Orif Tolib
Sahnada – “Qoʻrqma”
Javlon Jovliyevning
mashhur “Qoʻrqma” romani endi “Millat teatri” sahnasida. Namoyishlar 13-, 14-, 16-, 21- va 27-sentyabr kunlari soat 19:00 da boʻlib oʻtadi.
Chipta uchun:
https://perfend.com/uz/categories/theatre/events/qorqma
@oriftolib
|
Sahifalarimiz
28 harf va bitta belgi: Senat alifbo islohotini maʼqulladi
Bugun Senat lotin yozuviga asoslangan oʻzbek alifbosiga oʻzgartirish kiritishga oid qonunni maʼqulladi, deb
yozyapti
Daryo.uz
. Hujjatga muvofiq, noqulay harf birikmalari chiqarilib, alifbo 28 ta harf va bitta tutuq belgisidan iborat boʻladi.
Qonun kuchga kirguniga qadar chiqarilgan rasmiy hujjatlar, milliy valyuta va peshlavhalar yaroqsiz holga kelgunicha muomalada qolaveradi. Islohot qonun rasman eʼlon qilinganidan olti oy oʻtib kuchga kiradi.
@oriftolib
|
Sahifalarimiz
Ijtimoiy tarmoqlarning foydalari
7-sinf “Ona tili” darsligida bir maqolamga
QR kodli
havola berilgan. Maqola matnini soʻraganlar, QR kod rasmini joʻnatganlar koʻp boʻldi.
Quyida maqolaning anonsi va toʻliq shakliga havola berilyapti.
Axborot asrida zamonaviy texnologiyalar hayotimizga tobora koʻproq kirib boryapti. Bugun hatto bogʻcha tarbiyalanuvchisi ham mobil telefondan, undagi ilovalar va internetdan foydalanishni oʻrganib olyapti.
Katta-yu kichik
orasida internetdan foydalanuvchilar, vaqtini koʻproq u bilan oʻtkazuvchilar ortyapti. Kelajak hayotni internet va hali kashf etilmagan yuqori texnologiyalarsiz tasavvur etib boʻlmaydi. Toʻgʻri, ular ijobiy va salbiy xususiyatlarga ega. Biroq yuksak texnologiyalardan unumli foydalanmaslik yoki yoshlarga olaboʻji qilib koʻrsatish faqat va faqat zarar keltiradi
xolos
.
Yuqoridagi fikrlar ijtimoiy tarmoqlarga ham tegishli. Internet va ijtimoiy tarmoqlardan foydalanishda ham oltin qoidaga – meʼyorni unutmaslik shartiga amal qilish zarur. Keling, ularning ijobiy jihatlari haqida mushohada yuritamiz:
1️⃣
Izlash va muloqotdagi qulaylik.
2️⃣
Axborot topish va almashishdagi yengillik.
3️⃣
Shaxsiy tarbiya, oʻzini oʻzi rivojlantirish vositasi.
4️⃣
Biznes yuritishda beminnat yordamchi.
5️⃣
Turli ijtimoiy aksiyalar va yordamlar.
6️⃣
Ijodkorlar va boshqa soha vakillari uchun keng maydon.
Toʻliq oʻqish:
👉
Saytda
👉
Telegraph
🟢
Maqolani ona tili va adabiyot oʻqituvchilariga yuborib qoʻying.
@oriftolib
Ustozlar oʻziga ustozni qayerdan topadi?
Bilishning oʻzigina kamlik qiladi. Ayniqsa, oʻqituvchilikda. Oʻzingda borini boshqalarga yetkazishni ham bilishing kerak. Lekin buni oʻrgatadigan tajribali mutaxassislar kam. Yaqinda
Muhammad Uralovning
ishlari bilan tanishib, loyihalariga qiziqib qoldim. U Prezident maktabida dars bergan, hozir
Mudarris
maktabida akademik direktor boʻlib ishlaydi. Bu yigit yoʻlga qoʻygan
Zamonaviy pedagog
loyihasi orqali 1500 ga yaqin ustoz oʻz dars uslubini yangilabdi. Bitiruvchilarning 93 foizi kursni hamkasblariga tavsiya qilgani esa diqqatga loyiq.
Muhammad
Pedagog Podcast
loyihasi hamda
MuallimMuhammad
kanalida taʼlimdagi nozik nuqtalarga eʼtibor qaratadi, amaliy tajribalarini ulashadi.
Oʻz ustida ishlaydigan pedagoglar uchun ajoyib tajriba maydoni. Bilim va koʻnikmalarini muntazam yangilab boradigan ustozlar obroʻ-eʼtiborda ham, daromadda ham bir bosh baland boʻlishadi.
Mana bu postlar bilan oʻzingiz bir tanishib koʻring:
▫️
Birinchi darsni qanday oʻtaman?
▫️
Qanday qilib kuchli ustoz bo‘lish mumkin?
▫️
Feʼl-atvorli bolalar bilan qanday ishlasak bo’ladi?
▫️
Yaxshi pedagog qanday pul topishi kerak?
