Mahmudiylar oilasi
Инсон зоти истайдими, йўқми, қул. Қулнинг эса тури кўп.
Арабқул, ўрисқул, АҚШқул. Ҳаммаси ўз хожасининг тарафини олиб, ютуқларини кўкка кўтариб мақташдан чарчамайди.
Улардан ташқари шаҳватқуллар, орзу-ҳавасқуллар, мансабқуллар, шуҳратқуллар, бойликқуллар ҳам ўз хожаларига сиғиниш билан оворалар.
Бу бечора қуллар ўз хожаларини рози қилиш йўлида ҳар қандай қабиҳликдан қайтмайдилар. Хаёлига нима келса, тап-тортмасдан вайсайдилар. Бунинг эвазига эса хожалари уларга фақат азоб-уқубатни тортиқ қиладилар.
РАҲМОН қуллари эса:
1. Ер юзида камтарлик ва оғир-босиқлик билан юрадилар.
2. Нодонлар билан тенг бўлмай, уларнинг озорли гапларига жавобан “саломат бўлинглар”, деб қўя қоладилар.
3. Хожаларига сажда қилиб, жойнамоз устида тик туриб, тунни бедор ўтказадилар.
4. Парвардигоро, биздан дўзах азобини даф қил, унинг азоби мангудир, дея илтижо қиладилар.
5. Мол-дунёларини сарфлаган пайтларида исроф ҳам, хасислик ҳам қилмайдилар.
6. Аллоҳ билан бирга бошқа бирон илоҳга илтижо қилмайдилар.
7. Бирон жонни ноҳақ ўлдирмайдилар.
8. Зино қилмайдилар.
9. Ёлғон гувоҳлик бермайдилар.
10. Беҳуда гап ёки кераксиз иш олдидан ўтиб қолсалар, улуғворлик ила юз ўгириб кетадилар.
11. Парвардигорларининг оятлари эслатилганда унга гунг ва кўр бўлиб ташланмайдилар. Кўрмурид эмаслар. Ҳар бир ишни англаб-билиб қиладилар.
12. «Парвардигоро, Ўзинг бизга жуфтларимиз ва зурриётимиздан шодлик ато этгин ва бизни тақводорларга пешво қилгин», дейдилар.
Ана ўшалар Аллоҳга итоат этиш йўлидаги балоларга сабр қилганлари туфайли Фирдавс жаннатларидаги олий мақомларга ноил бўлиб, фаришталар тарафидан салом ила қарши олинадилар ҳамда офатлардан омонда бўладилар. У ерда абадий қоладилар. У нақадар хуш манзил ва гўзал қароргоҳ!
Парвардигоро, бизни Ўзинг бандам дегин. Ўзингдан узоқлаштирмагин. Ўзингдан бошқага муҳтож қилмагин. Ўзинг тавфиқ бериб, оятларингда тавсифланган хислатларга, фазилатларга бизни эриштиргин. Омин.
Муқим Маҳмуд
2026-03-09
@mahmudiylar
Рамазон ҳам яримлаб қолди. Бирон ифторимиз ҳам, саҳарлигимиз ҳам меҳмонсиз ўтмади. Алҳамдулиллаҳ.
Айниқса, айрим меҳмонларнинг олдиндан хабар бермасдан, кутилмаганда кириб келишлари бошқача завқли бўлди. Ёшлик даврларимни эслатиб юборди.
Очиғи ўзим фақат ифторликнинг ўзига боришни ёқтирмайман. Борасан, овқатланасан, шом ўқийсан ва қайтасан. Бунинг нимаси қизиқ. Одатда эрталаб яхши ухлаб олган бўлсам, асрдан кейин дарсларимни қиламан. Эрталаб дарсларимни қилиб олган бўлсам, таровеҳда тетик туришни ўйлаб, ифтор олдидан ухлаб оламан. Ифторликка борсам, дарс қиладиган ёки ухлаб оладиган вақтим йўлга кетиб қолади.
