TO‘QIMACHILIK SANOATI INJINERINGI Fakulteti
Namangan davlat texnika universiteti Toʻqimachilik sanoati injineringi fakulteti olimlari xalqaro konferensiyada faol ishtirok etishdi.
Toshkent Davlat Texnika Universitetida o'tkazilayotgan
VI-International scientific-technical conference
INNOVATIVE
SOLUTIONS: SUSTAINABLE DEVELOPMENT IN AGRICULTURE AND FOOD INDUSTRY
mavzusida tashkil etilgan xalqaro konferensiya universitetimizning professor-o'qituvchilari ham faol ishtirok etmoqdalar.
"To‘qimachilik sanoati texnologiyasi" kafedrasi dotsenti
Xabibullo Papiyev
va "Metrologiya va standartlashtirish" kafedrasi dotsenti
Azimjon Abdullayevlar
ham o'zlarini ilmiy ishlanmalari bilan qatnashishdi.
Bundan tashqari xorijdan kelgan professor-o'qituvchilar bilan kelgusidagi hamkorlik masalalari yuzasida fikr almashib, yangi loyihalar va ilmiy izlanishlar bo'yicha o'zaro kelishuvlarni amalga oshirishyapti.
Olimlarimizning ilm yoʻllarida ulkan zafarlar tilaymiz!
🎨
✨
“San’at haftaligi” – ijod va ilhom bayrami!
To‘qimachilik sanoati injineringi fakulteti Dizayn ta’lim yo‘nalishi talabalari uchun “San’at haftaligi” doirasida professor-o‘qituvchilar bilan hamkorlikda Etyud mashg‘ulotlari tashkil etildi.
Mazkur ijodiy jarayon davomida talabalar ustozlar rahbarligida o‘z mahoratlarini sinab ko‘rish, yangi g‘oyalar ustida ishlash va tasviriy san’atning nozik jihatlarini o‘rganish imkoniga ega bo‘ldilar. Bunday mashg‘ulotlar yosh ijodkorlarning tasavvur doirasini kengaytirib, ularning badiiy didini yanada rivojlantirishga xizmat qiladi.
Ijod – cheksiz imkoniyatlar manbai!
🌿
🌟
"Nomingiz dillarda mangu yashaydi"- yurt sharafini yuksaltirganlar
To‘qimachilik sanoati injineringi fakultetida 9-may — Xotira va qadrlash kuni munosabati bilan “Vatan ravnaqi, tinchligi va himoyasi yo‘lida jon fido qilgan qahramonlar unutilmaydi” mavzusida ma’naviy-ma’rifiy tadbir tashkil etildi.
Tadbirda fakultet dekan o‘rinbosari
Sh. Xasanov
a va fakultet tyutori
D.Muxsinov
ishtirokida talabalar bilan mazmunli suhbat o‘tkazildi. Suhbat davomida ushbu sana mohiyati, ajdodlarimizning jasorati, Vatanga bo‘lgan sadoqat hamda bugungi tinch hayotimizning qadri haqida atroflicha fikrlar bildirildi.
✨
Bunday tadbirlar yoshlar qalbida vatanparvarlik tuyg‘ularini mustahkamlashga, ularni yurtga sadoqat ruhida tarbiyalashga xizmat qiladi.
Qirg‘iziston Respublikasida o‘tkazilgan
“AK BURA FASHION WEEK”
xalqaro moda haftaligida universitetimiz Dizayn ta’lim yo‘nalishi talabalari munosib ishtirok etishdi.
🎨
Dizayn talabalari xalqaro maydonda yurtimiz sharafini himoya qildi!
Qirg‘iziston Respublikasida o‘tkazilgan “AK BURA FASHION WEEK” xalqaro moda haftaligida
universitetimiz
Dizayn ta’lim yo‘nalishi talabalari munosib ishtirok etishdi.
👩🎓
Talabalar:
Azamova Ruxshona, G‘aniboyeva Xusnida, Abdulxatova Nazarxon va Mo‘minova Munisxon
o‘zlarining kreativ va zamonaviy liboslari bilan xalqaro sahnada yurtimiz nufuzini yana bir bor namoyon etdilar.
🏆
Ayniqsa,
Mo‘minova Munisxon
milliy an’analar va zamonaviy moda uyg‘unligida yaratilgan kolleksiyasi bilan faxrli
II o‘rinni
qo‘lga kiritdi hamda diplom va qimmatbaho sovg‘alar bilan taqdirlandi.
✨
Boshqa ishtirokchilar ham o‘z ijodiy ishlari bilan hakamlar va tomoshabinlar e’tiboriga sazovor bo‘lib, sertifikatlar bilan taqdirlandilar.
Ushbu yutuqlar Dizayn kafedrasida olib borilayotgan sifatli ta’lim va ijodiy yondashuvning yorqin natijasidir.
