OLOT.UZ | Rasmiy kanal
Davlat mulklarini
E-auksion.uz
savdo platformasi orqali ijaraga oling!
✔️
Buxoro shahrida —
17 ta
➖
Kogon shahrida —
5 ta
✔️
Buxoro tumani —
1 ta
➖
Kogon tumanda —
4 ta
✔️
Romitan tumanda —
2 ta
➖
Gʻijduvon tumanda —
1 ta
✔️
Jondor tumanda —
4 ta
➖
Qorovulbozor tumanda —
2 ta
✔️
Qorako‘l tumanda —
1 ta
➖
Olot tumanda —
2 ta
✔️
Shofirkon tumanda —
1 ta
⚠️
Lot ma’lumotlaridagi narxlar yillik ijara stavkasi miqdorida ko‘rsatilgan.
Savdolarda qatnashish uchun qo‘llanma (
ko'rish
)
+998992072604
+998992073604
+998773757420
Bizning ijtimoiy tarmoqlar
Telegram
|
Instagram
|
Facebook
|
Youtube
📢
EʼLON
Ertaga 2026-yil 30 aprel kuni Olot tumanidagi quyidagi hududlarga suyultirilgan gaz ballonlari yetkazib beriladi:
⚡️
Nurobod MFY
⚡️
Gʻanchi Chandir MFY
⚡️
Qirtay MFY
⚡️
Chovdur MFY
❗️
Gaz balonlaridan
foydalanishda xavfsizlik qoidalariga qatʼiy amal qiling.
💳
Toʻlovlarni faqat gaz taʼminoti korxonasi tomonidan taqdim etilgan maxsus ID kartalar orqali amalga oshirishingizni soʻraymiz.
https://t.me/olottumani
#hokim_hududlarda
Qishloq xo‘jaligida zarbdor palla
Ayni kunlarda qishloq xo‘jaligida mas’uliyatli va sermehnat davr zarbdor palla davom etmoqda. G‘alla hosildorligini oshirish,unib chiqqan chigitni sifatli parvarish qilish bugungi kunning ustuvor vazifalaridan biridir.
Bugun tuman hokimi Nargiza Nematova Denov Paxtakor hududida bo‘lib, qishloq xo‘jaligida olib borilayotgan ishlar bilan bevosita tanishdi. Dalalarda g‘alla ekinlarining holati, hosildorlik ko‘rsatkichlari, shuningdek, undirilgan chigitlarni parvarishlash jarayonlari atroflicha ko‘zdan kechirildi.
O‘rganishlar davomida mutasaddilarga agrotexnik tadbirlarni o‘z vaqtida va sifatli bajarish, suvdan samarali foydalanish hamda hosildorlikni oshirish bo‘yicha zarur ko‘rsatmalar berildi.
Shuningdek, hududda obodonlashtirish ishlari ham e’tibordan chetda qolmadi. Maxsus texnikalar yordamida ariqlarni qazish, ularni tozalash hamda ortiqcha tuproqlarni tashish ishlari amalga oshirilayotgani ko‘zdan kechirildi.
https://t.me/olottumani
“Vazir kubogi–2026”: Ayollar o‘rtasida voleybol musobaqasining tuman bosqichi o‘tkazildi
Xotin-qizlarni sportga keng jalb etish, sog‘lom turmush tarzini targ‘ib qilish maqsadida tumanimizda Maktabgacha va maktab ta’limi vaziri kubogi uchun voleybol musobaqasining tuman bosqichi bo‘lib o‘tdi.
Mazkur sport tadbirida tuman hokimi o‘rinbosari Jami Alloqov ishtirok etib, ishtirokchilarga omad tiladi hamda bunday musobaqalar ayollar o‘rtasida sportni rivojlantirishda muhim ahamiyat kasb etishini ta’kidladi.
Musobaqa 25-umumta’lim maktabida ayollar jamoalari o‘rtasida yuqori saviyada tashkil etildi. “Vazir kubogi–2026” doirasida o‘tkazilgan ushbu bahslar qizg‘in va murosasiz kurashlarga boy bo‘ldi.
Tadbir O‘zbekiston Respublikasi Prezidentining 2020-yil 30-oktabrdagi PF-6099-son Farmoni hamda 2024-yil 4-dekabrdagi PQ-421-son qarori ijrosini ta’minlash, jismoniy tarbiya va sportni ommalashtirish, sog‘lom turmush tarzini keng yoyish hamda jamoaviy sport turlarini rivojlantirish maqsadida tashkil etildi.
Musobaqaning final bosqichida “7-umumta’lim maktabi”, “13-umumta’lim maktabi” hamda “28-umumta’lim maktabi” jamoalari faol ishtirok etib, o‘z mahoratlarini namoyon etdilar.
