Paramadaniy 📣

🇺🇿
Marketingda o‘zbek tili: imkoniyatlar va muammolar
Marketing va reklama olamida o‘zbek tili hali ham o‘z “kreativ ovozini” izlayapti. Ko‘plab brendlar ikki tilli muloqotdan foydalanadi, ammo o‘zbekcha ifoda uslubi, ohang va so‘z boyligini to‘liq ochib bera oladigan kontent hanuz kam.
Оchiq suhbatda mutaxassislar o‘z tajribalari, kuzatuvlari va brendlar bilan ishlash jarayonida duch kelgan misollari bilan bo‘lishishadi. Suhbat davomida biz quyidagi savollarga javob izlaymiz:
— O‘zbek tilini marketing tili sifatida shakllantirish uchun nimalar zarur?
— Ikkitillik: imkoniyatmi yoki to‘siq?
— O‘zbekcha “zamonaviy” kopirayting qanday bo‘lishi kerak?
— Qanday qilib brendlar o‘zbek tilida tabiiy va ishonchli eshitilishi mumkin?
— Hududlar, shevalar va madaniy farqlarni inobatga olish kerakmi?
🎙
Spikerlar:
•
Madina Nurman –
Daryo.uz
muxbiri, fotojurnalist
•
Otabek Sharapov –
605 agentligi va Marketing Bo‘limi asoschisi
• Mirzayor Erkinov –
Korzinka supermarketlar tarmog‘i kopirayteri, mustaqil PR va kreativ mutaxassisi
Moderator:
•
Sardor Babaev –
We Digital agentligi PR va kreativ bo‘yicha direktori
🗓
21-oktabr, 19:00
📍
ALPHA biznes-markazi, 3-qavat
Qatnashish bepul! Joylar soni cheklangan,
havola orqali
oldindan ro‘yxatdan o‘tishni unutmang!

Kanalni ham tashlab qo‘ydim
😅
Sababi asosiy ishimda — We Digital marketing agentligida, juda ko‘p loyihalar ustida ishlayapmiz, madaniy hordiqqa va post yozishga vaqt umuman qolmayapti. Shunday loyihalarimizdan biri — marketing soxasidagi eng yetuk mutaxassislar bilan panel munozaralardir. Agar marketing va kreativ sohalarda ishlayotgan bo‘lsangiz, siz uchun aniq foydali bo‘ladi
👇

Zamonaviy O‘zbekiston tarixida juda ko‘p «klassik» reklamalar bor — «Kango qani, Kango?» kabilardan tortib, o‘sha mashhur
Nexia reklamasigacha
.
Lekin ulardan ham oldin, O‘zSSR davrlarida yurtimizda reklama allaqachon bo‘lgan. Masalan, tepadagi reklama roliki 1986-1989-yillar oralig‘ida ekranlarga chiqarilgan.
Hatto hozir ham raqsga undaydigan musiqani esa Buxorolik rok-guruhi ijro etgan.
Hozir bozorimizda deyarli «o‘lik» print formati, SSSR davrida ancha mashhur edi. Bunga misol — kalishlar reklamasiga bag‘ishlangan poster.
Ha, aytgancha, xronometraj bo‘yicha ham hech qanday xavotirlar bo‘lmagan: chet ellliklar reklama roliklari 30-soniyadan chiqmasligiga harakat qilib kuyib-pishib yurishgan bir paytda, bizda roliklar bemalol
2-3 daqiqalab
ketavergan.
Hattoki «product placement» ham bo‘lgan — «Ivan Vasilyevich kasbini o‘zgartiradi» filmidan olingan kadr buning isboti.
Xo‘sh, siz qanday qadimgi reklamalarni eslaysiz? Izohlar qoldiring, gaplashamiz.
Читать на русском

🎬
Suv muammolari haqida foto yoki film yarating. Engage H2O yozgi kino va foto maktabiga ariza topshiring!
Engage H2O — bu xalqaro loyiha bo‘lib, suv tanqisligi va iqlim o‘zgarishlari muammolarini yoritishga yordam beradi. Shu loyiha doirasida
O‘zbekistonda Kino havaskorlari assotsiatsiyasi
ko‘magida yozgi kino va foto maktabi o‘z ishini boshlaydi.
O‘qish davomida siz video olish, kompozitsiya, montaj, animatsiya va postproduksiyaning asoslarini o‘rganasiz, suv tanqisligidan aziyat chekayotgan hamjamiyatlar bilan uchrashasiz va yakunda film yoki fotoseriya yaratib topshirasiz.
Birinchi bosqich
Toshkentda 2025-yil 5–15-avgust kunlari
bo‘lib o‘tadi. Ikkinchi bosqichda esa
18–28-avgust kunlari muammoli hududlardan
birida amaliy workshop (ochiq maydondagi mashg‘ulot) o‘tkaziladi. Eng yaxshi ishlar Bryusseldagi, Toshkentdagi va boshqa mintaqaviy tadbirlarda namoyish etiladi.
💧
Quyidagi talablarga mos kelsangiz, ariza topshirishingiz mumkin:
- Ekologiya, iqlim va mintaqadagi suv tanqisligi muammolari sizni befarq qoldirmasa
- Bu mavzuda film yoki suratlar yaratishni istasangiz
- Farg‘ona, Andijon, Namangan, Jizzax yoki Surxondaryo viloyatlarida tug‘ilgan yoki yashayotgan bo‘lsangiz (agar hozir boshqa shaharda yashayotgan yoki o‘qiyotgan bo‘lsangiz ham, ariza topshirishingiz mumkin)
- 18 yoshdan katta bo‘lsangiz va O‘zbekiston fuqarosi bo‘lsangiz
Yozgi kino va foto maktabida ishtirok etish —
bepul
. O‘qitish tillari: o‘zbek va rus.
❗️
Ariza topshirish shartlari va ariza shakllari o‘zbek, rus va ingliz tillarida
mana bu havolada.
Barcha hujjatlar info@uafma.org elektron manziliga yuboriladi.
Ariza topshirish muddati — 2025-yil 15-iyulgacha!
Agar sizda yozgi maktab yoki ariza topshirish qoidalari bo‘yicha savollar tug‘ilsa, murojaat qilishingiz mumkin:
📱
Telegram:
@Nigina31
📱
Instagram direct:
@uafma_uz
✉️
Email: nigina.makhmudova@fom.group