▫️
Tanbeh berish mahorati: Gvardioladan nima oʻrganish mumkin?
Siz dars berish mahoratingizni qanday oshirasiz?
🔥
– maxsus kurslarda oʻqiyman
😎
– faqat mustaqil izlanaman
@oriftolib
|
Sahifalarimiz
📚
Oʻzbek tiliga oid eng kerakli kitob va lugʻatlar
Oʻquvchi,
abituriyent,
oʻqituvchi,
bloger,
kopirayter,
jurnalist, matbuot kotibi,
davlat xizmatchisi,
xullas,
matnga
ishi tushadigan har qanday kishiga zarur boʻlgan 26 ta kitob,
qoʻllanma
va lugʻatni bitta joyga toʻpladim.
Oʻzbek tilini rivojlantirish jamgʻarmasi saytiga joylangan ushbu manbalarni oʻzingizga kerakli boʻlimdan bemalol yuklab oling:
✍️
Umumiy tilshunoslik va imlo lugʻatlari
▫️
Oʻzbek tili frazeologik lugʻati
▫️
Oʻzbek tili sinonimlarining izohli lugʻati
▫️
Oʻzbek tili sinonimlarining katta izohli lugʻati (2 jild)
▫️
Oʻzbek tilining katta imlo lugʻati
▫️
Oʻzbek tilining oʻquv imlo lugʻati
▫️
Oʻzbek tilining orfoepik lugʻati
▫️
Oʻzbek xalq soʻzlari
▫️
Ózbekshe-qaraqalpaqsha sózlik
🏢
Ish yuritish va rasmiy hujjatlar
▫️
Davlat tilida ish yuritish (lotin)
▫️
Mámleketlik tilida is júrgiziw (Qoraqalpoq tilida)
🔬
Maxsus sohalarga oid atamalar
▫️
Axborot texnologiyalari atamalarining izohli lugʻati
▫️
Bank-moliya terminlarining oʻzbek tilidagi izohli lugʻati
▫️
Diplomatik terminlar izohli lugʻati
▫️
Yuridik terminlarning ruscha-oʻzbekcha lugʻati
▫️
Tibbiy atamalar lugʻati
▫️
Oʻzbek harbiy terminologiyasi
▫️
Ijtimoiy-siyosiy terminlarning qisqacha izohli lugʻati
▫️
Xalqaro terminelementlarning izohli-illyustrativ lugʻati (lotin)
🎓
Tarix, adabiyot va toponimika
▫️
Alisher Navoiy ensiklopediyasi (4 jildlik)
▫️
Oʻzbek tili shakllanish va rivojlanish tarixi
▫️
Oʻzbek shevalari tadqiqotlari: konferensiya materiallari
▫️
Oʻzbek adabiyotini oʻqitish metodikasi
▫️
Oʻzbek tilini ikkinchi til sifatida oʻqitish metodikasi
▫️
Oʻzbekiston joy nomlari (2 jildlik)
▫️
Oʻzbekiston joy nomlarining izohli lugʻati
▫️
Soʻz xiyoboni (adiblar soʻz taʼrifida)
📌
Bu post qachondir albatta
asqatadi
. Yoʻqotib qoʻymaslik uchun saqlab oling va doʻstlaringizga ham yuboring!
@oriftolib
|
Boshqa sahifalarimiz
77 yoshli Murakamining yangi romani talash boʻlyapti
Tanqidchilar qariyb yarim asr davomida Haruki Murakamini ayollarni faqat ikkinchi darajali qahramon sifatida tasvirlashda ayblab keladi. Biroq 77 yoshli adib oʻzining 16-romani –
The Tale of Kaho
asarida bu qarashni butkul parchaladi: u ilk bor butun syujetni ayol nigohi orqali qalamga oldi.
Yaponiyada kitobxonlar ilk 300 ming nusxani bir necha kunda xarid qilib tugatdi. Asarning xalqaro bozordagi taqdiri ham qizgʻin kechyapti: Janubiy Koreyaning 10 dan ortiq yetakchi nashriyoti uning tarjima huquqi uchun
auksionda
kurashyapti. Muallifning agentlari gʻolibni katta taklifga qarab emas, nashriyotning nufuzi va kitobni targʻib qilish byudjetiga tayanib tanlaydi.
Ajoyib-a? Asaringni chop etish uchun nashriyotlar
kimoshdi
savdosida kurashsa!
Siz Murakamining biror asarini oʻqiganmisiz?
🔥
– Albatta, uning uslubi yoqadi
😎
– Endi oʻqimoqchiman
@oriftolib
|
Sahifalarimiz
❗️
Bir mashhur fikr bor:
Arzon narsa tez unutiladi, sifat esa uzoq esda qoladi.
Shu tamoyil asosida siz uchun Telegramdagi ishonchli, obroʻli va aniq maʼlumot beradigan sifatli kanallarni bir papkaga yigʻdik.
Banklar, taʼlim, iqtisodiyot, huquq, siyosat, tahlil va dolzarb kuzatuvlar — hammasi bir joyda.
