MARUZALAR KANALI
Қалбингиз чарчаган бўлса, бу сўзларни охиригача ўқинг
(давоми)
Ёлғизликдан қочиб, нотўғри инсонни танламанг
Агар ўзингизни ёлғиз ҳис қилсангиз, шунчаки ёнингизда кимдир бўлиши учун ҳар қандай инсонга боғланиб қолманг.
Баъзан нотўғри инсоннинг ёнингизда бўлиши — ёлғизликдан ҳам оғирроқ.
Аллоҳга яқинлашинг.
Яхши, солеҳ инсонлар даврасини изланг.
Ишончли инсон билан дардлашинг.
Ҳамма оғирликни бир ўзингиз кўтаришга уринманг.
Аллоҳ таоло айтади:
«Огоҳ бўлингизким, қалблар фақат Аллоҳнинг зикри билангина ором олур».
Балки енгиллик аллақачон бошлангандир...
Сиз:
«Аллоҳ қачон кунимни ёритаркин?»
деб кутаётгандирсиз.
Аммо бир ўйлаб кўринг:
Балким, енгиллик аллақачон бошлангандир?
Балким, ташқи шароитингиз ҳали ўзгармагандир, лекин
ўзингиз ўзгаргандирсиз.
Илгаригидан кўра Аллоҳга яқинроқ бўлдингиз.
Сабр қилишни ўргандингиз.
Неъматларнинг қадрини англадингиз.
Ким билан юриш ва кимдан узоқлашиш кераклигини тушундингиз.
Ўзингизни яхшироқ танидингиз.
Баъзан Аллоҳ аввал ҳаётимизни эмас, ўзимизни ўзгартиради.
Чунки ташқи енгилликдан олдин ички куч керак бўлади.
Шунинг учун:
«Ҳеч нарса ўзгармади», деманг.
Яхшилаб қаранг.
Балким, кўп нарса ўзгаргандир.
Фақат сиз ҳали битта нарсани кутиб, қолган неъматларни кўрмай турган бўлишингиз мумкин.
Э
нди сизга энг муҳим гап...
Агар бугун қалбингиз оғриётган бўлса, ҳаётингизга ҳукм чиқаришга шошилманг.
Бир оғир кунга қараб бутун умрингизни баҳоламан.
Бир ёпилган эшикка қараб барча эшиклар ёпилди, деманг.
Бир инсоннинг муносабатига қараб ўз қадрингизни белгиламанг.
Бир гуноҳингизга қараб Аллоҳнинг раҳматидан умид узманг.
Бир кечиккан дуога қараб Раббингиз ҳақида ёмон гумон қилманг.
Сиз ҳали ҳикоянгизнинг охирини билмайсиз.
Бугун сизни йиғлатаётган нарса эртага сизга энг катта сабоқ бўлиши мумкин.
Бугун «нега?» деб сўраётган нарсангизга эртага:
«Энди тушундим. Аллоҳ нега буни кечиктирганини, нега баъзи нарсаларни олиб қўйганини энди англадим»,
деб шукр қилишингиз мумкин.
Шунинг учун дуода давом этинг.
Ҳаракатдан тўхтаманг.
Аллоҳга қайтишдан чарчаманг.
Ва қалбингиз жуда оғирлашган бир пайтда қўлингизни кўксингизга қўйиб, шундай денг:
«Ё Раббим, мен нима бўлаётганини тўлиқ тушунмаяпман.
Лекин Сенга ишонаман.
Мен натижани билмайман, Сен эса ҳаммасини биласан.
Мен йўлнинг охирини кўрмаяпман, Сен эса унинг барчасини кўриб турибсан».
Сўнг яна бир қадам ташланг.
Чунки ҳали ҳикоянгиз тугамади.
Балким, сиз бугун сабр билан ёзаётган саҳифаларингиз эртага ҳаётингизнинг энг гўзал саҳифаларига айланар.
Шунинг учун бугунги оғриққа қараб эртанги ҳаётингиздан умид узманг.
Сизнинг вазифангиз — дуода давом этиш, ҳаракат қилиш ва Раббингизга ишониш.
Қолганини эса Унга қўйиб беринг.
Чунки Аллоҳнинг сиз учун ёзган якунини ҳали кўрмагансиз.
Аллоҳ таоло муаммоларингизга чиройли ечимлар берсин.
Live stream finished (48 minutes)
Дарсга марҳамат
Live stream started
Live stream scheduled for
Sep 11 at 18:30
Тафсир дарсимиз 10 минутдан кейин бўлади, иншааллоҳ
Ассалому алайкум ва раҳматуллоҳи ва барокатуҳ, азизлар!
Ҳафталик тафсир дарсимиз, Аллоҳнинг инояти билан, бугун яна давом этади.
Бу фазилатли жума кунимиз янада унумли, баракотли ва фойдали ўтсин!
Бугунги жума дарсимиз:
— Стокголм вақти билан — 17:30
— Истанбул вақти билан — 18:30
— Тошкент вақти билан — 20:30
шу Телеграм канал орқали жонли эфирда бўлиб ўтади, иншааллоҳ.
Бугунги суҳбатимизда навбатдаги "Мулк
"
(Таборак) сураси ҳақида суҳбатлашамиз.
«Мулк» сураси оятлари ўзи ичига олган мавзуларнинг қисқача мазмуни:
🔹
Аллоҳнинг мутлақ ҳукмронлиги — бутун коинот Унинг қўлида, ҳаёт ва мамот ҳам Унинг иродаси билан.
🔹
Яратилишдаги мукаммаллик — осмонлар, юлдузлар, табиат ва инсоннинг ўзи Аллоҳнинг буюк қудратига далил.
🔹
Кофирлар ва мўминларнинг оқибати — охиратда ҳисоб-китоб бор, яхшилик ва ёмонлик жазосиз қолмайди.
🔹
Аллоҳнинг инъомлари ва инсоннинг ношукрлиги — ер, ризқ, кўз, қулоқ, ақл — ҳаммаси Аллоҳдан, лекин инсон кўпинча шукр қилмайди.
Марҳамат қилинглар!