Sardor Erkinovning “Maktub” ko‘rgazmasiga bordim
“Maktub” degani — yozilgan, taqdirda belgilangan degan ma’noni beradi. Ko‘rgazma hayotdagi tasodiflar, tanlovlar va savollar haqida: nega hammasi aynan shunday?
Asarlar akril va moy bo‘yoqda ishlangan. Ranglar sokin, ba’zida biroz og‘ir. Har bir rasm ichingizda savol uyg‘otadi. Shunchaki qarab o‘tib ketib bo‘lmaydi
Ko‘rgazma tinch, ichki mulohaza uchun. Kimdir o‘tmishini eslar, kimdir o‘zini topishga harakat qiladi
Regeneration Art Gallery
Hamid Olimjon, 13А
Ko‘rgazma iyulgacha davom etadi
@paramadaniy

Juda ham ajoyib natijalar va toza O’zbek tilidagi nutq
🤯
veo 3
@pulatov_kh

payme Toshkentga san’atni qaytarmoqda: shaharda uchta
noyob mozaika yuzasi tozalandi
👏🏼
Toshkentda 1970-yillarning o‘rtalarida rassom Nikolay Jarskiy tomonidan yaratilgan, biroq 2021-yilda fasad ta’mirlash ishlari sababli o‘z qiyofasini yo‘qotgan uchta mozaika yana jamoatchilik e’tiboriga havola etildi. Ularning tiklanishi payme tomonidan shahar me’moriy merosini asrashga qaratilgan tashabbusning yana bir bosqichi bo‘ldi. Loyiha Toshkent hokimligi, Madaniyat va san’atni rivojlantirish jamg‘armasi hamda Madaniy meros agentligi ko‘magida amalga oshirildi
Nikolay Jarskiy ijodiga mansub pannolar — sovet modernizmi bebaho merosi edi. Ular uzoq yillar davomida poytaxt vizual qiyofasining bir qismi bo‘lib kelgan, so‘nggi yillarda esa bo‘yoq ostida qolgan edi. Poytaxtning Shayxontohur va Uchtepa tumanlaridagi turar joy binolari fasadlarida joylashgan pannolar yuzasidagi bo‘yoq mutaxassislar nazorati ostida va mozaika yuzasini asrash bo‘yicha qat’iy tavsiyalarga rioya qilgan holda ehtiyotkorlik bilan tozalandi
@paramadaniy

Тижорий рок йилномасида 2003 жирный бўлиб ажралиб туради. Кўплаб гуруҳларнинг энг омадли альбомлари айнан шу йилга тўғри келади. Ҳатто бундай катта рақобатда ҳам Эванесенснинг “Fallen” альбоми ажралиб туради (айтгандек, группанинг дебют альбоми). Шу альбомдан Bring Me To Life қўшиғи рок эшитувчилар даврасидан чиқиб, кўплаб янги мусиқасеравларга жанрни таништира олган. Бизнинг ёшимиздаги кўплаб металхэдлар рок ва металга ўша йиллар шу қўшиқлар орқали киришган. Cannibal Corpse камдан-кам одамнинг ҳаётида бирдан пайдо бўлиб қолади.
Шу суперхит ҳалигача мусиқа оламида ўз ўрнини сақлаб келмоқда. Кўплаб тилларда кавер ҳам қилинган. Ўзбек тилида эса кавери йўқ эди. Бизда каверлар оригинал тилда қилинади одатда. Бу камчиликни Нигина Усманова (Никина) ва Жасур Худойбердиев (Жус) бартараф қиберишди. Никинани кўпчилик Моктаб орқали билишса, Жус ўзбек тилида “Жимлик” тўлақонли студия альбомини тақдим қилган Flyin Up гуруҳининг аъзоси. Каверда унинг Хулиганс жамоаси қатнашган. Каверга жиддий ёндашув кавер видеосидаги эстетикадан ҳам сезилган.
Никинадан бу жанрда муаллифлик қўшиқларини ҳам кутиб қоламиз
https://youtu.be/GZ7XD2lXWjM?si=WI31TRg7zsnY5Gk1

O‘zbekiston
🇺🇿
pavilioni Yaponiyadagi
🇯🇵
Expo 2025 da
Manba

Biz ko'zimiz bilan ko'ra olmasakda, hech bo'lmasa tasavvur qilib ko'rishimizda sun'iy intellekt yordam berdi
@sherbek_safariy