platforma.uz
Ўзбекистон Республикаси Президентининг
"Барқарор иш ўринларини яратиш ва кичик бизнесни жадал ривожлантириш орқали аҳоли даромадларини ошириш чора-тадбирлари тўғрисида"
ги ПФ-193-сонли (11.09.2026й.) Фармони қабул қилинди.
☑️
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари раҳбарлигида барқарор иш ўринларини яратиш ва аҳоли даромадларини ошириш бўйича тегишлича
ҳудудий штаблар
, туман (шаҳар) ҳокимлари раҳбарлигида –
туман (шаҳар) штаблари
ташкил этилган.
☑️
Туман (шаҳар) штаби қарорига асосан Ижтимоий реестрга киритилган оилаларни кооперацияга жалб қилган лидер тадбиркорларга
5 млрд сўмгача
(жалб қилинган ҳар бир оила учун
50 млн сўм
ҳисобда) гаров таъминотисиз кредит ажратилишига рухсат берилади.
☑️
Оилавий тадбиркорликни ривожлантириш ва ёшлар тадбиркорлиги дастурларининг
имтиёзли кредит ресурсларини бошқариш ваколати туман (шаҳар) штабларига ўтказилади.
@platformauzb
Тиббиётимизнинг бугунги аҳволи
Поликлиникага чиқсанг, қўлингга умидвор боқиб туради. Фарм компаниялар билан яхши ҳамкорликни йўлга қўйиб олишган. Бутун халқни дорига "ўтирғизишди".
Афсуски, видеодаги ҳолат фақат битта кейс эмас...
Одамнинг соғлиғи тиббиётда ўнинчи даражага тушиб қолган.
Жавобгарликни, жиноий жавобгарликни кучайтиришни талаб қиламан. Бошқа давлатлар эплаган ишни наҳот бизникалар уддалай олмаса. Хоҳиш бўлса имкон топилади...
@platformauzb
Бу фабрика дақиқасига 100 км ип-калава ишлаб чиқармоқда
Пахтани шунчаки хомашё сифатида сотмасдан, тайёр маҳсулотга айлантириб, қиймат яратаётган тадбиркорларни кўриш – бутунлай бошқача ҳиссиёт беради. BRB кўмагида фаолият юритаётган Uzyarn House Textile корхонаси айнан шундай фаолият юритмоқда.
Бу ерда бир ойда қарийб 4 миллион километрдан ортиқ ип тайёрланади.
Корхонадаги ишчиларнинг меҳнати қадрланишини ва ўзи тайёрлаган маҳсулот билан фахрланишларини гапириб беришди.
Лавҳани кўриб ўзингиз баҳо беринг:
▶️
Тўлиқ видео
Реклама
@platformauzb
Бузоқнинг югургани қаергача экан-а?
Битта банк филиали раҳбари 50 млрд. сўмлик кредитнинг таъминотини ноқонуний йўл билан чиқарворган, ҳозир шунча кредит таъминотсиз қолган, тасаввур қиляпсизми? Давлат банки бу, давлатга етаётган зарар. Ўша раҳбар жиноятчи деб топилган, суд ҳукми ҳам чиққан унга. Лекин бемалол очиқда юрибди. 100-200 млн. сўмлик жиноят учун қанча одам қамалиб кетяпти. 50 млрд. сўм учун қамамаса ҳам бўлаверар экан. "45" қўлламаса ҳам бўлораркан бундайларга. Ўзи ишлаган ташкилотни 50 млрд.га тушириб, яна келиб ишлайвераркан.
Ҳақиқий жиноятчига муносиб жазо берилмас экан, у келгусида икки карра жиноят қилади. Энг ёмони, бошқалар ҳам ундан “ўрнак” олади.
Охирги пайтларда давлатти пулини очиқчасига ўғрилаётган ва ўйин қилаётларни кўриб шунақанги нафратим ошяптики!
Яқин қариндошинг прокурорми, ёки шунга ўхшаган одам бўлса зўрда-а? Кўрамиз, бузоқни югургани қаергача
экан
?
@platformauzb
Жамоат транспорти тарифи ўзгариши мумкин
Тошкентда автобус ва метро йўлкирасини 2 500 сўмгача белгилаш таклиф қилинмоқда.
