Ogoh.uz | Rasmiy kanal

Кучли қор ёғиши сабабли
"Қамчиқ" довони номаълум муддатга ёпилди
10 декабрь куни соат 02:30 дан бошлаб "Қамчиқ" довонида транспорт воситаларининг ҳаракати вақтинчалик тўхтатилди. Йўл ҳаракати хавфсизлиги хизмати бундай қарорга “об-ҳаво шароитининг кескин ўзгариши, кучли қор ёғиши ва Гидрометеорология хизмати маркази маълумотига кўра, кўчки хавфи юзага келганлигини инобатга олиб” келинганини билдирган.
Қайд этилишича, довон йўли очилиши бўйича қўшимча маълумот
берилади
.
https://t.me/ogohuzofficial

Ветеринария қўмитаси собиқ раиси ҳокимликка тайинланди
Тошкент вилояти Оҳангарон туманида навбатдан ташқари сессия бўлиб ўтди. Унда ташкилий масала кўриб чиқилиб, туман ҳокими лавозимида ишлаб келган Дониёр Мадиримов вазифасидан озод этилди.
Тошкент вилояти ҳокими Зойир Мирзаев сессияда туманнинг ижтимоий-иқтисодий ривожланиши бўйича муҳим вазифалар ҳақида маъруза қилди.
Сессияда Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси собиқ раиси Баҳромжон Тураевич Норқобиловнинг номзоди кўрсатилди ва халқ депутатлари томонидан Оҳангарон тумани ҳокими лавозимига тасдиқланди.
https://t.me/ogohuzofficial

​​
​​
Тафаккур вақти:
Овқатни лаззатланиб егин, ейишингни кўрган уй бекаси ўзида йўқ севинсин.
Биров меҳнат сингдириб сенга овқат ҳозирласа, меҳнатини беҳуда қилиб, овқатни аҳамияциз қолдирма.
Кўнгли ҳушёр киши жуда тўғри сўзлаган, унинг сўзларига назар солсанг, ранго-ранг маънолар беради:
Одамнинг кўнгли юпқа шиша мисолидир, уни жуда ҳам эҳтиёт қилгин, қўзғатма, синади.
Одамнинг одамдан кўнгли қолса ҳаловат кетади, яқинлик узилади, фойда узоқлашади.
Яқинлик истасанг, одамлар кўнглини авайлагин, кўнгил қолса яқинлик кетади, умидингни узавер. Овқатни меъёрида егин, кўп овқат емагин, бу ҳақда заковатли азиз бундай деб таълим беради:
Кўп еювчиларнинг овқати бадҳазм бўлади, овқати бадҳазм бўлган киши доим дардманд бўлади.
Дард томоқдан киради, шунинг учун нафсингни тийгин, овқатни бир меъёрда оз-оздан еб, оз-оздан ичгин.
https://t.me/ogohuzofficial

Ўзбекистонда камбағаллик даражасини 4,5 фоизгача қисқартириш кутилмоқда
Танқидий руҳда ўтган йиғилишда ишга солинмаётган имкониятлар, бу борадаги сусткашликлар кўрсатиб ўтилди.
Батафсил:
https://ogoh.uz/85552/
https://t.me/ogohuzofficial

Бахромжон Норқобилов қўмита раиси лавозимидан озод этилди
Ўзбекистон Республикаси Президентининг қарорига биноан, Бахромжон Тураевич Норқобилов бошқа ишга ўтиши муносабати билан Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси раиси лавозимидан озод қилинди.
https://t.me/ogohuzofficial

