Alimoff
Тошкентда номаълум шахслар "сувданмиз" деб, хонадонларга киришга ҳаракат қилди
Куни кеча ижтимоий тармоқларда Тошкентнинг Олмазор туманида иккита номаълум шахснинг хонадон эгалари билан келишмовчиликка боргани акс этган
видео тарқалди.
Видео изоҳида айтилишича, «Шодиёна» маҳалласида ўзларини «Сувсоз» ходимлари деб таништирган шахслар, хонадондаги яшовчилар сонини суриштиришга ҳаракат қилган ва лабораторияданмиз, деб талаб қилиб, хонадонларга киришга ҳаракат қилишган.
“Тошкент шаҳар сув таъминоти” АЖ мутасаддилари ҳолатни ўргандилар ва маълум бўлишича, ушбу шахсларнинг компанияга мутлақо алоқаси йўқ. Номаълум шахслар бу ҳаракатларини нима мақсадда амалга оширгани аниқланмаган.
Типичний машенник чамам, бирорта баҳана топиб, отти калласидай штраф соламиз деб, қўйди калласидей порага тўғирлаб берамиз дейишса керак. Так вижу.
🌟
@nurbekalimov
Бугун Миллатлараро муносабатлар қўмитасининг ҳисоботини ўқиб чиқдим. Унда Юртимизда умуммиллий тотувликни таъминлаш борасида қилинаетган ишлар ҳақида гап кетган.
Ўзбекистонда 130 дан ортиқ миллат ва элат яшайди. Улар учун 157 та миллий маданий марказ ишлайди. Кундалик ҳаётимизда ҳам турли хил анъаналарни учратиб турамиз.
Ҳар йиил Сабантуйдан тортиб Чхусок ва Охигача, Қовун сайлидан Абай Қўнонбоевнинг 180 йиллигигача, турли халқларнинг байрамлари кенг нишонланиб келинади. Бу менга ёқади.
Масалан, октябрда “Ўзбек тили ойлиги” қилингани қизиқ бўлди. Турли миллат вакиллари ўзбекча шеър ёдлаб, қўшиқ айтиб қатнашишган. Бу ҳам тилга бўлган муносабат яхшилигини кўрсатиб, дўстларимиз билан биродарликни яқиндан ҳис қилдирди.
Қисқаси, бу йўналишда анча ишлар қилиняпти ва қилинадиган ишлар ҳам бор. Лекин жараён тўхтаб қолмаяпти. Оддий ҳаётда сезилаетган муҳит ҳам ана шу ишлар натижаси деб биламан.
Халқлар дўстлиги абадий бўлсин
😎
🌟
@nurbekalimov
Марказий банк Humans иловаси билан боғлиқ ҳолат юзасидан маълумот берди
Humans иловасига бириктирилган айрим банк карталаридан пуллар ечиб олинаётгани ҳақида
хабарлар тарқалганди.
Ижтимоий тармоқлардаги хабарларга кўра, Humans иловасига бириктирилган айрим банк карталаридан фойдаланувчининг ўзи билмаган ҳолда пул ечиб олинаётгани кузатилмоқда. Марказий банк мазкур хабарлар юзасидан маълумот берди.
Марказий банк шуни маълум қиладики, “Humans companies” АЖ ва “Octagram” АЖ ташкилотлари ўртасида 2025 йил 10 апрелда 32 сонли шартнома имзоланган бўлиб, унга мувофиқ Humans агент сифатида ўз мижозларига тўлов хизматларини (тўлов ва P2P пул ўтказмалари) етказиб беришни бошлаган.
2025 йил 8 декабрь куни соат 08:30 атрофида Марказий банкка фуқаролар томонидан Humans иловаси орқали маблағлар ечиб олингани ҳақида мурожаатлар келиб тушди. Ушбу ҳолат юзасидан Марказий банк ўз ваколатлари доирасида “Octagram” АЖ (Paylov – савдо белгиси) билан боғланиб, хавфсизлик талабларига риоя этилишини таъминлаш ва эҳтимолий заифликни бартараф этиш мақсадида P2P амалиётларини тўхтатиш бўйича кўрсатма берган.
🌟
@nurbekalimov
Тошкентда хусусий клиникада бурнини операция қилдирган 31 ёшли эркак вафот этди
Тошкентнинг Олмазор туманидаги Қорақамиш массивида жойлашган хусусий клиникага бурнини операция қилдириш учун мурожаат қилган
31 ёшли эркак вафот этди,
дейилади "Миллар" дастури репортажида.
Оила аъзоларининг сўзларига кўра, эркак тахминан 11:30 ларда операция хонасига олиб борилган ва кейинчалик маълум бўлишича, у худди шу вақтда вафот этган. Яқинларининг таъкидлашича, уларга бу ҳақда бир неча соатдан кейин хабар беришган ва буни операция бошланишидан олдин беморнинг юраги тўсатдан тўхтаб қолгани билан изоҳлашган. Оиланинг тахминича, бунга наркознинг ҳаддан ташқари кўп берилиши сабаб бўлган бўлиши мумкин.
