Pediatr Nur Olimovna

Onaning ko'kragi qotib qolsa...
Assalomu alaykum qadrli onajonlar!
Keyingi vaqtda juda ko'p emizikli onalar ko'krak bezining qaysidir qismi qattiq bo'lib o'g'rishidan, hatto sutining kamayganidan shikoyat qilishmoqda.
Sutning sut yo'llarida tiqilib, to'planib qolishi aynan bola 3-4 oy bo'lganda uchraydi.
Buning sababi sut to'liq chiqib ketmay bir joyda to'planib qoladi, ba'zan sog'ish, emizish juda og'riqli bo'ladi.
Zamonaviy tibbiyot spirt bilan kompress qilishni inkor qilmoqda, sababi alkogol bolaga sut orqali o'tishi yoki terini zararlashi mumkin.
Ho'sh nima qilish kerak? Avvalo shu qotgan joyga sovuq kompress qilish kerak.
Keyin ko'krakning qaysi qismi qotsa, shu tomonga bolaning pastki jag'i to'g'ri keladigan qilib emizish kerak, ya'ni bola pastki jag'i bilan intensiv so'rganda tiqilgan sut chiqib ketadi.
Og'riq kuchayganda ibuprofen ichib olish ham foyda beradi.
Bu usul bo'la ko'krakning uchini tishlay boshlaganda yara bo'lgan joyni ehtiyot qilish uchun ham qo'l keladi.
Marhamat qo'llab ko'ring, manfaatim tegsa, hursand bo'laman.
Hurmat bilan Pediatr Nur Olimovna

Polipragmatizm bu -keraksiz dorilar bilan davolash?
Juda ko'p retseplarni kuzatganimizda shifokorlar bolalarga asossiz, bir necha dorini berayotganining guvohi bo'lamiz.
Kuni kecha 7 kunlik chaqaloqqa bir necha hil dori yozilgan va muntazam ichirish tavsiya qilingan, yana kamiga 200 ming turadigan sun'iy aralahma yozib berilgan, vaholanki onada sut yetarli.
Nega dorilar zararli?
1.
Bola organizmi to‘liq yetilmagan
— ortiqcha dori jigar va buyrakka og‘irlik qiladi.
2.
Dorilar o‘zaro reaksiyasi
— ularning bir-birini kuchaytirishi yoki toksik ta’siri bor.
3.
Antibiotikga qarshilik shakllanadi
— zaruratsiz antibiotiklar kelajakda ta’sir qilmay qoladi.
4.
Allergik reaksiyalar, disbakterioz
— ortiqcha aralashuv immunitetga zarar yetkazadi.
Bu holatdan shifokorlarning ham aybi bor:
Tashxisga aniqlik kiritmasdan "shunchaki berib turamiz" degan yondashuv.
Ota-onaning “tezroq sog‘aytiring” bosimiga yon bosish.
Har ehtimolga qarshi —
antibiotik, antivirus, yo‘tal siropi, immunmodulyatorlar
... barchasini birga yozib berish.
Yengil holatlarda ham davo rejimini murakkablashtirish, noto‘g‘ri reklama ta’sirida qolish.
Ho'sh bunday holatda o
ta-onalar nima qilishlari kerak?
Har bir dori uchun "bu nima uchun kerak?" deb so‘rashga haqqingiz bor.
Davolashdan ko‘ra — to‘g‘ri tashxisni talab qilish muhim.
Sog‘lom ovqat, toza havo, yetarli uyqu, e’tibor va vaqt — ba’zan har qanday doridan afzal.
Shifokor ham, ota-ona ham o‘z o‘rnida mas’ul. Farzand sog‘ligi — hamkorlikda himoya qilinadi
. Har kasallikka 5 ta dori emas,
to‘g‘ri tashxis + kerakli dori + sabr
, menimcha to'g'ri tanlov.
Hurmat bilan Pediatr Nur Olimovna

