Pediatr Nur Olimovna

"Yahshi bola" sindromi
Assalomu alaykum hurmatli obunachilar.
Men bugun sizlarga "yahshi bola" sindromi haqida aytib bermoqchiman.
Bunday bolalarning ota-onalar ularni faqat yahshi natijalari uchun yahshi ko'rishadi.
"Besh" olgan kuni tabriklashadi, "4" olgan kuni qovoq solishadi.
Bola bechora "2" va"3" olsa, stressga tushadi.
Olimpiadalardan, musobaqalardan faqat muvaffaqiyat kutishadi.
Bir misol -bunday bolalarning ota-onalari : u sinfda birinchi a'lochi, u albatta yutadi, u musobaqada birinchi bo'ladi" deb atrofga jar solishadi.
Natijada farzandlari XATO qilishdan qo'rqishadi, mag'lubiyatga uchrasa tushkunlikka tushishadi va ular haqiqiy baxtni his qilishmaydi.
Ho'sh, qanday yondoshish kerak? Bolani muvaffaqiyati uchun emas, harakatlari, muvaffaqiyat uchun urinishlari uchun rag'batlantirish kerak.
Ular kelajakda baxtli va pozitiv insonlar bo'lishi uchun ularni sevishni o'rganishimiz kerak.
Hurmat bilan Pediatr Nur Olimovna.

Bolalarda qorin dam bo'lishi onaga bog'liq
Assalomu alaykum qadrli obunachilar
Keyingi vaqtlarda bolalarda qorin dam bo'lish holatlarining uchrash darajasi oshib ketmoqda. Chunki onalarimiz juda asabiy va injiq bo'lib ketishyapti.
Avvallari ham qaynonalar bilan murosasizliklar bo'lgan, lekin kelinlarimiz shunchaki "odat" deb qabul qilishib hafa bo'lishmagan.
Hozirda ijtimoiy tarmoqlardagi " baxtli" dugonalariga o'xshamoqchi bo'lishganidanmi, o'z hayotlarini eng baxtsiz, eng omadsiz deb bilishyapti.
Qorinda sanchiq bilan kelayotgan go'daklarning deyarli barchasining onalarida havotir, qo'rquv, nafrat, tushkunlik bor.
Aziz onajonlar! Sizlarni Alloh sevgani uchun sizga farzand berdi va uning parvarishi, tarbiyasini sizga va juftingizga yukladi.
Sizda 1 ta maqsad bor va bu yo'lni mufaffaqiyatli bosib o'tishga energiyangizni sarflang, atrofdagilarning muhokamasi uchun emas.
Sut hosil bo'lishi uchun yahshi ovqatlaning, kayfiyatni saqlang.
Bolaning muammosi parhez bilan emas, sizning pozitiv kayfiyatingiz bilan bartaraf bo'lishini unutmang.
Hurmat bilan Pediatr Nur Olimovna

Yaqinlarga vaqt ajrating
Assalomu alaykum qadrli obunachilar. Hayot shunchalik tez o‘tadiki, ko‘pincha biz eng muhim insonlarni, ya'ni yaqinlarimizni keyinga qoldirib qo‘yamiz.
Diydor kunini kutmasdan tez-tez qo'ng'iroq qilish yaqinlarimizni qanchalik hursand qilishi mumkinligini tasavvur ham qilolmaymiz.
“Keyin gaplashaman”, “bo‘shasam qo‘ng‘iroq qilaman” va yoki "dam olish kuni borib kelaman"degan o‘ylar esa ba’zan kech bo‘lishi mumkin.
Bir oddiy telefon qo‘ng‘irog‘i bu shunchaki suhbat emas, bu e’tibor, bu mehr, bu “sen men uchun muhim odamsan” degan jim ifodadir.
Balki siz uchun oddiy bo‘lgan bu qo‘ng‘iroq, ular uchun butun kunni yorug‘ qiladigan sabablardan biri bo'lishi mumkin. Yaqin insonlar doimo yonimizda bo‘lavermaydi, vaqtlar o‘tadi, sharoitlar o‘zgaradi, masofalar uzoqlashadi. Afsuski aloqani saqlab qolish — bu bizning qo‘limizda.
Siz telefon qilar ekansiz, ulardan "Ahvolingiz yahshimi?", "Bugun nimalar qildingiz?", "Siz bilan ko'rishib gaplashishni juda hohlayapman"kabi gaplarni aytishingiz ularni juda hotirjam qiladi. Juda ko'p hollarda biz biror tashvishga tushsak va ularni kimgadir aytish yoki uzundan uzoq g'iybat gapirish uchun telefon qilamiz, lekin bu yaqinlarimizga nisbatan adolatsizlikdir.
Shuning uchun kechiktirmasdan, bir necha daqiqa ajrating. Telefon qiling. So‘rang: “Ahvollaringiz yahshimi?” Yaqinlaringizni qadrlang — ular hayotingizning eng katta boyligidir.
Hurmat bilan pediatr Nur Olimovna

IELTS dan natija olmasa bolasini urgan ona
Assalomu alaykum qadrli obunachilar.
Bilasiz men suyunsam, shukur qilsam, hotirjam bo'lsam yoki biror voqeadan ta'sirlansam, qalbim og'risa post yozaman.
Hozirgina bir voqeani eshitdim. Oddiy qishloq oilasining qizi ingliz tili o'qigan va IELTS topshirgan. Ungacha domlasi 7 oladi deb ota-onani ishontirgan.
Hullas topshirgan, qoshnilari 6 va 6.5 olgan, lekin u qiz 5 olgan.
Shunda onasi... Jazavaga tushib qizini urgan. Bu yerda mablag' ham muhim emas,
Sababi qo'shnilarning bolalariga solshtirish bo'lgan.
Biz ota-onalar bolalarimizni u tug'ilishi bilan tug'ruqxonadayoq solishtirishni boshlaymiz, "katta", "kichik", " oppoq", "sariq". Keyin maktabda, mahallada solishtiramiz.
Lekin, bilmaymizki ular biz uchun faqat yagona! Biz qachonki bolalarimizni qanday bo'lsa shundayligicha sevmasak, ular yahshi natija ko'rsatolmaydilar!
Muhimi ular bor va go'zal!
Hurmat bilan Pediatr Nur Olimovna

