Sport vazirligi
Olimpiya shaharchasida “China CAMC Engineering” vakillari bilan uchrashuv o‘tkazildi
Davlatimiz rahbari tashabbuslari bilan bunyod etilgan va mamlakatimiz sporti tarixidagi eng yirik majmualardan biri hisoblanadigan Olimpiya shaharchasida Sport vaziri Adkham Ikramov, Sinomach korporatsiyasi vitse-prezidenti, “China CAMC Engineering Co., Ltd.” kompaniyasi vakili Shey Juyxun, Sinomach korporatsiyasi prezidenti yordamchisi, “China CAMC Engineering Co., Ltd.” kompaniyasi boshqaruvi raisi Van Bo, Sinomach korporatsiyasi faoliyatini boshqarish departamenti bosh direktori Chan Yu, “China CAMC Engineering Co., Ltd.” kompaniyasi vitse-prezidenti Liu Shengcheng hamda kompaniya mutasaddi rahbarlari, shuningdek MOQ raisining birinchi o‘rinbosari Otabek Umarov, Sport vaziri o'rinbosari Avaz Karimov, Milliy olimpiya qo‘mitasi bosh kotibi Oybek Kasimov va O'zbekiston Respublikasi Dzyudo federatsiyasi raisi Azizjon Kamilov ishtirokida uchrashuv o‘tkazildi.
Uchrashuv davomida Olimpiya shaharchasida joylashgan zamonaviy sport obyektlari, sportchilar uchun yaratilgan shart-sharoitlar hamda majmua infratuzilmasidan samarali foydalanish masalalari muhokama qilindi.
Shuningdek, shaharchadagi ma’muriy bino va markaziy o‘yingoh hududida tashkil etilishi rejalashtirilayotgan muzey loyihalari yuzasidan fikr almashildi. Muzey ekspozitsiyalarini shakllantirish, Olimpiya harakati tarixini aks ettiruvchi materiallarni joylashtirish va tashrif buyuruvchilar uchun zamonaviy ko‘rgazma maydonlarini yaratish masalalari ko‘rib chiqildi.
Tadbir yakunida Olimpiya shaharchasi loyihasining muvaffaqiyatli amalga oshirilishiga qo‘shgan hissasi uchun “China CAMC Engineering Co., Ltd.” kompaniyasiga maxsus sertifikat topshirildi.
Web-Sayt
|
Telegram
|
Facebook
|
Instagram
|
Youtube
Respublika ishchi guruhi Pop tumanida o‘rganish ishlarini amalga oshirmoqda
Respublika ishchi guruhi Namangan viloyatining
Pop tumanida
bo‘lib, hududda jismoniy tarbiya va sport sohasini yangi bosqichga olib chiqish, ommaviy sportni rivojlantirish hamda mavjud sport infratuzilmasidan samarali foydalanish borasida amalga oshirilayotgan ishlar bilan yaqindan tanishdi.
Tashrif davomida ishchi guruh a’zolari
Pop tuman sport maktabi
faoliyatini o‘rganib, sportchi yoshlar uchun yaratilgan zamonaviy shart-sharoitlar, sport zallari va o‘quv-mashg‘ulot jarayonlarini ko‘zdan kechirdi.
Shuningdek, sport maktabida o‘tkazilayotgan
erkin kurash
,
boks
va
para stol tennisi bo‘yicha musobaqalar
, shuningdek,
gimnastika mashg‘ulotlari
bilan yaqindan tanishilib, yosh sportchilarning tayyorgarlik darajasi va ularga yaratilgan imkoniyatlar baholandi.
Mazkur o‘rganishlarda
Pop tumani hokimi G‘ulomjon Murodxo‘jayev
ham ishtirok etib, tumanda sportni rivojlantirish, yoshlarni sog‘lom turmush tarziga keng jalb etish hamda sport infratuzilmasini yanada takomillashtirish borasida amalga oshirilayotgan ishlar yuzasidan ma’lumot berdi.
Bundan tashqari, ishchi guruh a’zolari tumandagi
67-sonli umumiy o‘rta ta’lim maktabi
da ham bo‘lib, o‘quvchi-yoshlar uchun tashkil etilgan yozgi dam olish maskanida jismoniy tarbiya va sport bilan muntazam shug‘ullanishlari uchun yaratilgan sharoitlarni o‘rgandi.
O‘quvchilarning bo‘sh vaqtini mazmunli tashkil etish, ularning sportga bo‘lgan qiziqishini oshirish hamda sog‘lom turmush tarzini targ‘ib etish bo‘yicha olib borilayotgan ishlar yuqori baholandi.