2023 йил кузида амалдаги тариф жорий этилганидан бери транспорт тизимидаги харажатларга таъсир қилувчи бир қатор омиллар
ўзгарган
.
Электр энергияси 900 сўмдан 1 100 сўмга, метан гази 1 500 сўмдан 2 000 сўмга, заправкалардаги газ эса 1 800 сўмдан 2 750 сўмга ошган. Шу билан бирга, шаҳарда автобуслар сони 1 900 тага етди ва кунлик йўловчи оқими 2,5 миллионга яқинлашди.
Йўловчи тўлайдиган миқдор бундай харажатларнинг бир қисмини қоплайди. Қолган қисми давлат бюджети ҳисобидан субсидияланади.
Тарифларни ўзгартириш бўйича лойиҳа 19 сентябрга қадар очиқ муҳокамада бўлиши айтилмоқда. Фуқаролар ҳужжат билан танишиб, ўз таклиф ва мулоҳазаларини Норматив-ҳуқуқий ҳужжатлар лойиҳалари муҳокамаси портали орқали юборишлари мумкин.
Келиб тушган таклифлар якуний қарорни тайёрлаш жараёнида кўриб чиқилади. Муҳокама якунлангунига қадар тарифларни ўзгартириш бўйича қарор қабул қилинмайди.
@platformauzb
3 ёшга тўлмаган фарзанди борлар учун қисқартирилган иш вақти: қандай имтиёзлар бор?
Уч ёшга тўлмаган боласи бор ота-она (ёки васий) учун:
Бюджет ташкилотларида ҳафталик иш вақти
35 соатдан
ошмаслиги шарт.
Қолган ташкилотларда қисқартирилган иш вақти жамоа шартномаси ёки иш берувчининг ички ҳужжатларида келишилган ҳолда белгиланади.
Иш ҳақи эса тўлиқ иш кунида ишловчилар билан тенг миқдорда
тўланади.
Олиш тартиби:
Иш берувчига ариза ва боланинг туғилганлик гувоҳномаси тақдим этилади.
@platformauzb
Мурожаатлар жойида ўрганилиб, аниқ чоралар белгиланмоқда
Жорий йилнинг 11-сентябрь куни Сурхондарё вилояти Бойсун туманида тадбиркорлар мурожаатларини ўрганиш мақсадида “Ўзсаноатқурилишбанк” АТБ раҳбарияти иштирокида қабул ўтказилди.
Унда солиқ мажбуриятлари, молиялаштириш, қурилиш, фаолиятни қайта тиклаш ҳамда ер майдонидан фойдаланиш билан боғлиқ масалалар кўриб чиқилди. Ҳар бир мурожаат юзасидан тегишли масъуллар билан биргаликда аниқ чоралар белгиланди.
Шунингдек, “Авлод”, “Бошработ”, “Кофрун” ва “Бибиширин” маҳаллаларидаги лойиҳалар бевосита жойига чиқиб ўрганилди.
Реклама
@platformauzb
2026 йил 11 декабргача: — соат 23:00 дан 06:00 гача шовқин солиш тақиқланади. Иш ёки дам олиш куни бўлишидан қатъи назар. 2026 йил 11 декабрдан: — иш кунлари соат 23:00 дан 07:00 гача; — дам олиш ва байрам кунлари соат 22:00 дан 09:00 гача шовқин солиш…
Бухородан камбағаллар кўчириб юбориладими? @platformauzb
Пискент туманида аҳоли ва тадбиркорлар билан очиқ мулоқот ўтказилди
Тошкент вилоятининг Пискент туманида аҳоли ва тадбиркорлар билан очиқ мулоқот ташкил этилди. Унда ҳудудга бириктирилган республика масъуллари, туман мутасаддилари ҳамда “Микрокредитбанк” АТБ раҳбарияти вакиллари иштирок этди.
Мулоқотда тадбиркорларнинг мурожаат ва таклифлари тингланиб, уларни молиявий қўллаб-қувватлаш, янги лойиҳаларни амалга ошириш ҳамда мавжуд муаммоларни бартараф этиш масалалари муҳокама қилинди.
Шунингдек, банкнинг кредит йўналишлари ва тадбиркорлар учун яратилган имкониятлар ҳақида маълумот берилди. Билдирилган мурожаатлар юзасидан тегишли вазифалар белгиланди.
@platformauzb