📌
Jildni oching va saralangan kontentni kuzating.
👇
👇
👇
https://t.me/addlist/v6WWoLirQM1mNjky
2 million dollarlik bitim nega bekor boʻldi?
AQSH nashriyotlari Jerri Faladening detektiv romani uchun 2 million dollardan ziyod narx taklif qildi. Biroq oradan koʻp oʻtmay, adabiy agentlik kitobni kimoshdi savdosidan qaytarib oldi. The Guardian nashri
yozishicha
, bunga qoʻlyozmada sunʼiy intellekt qoʻllangani haqidagi shubha sabab boʻldi.
Agentlik muallifdan asarning qoralamalarini koʻrsatishni, qanday sayqallanganini isbotlashni soʻradi. Falade yozilish jarayoni tarixini koʻrsatolmagach, noshirlar tavakkal qilishdan chekindi. Chunki amaldagi qonunchilik boʻyicha
SIda
yaratilgan matnga mualliflik huquqi berilmaydi.
Yozuvchining oʻzi esa ayblovlarni mutlaqo rad etyapti. Bu voqea ijodkorlar uchun jiddiy saboq: bugun qoʻlyozmaning har bir tahrir bosqichini arxivlab borish ham hayotiy zaruratga aylanyapti.
Siz ijodiy matnlaringizning qoralamalarini saqlab borasizmi?
🔥
– Albatta
😎
– Yoʻq
@oriftolib
|
Sahifalarimiz
Ozarbayjonmi, Ozarboyjon yoki Azerbayjan?
Matbuotda qardosh davlat nomi turlicha yozilyapti: ayrim nashrlar
Ozarboyjon
shaklini ishlatsa, baʼzilari
Ozarbayjon
deb yozadi. Ilgari men ham soʻz etimologiyasiga tayanib uchinchi boʻgʻinni
o
bilan
yozardim
.
Biroq imloda soʻzning kelib chiqishidan koʻra jonli talaffuz koʻproq tosh bosadi. Biz bu nomni asosan
Ozarbayjon
deb talaffuz qilamiz, yozuvda ham shu shaklda bergan toʻgʻriroq.
Bir gazetada
Azerbayjan
shaklida yozilganiga ham koʻzim tushgandi. Bu – xato. Til –
tirik tizim
, u oʻz qonuniyatlariga boʻysunadi. Ozar tilida yurtimiz
Özbəkistan
deb yoziladi, biz ulardan
Oʻzbekiston
shaklida yozishni talab qilmaymiz-ku.
📌
Demak:
Ozarbayjon
✅
Siz qaysi shakldan foydalanasiz?
🔥
– Ozarbayjon
😎
– Ozarboyjon
#Soʻragan_edingiz
@oriftolib
|
Sahifalarimiz
Tayanch doktorant va doktorantlar ishsizmi?
Amaldagi
qonunchilikka
koʻra
, tayanch doktorantura va doktoranturadagi oʻqish davri ish stajiga qoʻshib hisoblanadigan mehnat faoliyati turiga kiradi. Ammo MyGov, Yagona milliy mehnat tizimi, soliq tizimi elektron bazalarida bu davr aks etmaydi. Agar qoʻshimcha biror joyda ishlamasangiz, tizimda shunchaki “ishsiz”ga aylanasiz.
Dard ustiga chipqon holat ham bor. Aksariyat universitet va institutlar oʻzlarini asosiy ish joyi deb bilib, doktorantlardan mehnat daftarchasini topshirishni soʻraydi. “Sizning asosiy ish joyingiz shu yer, hujjatingiz bizda turishi kerak!” degan talabni qoʻyadi. Mehnat daftarchasini olishga olishadi-yu, lekin doktorant haqidagi maʼlumotni bazaga kiritishmaydi yoki kirita olishmaydi. Sababi
my.mehnat.uz
tizimi mehnat shartnomasi (ish haqi)ga asoslangan. Doktorantura esa qonunan ish joyi emas, oliy taʼlimdan keyingi taʼlim bosqichidir. U yerda maosh emas, stipendiya toʻlanadi. Lavozimlar klassifikatorida
tayanch doktorant
yoki
doktorant
degan lavozim yoʻq.
Biroq bu davr baribir stajga qoʻshilishini hisobga olsak,
tadqiqotchining
amalda “bekorchi” boʻlib qolishi mantiqsizlikdir. Muammoni hal qilish uchun tizimga alohida “Tadqiqotchi” moduli kiritilishi kerak. Shunda tayanch doktorant va doktorantlarni tizimda aks ettirish mumkin boʻladi va yillar mobaynida hal qilinmay kelayotgan muammo barham topadi.
Oliy taʼlim, fan va innovatsiyalar vazirligi hamda Kambagʻallikni qisqartirish va bandlik vazirligidan ushbu masalani ijobiy hal etishlarini soʻraymiz.
Bu mavzuga yana qaytamiz.
@oriftolib
|
Sahifalarimiz