Muslimbek Abdurahimov

Amerika biznesining O‘zbekistonga qiziqishi ortmoqda
Prezident Administratsiyasi rahbari Saida Mirziyoyeva AQSH savdo vaziri o‘rinbosari Devid Fogel bilan
uchrashuv o‘tkazdi.
Tomonlar O‘zbekiston va AQSH o‘rtasidagi savdo-iqtisodiy hamkorlik, investitsiyalar va yangi sheriklik yo‘nalishlarini muhokama qildilar.
Suhbat chog‘ida Amerika biznesining O‘zbekistondagi investitsiyaviy va infratuzilmaviy loyihalarga qiziqishi ortib borayotgani qayd etildi. Shuningdek, Amerika–O‘zbekiston ishbilarmonlik va investitsiya kengashining ikki mamlakat tadbirkorlari o‘rtasidagi amaliy hamkorlikni rivojlantirishdagi o‘rni muhokama qilindi.
👉
@Muslimbek_Abdurahimov

Milliy qo‘g‘irchoq teatri o'zining asl ruhiga qaytmoqda
Toshkentning o‘ziga xos me’moriy durdonalaridan biri hisoblangan O‘zbek Milliy qo‘g‘irchoq teatri yana o‘zining yorqin va tarixiy ruhi bilan namoyon bo‘lmoqda. Maskanda olib borilgan rekonstruksiyaning birinchi bosqichi yakunlanib, madaniy hayotimizdagi muhim voqealardan biriga aylandi. Kuni kecha sahnada namoyish etilgan “Xalifa Laylak” spektakli san’at ixlosmandlariga ulkan estetik zavq bag‘ishladi.
Loyiha davomida bino arxitekturasining o‘ziga xosligi va asrlar osha kelayotgan ruhiyatini asrab qolish asosiy maqsad qilib olindi. Xususan, noyob shisha plafonlar, peshtoq kompozitsiyalari, betakror mozaikalar hamda karnay chalayotgan sozandalar siymosi to‘liq tiklandi. Teatr o‘zining asl qiyofasini saqlab qolgani va yana o'z faoliyatini boshlagani haqida Prezident Administratsiyasi rahbari Saida Mirziyoyeva ham o‘z sahifasida alohida mamnuniyat bilan aytib o‘tdi.
👉
@Muslimbek_Abdurahimov

Saida Mirziyoyeva MAGATE bosh direktori Rafael Grossi bilan uchrashdi
Prezident Administratsiyasi rahbari Saida Mirziyoyeva Xalqaro atom energiyasi agentligi (MAGATE) bosh direktori Rafael Grossi bilan
uchrashuv o‘tkazdi.
Rafael Grossi O‘zbekistonga Jizzax viloyatida atom elektr stansiyasi qurilishining boshlanishiga bag‘ishlangan marosimda ishtirok etish uchun tashrif buyurdi.
Uchrashuv davomida O‘zbekiston va MAGATE o‘rtasidagi hamkorlikning ustuvor yo‘nalishlari muhokama qilindi. Xususan, milliy yadro energetikasi infratuzilmasini shakllantirish, yadroviy tibbiyotni rivojlantirish hamda soha uchun malakali kadrlar tayyorlash masalalariga alohida e’tibor qaratildi.
Tomonlar atom energetikasidan tinch maqsadlarda foydalanish, zamonaviy texnologiyalarni joriy etish va xalqaro hamkorlikni yanada kengaytirish muhimligini ta’kidladilar.
👉
@Muslimbek_Abdurahimov

Samarqandda Global ekologik jamg‘armaning 8-Assambleyasi o‘z ishini boshladi
Tadbirda Prezident Shavkat Mirziyoyevning tabrik so‘zlari Saida Mirziyoyeva tomonidan
o‘qib eshittirildi
. Forum iqlim o‘zgarishi, ekologik xavfsizlik va barqaror rivojlanish masalalarini muhokama qilish uchun muhim xalqaro maydonga aylandi.
Assambleya doirasida o‘tkazilgan “Eco Expo Central Asia-2026” ko‘rgazmasida “yashil” loyihalarni qo‘llab-quvvatlash maqsadida 80 million dollarlik grantlar hamda 520 million dollardan ortiq investitsiyalarni jalb etish bo‘yicha kelishuvlar imzolandi.
Ayni paytda forum va ko‘rgazmada dunyoning 180 mamlakatidan 8,5 mingdan ortiq mutaxassis ishtirok etmoqda. Bu esa O‘zbekistonning global ekologik kun tartibidagi o‘rni va nufuzi tobora mustahkamlanayotganini yana bir bor tasdiqlaydi.
👉
@Muslimbek_Abdurahimov