M
elazma faqat quyoshdanmi? Telefon va kompyuterdan ham ehtiyot bo‘ling!
Ko‘pchilik melazmaning ( Yuzdagi qora dog'lar)sababi faqat quyosh deb o‘ylaydi. Aslida esa, uyda o‘tirib, kun bo‘yi telefon, kompyuter yoki planshetga tikilish ham bu muammoni kuchaytirishi mumkin.
Nega?
Chunki ushbu qurilmalar
ko‘k nur (blue light)
tarqatadi. Bu nur:
Teridagi pigment hujayralarini faollashtiradi
Dog‘larning chuqurlashishiga olib keladi
Melazma, chandiq va boshqa pigmentatsiyalarni yomonlashtiradi
Shuning
uchun, faqat quyoshli kunda emas, balki:
Uyda kompyuterda ishlaganda
Telefon orqali uzoq vaqt TikTok, Instagram ko‘rganda
Hatto bulutli kunda ham —
SPF kremini surtishni unutmang!
Dermatologlar
SPF 30 yoki undan yuqori bo‘lgan
kremni har kuni surtishni, har 3-4 soatda yangilab turishni tavsiya qiladi.
Eslatma:
SPF krem faqat ko'chaga chiqqanda emas — har bir kuningiz uchun zarur!
Terining sog‘ligi — bu nafaqat go‘zallik, balki o‘ziga bo‘lgan hurmatdir.
Hurmat bilan Pediatr Nur Olimovna

​​
​​Tungi enurezning eng katta sabablaridan biri burundagi yoki halqumdagi muammolar bo'lishi mumkin.
Tungi enurez kasalligi hozirgi vaqtda dolzarb muammolardan biridir. Chunki bolalar ko'p vaqt tagliklarda yurishib, onalar bolani tuvakka o'tqazishga biroz sovuqqonlik bilan qaramoqdalar.
Bolaga berilayotgan turli gadjetlar esa bolaning bosh miyasida siydik pufagi bilan bo'luvchi bog'liqlikning buzilishiga sabab bo'lmoqda.
Ayniqsa, onalarning bolalarga nisbatan negativ munosabati bola hatto o'smir yoshga yetguncha ham bu muammoning davom etishiga va bolada ruhiy tushkunlikning kuchayishiga olib kelmoqda.
Onalar bolada o'ziga nisbatan ishonch bo'lishi uchun kurashmasdan ularga achinish va ba'zan achchiqlanish holatlarini oshkor qiladilar.
Menga shikoyat qilib kelgan onalarga ularning bolani bag'riga har kuni bosib, unga ishonishlarini aytishi va ularni bu yo'lda qo'llab quvvatlashi juda foyda bergan, hatto bu holat yaxshi natija berganidan hayron ham bo'lganlar va bolalarni uzoq yillar mobaynida jazolaganliklari uchun afsus chekkanlar, hatto bir ona to'shakni ho'llab qoygan farzandini qorong'u xonaga qamab qoyganini eslab yig'lagan.
Yana shuni ta'kidlash kerakki, aksariyat tungi enurezi bor oilalarda er va xotin munosabatlarida doimo muammo boladi yoki bola ukalari yoki akalari, opalari bilan doimo taqqoslanadi.
Qadrli ota-onalar, agar farzandingizda tungi enurez muammosi bo'lsa, og'iz va burun bo'shliqlarini tekshirtiring, chunki kislorod bilan miya yaxshi ta'minlanmasa, bola charchab qattiq uyquga ketadi
Eng muhimi unga ishoning va tez-tez bag'ringizga bosing.
Pediatr Nur Olimovna

Hayrli kun hammaga
☕️
Anchadan buyon hohlagandim yurish, yengil yugurish uchun moslamani
💪
☺️
Ikkinchi homiladorlikdan keyin vazn yo'qotish ancha qiyin bo'lyapti. Hozir oshiqcha 10kg bor menda
🙈
O'zbekistonga ketishimizga 2 oy qoldi, hudo hohlasa oktabrda boramiz. Ungacha o'zimga katta maqsadlar qo'ydim. Sog'lom va stressiz vaznni kamaytirish. Ayniqsa emizish vaqtida organizmga ko'p stress qilib bo'lmaydi. Shuning uchun quyidagilarni bajarishni niyat qilayapman
🙏
💊
Vitamin, omega-3, kalsiylarimni to'xtatmasdan qabul qilish. Doktorga borib qon analiz ham qildirib, shunga binoan kamchiliklarim ustida ishlash.
🚶‍♀️
Kuniga yengil 8 ming qadam
yurish.
🧘‍♀️
Fizioterapevt maslahati bilan yo'naltiruvchi, tug'ruqdan keyingi tiklanuvchi mashqalar bajarish.
🥑
Sog'lom, proteinga boy, va
shakarsiz ovqatlanish.
📵
Digital detox. ljtimoiy tarmoqlardan deyarli voz kechish. Telefonda kamroq vaqt o'tkazish.
📚
Ikki oy ichida kamida ikkita kitob o'qib tugatish.
Nima deb o'ylaysiz eplay olamanmikin?
@madinakholmatova