Марҳумнинг турмуш ўртоғи ҳам текширув натижаларини кардиологга Telegram орқали юборганини ва беморнинг юраги жойида экани ҳамда унга қарши кўрсатма йўқлиги ҳақида тасдиқнома олганини бироқ, кейинчалик ёзишмалар ўчириб ташланганини айтди.
Дастлабки тиббий хулосага кўра, беморда анафилактик шок ва номаълум сабабга кўра юрак тўхташи қайд этилган. Суд-тиббий экспертизасининг якуний қарори ҳали тайёр эмас.
Ҳозирда ҳолат юзасидан Олмазор тумани прокуратураси томонидан терговга қадар текширув ҳаракатлари олиб борилмоқда. Қариндошларининг сўзларига кўра, клиника ҳали ҳам ишлашда давом этмоқда.
Шунақа хабарлардан яна Фарход эсга тушади…
🌟
@nurbekalimov
Тошкентда қорадори етказишда 13 ёшли жиянидан фойдаланган аёл ушланди
Фарғонадан Тошкентга катта миқдорда кучли таъсир қилувчи дори воситаларини етказиб, уларни сотиш билан шуғулланиб келган жиноий гуруҳ фаолияти фош этилди. Бу ҳақда Тошкент вилояти Ички ишлар бош бошқармаси
хабар берди.
Билдирилишича, Тошкент туманида ўтказилган тезкор тадбир давомида 1985 йилда туғилган аёл назоратдаги харидорга келишилган кучли таъсир қилувчи дори воситасини 750 минг сўмга 13 ёшли қиз жияни орқали етказиб берган вақтида қўлга олинган. Тадбир давомида унинг уйидан қиймати 20 миллион сўмлик 162 дона кучли таъсир қилувчи дорилар топилиб, далилий ашё сифатида расмийлаштирилган.
Шундан сўнг, тезкор тадбир давом эттирилиб, ушбу аёлни дорилар билан таъминлаб келган Тошкент шаҳрида яшовчи икки шахс ҳам 23 миллион сўм эвазига 278 дона шу турдаги дориларни сотган вақтида қўлга олинган. Улар автомашинаси ва яшаш хонадонида 67 дона кучли таъсир қилувчи дори воситаси сақлаб келаётгани аниқланиб, ҳужжатлаштирилган.
Тезкор тадбир Фарғона вилоятида ҳам ўтказилган. Жараён давомида данғаралик 39 ёшли аёл ҳамда қўқонлик 35-39 ёшли икки эркак 738 дона кучли таъсир қилувчи дориларни 44 миллион сўм эвазига шартли харидорга сотган вақтида қўлга олинган.
Тошкент вилояти ҳуқуқни муҳофаза қилувчи органлари томонидан ўтказилган мазкур тезкор-қидирув тадбири натижасида умумий қиймати 150 миллион сўмлик 1 343 дона кучли таъсир қилувчи дори воситаси мусодара қилинган.
Ҳолат юзасидан Ўзбекистон Республикаси Жиноят кодексининг 251 прим 1-моддаси (Гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) 4-қисми билан жиноят иши қўзғатилиб, 6 нафар гумонланувчига нисбатан “қамоқ” эҳтиёт чораси қўлланилди. Тергов ҳаракатлари давом этмоқда.
🌟
@nurbekalimov
Тошкентда қидирувдаги шахс ЙПХ ходими томонидан ушланди
Тошкент шаҳри Бектемир туманида йўл-патрул хизмати ходимлари томонидан ўтказилган рейд тадбири давомида фирибгарлик жинояти бўйича қидирувда бўлган шахс қўлга олинди. Бу ҳақда Тошкент шаҳар ички ишлар бош бошқармаси йўл ҳаракати хавфсизлиги бошқармаси матбуот хизмати
хабар бермоқда.
Маълум қилинишича, 2025 йил 7 декабрь куни Тошкент шаҳар ИИББ ЙҲХБ ЙПХБ 1-батальон катта инспектори Бектемир туманидаги ТҲАЙ кўчасида BYD русумли автомашинани ҳужжатларни текшириш мақсадида тўхтатган. Текширув давомида транспорт воситаси йўловчиси 36 ёшли А.Й.нинг ўзини тутиши ва хатти-ҳаракатлари ходимларда шубҳа уйғотган.
Шундан сўнг йўловчига оид маълумотлар махсус дастур орқали текширилганда, у Жиноят кодексининг 168-моддасида (фирибгарлик) назарда тутилган жиноятни содир этганликда гумонланиб, қидирувда экани аниқланиб, ушланган. Қидирувдаги шахс ўрнатилган тартибда Бектемир туман ички ишлар органлари фаолиятини мувофиқлаштириш бошқармасига топширилган.
🌟
@nurbekalimov
Ўзбошимчалик билан қурилган уйларни расмийлаштиришнинг янги тартиби жорий этилади
Ўзбекистонда фуқароларга қурилиш учун ажратилган ер участкаларида барпо этилган, шу жумладан
ўзбошимчалик билан қурилган уй
ва иншоотларни расмийлаштириш ҳамда уларни ягона тартибда ҳисобга олиш бўйича янги механизм жорий этилиши мумкин.
