Mirzodan maktub

Mushuk yashillikni, yaproqlarni kuzatmoqda.
Navoiy koʻchasi.
Siz ham kuzatuvchanlikni qoʻymang. Goʻzallikni his eting.
Oʻrdada esa baxt yuribdi.
@mirzodanmaktub

“Memdan qolding — eldan qolding” degan ekan ulugʻlar
👇🏻
@mirzodanmaktub

Harvard sahifasida oʻzimiznikilar
🇺🇿
🇺🇿
🇺🇿
@mirzodanmaktub

Bugun Milliy kutubxonada Jonatan Haidtning “Behalovat avlod” (Anxious Generation) asari yuzasidan bo‘lib o‘tgan suhbatda qatnashdim.
Kitobni varaqlashga endigina kirishyapman, lekin unga qadar Black Mirror qismlarida, Cal Newportning “Raqamli Minimalizm” (Digital Minimalism) kitoblaridan bu mavzu anchagina tanish boʻlib qolgan — shovqinli dunyomizda inson o‘zini va xotirjamligini qayta topishi uchun bunday asarlar (tahlillar, ilmga asoslangan) havodek zarur.
Ijtimoiy tarmoqlar, FOMO va cheksiz dopamin quvish ortidan kelayotgan o‘sha ichki bezovtalik hammamizni biroz charchatgani rost. Bu asar shunchaki tadqiqot emas, balki raqamli girdobda filtrsiz axborot oqimi ichida qolgan avlod uchun bir yo‘lchi yulduzdek tuyuldi. Raqamli gigiyena va yoshlar tarbiyasida choralar ko‘rish vaqti allaqachon kelganini ushbu kitob yana bir bor eslatib qo‘yadi.
Shunday dolzarb mavzuni o‘zbek tilida professional tarzda jaranglatgan Sardor aka Salim, Xurshid aka Yo‘ldoshev va Farengeyt Press —
@farengeyt_press
jamoasiga, shuningdek, bugun yelkadosh bo‘lib yoningizda turgan Qamar Books jamoasiga ham samimiy rahmatimni aytaman.
Sifatli tarjima va puxta tahrir orqali kitobxonlarimizga shunday muhim manbani yetkazganingiz tahsinga, yanayam ko‘proq muhokamalar, mutolaalarga loyiq. Mehnatingiz va professional yondashuvingiz bardavom bo‘lsin. Aytgancha, barcha-barchaga Butunjahon kitob kuni qutlug‘ bo‘lsin!
@mirzodanmaktub

Yomgʻir sharros quyib oʻtgach, toza havoda ona zaminning, tabiatning ahamiyatini yanayam chuqurroq his etish mumkin
🌱
💚
🌳
Bu koʻklam oʻzgacha boʻlyapti
🙌🏻
Kuningiz xayrli oʻtsin, azizlar
@mirzodanmaktub

Instagramgayam
oʻtib, ulashib kelarsizlar, yaxshilar
🙌🏻
Fayl shaklida quyida yuborib qoʻyaman. Muallifga hurmat saqlagan holda foydalanasiz degan umiddaman
💚

Bugun bir ukamiz qatori yigitcha “Toza havoga xoʻjayin boʻlib oʻtiribsizmi?” deb qoldi soʻrashganimizda. Bunday gaplar tez-tez qulogʻimga chalinadi. Tanishlar, qarindoshlar, turli davralarda. Asosan frilansda ishlab kelaman-da, masalan. Qaysi loyihada, nimalar qilayotganim koʻpincha ovozasiz qoladi.
Aslida shu kunlarda hamma qayergadir shoshgan, o‘zining ijtimoiy maqomini isbotlash poygasida. Atrofimiz kimning loyihasi yirikroq, kim o‘zini ko‘proq “startapchi” va kashfiyotchi qilib ko‘rsata olishi boʻyicha tinimsiz musobaqaga aylanib qolgan. Go‘yo zamonaviy muvaffaqiyatning yagona o‘lchovi — bu baland ovoz, natijadorlik effekti va atrofdagilarning e’tirofidan iboratdek.
Ammo shu shovqinli poygada qatnashishni istamasangiz-chi? Agar sizga e’tibor markazida boʻlishdan koʻra, tinchgina ishlash, frilans hayoti va ruhiy xotirjamlik muhimroq bo‘lsa, “qolipli” muhit buni osonlikcha hazm qilolmaydi. O‘zini poyga peshqadami sanaydiganlar nazdida siz shunchaki “toza havoga xo‘jayin”siz.
Sizga qaratilgan hazilnamo kinoyalar, farosatsizlikka yoʻgʻrilgan munosabat zamirida, aslida, o‘zlari kabi yugurmayotgan,
boshqalarning tasdigʻiga muhtoj boʻlmagan erkin insonni qabul qilolmaslik dardi
yotadi.
Aslida, muvaffaqiyat bir xil andazada bichilmaydi. Kimgadir doimiy diqqat markazida bo‘lish, baland minbarlarda gapirish zavq bersa, kimgadir hech qanday bosimlarsiz, o‘zi sevgan ishni sokinlikda sifatli bajarish chinakam baxtdir. Frilans — bu qochish emas, aksincha, o‘z vaqti, kuchi va halovatini soxta ko‘rgazmalarga qurbon qilmaslik tanlovidir. Biz kimgadir “zo‘r” ko‘rinish uchun yashamaymiz.
Har kim o‘z manzili sari o‘zi xohlagan usulda borishga haqli. Baland ovoz bilan yuradiganlar o‘z marralari sari chopaverishsin, yo‘llari bexatar bo‘lsin, lekin bir oddiy haqiqat bor: chinakam xotirjamlik doim ham atrofdagilarning qarsagi bilan tasdiqlanmaydi. Aksariyat hollarda u sokinlikda, birovlarning e’tirofisiz ham, o‘z yo‘lidan indamay, munosib borayotgan insonning ichki halovatida yashirin boʻladi.
@mirzodanmaktub

Shu kunlardan
ba’zi suratlar
📷
Agar hali yaponlarning “Koʻngildagidek kunlar” (Perfect Days) filmini koʻrmagan boʻlsangiz, koʻrib qoʻying. Bahorni oʻzgacharoq his etasiz.
Tabiatni sevaylik. Daraxtlarni asraylik.
@mirzodanmaktub

Sizning ham hayolingizga kelgan savollar:
-
Gashtak podcast nima?
- Nega bunday atalgan?
- Maqsadlari qanday?
Barchasining javobi ushbu videoda!
Obuna bo’lishni va yaqinlaringizga ulashishni unutmang!
📱
Instagram |
📹
YouTube

Bu sovuqlarda issiqroq kiyinib yuringlar, azizlar
🌧️
https://t.me/toqsonbeshchoy/1212
@mirzodanmaktub