Isitma nega tushmaydi?
Assalomu alaykum qadrli obunachilar!
Juda ko'p ota-onalar isitma baland chiqishidan yoki doriga ham tushmasligidan shikoyat qilishadi.
Yoz oylarida isitma tushishi qiyinlashuvi tabiiydir. Chunki, tashqarida baland harorat, hatto uy ichi ham issiq. Bolaning tanasi issiqlikni chiqarishga sharoit yo'q.
Eng katta hatolarimizdan biri, bu isitmada suvni kam berishimiz hisoblanadi, chunki nafas tezlashgan va bolaning issiqlikni tashqariga uzatishi uchun juda ko'p suyuqlik ichish kerak bo'ladi.
Afsuski, bola suv ichishni hohlamaydi, lekin sharbatlar, kompotlar taklif qilsangiz ichadi, lekin ularni suyultirib berish kerak. Oz-ozdan tez-tez suv berish kerak bo'ladi.
Bolaga oddiy suv surtish kerak holos, har hil aralahmalar mumkin emas, peshonasini ho'llash kerak bo'ladi va hona harorati 20 gradus atrofida bo'lishi kerak.
Agar qo'l oyog'ini sovuq va bola qaltirasa, uning oyoq qo'llarini qizartirguncha ishqalanadi.
Doimo suyultirilgan dori bering, tabletkalarni ham ezib, suyultirib bering.
Darvoqe, isitma tushishini ovqat bilan kutib oling, isitma tushgach bolaga yengil tamaddi bering.
Unutmang! dorilar dozasini bilib bering: 0-3 oy uchun
Parasetamol shamcha - 80 mg, sirop - 2 ml.
4-11 oy uchun 100 mg svecha, sirop 2.5-3 ml, 1-2 yosh uchun 160 mg svecha, 4-5 ml sirop.3-6 yosh uchun 5-10 ml sirop yoki 250 mg tabletka, 7-12 yosh uchun 500 mg tabletka. Bunday parasetamol siropi 120/5 ml bo'lishi kerak.
Ibuklin junior 1 yoshdan katta bolalarga mo'ljallangan bo'lib, 10-20 kg bola uchun yarimta tabletka, 20-30 kg bola uchun 1 tabletka, dozasi 2 mahal holos.
Analdim vafqulodda, boshqa dorilar yordam bermasa qo'llaymiz. 1-3 yosh uchun yarimta svecha, 4-7 yosh uchun to'liq svecha qo'yamiz.
Dorilar berishda albatta shifokor maslahatiga amal qiling.
Hurmat bilan Pediatr Nur Olimovna

Qaynona kelin munosabatlarining yechimi ham ILM
Assalomu alaykum qadrli obunachilar
Kasalliklar haqida yozing deyishsa ham, negadir oilaviy munosabatlarga fokus qilaveraman.
Chunki bu munosabatlar qurboni bolalardir. To'xtovsiz g'iybatlar, dil og'riqlari homadonda negativ atmosferaga sabab bo'ladi, natijada immun tizim susayadi.
Million yillardan beri davom etib kelayotgan qaynona kelin munosabatlarining yechimi haqida olimlar bosh qotirishib kelgan.
Ularning fikricha, ayollarning yetarli band bo'lmasligi, doimo bir-birining o'zgarishidan umidvor bo'lishi bu janjallarga sabab bo'ladi.
Aksariyat Osiyo qaynona va kelinlarni uy bekalari hisoblanadi, ularni turli o'quv markazlarga yoki ishga jalb qilish bu mojarolarni ancha kamaytirgan.
1. Ayollarning o'qishi bilan band bo'lishi
2.Maqsadga erishishga intilish.
Bunday o'quvchilar natijaga erishish uchun jiddu jahd qiladilar va o'zini muhim inson deb tan oladilar.
Hurmat bilan,
Pediatr Nur Olimovna