Қарор лойиҳасига кўра, қонун доирасида ташкил этилган ишчи гуруҳлар барча турдаги кўчмас мулкларни хатловдан ўтказади, бу жараён учун ер участкаси эгаларидан ариза талаб этилмайди. Ажратилган ёки реализация қилинган ер участкаларида ўзбошимчалик билан қурилган уй ва иншоотлар ҳақидаги маълумотлар “Эътироф” ахборот тизимига киритилади.
Кадастр агентлиги томонидан фойдаланишга рухсат берилган бино ва иншоотларга бўлган ҳуқуқлар белгиланган тартибда давлат рўйхатидан ўтказилади.
Так что кимдир штраф солиб, пора сўраб юрса ишаниб қоманглар. Қонуний йўли бўлади.
🌟
@nurbekalimov
Ўзбекистонда квартира сотиб олиш учун неча йил пул жамғариш керак?
Ўзбекистонликларга квартира сотиб олишга пул жамғариш учун Қозоғистон аҳолисига қараганда икки баравар кўп вақт керак экан. Бу ҳақда собиқ совет давлатлари бўйича рақамларга ихтисослашган Геостатистика портали
маълумот берди.
Қайд қилинишича, ўзбекистонликлар ўртача 482 доллар маош билан 96,8 минг доллар қийматли квартира учун 16 йил 9 ой пул жамғаришига тўғри келади. Таққосланишича, қозоғистонликлар квартира учун 7 йил 8 ой, қирғизистонликлар 13 йил 6 ой, тожикистонликлар 15 йил 9 ой пул жамғаришига тўғри келади.
🌟
@nurbekalimov
“Энг бахтли корейслар” нима учун айнан Ўзбекистонда?
Қонунчилик палатасида миллатларо тотувлик муҳокамасида
сўзга чиққан
корейс миллати вакили, Корейс миллий маданий маркази раҳбари Виктор Пакнинг айтиб берган бир воқеаси жуда символик бўлди: БМТнинг собиқ Бош котиби Пан Ги Мун Ўзбекистондаги корейс маданий марказига ташрифидан сўнг, “Мен дунё бўйлаб корейслар қанчадан-қанча давлатда яшашини кўрганман, лекин энг бахтли корейслар Ўзбекистонда экан”, деган.
Бу мақтов ортида қайси сиёсий модел туради? Виктор Пак санаб ўтади:
– барча вилоятларда “Дўстлик уйлари” қурилди;
– барча миллатларга давлат ҳисобидан алоҳида павильонлар бунёд этилди;
– миллий кийимлар, маданий экспонатлар, анъаналар кўргазмаси учун доимий майдон бор;
– корейс тилидаги “Чинсен” кўрсатуви, “Корейцы Узбекистана” газетаси мунтазам чиқиб турибди;
– миллий маданий марказ ўзбек ёшларига ҳам корейс тили ва маданиятини ўргатиш имконига эга.
Президентимиз Мирзиёев бошчилигидаги сиёсатнинг фарқи шундаки, бу ерда миллатлар билан “ёзма баёнотлар” даражасида эмас, амалий инфратузилма орқали ишланяпти.
Агар 180 мингдан ортиқ корейс ўз маданиятини эркин сақласа, тадбирларини ўтказса, Давлат раҳбари бевосита уларнинг павильонида бўлиб, ишини кўриб, қўллаб-қувватласа – шубҳасиз бу юртда миллатларо тотувлик, бағрикенглик, бирдамлик ва ҳамжиҳатлик муҳити шаклланганлигини кўрсатади!
🌟
@nurbekalimov
Тошкентда наркокурьерлик қилган талабалар
қамағда
“Хавфсиз ва соғлом юрт” профилактик тадбири доирасида наркокурьерлик билан шуғулланиб келган олий таълим муассасаси талабалари ушланди. Бу ҳақда Ички ишлар вазирлиги
хабар берди.
Маълум қилинишича, Тошкент шаҳар Яшнобод туманида ўтказилган тезкор тадбирда икки нафар талаба холислар иштирокида текширилган. Уларнинг ёнидан 120 гр Алфа ПВП синтетик гиёҳванд моддалари топилган.
“Тезкор тадбир давом эттирилиб, 2007-йилда туғилган талабанинг вақтинча яшаб келаётган университети ётоқхонаси кўздан кечирилганда 400 гр Алфа ПВП синтетик гиёҳванд моддалари борлиги аниқланган. Бу икки талаба ушбу синтетик гиёҳванд моддаларни таниши ташлаб берган геолокациялардан олиб, университет ётоқхонасида дозаларга қадоқлаб, айтилган локацияларга юборишган. Тезкор тадбирлар натижасида бир маротабалик 2600 та дозага тенг бўлган жами 520 гр синтетик гиёҳванд моддаларининг ноқонуний муомаласи олди олинди”, дейилади вазирлик хабарида.
Мазкур ҳолат юзасидан наркокурьер талабаларга нисбатан Жиноят кодексининг 273-моддаси 5-қисмига кўра 10 йилдан 20 йилгача озодликдан маҳрум қилиш жазо чораси қўлланилган.
🌟
@nurbekalimov