نوښتګر فکر
وايي، خلک يې په خپل حد کې وساتئ؛ که نه، نو ځانونه به ډېر ستر او فوقالعاده وگڼي. (د عظمت او برترۍ وهم به پيدا کړي)
“د بل کس د مقام د ترلاسه کولو هيله، د خپل مقام د ټیټ والي تر ټولو لوی ثبوت دی.”
د بریالیتوب پټ فورمول:
۱. سخت کار (Hard Work):
په بخت باور مه کوئ، په سخت کار باور وکړئ.
۲. صبر (Patience):
که تاسو صبر له لاسه ورکړئ، تاسو جګړه (بریالیتوب) بایلی.
(ډیری خلک په لومړي مرحله کې تسلیمیږي).
۳. قرباني (Sacrifice):
که تاسو د هغه څه لپاره قرباني نه ورکوئ چې تاسو یې غواړئ، نو هغه څه چې تاسو یې غواړئ خپله قرباني کیږي.
۴. تسلسل (Consistency):
ثبات هغه څه دي چې اوسط په غوره والي بدلوي او د تسلسل پرته به تاسو هیڅکله لوی بریالیتوب ترلاسه نه کړئ.
۵. نظم (Discipline):
هڅونه (تشویق) تاسو مخته تګ ته چمتو کوي، مګر نظم تاسو ته وده درکوي.
۶. په ځان باور (Self Confidence):
په ځان باور دا دی چې زه بریالیتوب تر لاسه کولای شم دا چې خلک زما په اړه څه نظر لري، مهمه نه ده.
کولمبیايي ليکواله "بيلار كوينتانا" وايي٫
ادب موږ ته دا هنر را زده کوي، چې د بل انسان له سترگو نړۍ ووينو. د نورو د زړه درزا واورو، د هغوی درد، خوښۍ او تجربې درک کړو، او په دې پوه شو چې د هر انسان د توپير تر شا يوه ځانگړې کيسه پرته ده.
ژباړه: مِهر
یوازیتوب کې تل درد نه وي، ځینې وخت ارام وي.هغه لحظه چې ته له هر چا لېرې خو له ځان سره نږدې یې.
یوازیتوب انسان ته فکر ورکوي، احساسات یې ژوروي او زړه ته هغه خبرې ښيي چې د خلکو شور کې نه اورېدل کېدې،خو کله ناکله دا سکون دردناک شي، شپه اوږده شي، چوپتیا درباندې غږ وکړي او ته د یوه ملګري، یوه غږ، یوه تکیې تږي شې. یوازيتوب یو ازمېښت دی ځینې پکې پیاوړي کېږي ځینې ماتیږي، خو که زړه ژور شي او فکر روښانه یوازيتوب هم ښوونې ته بدلېږي. ځینې وخت له ټولو لېرې اوسئ، ترڅو خپل ځان ومومئ.
یوازیتوب دردناک دی، خو د هغو خلکو په پرتله ډېر ښکلی دی چې یوازې ستاسو په فارغ وخت کې یادونه کوي.
ډاروين وایي: په ژوند کې بریا او د بریا پایښت د پیاوړو، ذهینو او پر يوه خبره د ولاړو خلکو نه په برخه کېږي. بلکې د هغو خلکو په برخه کېږي، چې د حالاتو او وخت په بدلون سره په ځان کې هم بدلون راوړي.
ژباړه: تسل
دا ممکنه ده، چې ته خواږه درواغ ووایي، منافقت وکړې او لس کسان خوشاله کړې؛ خو له دې دا غوره ده، چې تراخه رښتیا او حقیقت ووایې، اته کسان در څخه خوابدي شي او پاتې دوه کسان فکر کولو ته اړ کړې.
رسل
ژباړه: تسل
که تۀ د انسان لخوا جوړ شويو قوانینو او قیدونو ځان خلاص کړې، نو هېڅ قانون به ستا پر ازاد روح واک ونه لري.
که د خپلې غاړې نه د خلکو د قوانینو پړۍ لرې وغورځوې او د هغوی د زندانونو تر دروازو ور نه شې،
نو هېڅ قانون به تا په خپله ولکه کې را نه ولي -
نو تا به بيا کوم قانون وويروې ؟
که ازاد گرځې او د خلکو په جوړو شويو زنځیرونو کې نه نښلېږې؟
او که هغه ظاهري هویتونه، لقبونه او نښې چې خلک پرې تا پېژني او محدودوي، له ځانه لرې کړې،
نو څوک به تا محکمو او حسابونو ته راکاږي؟
ته کولای شې د ډول غږ غلی کړې،
د سارنگۍ(Sarangi) تارونه سست کړې،
خو د بلبل له فطرت څخه سندره نشې اخیستلای.
ځکه، ازاد روح د مرغانو د نغمو په څېر دی؛
زور، قانون او قید یې غږ چوپولای نه شي...
---- -----
سهار مو ښکلی
🌄
🕊️
🌻
د "خلیل جبران" د "قوانين" نظم ازاده
ژباړه: مِهر تاج