Биргалашиб ифтор қилсанг, таровеҳ ўқисанг, кейин писта чақиииииб суҳбатлашиб, чақчақлашиб ўтирсанг, ортидан яна биргалашиб саҳарлик қилсанг, бирга-бирга бирон пора Қуръон ўқисанг, сўнг бомдод ўқисанг, ана шундагина овора бўлганингга арзийди. Шундай эмасми?!
@mahmudiylar
Стокголмда Бунён (Bonyan) номли бир маданий уюшма бор. Устозлари болаларга диний таълим берадилар. Жуда ажойиб билимли, ўқимишли одамлар. Қилаётган ишлари таҳсинга сазовор.
Таровиҳни ҳар куни шу ерда ўқияпмиз. Бир порадан ўқиляпти.
Ўртадаги дам олиш пайтида бир киши чиқиб, бироз маъруза ҳам қилиб беради.
Ажойиб, жуда файзли ўтяпти.
Мен ҳам бир ота ва бобо сифатида фарзандларим ва набираларимнинг устозларига дил сўзларимни айтдим.
Швед тилини яхши тушунмайдиганлар учун мен араб тилида гапирдим. Араб тилини билмайдиганлар учун Нуриддин уни швед тилига таржима қилиб берди.
@mahmudiylar
Исроил бор экан, мусулмон дунёсида тинчлик бўлмайди: еки мусулмонлар бўйин эгиб яшайди, еки урушлар ичида қолади. Чунки, Исроилнинг мақсади – келишиб яшаш эмас, тинч яшаш эмас. Исроил ҳеч иккиланмай, бошқа мусулмон давлатларни босиб олишни режа қилаяпти. Ва бу йўлдан тўхтамайди. Унинг нияти – яҳудийча дунё тартиботини яратиш. Эпштейнча тартибот ўрнатиш,...
*
Кеча Миср эди, Сурия эди, Ливан эди, Ироқ эди, Қатар эди. Бугун Эрон. Эртага Туркия бўлади, Саудия бўлади, Покистон бўлади, Ўзбекистон бўлади, Индонезия бўлади... Эронни “халқи норози”, “диктатура режими” дейишади. Исроилни ўзида халқ Нетаньяҳудан розими? Америкаликлар Трампдан тўлиқ розими? Америкаликлар еки исроил жугутлари йиллаб намойишлар ўтказиб келишади, нега уларни режими легитим, Эрон нолегитим?
*
Исроил бор экан, ва АҚШ унинг қўлидаги қўғирчоғи бўлар экан, мусулмон дунёси тинч бўлмайди. Лекин, яхши янгилик ҳам бор. Беш йил олдин араблар, мусулмонлар Исроил ва АҚШ борасида яхши гумонда эди. Бугун шу гумондан асар ҳам қолмади. Бироқ, ҳали мусулмон дунёсидаги трансформациянинг бошидамиз...
*
Бу тўлиқ цивилизацион уруш, мақсад – мусулмон дунёсини бўйсундириш, Исроилга қаршилик кўрсатадиган марказларни бирма-бир йўқ қилиш. Кейинги 2 йилда Исроил Ғазода 80 минг одамни вахшиёна ўлдириб ташлади. Аксарияти бегуноҳ болалар, аёллар, қариялар... Исроил аниқ-муқаррар Туркияни йиқитишга киришади. Туркияни кучли давлат сифатида қолдирмайди. Кейин эса навбати билан...
©
Kamoliddin Rabbimov
Салафларнинг турли мезонларга берган номлари:
1. Намоз - куннинг мезони.
2. Жума намози - ҳафтанинг мезони.
3. Рамазон рўзаси - йилнинг мезони.
4. Ҳаж - умрнинг мезони.
Арабчадан Муқим Маҳмуд таржимаси
2026-02-19
@mahmudiylar