Ummu Umayr (reserve)🌴
Yangi Yilni shunchaki nishonlash mumkinmi?
@palmoviysad
Meni tabriklamang yangi yil bilan,
Moʻmin ekanimga shubha uygʻotmang.
Uzoqlashib ketmay dil yaqin bilan,
Meni bir tilakka alishmang, sotmang.
Buzmangiz uyqumni choʻkkanida tun,
Cherkov zangisidek urilmasin bong.
Kecha shovqinlarga boʻlmasin tutqun.
Oddiygina otsin ertangi u tong.
Qorbobo yubormang bolamga atab,
Shirin tushlarini buzmang, iltimos.
Koʻziyu koʻnglini Qurʼonga qadab,
Bazoʻr yolgʻonlardan etyapman xalos.
Archa keltirmadim hovlim sahniga,
Shifo boʻlsa hamki muattar hidi.
Yashnagan novdani kesayin nega,
Koʻngil istaklari podshomi edi!?
Meni tabriklamang yangi yil bilan,
Oʻtgan bu umrimdan quvonay nechun?
Gunohkor vujudu shunday dil bilan,
Tarixim yozildi, doʻstginam, tushun.
Qordayin oqlikni tilamang aslo,
Oyoqlar ostida qolmoqchimasman.
Yaxshi niyat ila bersangiz hatto
Bu kun hadyalarni olmoqchimasman...
Meni tabriklamang yangi yil bilan...
(C)
🤩
🤩
🤩
🤩
🤩
🤩
🤩
🤩
🤩
🤩
Ushbu yopiq kanal faqat ayol-qizlar uchun!!! Ps. Nuqta yo boshqa ayollikni anglatmaydigan belgidagi ayol kishilar ismingiz bilan kanalga kiring. https://t.me/+wMKv4qg7YgFkODUx
Madinayi Munavvarada ayollar uchun ta’lim haqida bilganlarim
⤴️
Alloh foydali qilsin!
@palmoviysad
Abadiy uy
Hozir zaruriy ehtiyojdan tashqari uylar sotib olish, hali tug’ilmagan yoki ulg’aymagan go’daklarga uy olib, kelajak uchun qayg’urish bir modaga aylanibdi. Bunaqa dunyo tijoratida hamisha tavakkal katta bo’ladi. Balki uy siz yoki bolangizga nasib qilmas, qadaringiz ertaroq uzilar? Balki G’azodagidek urush o’chog’ida qolib ketar o’sha uy, Turkiyadagidek zilzila qurboniga aylanar. Yaxshi niyat bilan olishdan hech kim man qilmaydi, albatta, ammo bu maqtanish, takabburlik vositasiga aylanmasligi lozim. O’z o’rnida imkoniyati tor musulmonlar Allohning fazlini qo’sha-qo’sha uylar bilan ham o’lchashmasin. Bizga nabaviy meros bunaqa uylardan afzali, mustahkami va abadiyini qanday olishni o’rgatib ketgan:
Abu Hurayra roziyallohu anhudan rivoyat qilinadi: Rosululloh sallollohu alayhi vasallam aytdilar: “Kim “Ixlos” surasini 10 marta o’qisa, unga Jannatdan bir uy quriladi. Yigirma marta o’qisa, ikkita uy quriladi. O’ttiz marta o’qiganga uchta uy quriladi”.
Tabaroniy, 281, Mo’jam al-avsat
(C) ummu Umayr
@palmoviysad
O’rniga qo’yilmasa, fazilat ham qiymatini yo’qotadi
Dunyoda shunday yaxshi amallar borki, o’z mavridida qilinmasa, “yaxshilik” qiymatini yo’qotib qo’yadi. Har qanday xayrli narsaning ham o’z o’rni bo’ladi, “yaxshi”ligi hamma imtiyozga ega, degani emas.
Masalan, Qur’on tilovati qanday ham go’zal amal, ammo ruku yoki sajda uning o’rni emas. Maslahat yoki tavsiya qanday ham foydali narsalar, ammo so’ralmagan o’rinda ular foydasini yo’qotishi mumkin, illo vojib holdagi nasihat, amri ma’ruf, nahiy munkar o’rinlari bundan mustasno. Manfaatli bo’lsin, deb hamma ish ham qilinavermaydi, hamma narsa ham tavsiya qilinavermaydi. Hikmat mo’minning bezagi, ehtimol manfaat emas, balo olib kelar sizning himmatingiz? Tarozida o’lchay olish va kamroq zararni tanlay bilish — muhim.
Mavridini topib aytilgan gap, o’rnida qilingan amal, paytida berilgan maslahat munosabatlarni mustahkamlaydi, insonning fazilatlarini oshiradi.
(C) ummu Umayr
@palmoviysad
Bepayon dashtliklar, pastak tog’liklar
Saksovul bag’ridan topaman pana
Dunyoyim bunchayam to’la jarliklar
Senga oshiqaman, yo’ldaman yana
Bo’m-bo’sh idishdagi bo’shliq kabiman
Dunyoni yutsam ham to’lmaydi ichim,
Senga ibodatdan boshqa choram yo’q,
Sensiz bu bo’shliqqa yetmaydi kuchim.
Yo’l uzun, masofa bir qadar uzoq,
Ammo hayollarim baridan chigal,
Million bir o’y bilan yo’lga otlandim,
Ammo birortasi bo’lmadi tugal.
Uzoqdan mo’ralar, qizarib quyosh
Go’yo ufqqa tomon mendan yuz burgan,
Shunchayam notovon bo’lurmi inson?
Ko’ksimga o’rgimchak to’rli in qurgan
Robbim, yana qalbim siniqib qoldi,
Yana dunyo bo’ldi ko’zlarimga tor,
Bilaman, har neda hikmating bordir,
Hamisha qurshovchi rahmating ham bor.
Bilaman, Sen O’zing — Xobiyr, Basiyrsan!
Bilamanki, lufting mudom men bilan,
Umidim ichimda uzilmas uchqun:
Ko’zim gapiradi dilim nomidan.
Yaxshiyam Sen mening Allohimsan, oh,
Yaxshiyam, tanigan Seni ko’r ko’zim,
Yaxshiyam, yaxshiyam, Sening qulingman.
Yaxshiyam, olamga Moliksan O’zing!
(C) ummu Umayr
@palmoviysad