👏
Talabalarimizni ushbu muvaffaqiyat bilan tabriklaymiz va ularga kelgusida yanada katta zafarlar tilaymiz!
📢
YOSHLARNING KELAJAGIGA QADAM: CHUST TUMANIDA TARG‘IBOT TADBIRI.
Namangan davlat texnika universiteti To‘qimachilik sanoati injineringi fakulteti
Chust tumanidagi 1-son umumta’lim maktabida 11-sinf bitiruvchilari
uchun kasb tanlashga yo‘naltirilgan targ‘ibot tadbiri tashkil etildi.
Tadbirda fakultet dekani
J.S. Ergashev
boshchiligida
kafedra professor-o‘qituvchilari
ishtirok etib, yoshlarni oliy ta’limga jalb etish hamda ularni to‘g‘ri kasb tanlashga yo‘naltirish yuzasidan muhim ma’lumotlar taqdim etdilar.
Shuningdek, fakultetning mavjud imkoniyatlari, ta’lim yo‘nalishlari hamda talabalar tomonidan yaratilgan amaliy ishlanmalar namoyish etildi.
Tadbir davomida o‘quvchilar o‘zlarini qiziqtirgan savollarga batafsil javob olib, oliy ta’lim muassasasida yaratilgan sharoitlar bilan yaqindan tanishish imkoniga ega bo‘ldilar.
✨
Bunday targ‘ibot tadbirlari yoshlarning kelajakdagi muvaffaqiyatli yo‘lini belgilashda muhim ahamiyat kasb etadi.
📢
HAMKORLIK VA BANDLIK YO‘LIDAGI MUHIM QADAM
Namangan viloyatidagi yirik korxonalardan biri —
NT Holding Home Tekstil
vakillari
“To‘qimachilik sanoati injineringi”
fakultetiga tashrif buyurdilar.
Tashrifda korxonaning bosh texnologi —
Abdulboqi Mamadaliyev
va xodimlar bo‘limi yetakchi mutaxassisi —
Madinaxon Mirzaaxmedova
ishtirok etib, bitiruvchi talabalar bilan ochiq muloqot o‘tkazdilar.
Uchrashuvda bu yil bitiruvchilariga korxonadagi bo‘sh ish o‘rinlari, muhandis, smena brigadiri va ishlab chiqarish bo‘limlaridagi boshqa oliy ma’lumot talab etiladigan lavozimlar bo‘yicha takliflar bildirildi.
Korxonada mavjud sharoitlar haqida ma’lumot berildi. Jumladan:
oylik ish haqi 3 mln.dan 7 mln. so‘mgacha ekani,
har bir smena davomida ikki mahal issiq ovqat bilan ta’minlanishi,
xodimlar uchun kelib-ketish transporti yo‘lga qo‘yilgani ta’kidlandi.
Tashrif yakunida “To‘qima sanoati texnologiyasi”kafedrasida tahsil olayotgan 3-nafar bitiruvchi bilan mehnat shartnomalari imzolandi
.
🏐
🏓
SOG‘LOM TURMUSH TARZI — USTUVOR YO‘NALISH!
To‘qimachilik sanoati injineringi fakulteti o‘qituvchilari o‘rtasida sog‘lom turmush tarzini keng targ‘ib qilish, jismoniy faollikni oshirish hamda jamoaviy hamjihatlikni mustahkamlash maqsadida sportning voleybol va stol tennisi turlari bo‘yicha musobaqalar tashkil etildi.
Musobaqalar jarayonida ishtirokchilar o‘zlarining sport mahorati, chaqqonligi va jamoaviy ruhini namoyon etib, faol ishtirok etdilar. Bellashuvlar qiziqarli va murosasiz kurashlarga boy bo‘ldi.
Mazkur sport tadbiri nafaqat o‘qituvchilarning bo‘sh vaqtini mazmunli tashkil etishga, balki ular o‘rtasida sog‘lom raqobat va do‘stona muhitni yanada mustahkamlashga xizmat qildi.
📢
Targʻibot ishlari davom etmoqda
Namangan davlat texnika universiteti Toʻqimachilik sanoati injeneringi fakulteti
Dizayn kafedrasi
professor-oʻqituvchilari tomonidan Davlatobod tumanida joylashgan
27-maktab
bitiruvchi oʻquvchilari bilan uchrashuv oʻtkazildi.
Uchrashuv davomida oʻquvchilarga universitetda yaratilgan imkoniyatlar, taʼlim yoʻnalishlari, xususan dizayn sohasidagi istiqbolli kasblar haqida batafsil maʼlumotlar berildi. Shuningdek, abituriyentlar uchun yaratilgan sharoitlar va kelajakdagi kasbiy rivojlanish yoʻllari yuzasidan tushuntirish ishlari olib borildi.
Bunday targʻibot tadbirlari yoshlarni toʻgʻri kasb tanlashga yoʻnaltirishda muhim ahamiyat kasb etadi.