Yakuniy natijalarga ko‘ra:
1-o‘rin — “7-umumta’lim maktabi” jamoasi
2-o‘rin — “13-umumta’lim maktabi” jamoasi
3-o‘rin — “28-umumta’lim maktabi” jamoasi
G‘olib va sovrindorlar maxsus diplom hamda qimmatbaho sovg‘alar bilan taqdirlandi.
https://t.me/olottumani
📢
SAYYOR QABUL
Tasdiqlangan reja-grafikka muvofiq, 30-aprel kuni soat 11:00 da Jinoyat ishlari boʻyicha Olot tuman sudi tomonidan sayyor qabul oʻtkaziladi.
Sayyor qabulda sud raisi Nodir Ashurov hamda tergov sudyasi Jaloliddin Husenov ishtirok etadi.
📍
Manzil: Eski Olot mahallasi binosi
🕙
Vaqti: 30-aprel, soat 11:00
Qabul davomida fuqarolar va tadbirkorlarning sud-huquq masalalariga oid murojaatlari tinglanadi, mavjud muammolar yuzasidan huquqiy tushuntirish va amaliy koʻmak beriladi.
Barcha tadbirkorlar hamda fuqarolarni sayyor qabulda faol ishtirok etishga chorlaymiz!
https://t.me/olottumani
Davlat tibbiy sug‘urta mexanizmlariga bag‘ishlangan uchrashuv o‘tkazildi
Bugun tuman markazida joylashgan Musiqa va san’at maktabida tuman tibbiyot birlashmasi shifokorlari hamda "Inson ijtimoiy xizmatlar" markazi ishtirokida davlat tibbiy sug‘urta mexanizmlariga bag‘ishlangan uchrashuv tashkil etildi.
Uchrashuv davomida ishtirokchilarga davlat tibbiy sug‘urtasining mazmun-mohiyati, uning afzalliklari hamda aholi uchun yaratilayotgan imkoniyatlar haqida batafsil ma’lumotlar berildi.
Xususan, O‘zbekiston Respublikasi Prezidentining 2024-yil 5-sentabrdagi “Davlat tibbiy sug‘urta mexanizmlarini joriy etishga oid chora-tadbirlar to‘g‘risida”gi PQ-311-son qarori ijrosi doirasida olib borilayotgan ishlar, aholi o‘rtasida targ‘ibot tadbirlarini kuchaytirishning ahamiyati alohida ta’kidlandi.
Ta’kidlanganidek, kelgusida tibbiy xizmatlar davlat tibbiy sug‘urtasi mexanizmlari asosida tashkil etilib, aholiga bepul tibbiy yordam hamda bepul dori vositalari taqdim etiladi. Mazkur xizmatlar davlat budjetiga to‘lanayotgan soliqlar hisobidan moliyalashtiriladi va fuqarolardan qo‘shimcha to‘lov undirilmaydi.
Shuningdek, davlat tibbiy sug‘urtasi mexanizmlarini bosqichma-bosqich joriy etish rejalashtirilgan bo‘lib, quyidagi yo‘nalishlarni o‘z ichiga oladi.
– davlat budjeti mablag‘lari hisobidan qoplanadigan kafolatlangan tibbiy yordam hajmini belgilash;
– kafolatlangan paket doirasida tibbiy xizmatlar va dori vositalarini taqdim etish;
– tibbiy xizmatlardan foydalanish uchun belgilangan tartibda oilaviy shifokor yoki tibbiyot brigadasiga murojaat qilish;
– shifokor tomonidan rasmiylashtirilgan elektron retsept asosida dorilarni bepul berish (reimbursatsiya tizimi);
– “Elektron sog‘liqni saqlash” axborot tizimini joriy etish;
– davlat va nodavlat tibbiyot muassasalarini ushbu jarayonga jalb etish;
– kasalliklar og‘irlik darajasiga qarab bepul davolanish ro‘yxatini shakllantirish;
– imtiyozli toifadagi shaxslarni yo‘llanma asosida bepul davolashni ta’minlash.
Uchrashuvda, shuningdek, 2025-yil 28-fevralda qabul qilingan “Donorlik harakatini qo‘llab-quvvatlash tizimini takomillashtirish to‘g‘risida”gi O‘RQ-1041-son Qonun mazmuni haqida ham ma’lumot berildi.
Mazkur qonunga muvofiq, “O‘zbekiston Respublikasi faxriy donori” ko‘krak nishoni bilan taqdirlangan shaxslarga beriladigan bir martalik pul mukofoti miqdori oshirilib, bazaviy hisoblash miqdorining 15 baravari etib belgilandi (ilgari 5 baravar edi). Bundan tashqari, ularga shahar yo‘lovchilar transportidan bepul foydalanish, har yilgi mehnat ta’tilini o‘zlariga qulay vaqtda olish hamda sanatoriy-kurort yo‘llanmalarini navbatsiz olish kabi imtiyozlar berilishi belgilangan.
Tadbir davomida ishtirokchilar o‘zlarini qiziqtirgan savollarga mutaxassislardan atroflicha javob oldilar.
Mazkur uchrashuv aholining tibbiy savodxonligini oshirish, sog‘liqni saqlash tizimidagi islohotlar mazmunini keng targ‘ib etishda muhim ahamiyat kasb etadi.
https://t.me/olottumani