Muvaffaqiyat Sirlari

Buni aytmasam bo'lmaydi.
Ramazon oyi kirishi bilan bir narsa haqida yozsammi yoki yozmasammi deb rosa o'ylandim. Axiri bugun qaror qildim.
Bilasiz ro'za og'iz ochishdan oldin duolar ijobat bo'ladi. Ko'p eshitganmiz to'g'rimi?
O'tgan yili Ramazon oyi edi. Dadam va onam tashqarida men uyga kirdim soatga qarasam og‘iz ochiga 2-3 daqiqa qolgandi.
O'sha paytlarda namozlarimda kamchilik bo'layotgandi, ya'ni, o'qish ish bilan bo'lib to'liq o'qiy olmayotgandim.
Ichimda g'ashlik, o'zimni o'zim yeb yuripman. Qo'limni duoga ochdim. Ichimdagi "Og'iz ochishdan oldingi duolar albatta ijobat bo'ladi "degan gapga ishonch hissi shu darajada yuqori ediki sizlarga buni tushuntirib bera olmayman.
Ey Allohim, meni kechirgin. Gunoh ko'p qilib qo'yyapman. Ofiyat (qalb xotirjamligi) bergin. Namozlarim chola bo'lib ketyapti, yo Allohim o'zing 5 vaqt namozni o'qishimga yordam bergin, tushimga kirgizgin....
Yig'layapman, ko'zimda yosh. Duoyim ijobat bo'lishiga ISHONCH juda ham kuchli.
Ovqatlandik uxlashga yotdim.
Tush ko'ryapman.
Yerda tik turibman atrofimda hech narsa yo'q, tep-tekis joy. Quyosh ham yo'q, lekin qorong’u emas.
Osmondan g'ira shira parda tushdi va yo'qolib qoldi. Va qarshimda oppoq kiyimda kimdir paydo bo'ldi. Oyog'i yerga tegmayapti, qo'lida kitob turibdi va kitob ochiq edi.
Ey G'ayrat, senga Alloh Taolo aytyapti Peshin Namozi 4 rakat sunnat bilan boshlanadi Fotiha surasini o'qiysan, 4 rakat farz va 2 rakat sunnat o'qiysan.
Va yana g'ira-shira parda bir ko'rinib orqasidan yana o'sha kimsa paydo bo'lib Asr Namozi haqida gapirdi.
Shu tarzda 5 vaqt namozning barchasi haqida gapirdi va yo'q bo'lib qoldi. Qarasam saxarlik vaqti bo'libdi onam uyg'otyapti.
O'tiribman muzlab qolganman, hayolimda faqat Ey G'ayrat, Alloh Taolo aytyapti...
Duoyim ijobat bo'lgandi.
Ishonib duo qilsangiz albatta ijobat bo'ladi do'stlar.
Ayni vaqti. Ayni Ramazon oyida turipmiz. Duolar ijobat bo'ladigan oy. Shubha qilmasdan, ishonch bilan so'rang.
Alloh tutayotgan ro'zalarimizni qabul qilsin.

Ramazon Muborak!

Butun musulmonlarga vasiyatim:
Hech qachon Alloh Taolodan o'zgasiga muhtoj bo'lmang. Namozlarga e'tiborli bo'ling, ba'zi ishlarni deb namozlarni orqaga sursangiz, ishingiz ham orqaga ketaveradi.
Qattiq ishlang, izlaning, ilm oling, boy bo'ling. Sultonlarga ham shu gap. Agar xalq va sulton birlashsa, davlat boy bo'lsa, boshqa mamlakatga bo'yin egmaydi.
Musulmonlar bir tanu bir jon bo'lsa, hech qachon Islom dini taxqirlanmaydi. Ilmdan, yangilik yaratishdan, birovga yordam qiladigan darajada boy bo'lishdan, jang san'atini puxta egallashdan erinmang.
Sizning birligingiz, boyligingiz, ilmingiz, kuchingiz musulmonlarni ezilishlardan qiyomatgacha asraydi. Agar aksi bo'lsa, Islom dini oyoq osti, Musulmonlar butun olamga yomonotliq bo'ladi.
Vasiyatimga amal qilishingizni iltimos qilaman.
Abdulloh ibn Muborak
@muvaffaqiyat_sirlari_tg

Alloh Taolo bizni o'yin-kulgu uchun yaratmagan.

