni o‘rgatish kerak.

Katta qarorlar qabul qilish uchun ko‘proq vaqt ajrat.
Asosan hayotingda qabul qilishing mumkin bo‘lgan uchta katta qaror bor:
1) Qayerda yashash.
2) Kim bilan bo‘lish.
3) Nima qilish.
O‘yla, harakat qil.

Tarixdagi eng ulug‘ insonlar o‘zlaridagi hamma narsani berib, hech narsa talab qilmaganlar. (bir so‘z bilan aytganda, ular “saxiy” edilar!)
Naval Ravikant
P.S.: Adam Grant “Ber va ol” kitobida ushbu insonlar haqida gapiradi va ularning oddiy odamlar bilan farqlaridan birini shunday ifodalaydi: “Saxiylar g‘alaba qilganda, bu g‘alaba keng tarqaladi, lekin oluvchilarning (saxiylarga qarshi) g‘alabasi ko‘pincha boshqa bir kishining mag‘lubiyati bilan bog‘liq bo‘ladi.”