“Humans иши”: мижозларнинг пулларини ким ўғирлади?
Humans иловасига бириктирилган карталардан
фойдаланувчиларнинг рухсатисиз (хабарисиз) пуллар ечиб олингани
ҳақида хабарлар ортидан компания расмий изоҳ билдирди ва бунда
Octogram АЖни
(Paylov савдо белгиси) айблади.
“2025 йил 4–8 декабрь кунлари айрим мижозларнинг банк карталаридан рухсатсиз пул ечилган.
Бу ҳолат Humans эмас, балки ҳамкор тўлов сервис Paylov инфратузилмасида аниқланган техник заифлик туфайли содир бўлгани қайд этилди. Paylov’нинг ҳуқуқий эгаси — OCTAGRAM АЖ ҳисобланади.
Humans барча техник маълумотларни регулятор ва ҳуқуқни муҳофаза қилувчи органларга топширган. Тергов натижаларига кўра айбдорлар аниқланиши ва жавобгарликка тортилиши белгиланмоқда.
Компания жабрланувчиларга учун ўз позициясини очиқ билдирди:
— мижозларга
етказилган зарар қонунчиликка мувофиқ тўлиқ қопланади.
Шунингдек, Humans таъкидлашича, фрод амалиётлари:
— Humans иловасида эмас,
— мижоз иштирокисиз,
— OTP-код киритиш талаб қилинмасдан,
— Paylov API орқали амалга оширилган.
Биринги ҳужумдан сўнг сервис томонидан хавфни чеклаш учун етарли чоралар кўрилмагани айтилмоқда. Бу эса иккинчи ҳужумга сабаб бўлган. Маълум қилинганидек, фрод транзакциялар нафақат Humans фойдаланувчилари, балки бошқа тўлов ташкилотлари карталарига ҳам тааллуқли бўлган.
Шу боис Humans иловасида Paylov орқали амалга ошириладиган P2P-пул ўтказмалари вақтинча тўхтатилди.Қолган барча Humans хизматлари — одатий тартибда ишламоқда”,
деб ёзди
Humans компанияси.
Шундан сўнг Octogram АЖ (Paylov) Humans’нинг айбловига жавоб қайтарди ва рухсатсиз пул ечиш Humans томонидаги калитлар орқали содир бўлгани маълум қилинди.
“Octogram АЖ ва Humans Companies АЖ ўртасида 2025 йил 10 апрель куни 32-сонли шартнома имзоланган бўлиб, унга мувофиқ Humans Companies АЖ Octogram АЖнинг агенти сифатида ўз мижозларига тўлов хизматларини (тўловлар ва P2P пул ўтказмалари) тақдим этишни бошлаган.
2025 йил 6 декабрь куни Octogram АЖ ходимлари томонидан Humans Companies АЖда шубҳали транзаксиялар кузатилаётгани ҳақида ушбу компаниянинг масъул ходимлари огоҳлантирилди ва транзаксиялар вақтинча тўхтатилди.
2025 йил 7 декабрда, Humans Companies АЖ Octogram АЖга расмий мурожаат йўллаб, тегишли чоралар кўрилгани ҳамда фирибгарлик (фрод) операцияларининг олди олингани ҳақида маълум қилган. Мазкур хат асосида Humans Companies АЖ амалиётларни қайта очиб беришни сўраган.
8 декабрь ҳолатига кўра, Octogram АЖ томонидан Humans мобил иловаси орқали кўрсатилаётган барча тўлов хизматлари вақтинча тўхтатилган.
Шу билан бирга, Octogram АЖ томонидан ҳар қандай техник заифлик мавжуд эмаслиги, техник жиҳатдан барча зарур чоралар кўрилгани маълум қилинади.
Фирибгарлик операциялари Humans Companies АЖ томонидан Octogram АЖ тақдим этган шифрланган калитлар орқали амалга оширилган бўлиб, ушбу калитларнинг тўғри ва хавфсиз сақланиши Humans Companies АЖ масъулияти ҳисобланади.
Ўз ўрнида таъкидлаш жоизки, Octogram АЖнинг техник ечимларидан фойдаланаётган бошқа барча ҳамкорлар тизимларида ҳеч қандай салбий ҳолатлар кузатилмаган.
Айни пайтда мазкур ҳолат юзасидан тезкор текширув ишлари бошланган бўлиб, Octogram АЖ барча зарур маълумотларни масъул органларга тақдим этмоқда”,
дейилади
Paylov хабарида.
https://t.me/ogohuzofficial

Президент бир гуруҳ қишлоқ хўжалиги ходимларини мукофотлади
Президентнинг аграр ривожланиш масалалари бўйича маслаҳатчиси Ғаниев Шухрат Мадаминович — «Ўзбекистон Республикасида хизмат кўрсатган қишлоқ хўжалиги ходими» фахрий унвони билан тақдирланди.
Батафсил:
https://ogoh.uz/85548/
https://t.me/ogohuzofficial

Ўзбекистонда 70 та сайт блокланди
Ўзбекистонда букмекерлик хизматлари ва қимор ўйинларини реклама қилган 70 та сайт блоклангани ҳақида Рақобат қўмитаси
маълум қилди.
Қўмита бундай ресурсларни доимий мониторинг қилиш давом этаётганини ва тезкор чоралар кўриш мақсадида давлат идоралари билан ҳамкорлик йўлга қўйилганини билдирди.
Жорий йилда қўмита реклама қонунчилигини бузган 86 та сайт ҳақида маълумотни назорат органларига тақдим этган. Қонунчиликка кўра, «Реклама тўғрисида»ги қонун қимор ўйинлари ва хавфга асосланган бошқа ўйинларни тарғиб қилишни қатъиян тақиқлайди.
https://t.me/ogohuzofficial

Фуқаролар картасидан пул ечиб олинаётгани ҳақидаги хабарларга муносабат билдирилди
9 декабрь ҳолатига кўра, Humans мобил иловаси орқали “Octogram” АЖ (Paylov – савдо белгиси) томонидан олиб борилаётган барча тўлов хизматлари вақтинча тўхтатилган.
Батафсил:
https://ogoh.uz/85544/
https://t.me/ogohuzofficial

Мажбурий даволаш учун мўлжалланган наркология муассасаларида даволаш тартиби белгиланди
Беморлар муассасага қабул қилинган кундан бошлаб 5 кунлик муддат ичида мажбурий даволаш давомийлиги наркология муассасасининг раҳбари ва 2 нафар нарколог шифокордан иборат тиббий комиссия томонидан белгиланади.
Батафсил:
https://ogoh.uz/85540/
https://t.me/ogohuzofficial