O'zbek milliy musiqasi
29-mart kuni Alisher Navoiy nomidagi Davlat akademik katta teatri sahnasida buyuk san’atkor Tamara Xonim tavalludining 120 yilligiga bag‘ishlangan tantanali konsert bo‘lib o‘tadi.
Tamara Xonim — o‘zining betakror iste’dodi bilan o‘zbek san’atiga ulkan hissa qo‘shgan, milliy madaniyatimizni dunyo sahnalarida ulug‘lagan afsonaviy raqqosa, xonanda va aktrisa sifatida tarixda muhrlangan. Uning serqirra ijodi O‘zbekiston madaniy merosining ajralmas qismiga aylangan.
Konsert dasturidan san’atkor repertuaridan o‘rin olgan raqs va vokal asarlari mamlakatimizning yetakchi jamoalari hamda taniqli solistlari ijrosida yangraydi. Kecha boshlanishidan avval teatr foyesida Tamara Xonimning hayoti va ijodiga bag‘ishlangan maxsus ekspozitsiya ham ochiladi.
Chiptalar
iTicket'da.
🎤
🎤
🎤
🎤
#Konsert
🎼
R.Glier nomidagi Respublika ixtisoslashtirilgan musiqa maktabida ilk bor Bastakorlik san’ati hamda Musiqashunoslik ixtisosligining maktabimizning 100 yilligiga bag‘ishlangan hisobot konserti bo‘lib o‘tadi.
🎶
Ushbu konsertda yosh bastakorlarning yaratgan asarlari, musiqiy ishlanmalari hamda musiqashunoslik yo‘nalishi o‘quvchilari tomonidan qiziqarli chiqishlar, ijodiy izlanishlar taqdim etiladi. Tadbir davomida o‘quvchilarning yangi g‘oyalari va musiqa san’atiga bo‘lgan intilishlari namoyon etiladi.
📜
Barchangizni ushbu unutilmas ijodiy kechaga taklif etamiz!
♾
Glier maktabi — cheksiz kelajak!
✅
Bizning rasmiy sahifalarimizga obuna bo‘ling:
🟦
🟦
🟦
🟦
🟦
🟦
🔹
Telegram
🔹
Instagram
🔹
Facebook
🔹
Youtube
#Xalqaro_konferensiya
#Lazgi_2026
⚡️
“Jahon madaniy taraqqiyotida raqs san’ati: an’ana va umumbashariy qadriyatlar” mavzusida xalqaro ilmiy-amaliy konferensiya bо‘lib о‘tadi
2026-yilning 25-30-aprel kunlari
Xiva shahrida o‘tkaziladigan
“Lazgi” III Xalqaro raqs festivali
doirasida
“Jahon madaniy taraqqiyotida raqs san’ati: an’ana va umumbashariy qadriyatlar”
mavzusida xalqaro ilmiy-amaliy konferensiya bо‘lib о‘tadi.
Konferensiyada ishtirok etish uchun ariza va maqolalar quyidagi manzillarda qabul qilinmoqda:
Ishchi guruhi elektron pochtasi:
diana.abdulova@mail.ru
;
Bog'lanish raqami: +998935124595
@aradiya0901
ga
2026-yilning 15-mart kuniga
qadar yuborilishi mumkin.
Axborot xati
(o‘zbek)
Axborot xati
(rus)
Axborot xati
(ingliz)
Telegram
|
Instagram
|
Facebook
| Veb-sayt
|
YouTube
#Tanlov
⚡️
“Baxshi bola” animatsion loyihasi bo‘yicha tanlov e’lon qilindi
Respublika baxshichilik san’ati markazi davlat muassasasi tomonidan raqamli va sun’iy intellekt texnologiyalari asosida yaratiladigan
“Baxshi bola”
nomli zamonaviy animatsion multfilm loyihasi bo‘yicha tanlov
e’lon qilindi.
Mazkur loyiha milliy baxshichilik san’atini yangi bosqichga olib chiqish, yosh avlodning ushbu noyob og‘zaki an’ana va epik ijrochilik merosiga qiziqishini oshirish, shuningdek, milliy qadriyatlarni zamonaviy formatda targ‘ib etishni maqsad qilgan.
“Baxshi bola”
multfilmi nafaqat mahalliy auditoriya, balki xalqaro sahnaga ham bemalol chiqish imkoniyatiga ega bo‘lgan, zamon talablariga mos, yuqori sifatli, dinamik va qiziqarli animatsion loyiha sifatida yaratilishi ko‘zda tutilmoqda.