Respublika ishchi guruhining Namangan viloyatidagi o‘rganish ishlari izchil davom etmoqda. Bunday tashriflar hududlarda sport tizimini yanada rivojlantirish, yoshlarni ommaviy sportga keng jalb etish va sog‘lom avlodni tarbiyalash yo‘lidagi muhim qadamlardan biridir.
Web-Sayt
|
Telegram
|
Facebook
|
Instagram
|
Youtube
Respublika ishchi guruhining Namangan viloyatidagi oʻrganishlari davom etmoqda
Sport vazirligi bo'lim boshlig'i Navruz Shoymardonov, O‘zbekiston Milliy Paralimpiya qo‘mitasi vakili Bahodir Hamdamov hamda tuman hokimi o'rinbosari Ikrom Parpiyevlar tomonidan To‘raqo‘rg‘on tumanidagi gimnastika va kurash bazalarida sportchilar uchun yaratilgan shart-sharoitlar hamda mashg‘ulotlar sifati o‘rganildi.
Sportchi yoshlar, trenerlar va ota-onalar bilan uchrashuv o‘tkazilib, mavjud imkoniyatlar va sport natijadorligini oshirish masalalari muhokama qilindi.
Tuman kurash maktabi tarbiyalanuvchilari Sharibjanov Shermuhammad (U-23 Osiyo chempioni) va Sharibjanov Oybek (bir necha karra O‘zbekiston chempioni) erishayotgan yutuqlar alohida e’tirof etildi.
Tashrif yakunida sport infratuzilmasini yanada rivojlantirish, yoshlarni sportga keng jalb etish va yuqori natijadorlikni ta’minlash bo‘yicha tavsiyalar berildi.
Web-Sayt
|
Telegram
|
Facebook
|
Instagram
|
Youtube
Murad Ismailov Termizda sayyor qabul o‘tkazdi
Termiz olimpiya va paralimpiya sport turlariga tayyorlash markazida Sport vaziri o‘rinbosari Murad Ismailov ishtirokida sayyor qabul bo‘lib o‘tdi.
Qabul davomida sport sohasi vakillari, murabbiylar, sportchilar va fuqarolar tomonidan bildirilgan murojaatlar tinglandi. Sport infratuzilmasini rivojlantirish, sportchilarga yaratilayotgan sharoitlarni yaxshilash hamda mavjud muammolarni hal etish yuzasidan mas’ullarga tegishli topshiriqlar berildi.
Shuningdek, sayyor qabulga Zoom platformasi orqali viloyatdagi barcha sport maktablari ham qabul jarayoniga ulandi. Shu orqali hududlardagi murabbiylar va sport sohasi mutaxassislari o‘z fikr-mulohazalari hamda takliflarini to‘g‘ridan-to‘g‘ri yetkazish imkoniga ega bo‘ldi.
Muloqot davomida sport ta’limi sifatini oshirish, yosh iste’dodlarni qo‘llab-quvvatlash va sport obyektlaridan samarali foydalanish masalalari atroflicha muhokama qilindi.
Web-Sayt
|
Telegram
|
Facebook
|
Instagram
|
Youtube
Respublika ishchi guruhi tomonidan Namangan viloyatining Davlatobod, Namangan tumanlari hamda Namangan shahrida oʻrganish ishlari davom etmoqda.
Ma’lumki, 2021–2022- yillarda
“Paralimpiya harakatini mahalladan boshlaymiz!”
shiori ostida Namangan viloyatida yo‘lga qo‘yilgan tajriba asosida
mahallabay
ishlash tizimini respublika miqyosida ommalashtirishga erishilgan edi.
O‘sha davrlarda paralimpiya sporti bilan shug‘ullanuvchi sportchilar soni unchalik ko‘p emasdi.
Biroq mahallalargacha kirib borgan tizimli ishlar, iqtidorli yoshlarni aniqlash va ularni qo‘llab-quvvatlash natijasida bugun sportchilar qamrovi sezilarli darajada kengaydi.
Respublika ishchi guruhi tomonidan sportchilarning natijadorligini oshirish borasida ham mas’ullarga tegishli tavsiyalar berilmoqda
Web-Sayt
|
Telegram
|
Facebook
|
Instagram
|
Youtube
Sport vaziri o‘rinbosari Murad Ismailov Surxondaryo viloyatida sport infratuzilmasini o‘rgandi
Sport vaziri o‘rinbosari Murad Ismailov xizmat safari doirasida Termiz shahridagi “Manguzar” MFY hududida joylashgan futbol maydonini rekonstruksiya qilish jarayoni bilan tanishdi. Obyektda olib borilayotgan qurilish-ta’mirlash ishlari ko‘zdan kechirilib, sportchilar va aholi uchun zamonaviy sharoitlar yaratish yuzasidan mas’ullarga tegishli topshiriqlar berildi.