Bolalar ravon o'qishni bilishmayapti.
Assalomu alaykum qadrli obunachilar.
O'zingizga ma'lum, "Olim Bolalar Akademiyasi" nomli markaz ochilganiga hali bir oy ham bo'lmadi.
Alhamdulillah, har kuni bolalar bilan muloqot qilishga, ularning ota-onalari bilan dildan suhbatlashishga imkonim bo'lyapti.
Men oilalar haqida, ota-onalar munosabati haqida, bolalar ruhiyatini o'rganish  aynan mahallamdan boshlaganimning sababi, nega aynan ma'lum bir hududda  bolalar aqlli bo'lishi mumkinligini tushundim.
Bu na maktab va bog'chaning aybi, bu ota-onalarning bola bilan vaqt o'tkazmagani tufayli ekan.
Markazga olib kelinayotgan bolalarni turli shart bilan olib kelishyapti, ya'ni ingliz tilini, rus tilini o'rgansin, xotirasi baland bo'lsin, telefon o'ynamasin, aqlli, odobli bo'lsin va hokazo.
Bolalar bilan yaqindan tanishsam, ular hatto harflarni qo'shib o'qib olmayapti.
Men yuqorida nitqida nuqsoni bor bo'lgani uchun bir bola o'qiy olmayapti degandim, afsuski sog'lom bolalar ham o'qishga qiynalishyapti.
3 sinf bola menimcha ravon o'qishni kerak, yozishniku qo'ya turing.
Sabab? Ota ona uy vazifalar bilan shug'ullanmagan.
Ravon o'qishni bilmagan bola kitob o'qishni qayerdan bilsin?
Bir onaga kitob berib, o'qib bering dedim, u qanday? deb hayron bo'lyapti.
Balki men  ozgina oilalarni o'rganayotgandirman yoki noto'g'ri hulosa chiqarayotgandirman.
Buning uchun ilmiy tadqiqot ishlari qilib va bu muammoni o'rganib, keyin hulosa qilish kerakdir.
Aziz ota-onalar!
Hoziroq! Uning necha yosh bo'lishidan qat'iy nazar maktab o'quvchisi bo'lsa, savodini tekshiring, matnni ravon o'qishni baholang, imlo hatolarsiz yozishini ham tekshiring.
Balki, hali kech emasdir. Bolani jamiyatga savodli qilib qo'shish kerakligini anglab yeting.
Hurmat bilan Pediatr Nur Olimovna

Ona sutidagi fermentlar bola uchun tayyor hazm manbai.
Assalomu alaykum qadrli obunachilar.
Chaqaloq tug'ilishi bilan uning hali hazm sistemasi yahshi takomil qilmagani bo'ladi.
Ona sutidagi tayyor fermentlar uni bola oson o'zlashtirishiga hizmati qiladi.
Bu fermentlarga lipaza, alfa amilaza va tripsin misol bo'ladi, ya'ni lipaza yog'ni, alfa amilaza uglevodni va tripsin oqsilni parchalaydi.
Afsuski, onadagi havfli omillar shu fermentlarning ona sutida kamayishiga va natijada bolaga oziq moddalar so'rilmasligiga sabab bo'lar ekan.
Bular: Onadagi kamqonlik, qalqonsimon bez muammolari, stress va antibiotiklarni homiladorlikda , tug'ruqdan so'ng ko'p qabul qilish ekan.
Onada ferment kamligi belgilari:
1. Ichi qo'yish yoki tez-tez o'tishni.
2. Oshqozon sohasida og'irlik, zarda qaynash, yog'li ovqatdan so'ng qayta qilish.
3. Semirish yoki ozishga moyillik.
Boladagi belgilar:
1. Tez-tez qayta qilish
2. Qorin dam bo'lishi yoki ahlatning suyuq bo'lishi.
3. Bola yetarli emsada vazni qo'shmasligi.
4. Bolada kamqonlik, raxit rivojlanishi.
Agar emizikli bolada vazni qo'shishga muammo bo'lsa, unda tez-tez diarreya bo'lsa, onaning fermentlarini tekshirib qo'yish foydadan holi bo'lmaydi.
Hurmat bilan Pediatr Nur Olimovna