Kunimni qanday rejalashtiray?
- Xudo xohlasa ilmdan ortgan vaqtimdagina tijorat qilaman, ammo kunimni qanday rejalashtirishga xayronman.
- Kuningni mendek rejalashtir, ammo uxlashni tark etma. Senga bir savolim bor. Qo'ylar nima uchun ko'payib ketishini bilasanmi?
- Bilmayman, ustoz.
- Qo'ylar tuni bilan uxlab sahar vaqti uyg'oq bo'ladi. Ma'rab egasini uyg'otadi. Ular quyoshni uyg'otadi. Sen ham quyoshni uyg'otishdan to'xtama, chunki saxar vaqtida baraka bor.
- Endi kuningni rejalashtirishga kelsak, hozir ba'zi qilishing kerak bo'lgan ishlarni aytaman. Avvalo bomdodni o'qiganingdan so'ng kunlik zikrlaringni qil, Qur’oni Karim o'qi va hadisi sharif yodla.
Keyin tijorat qil. Peshin namozini o'qiganingdan keyin darslarimni tingla. Asrdan keyin yana tijoratinga qara, ulug'larni ziyorat qil. Shom o'qigach masjiddan chiqib uyinga bor va tafakkur qil.
Xuftondan olding bugungi kuningni hisob-kitob qil. Savobing ko'proqmi, gunohingmi aniqla. Dangsalik qilgan o'rinlaringni belgilab qo'y.
Fiqhni, Hadisi sharif sharhlashni, tafsirni o'rgan va iloji bo'lsa kitob yoz.
Undan so'ng ertangi kuningni rejalab ol. Rejalashtirishga ketgan vaqting kuningni tejab beradi. Xuftonni o'qigach o'rgangan bilimlaringni takrorla.
Taxoratli holda uxla.
Savdogarlar Ustozi
Imomi A'zamning Abdulloh ibn Muborakka o'giti
@muvaffaqiyat_sirlari_tg

Omad - omadsizlar qilishni istamagan ishni qilishingda.

Besh vaqt namozni o'rinlatib qo'ymagan odamning boshqa ishlarni qoyil qilishiga ishonmayman. Namozga ehtiyot bo'l.

Instagramni o'chirib yuborganimga yarim yildan oshdi.
Bugun esa YouTube ni ham o'chirib yubordim.
Nimadir o'rganaman deb kiryapman, ko'p videolar ko'ryapmanu ammo o'ylab qarasam amal qilmayotgan ekanman.
Video tayyorlasam ham joylayman va yana chiqib ketaman deb niyyat qildim.
Odatda bilgan narsalarimizga amal qilishimiz yetarli bo'ladi.
Biz shunchaki vaqtimizni bekorga sarflamayapmanku "xatyabi" video ko'rib nimadir o'rganyapman degan soxta illuziya bilan nafsimizni qondirib, haqiqiy qiladigan ishlarni qilmaymiz.
Hamma intizomli bo‘lish kerakligini, kitob o'qish kerakligini, diniga xizmat qilish kerakligini, kamroq instagram yoki youtube ko'rish kerakligini va yana ko'p narsalarni biladi.
Amaldachi...? Bu qiyinroq.
Shu sababdan o'zingizni va ichingizdagi bo'shliqni men yangi narsalar o'rganyapman degan fikr bilan aldamang.
Ijtimoiy tarmoqlardan faqat Telegram qoldi. Endi ko'proq yozsam kerak. Chunki shunisi foydaliroq ekan.
Men uchun.
Barchamiz uchun.

Yozishdan qo'rqmay qolguningcha yoz
O'zingni yozuvchi deb ataysanmi farqi yo'q. Yoshmisan, qarimisan, injinermi, o'qituvchimi, bekorchimi farqi yo'q.
Ko'proq yoz.
Sen xizmat ko'rsatadigan odamlar haqida, qilayotgan ishlaring haqida, qiyinchiliklaring haqida yoz.
Orzularing va qo'rquvlaring haqida yoz.
Tiniqlashtirish uchun yoz. O'zingni qiynash uchun yoz.
Doimiy yoz.
Yozish gapirishga o'xshamaydi, chunki yozish bu tartib va abadiylik.
Yozish seni mas'uliyatli qiladi.
Mas'uliyatli bo'lishni xohlamaysanmi?

Ba'zida qiyin kun bo'lsa o'zimga beradigan savollarim.
Iymoning bormi? Bor.
Oilang bormi? Bor
Qorning to'qmi? To'q.
Uying bormi? Bor.
Kiyiming bormi? Bor.
Ishing bormi, pul keladigan joy bormi? Bor.
Ko'zing ko'radimi? Ko'radi.
Qulog'ing eshitadimi? Eshitadi.
Qo'l va oyog'ing ishlaydimi? Ishlaydi.
Sog'lommisan? Albatta.
Qarzing bormi? Yo'q.
Gunohlaring bormi? Bor.
Alloh kechirishini bilasanmi? Bilaman.
Bunga harakat qilyapsanmi? Qilyapman.
Ho'o'o'o'sh.... unda nimaga siqilyapsan? Endi siqilmayapman.
Odatda kechki payt uxlashdan oldin ko'zimni yumamanda, shu savollarni o'zimga beraman.
Holatim o'zgaradimi? 100%