MAKTUBAT
КІТАП ОҚИ АЛМАЙТЫНДАРҒА 5 КЕҢЕС!
Кітап оқығанды ұнатсаңыз, алайда күйбең тіршіліктен сүйікті ісіңізге бос уақыт таппай жүрсеңіз, төмендегі кеңес сізге арналған.
1. Кітапты өзіңізбен бірге алып жүріңіз
Көптен бері оқығыңыз келіп жүрген кітапты өзіңізбен ұстаңыз. Қолыңыз босаған сәтте бір-екі бет болсын, оқып үлегересіз. Жұмыста түскі ас уақытында немесе үйге қайтар жолда кітап сенімді серігіңізге айналады. Бастысы өзіңізге ұнаған әрі қызықты кітап болсын.
2. Кітап оқуға арнайы уақыт бөліңіз
Жұмыс тәртібіңізге, бос уақытыңызға қарай кітап оқуға бірер сағатты бөліңіз. Мысалы, ұйықтар алдында жарты сағат, таңертең 15-20 минут деген сияқты. Бір күнде 100 бетті оқимын деп өзіңізді әурелемеңіз. Аз-аздап, бірақ түсінікті оқыңыз.
3. Әлеуметтік желі мен ойынға жұмсаған уақытыңызды кітапқа арнаңыз
Әлеуметтік желі мен ойындар - уақыттың қас жауы. Бәріміз мұны білсек те уақытымыздың басым бөлігін ойын ойнаумен, әлеуметтік желіні ақтарумен өткіземіз. Уақытша болсын әлеуметтік желі, ойын, сериалдан бас тартыңыз. Оның орнына кітап оқуға дағдыланыңыз.
4. Кітап көз алдыңызда болсын
Көп уақытыңызды өткізетін бөлмеге оқығыңыз келген кітапты апарып қойыңыз
.
Мысалы, өзіңіздің бөлмеңізге, компьютер үстеліне, ваннаның жанына. Бұл тәсіл кітапты үнемі көз алдыңызда ұстауға
көмектеседі.
5. Достарыңызбен бірге кітап оқыңыз
Кітапты жалғыз емес, достарыңызбен бірге оқыңыз. Пікір таластырып, өз ойыңызбен бөлісіңіз. Жарысыңыз. Бұл сіздің кітап оқуға деген қызығушылығыңызды арттыратыны сөзсіз.
Уақыты тым аз, қолынан телефоны түспейтіндер үшін - электронды немесе телефонға арнайы жасалған кітаптарды ұсынамыз. Кез келген уақытта телефоныңыздан қажетті кітапты оқуға мүмкіндік болады.
📙
Зубейр ибн Баккардың жиені оның әйеліне былай деп айтты:
⠀
"Менің көкем өзінің отбасы үшін ең жақсы адам. Ол екінші әйелді де алмайды, одан басқа күңді де ұстамайды".
⠀
Сол уақытта оның әйелінің айтқаны:
⠀
"Алланың атымен ант етемін! Оның мына кітаптары мен үшін болуы мүмкін болған үш әйелден де ауыр".
⠀
✏
Хатиб әл – Бағдади "әл-Жами' ли әхләқ әр-рәуи уә әдәб әс-самиғ", 60
⠀
@maktubatkz
🪔
Ғалымдардың айтуынша, адам күн сайын бар болғаны 15 минут кітап оқыса, бір жылда өз ой-өрісін шамамен 30% кеңейтеді.
🪔
Ал жүйелі оқитын адамдардың сөздік қоры 2–3 есе көп, шешім қабылдау қабілеті де жоғары болады.
Статистика көрсеткендей:
📚
Күніне кем дегенде 10–15 минут оқитын адамдардың
— стресске төзімділігі 68% жоғары,
— есте сақтау қабілеті 48% жақсы,
— шығармашылық ойлауы бірнеше есе белсенді болады.