Nima deyishni bilmadim...
❗️
Jaloliddin Manguberdi tezyurar poyezdlari uchun o‘rnatilgan to‘siqlarni odamlar tovuqlarga katak qilaman deb kesib olib ketishayotgan ekan.
👉
@Muslimbek_Abdurahimov

XXI asrning eng katta xavfi nima?
XXI asrda yashab turib, nega oʻzimizni xavfsiz his qilmayapmiz? Saida Mirziyoyeva BMT sammitida global muammolarni ochiqchasiga aytdi.
“Uyushgan jinoyatchilik global, raqamli, moslashuvchan va tobora koʻrinmas boʻlib bormoqda. Shu bilan birga, jamiyatlar, ayniqsa, xavotir, dezinformatsiya, qaramlik, zoʻravonlik va yolgʻizlik davrida oʻsayotgan yoshlar uchun yanada zaiflashib bormoqda. XXI asrda xavfsizlikni faqat qoʻrquv, izolyatsiya yoki reaksiyalar orqali qurib boʻlmaydi. U barqaror institutlar, maʼrifatli jamiyatlar, xalqaro hamkorlik va inson qadr-qimmati orqali qurilishi kerak
”, – dedi Prezident Administratsiyasi rahbari.
👉
@Muslimbek_Abdurahimov

Saida Mirziyoyeva YI bilan hamkorlik masalasida Avstriya Federal kansleri bilan uchrashdi
Prezident Administratsiyasi rahbari Saida Mirziyoyeva Avstriya Federal kansleri Kristian Shtoker bilan ikki mamlakat o‘rtasidagi munosabatlarni har tomonlama rivojlantirishni atroflicha muhokama qildi.
Bundan tashqari uchrashuvda O‘zbekistonning Yevropa Ittifoqi bilan o‘zaro aloqalarini kuchaytirishga ham alohida
e’tibor qaratilgan.
Mirziyoyevaning so‘zlariga ko‘ra, ikki davlat o‘rtasidagi hamkorlikni kengaytirishdan har ikki tomon ham manfaatdor.
👉
@Muslimbek_Abdurahimov

O‘zbekistonda bolalar uchun xavfli o‘yinchoqlar sotilayotgani aniqlandi
❗️
Xitoyda ishlab chiqarilgan ushbu o‘yinchoqlarda nafas yo‘llari, ko‘z va teriga salbiy ta’sir ko‘rsatishi, allergik reaksiyalarni kuchaytirishi mumkin bo‘lgan formaldegid miqdori me’yordan yuqoriligi aniqlangan.
👉
@Muslimbek_Abdurahimov

Saida Mirziyoyeva “Fitch Ratings” xalqaro agentligi O‘zbekiston reytingi prognozini “barqaror”dan “ijobiy”ga yaxshilaganini ma’lum qildi.
Bu xalqaro investorlar tomonidan mamlakatimizga bildirilgan yuksak ishonch belgisidir. Mamlakatimizning suveren kredit reytingini oshirish bo‘yicha ishchi guruh rahbari sifatida alohida ta’kidlamoqchimanki, biz hamkorlarimiz bilan faol aloqalarni davom ettiramiz. Strategik maqsadimiz — 2030-yilga qadar yurtimiz reytingini “investitsiyaviy” darajaga
olib chiqish
.
👉
@Muslimbek_Abdurahimov

YXHT O‘zbekiston tashabbuslarini qo‘llab-quvvatlashga tayyor
Saida Mirziyoyeva YXHT Bosh kotibi Feridun Sinirlio‘g‘lu bilan uchrashdi. Muloqot davomida xavfsizlik, raqamli texnologiyalar, sun’iy intellekt, yoshlar siyosati, gender tengligi va sud-huquq tizimini isloh qilish masalalari yuzasidan hamkorlik istiqbollari ko‘rib chiqildi.
Feridun Sinirlio‘g‘lu YXHT O‘zbekiston bilan konstruktiv hamkorlikni davom ettirish va mamlakat tashabbuslarini qo‘llab-quvvatlashga tayyor ekanini
bildirdi.
👉
@Muslimbek_Abdurahimov