Tanlov shartlariga ko‘ra, ishtirokchilar
“Baxshi bola”
multfilm loyihasining to‘liq konsepsiyasini ishlab chiqishlari lozim. Jumladan:
-
multfilm ssenariysi;
- loyiha konsepsiyasi va g‘oyaviy asoslari;
- ijodiy yechim va zamonaviy yondashuv;
- loyiha nizomi.
Taqdim etiladigan ishlar an’anaviy va eskicha ssenariy shaklida emas, balki zamonaviy xorijiy animatsion mahsulotlar darajasida, dinamik voqealar rivoji, kuchli dramatik chiziq hamda tomoshabinni jalb eta oladigan innovatsion yondashuv asosida ishlab chiqilgan bo‘lishi lozim. Loyiha yoshlar auditoriyasiga mo‘ljallangan bo‘lib, ularni baxshichilik san’atiga qiziqtirish, milliy identitetni mustahkamlash va global animatsiya bozoriga chiqish salohiyatiga ega bo‘lishi talab etiladi.
Tanlov yakuniga ko‘ra 3 nafar g‘olib aniqlanadi:
I o‘rin — 15 000 000 (o‘n besh million) so‘m;
II o‘rin — 10 000 000 (o‘n million) so‘m;
III o‘rin — 5 000 000 (besh million) so‘m.
Tanlov materiallari
@nomoreofus
telegram profili orqali 27-mart kuni soat 23:59 ga qadar qabul qilinadi.
Barcha baxshichilik san'ati ixlosmandlari hamda soha vakillarini mazkur tanlovda faol bo'lishga chorlab qolamiz
.
“Baxshi bola” — milliy meros va zamonaviy texnologiyalar uyg‘unligidagi yangi bosqich sari muhim qadamdir.
Telegram
|
Instagram
|
Facebook
| Veb-sayt
|
YouTube
⚡️
Prezidentga “Qoʻqon Ushshogʻi” ashulasi ijro etib berildi
Prezident Shavkat Mirziyoyev Termiz shahrida barpo etilgan etnoshaharchaga tashrif buyurdi.
Tashrif davomida davlat rahbariga O'zbek milliy maqom san'ati markazi Surxondaryo viloyati hududiy maqom ansambli tomonidan “Qoʻqon Ushshogʻi” ashulasi ijro etildi.
📱
Telegram
l
📱
Instagram
l
📱
Facebook
l
📱
Youtube
l
🔸
Nomoddiy madaniy meros amaliyoti
⚡️
Afg‘onistonda qadimdan davom etib kelayotgan
ramazonxonlik
an’anasi
ramazon oyi
ning ma’naviy-ruhiy muhitini jonlantiruvchi muhim ijtimoiy-madaniy hodisalardan biridir. Ushbu urfga ko‘ra, bolalar va yoshlar ko‘chalarda diniy-ma’rifiy mazmundagi she’r va qo‘shiqlarni kuylab, xonadonma-xonadon yurishadi. Uy egalari esa ularni shirinlik, non yoki kichik sovg‘alar bilan siylaydi.
Mazkur an’ana ramazon oyida hamjihatlik, saxovat va mehr-oqibat qadriyatlarini mustahkamlashga xizmat qiladi. Ayniqsa, bolalar ishtiroki bu marosimning tarbiyaviy ahamiyatini yanada oshiradi — yosh avlod diniy-madaniy qadriyatlarni bevosita amaliy jarayon orqali o‘zlashtiradi.
Bugun ham ushbu urf Afg‘onistonning turli hududlarida saqlanib kelmoqda. Xususan,
Shimoliy Afg‘onistonning Taxor viloyati Xo‘ja Bahouddin tumanida
bolalar
o‘zbek tilida ramazon qo‘shiqlari
ni ijro etayotgani aks etgan videolavha
BBC Uzbek kanali
tomonidan e’lon qilindi.
Mazkur holat ramazonxonlik an’anasining mintaqaviy xususiyatlarini, shuningdek, o‘zbek tilining madaniy makondagi jonli qo‘llanilishini ko‘rsatadi. Bu kabi amaliy namoyishlar nomoddiy madaniy merosning chegaralardan qat’i nazar, avloddan-avlodga o‘tib yashab kelayotganini tasdiqlaydi.
Ramazonxonlik — diniy marosim doirasidan tashqariga chiqib, ijtimoiy birdamlik va madaniy xotirani mustahkamlovchi an’ana sifatida ham alohida e’tiborga loyiqdir.
#ramazonoyi
#ramazonxonlik
#nomoddiymadaniymeros
🌍
icrich.uz|
🕊
Telegram|
📱
Facebook|
📱
Instagram|
🕊
X|
📺
YouTube
Prezident va surxon baxshilari. Davlatimiz rahbari Termizdagi etnoshaharchada. @Sinchalak_blog