Shundan so‘ng Termiz shahrida joylashgan ta’mirtalab ochiq suzish havzasi holati o‘rganildi. Mazkur inshootni qayta tiklash masalasi yuzasidan Termiz davlat universiteti rektori Abduqodir Toshqulov bilan uchrashib, suzish havzasini davlat-xususiy sheriklik asosida rekonstruksiya qilingan holda foydalanishga topshirladigan bo‘ldi.
Xizmat safari davomida Termiz olimpiya va paralimpiya sport turlariga tayyorlash markazi faoliyati ham o‘rganildi. Markaz hududida bunyod etilayotgan kamondan otish zali hamda yangi suzish havzasida olib borilayotgan mashg‘ulot jarayonlari bilan yaqindan tanishildi.
Shuningdek, markazda faoliyat yuritayotgan boks, dzyudo, sport kurashlari va milliy kurash bo‘limlarida mashg‘ulot olib borayotgan sportchilar bilan uchrashib, ularga yaratilgan sharoitlar hamda o‘quv-mashg‘ulot jarayonlari ko‘zdan kechirildi. Yosh sportchilarning tayyorgarlik darajasi va erishayotgan natijalari yuzasidan murabbiylar bilan fikr almashildi.
Web-Sayt
|
Telegram
|
Facebook
|
Instagram
|
Youtube
Sport vazirligi ishchi guruhi tomonidan Namangan viloyati Kosonsoy tumanida o‘rganish ishlari olib borilmoqda
Sport vazirligi ishchi guruhi tomonidan Namangan viloyatida sport sohasini yanada rivojlantirish, ommaviy sportni keng targ‘ib etish hamda mavjud infratuzilmalardan samarali foydalanish yuzasidan o‘rganish ishlari izchil davom ettirilmoqda.
Ayni paytda ishchi guruh Namangan viloyatining
Kosonsoy tumanida
bo‘lib, hududdagi sport muassasalari va sport obyektlari faoliyati bilan yaqindan tanishmoqda.
Xususan, ishchi guruh tomonidan
Kosonsoy tumani Sport shtabi
faoliyati, sport majmualarida olib borilayotgan o‘quv-mashg‘ulot jarayonlari hamda
18-sonli umumta’lim maktabi
hududida bunyod etilgan zamonaviy sport maydonchasida tashkil etilgan mashg‘ulotlar ko‘zdan kechirildi.
O‘rganishlar davomida yoshlarni sportga keng jalb etish, aholi o‘rtasida sog‘lom turmush tarzini ommalashtirish, sport inshootlaridan samarali foydalanish va ularning faoliyatini yanada takomillashtirish masalalariga alohida e’tibor qaratildi.
Shuningdek, hududlarda sportni rivojlantirish, iste’dodli yoshlarni qo‘llab-quvvatlash hamda ommaviy sportni yangi bosqichga olib chiqish bo‘yicha amalga oshirilayotgan ishlar yuzasidan tegishli tavsiya va takliflar bildirildi.
Respublika ishchi guruhining Namangan viloyatidagi oʻrganish ishlari davom etmoqda!
Web-Sayt
|
Telegram
|
Facebook
|
Instagram
|
Youtube
Norinda ommaviy sport rivoji o‘rganilmoqda
Sport vazirligi mas’ul xodimlaridan iborat ishchi guruh Norin tumanida aholi o‘rtasida ommaviy sportni rivojlantirish borasida amalga oshirilayotgan ishlar bilan tanishmoqda.
O‘rganishlar davomida tuman sport maktabi, sog‘lomlashtirish oromgohlari va mahallalarda yaratilgan shart-sharoitlar ko‘zdan kechirilib, sport infratuzilmasi hamda yosh sportchilarning mashg‘ulot jarayonlari o‘rganildi.
Shuningdek, sportchilar bilan muloqot o‘tkazilib, ularning fikr va takliflari tinglandi.
Ishchi guruh tomonidan tuman shtabi faoliyati va yuritilayotgan hujjatlar ham tahlil qilinib, ish samaradorligini yanada oshirish bo‘yicha tegishli tavsiyalar berildi.
Web-Sayt
|
Telegram
|
Facebook
|
Instagram
|
Youtube