Bolalarga dadasini yomonlamang
Assalomu alaykum qadrli onajonlar.
Bolalarimiz ulg'aygan sari ular bilan gaplashishni hoxlaymiz. Ayniqsa qizlarimiz bilan dugona sifatida ichki kechinmalarimizni aytib beramiz.
Misol uchun turmush o'rtog'ingizdan hafa bo'lsangiz yoki o'zingizga yoqmagan hislatlarini beihtiyor bolalaringizga aytib yuborasiz.
Masalan " pul bermaydi", "Meni tushunmaydi", " Nega ham shu odamni tanladim" va hok...
Afsuski, siz turmush o'rtog'ingiz bilan darhol yarashib ketasiz, lekin bolalar qalbida bu salbiy tasavvurlar umrbod qoladi.
Ular juda katta ishonchdan mahrum bo'lishadi, otaga nisbatan hurmatlari tushadi va bu o'mirlik davrida turli ruhiy iztiroblarga sabab bo'ladi.
Azizlar! Bolalar bilan shahsiy muammolaringizni muhokama qilmang, bu juda katta XATO!
Hurmat bilan Pediatr Nur Olimovna

Assalomu alaykum qadrli obunachilar.
Savolnomaga deyarli 200dan ortiq onajonlar javob bergan, bu sizlarning yangilikka va bilimga qiziqishingizni ko'rsatadi.
Afsuski, savolnoma o'zbek oilalaridagi qadriyatlar, urf odatlarga moslashtirilmagan edi. Balki shuning uchun savolnomada hamma nazorat qiluvchi ona sifatida chiqmoqda.
Masalan, bir ona dasturxon tepasida faqat bir yoki ikki bola uchun mas'ul emas, u ovqatlanish jarayonida bolasiga ovqatlar haqida ma'lumot aytib o'tirishga vaqti yo'q, chunki bizning qadriyatlarimizda ovqat vaqtida gapirish ko'p hollarda taqiqlanadi (bu menimcha to'g'ri), keyin deyarli barcha oilalarda ovqat mahalda televizor yoniq bo'ladi va buni onalarimiz chegaralay olmaydi.
Yoki aksariyat dasturxonda kattalar istagiga ko'ra ovqatlar tayyorlanadi va ona o'z qonunlarini o'rnatishi mumkin emas (masalan, to'kib sochib ovqatlanish, bolani erkin qo'yish).
Bu muammolar bu testni modifikasiya qilishni taqozo etadi, ya'ni sizning aslida qanday ona ekanligingizni bilish uchun bu testga yana boshqa savollar qo'yish va almashtirish kerak bo'ladi.
Yuqorida keltirilgan javoblar menda bor va bu savollarga qanday yondoshganligingizni o'rganib chiqib sizga sharhlab beraman.
Albatta tez kunda! Postlarimni kuzatib boring!
Hurmat bilan Pediatr Nur Olimovna

https://youtu.be/mAFxjKIMKnE?si=OyfMS11iqzd8RbKz

https://bola-ovqatlanish-anketa.netlify.app/

Siz qanday onasiz?
Assalomu alaykum qadrli obunachilar! Bahorning har bir go'zal kuni hayotimizga ta'sir o'tkazmoqchi bo'lyapti, lekin kimdir buni sezyapti, kimdir esa yo'q...
Shuningdek oilada farzandlarimizga bo'layotgan munosabatlarda ham qilayotgan tarbiyamiz xatomi yoki to'g'ri ekanligini ba'zan bilamiz, ba'zan esa bu haqda o'ylamaymiz ham.
Bolalarning ovqat tanlab yeyishi, ularning ovqatga nisbatan munosabatini shakllantirishda xam onaning o'rni juda katta.
Qaysiki bola, ovqat yeyishi kerakligini bir quvonch deb qabul qilsa, undan bosh tortmasa va siz bergan ovqatni sevib yesa, bilingki siz to'g'ri yo'ldasiz.
Quyida ajoyib savolnoma taqdim etmoqdaman. Bu savolnomaning har bir savoli -bu ilm, unga javob berishga shoshilmang, agar ba'zi javoblarini bilmasangiz ( bolaning bo'yi, vazni) bilib yozing.
Aziz onalar bolaga ovqat berish bu san'at! Savolnoma oxirida sizning qanday ona ekanligingiz aniq bo'ladi.
Hohlasangiz ballaringiz va qanday javob kelganligini kanal orqali ulashing.
Marhamat aziz onajonlar, bu juda qiziq!
Hurmat bilan Pediatr Nur Olimovna

Ramazon hayiti muborak bo'lsin!
Azizlarim! Ramazon hayiti barchamizning oilamizga barakot olib ki'rsin. Tutgan ro'zalarimiz qabul bo'lsin.
Qalbimiz yumshasin, shukronalik hissi ko'paysin. Barchamizni Alloh ilmga rag'bat qilsin.
Farzandlar tarbiyasida sobitqadam bo'laylik, ularning kelajagini go'zal va hotirjam bo'lishiga zamin yarataylik.
Bugun barcha bolalarga hayitlik sovg'alari berishni unutmang!
Hurmat bilan Pediatr Nur Olimovna