OLOT.UZ | Rasmiy kanal

🌸
HURMATLI OLOTLIKLAR, TUMANIMIZ AHLI VA MEHMONLARI!
🌸
Sizlarni Navroʻz ayyomi munosabati bilan o‘tkaziladigan umumxalq bayram sayliga taklif etamiz!
📅
Sana: 17-mart
🕙
Vaqt: 10:00
📍
Manzil: Olot tumani markaziy o‘yingohi
✨
Bayram “Navroʼzni ulug‘lash insonni ulugʼlash!” shiori ostida bo‘lib o‘tadi.
🎤
Bayram dasturida viloyatimiz va tumanimizning taniqli xonandalari, jumladan estradamizning yorqin yulduzi Dilmurod Sultonov ishtirok etadi.
🌿
Barchangizni ushbu shodiyona bayramga taklif etamiz!
Tashrif buyuring! Navroʻz shodiyonasini birgalikda quvonch va ko‘tarinki kayfiyatda nishonlaylik!
https://t.me/olottumani

#Xavfsiz_va_soğlom_yurt
#Ijtimoiy_videorolik
Korrupsiyaga qarshi birgalikda kurashish barchamizning muhim burchimiz
🇺🇿
Rasmiy sahifalarimizni kuzatib boring:
Sayt|
Telegram|
Facebook|
Instagram|
YouTube

#hokim_hududlarda
Bugun tuman hokimi Nargiza Nematova hududlardagi mahallalar faoliyati, aholining muammolari hamda obodonlashtirish ishlari bilan yaqindan tanishish maqsadida "Denov", "Nurobod" va "Pichoqchi" mahallalarida bo‘ldi. Tashrif davomida aholining turmush sharoitini yaxshilash, uy-joylar atrofini obodonlashtirish hamda fuqarolar murojaatlarini o‘rganishga alohida e’tibor qaratildi.
Dastlab tuman hokimi "Denov" mahallasida bo‘lib, aholi xonadonlarida amalga oshirilayotgan obodonlashtirish ishlari bilan tanishdi. Xususan, hududdagi ariq va zovurlarni qazish hamda qurilish ishlari ko‘zdan kechirildi.
Shundan so‘ng tashrif "Nurobod" mahallasida davom etdi. Bu yerda ham hududni obodonlashtirish, infratuzilmani yaxshilash, aholi uchun qulay sharoitlar yaratish borasida olib borilayotgan ishlar o‘rganildi. Fuqarolar bilan suhbatlar o‘tkazilib, ularni qiynayotgan muammolar tinglandi.
Tashrif yakunida tuman hokimi "Pichoqchi" mahallasiga borib, mahalla faollari va vakillari bilan uchrashuv o‘tkazdi. Uchrashuv davomida hududni yanada obod qilish, mahalla tizimi faoliyatini kuchaytirish, aholi turmush darajasini oshirish bo‘yicha muhim masalalar muhokama qilindi.
Bunday joylarga chiqib o‘tkazilayotgan o‘rganishlar hududlarda mavjud muammolarni joyida hal etish, aholiga yanada qulay yashash sharoitlarini yaratishda muhim ahamiyat kasb etadi.
https://t.me/olottumani

#Kun_hikmati
Doim yaxshilik qilishga odatlaning, hatto hech kim sezmasa ham.
https://t.me/olottumani

Roʻzaning 25-kuni: 15-mart, yakshanba.
🌅
Saharlik vaqti: soat 05:34 da.
Saharlik duosi: Navaytu an asuma sovma shaxri ramazona minal fajri ilal magʻribi, xolisan lillaxi taʼala. Allohu akbar.
🌃
Iftorlik vaqti: soat 18:57 da.
Iftorlik (ogʻiz ochish) duosi:
Allohumma laka sumtu va bika amantu va aʼlayka tavakkaltu va aʼla rizqika aftartu, fagʻfirli ya gʻoffaruma qoddamtu va ma axxortu birohmatika ya arhamar rohimiyn, Allohu akbar.
https://t.me/olottumani

"Jayxonobod" mahallasida yo‘llarni joriy ta’mirlash ishlari olib borilmoqda
Aholi uchun qulay va xavfsiz harakatlanish sharoitlarini yaratish maqsadida ichki yo‘llarni ta’mirlash ishlari izchil davom ettirilmoqda.
Xususan, "Jayxonobod" mahallasida tuman Yo‘llardan foydalanish korxonasi tomonidan yo‘llarda joriy ta’mirlash ishlari olib borilmoqda.
Yog‘ingarchilik kunlari natijasida yo‘l qoplamasida hosil bo‘lgan chuqurlar asfalt qoplamasi yordamida ta’mirlanib, yo‘lning ravonligi tiklanmoqda.
Mazkur ishlar aholi hamda transport vositalarining xavfsiz va qulay harakatlanishini ta’minlashga xizmat qiladi.
Bugun tuman hokimi Nargiza Nematova ta’mirlash ishlari olib borilayotgan hududga tashrif buyurib, jarayon bilan yaqindan tanishdi. Tashrifda mas’ullarga ishlarni sifatli va bajarish yo‘llarni mustahkam ta’mirlash hamda aholi va transport vositalari uchun yanada qulay sharoit yaratish yuzasidan tegishli ko‘rsatmalar berdi.
Ta’kidlash joizki, bunday obodonlashtirish ishlari tuman hududlarida bosqichma-bosqich davom ettirilmoqda.
https://t.me/olottumani

Navro‘z bayrami oldidan Markaziy o‘yingohda taktik o‘quv mashg‘uloti o‘tkazildi.
Aholining xavfsizligini ta’minlash hamda ommaviy tadbirlarni yuqori saviyada tashkil etish maqsadida Olot tumanida navbatdagi o‘quv mashg‘uloti o‘tkazildi.
Viloyatimiz miqyosida o‘tkazilayotgan “Xavfsiz va sog‘lom yurt” oyligi doirasida Olot tumanidagi Markaziy o‘yingohda Navro‘z bayrami tadbirlarini xavfsiz tashkil etish yuzasidan taktik o‘quv mashg‘ulotlari tashkil etildi.
Mazkur tadbirda tuman hokimi Nargiza Nematova, tuman IIB boshlig‘i hamda hamkor tashkilotlar vakillari ishtirok etdi. Mashg‘ulot davomida ommaviy bayram tadbirlarida jamoat tartibini saqlash, fuqarolar xavfsizligini ta’minlash, favqulodda vaziyatlarning oldini olish hamda tezkor harakat qilish bo‘yicha amaliy ko‘nikmalar mustahkamlandi.
Shuningdek, tadbir davomida mas’ul tashkilotlar o‘rtasida o‘zaro hamkorlikni kuchaytirish, har bir xizmatning vazifalari va harakatlar tartibi yuzasidan tegishli yo‘riqnomalar berildi.
https://t.me/olottumani